ປັນຫາລາວມົ້ງ ໃນປະເທດໄທຍ

ໄທຍສົ່ງລາວເຜົ່າມົ້ງ 160 ຄົນ ໃຫ້ເຈົ້າໜ້າທີ່ລາວ

ໂດຍ ໄຊຊະນະ ທານາດາບຸຕຣ໌

ບົດຄວາມນີ້ເຜີຍແຜ່ເມື່ອວັນທີ 10/06/2007 ແກ້ໄຂໃຫມ່ຫລ້າສຸດເມື່ອວັນທີ 10/06/2007 à 15:53 TU

ເປັນທີ່ໜ້າສັງເກດວ່າການທີ່ທາງການໄທຍຕັດສິນໃຈມອບສົ່ງຊາວລາວເຜົ່າ
ມົ້ງໃຫ້ແກ່ຝ່າຍລາວໃນຄັ້ງນີ້ ມີຂື້ນຫລັງຈາກທີ່ ນາຍພົນວົງປາວ ຜູ້ນຳຂອງ
ຂບວນການຕໍ່ຕ້ານຣັຖບານລາວທີ່ສຳຄັນທີ່ສຸດໃນຕ່າງປະເທດ ໄດ້ຖືກເຈົ້າໜ້າ
ທີ່ອະເມຣິກັນຈັບກຸມໃນຂໍ້ຫາວາງແຜນໂຄ່ນລົ້ມຣັຖບານລາວໂດຍການນຳໃຊ້ກຳ
ລັງອາວຸດ

ພິທີມອບສົ່ງຈັດຂຶ້ນທີ່ຂົວມິຕພາບ ຊາຍແດນລາວ-ໄທຍ ລະຫວ່າງໜອງຄາຍແລະວຽງຈັນ
ຕາມຂໍ້ຕົກລົງລະຫວ່າງຝ່າຍຄວາມໝັ້ນຄົງຂອງລາວແລະໄທຍໃນການທີ່ຈະແກ້ໄຂປັນຫາ
ຊາວລາວເຜົ່າມົ້ງທີ່ສູນບ້ານຫ້ວຍນ້ຳຂາວ ອຳເພີເຂົາຄໍ້ ຈັງຫວັດເພັຊບູນ ພາກເໜືອຂອງປ
ະເທດໄທຍ

ທາງການລາວແລະໄທຍຖືວ່າຊາວລາວເຜົ່າມົ້ງເຫລົ່ານີ້ ເປັນຜູ້ມີຄວາມຜິດຖານເຂົ້າ
ເມືອງຜິດກົດໝາຍ ແລະບາງສ່ວນກໍເປັນເຫຍື່ອຂອງຂບວນການຄ້າແຮງງານຂ້າມຊາດທີ່
ຖືກຕົວະຍົວະໃຫ້ເດີນທາງເຂົ້າມາໃນປະເທດໄທຍໂດຍຫວັງວ່າຈະມີໂອກາດເດີນທາງໄປ
ຕັ້ງຖິ່ນຖານໃໝ່ໃນສະຫະຣັດອະເມຣິກາຄືກັນກັບຊາວມົ້ງ 15 ພັນຄົນ ທີ່ເຄີຍພັກອາໃສທີ່
ວັດຖ້ຳກະບອກ ຈັງຫວັດສຣະບຸຣີ ພາກກາງຂອງປະເທດໄທຍ

ຢ່າງໃດກໍຕາມ ບັນດາຊາວລາວເຜົ່າມົ້ງເຫລົ່ານີ້ກໍໄດ້ໃຫ້ການຢືນຢັນມາໂດຍຕລອດວ່າ
ພວກຕົນບໍ່ໄດ້ເປັນເຫຍື່ອຂອງຂບວນການແຮງງານຂ້າມຊາດແຕ່ຢ່າງໃດ ຫາກແຕ່ຖືກ
ທາງການລາວປິດລ້ອມປາບປາມມາຕລອດ ຈຶ່ງຕ້ອງພາກັນອົພຍົບມາໄທຍ ທາງການ
ລາວໄດ້ໃຫ້ການປະຕິເສດຢ່າງສິ້ນເຊິງຕໍ່ຂໍ້ກ່າວຫານີ້

ທ່ານຢົງ ຈັນທະລັງສີ ໂຄສົກກະຊວງການຕ່າງປະເທດລາວ ໄດ້ກ່າວຕໍ່ຜູ້ສື່ຂ່າວວ່າການ
ມອບສົ່ງຊາວລາວເຜົ່າມົ້ງ 160 ໃຫ້ແກ່ຝ່າຍລາວໂດຍເຈົ້າໜ້າທີ່ໄທຍຄັ້ງນີ້ໄດ້ດຳເນີນ
ໄປຢ່າງດີ ໂດຍບໍ່ມີການຂັດຂືນແຕ່ປະການໃດ ແຕ່ທາງຝ່າຍ Fact Finding
Commission (FFC) ກໍໄດ້ຢືນຢັນເຊັ່ນດຽວກັນວ່າ ຊາວລາວເຜົ່າມົ້ງ 160 ໄດ້ທຳ
ການຂັດຂືນ ບໍ່ຢາກໃຫ້ເຈົ້າໜ້າທີ່ໄທຍນຳມອບສົ່ງໃຫ້ແກ່ທາງການລາວ

Fact Finding Commission (FFC) ເປັນອົງການຈັດຕັ້ງຕໍ່ຕ້ານຣັຖບານລາວ ມີສຳ
ນັກງານທີ່ສະຫະຣັດອະເມຣິກາ ແລະເປັນອົງການທີ່ໃກ້ຊິດກັບນາຍພົນວັງປາວ