ຝຣັ່ງເສດ: ຊາຣ໌ໂກຊີຖແລງ ກ່ຽວກັບແຜນປະຕິຮູບ ວົງການຣັຖກອນ

ມີແຜນນຳປະຕິບັດເພື່ອລົດລາຍຈ່າຍຂອງຣັດ

ໂດຍ ໄຊຊະນະ ທານາດາບຸຕຣ໌

ບົດຄວາມນີ້ເຜີຍແຜ່ເມື່ອວັນທີ 19/09/2007 ແກ້ໄຂໃຫມ່ຫລ້າສຸດເມື່ອວັນທີ 19/09/2007 14:09 TU

ປະທານາທິບໍດີ ນິໂກລາສ໌ ຊາຣ໌ໂກຊີຖແລງ ກ່ຽວກັບການປະຕິຮູບທາງດ້ານສວັດດີການ ສັງຄົມ (ພາບ: Reuters)

ທ່ານປະທານາທິບໍດີ ນິໂກລາສ໌ ຊາຣ໌ໂກ ຊີ ກຳໜົດຖແລງການໃນມື້ນີ້ (ພຸດ 19 ກັນຍາ) ກ່ຽວກັບການປະຕິຮູບລະບົບຣັຖ ການທີ່ຣັຖບານມີແຜນນຳປະຕິບັດເພື່ອ ເປັນການລົດລາຍຈ່າຍຂອງຣັດ ການ ຖແລງຂອງທ່ານມີຂື້ນທີ່ສຖາບັນການປົກ ຄອງທ້ອງຖິ່ນ (Institut régional d'administration) ທີ່ເມືອງ Nantes ໃນພາກຕະວັນຕົກຂອງປະເທດ

ທ່ານປະທານາທິບໍດີ ນິໂກລາສ໌ ຊາຣ໌ໂກຊີ ກຳໜົດຖແລງການໃນມື້ນີ້ (ພຸດ 19 ກັນຍາ)
ກ່ຽວກັບການປະຕິຮູບລະບົບຣັຖການທີ່ຣັຖບານມີແຜນນຳປະຕິບັດ ເພື່ອເປັນການລົດ
ລາຍຈ່າຍຂອງຣັດ

ການຖແລງມີຂື້ນທີ່ສຖາບັນການປົກຄອງທ້ອງຖິ່ນ (Institut régional d'adminis-
tration) ທີ່ເມືອງ Nantes ໃນພາກຕະວັນຕົກຂອງປະເທດ

ເມື່ອວານນີ້ ທ່ານກໍໄດ້ກ່າວຖແລງມາກ່ອນແລ້ວທີ່ສພາສູງກ່ຽວກັບການປະຕິຮູບລະ
ບົບບຳນານພິເສດ ໃຫ້ກາຍໄປເປັນລະບົບບຳນານທັມມະດາ ຫລືໃກ້ຄຽງກັບລະບົບທັມ
ມະດາ ຕລອດຈົນຮອດການເບີ່ງຄືນໃໝ່ລະບົບເຮັດວຽກ 35 ຊົ່ມໂມງຕໍ່ສັປດາ

ໃນການກ່າວຖແລງເມື່ອວານນີ້ ທ່ານປະທານາທິບໍດີກໍໄດ້ໃຫ້ສັນຍາວ່າການປະຕິຮູບ
ຈະດຳເນີນໄປໂດຍມີການປຶກສາຫາລືກັບບັນດາອົງການຈັດຕັ້ງກັມມະບານ ອັນເປັນ
ການແກ້ຕໍ່ຂໍ້ກ່າວຫາຂອງຝ່າຍກັມມະ ບານທີ່ວ່າຣັຖບານມີແຜນປະຕິຮູບຢ່າງລຳພັງ
ໂດຍຈະບໍ່ຖາມຄວາມເຫັນຂອງຝ່າຍກັມມະບານ

ໃນການຫາສຽງກ່ອນທີ່ຈະໄດ້ຮັບການເລືອກຕັ້ງເມື່ອເດືອນພຶສພາທີ່ຜ່ານມາ ທ່ານ
ປະທານາທິບໍດີຊາຣ໌ ໂກຊີໄດ້ໃຫ້ຄຳໝັ້ນສັນຍາວ່າ ຖ້າທ່ານໄດ້ຮັບການເລືອກຕັ້ງ ທ່ານ
ຈະດຳເນີນການລົດຈຳນວນຣັຖກອນລົງ ຄືໃຫ້ມີຈຳນວນນ້ອຍແຕ່ໃຫ້ມີປະສິດທິພາບ
ແລະມີເງິນເດືອນດີ

ຢ່າງໃດກໍຕາມ ເຖິງທ່ານປະທານາທິບໍດີໃຫ້ຄຳໝັ້ນສັນຍາມື້ວານນີ້ວ່າການປະຕິຮູບ
ຕ້ອງມີການເຈຣະຈາກັບບັນດາອົງການຈັດຕັ້ງກັມມະບານກໍຕາມ ແຕ່ກໍບໍ່ໄດ້ເຮັດໃຫ້
ຝ່າຍນີ້ພໍໃຈແຕ່ປະການໃດເລີຍ ກັມມະບານຍັງຈັບຕາເບີ່ງຢ່າງໃກ້ຊິດຕໍ່ໄປວ່າທ່ານ
ປະທານາທິບໍດີຈະສເນີແຜນປະຕິຮູບລະອຽດແນວໃດ

ບັນດາກັມມະບານກ່າວຫາວ່າໃນຣະຍະ 5 ປີທີ່ຜ່ານມາບັນດາຣັຖກອນສູນເສັຽອຳ
ນາດຊື້ໄປເຖິງ 10%.....ໃນປີ 2007 ນີ້ ບໍ່ມີການເຈຣະຈາກ່ຽວກັບການຂື້ນເງິນເດືອນ
ແຕ່ປະການໃດເລີ

ນອກຈາກນີ້ອີກ ເມື່ອເດືອນກໍຣະກົດທີ່ຜ່ານມາຣັຖບານຍັງໄດ້ສ້າງຄວາມຕົກຕະລຶງ
ໃຫ້ແກ່ບັນດາອົງການຈັດຕັ້ງກັມມະບານ ດ້ວຍການປະກາດວ່າບັນດາຣັຖກອນ
22 700 ຄົນ ຫລື 1/3 ຂອງຈຳນວນອອກກິນ ເບັ້ຽບຳນານທັງໝົດໃນປີ 2008 ຈະບໍ່
ມີການຮັບບຸຄລາກອນໃໝ່ເຂົ້າມາທົດແທນ