ສປ ຈີນ - ຕິເບດ

ສປ ຈີນ ວ່າຜູ່ຕ່າງໜ້າພິເສດ ອົງດາໄລ ລາມະ ມີເຈຕະນາ ກໍ່ຄວາມວຸ້ນວາຍ

ໂດຍ ບັນດານ ສີສຸນທອນ B. Sisounthone

ບົດຄວາມນີ້ເຜີຍແຜ່ເມື່ອວັນທີ 04/04/2008 ແກ້ໄຂໃຫມ່ຫລ້າສຸດເມື່ອວັນທີ 04/04/2008 13:08 TU

ພິທີຮັບ ໂຄມໄຟ ໂອ່ແລ່ມປິກ ທີ່ປັກກິງ
Reuters

ທັງນີ້ ແມ່ນຫລັງຈາກ ຜູ່ຕາງໜ້າ ພິເສດ ອົງດາໄລ ລາມະ ໄດ້ຖະ ແລງ ຢູ່ລັຖະສະພາອາເມ ຣິກັນ ໂດຍຄາດວ່າ ການຈະນຳໂຄມໄຟ ໂອ່ແລ່ມປິກ ໄປໃນເຂດຕິເບດນັ້ນ ແມ່ນເປັນວິທີການ ຍຸຍົງທ້າທາຍ ແລະ ໝິ່ນປະມາດ

 

ໂຄມໄຟ ໂອ່ແລ່ມປິກ
afp

ສປ ຈີນ ຄາດວ່າ ການຮຽກຮ້ອງຂອງຜູ່ຕ່າງໜ້າພິເສດ ຂອງອົງດາໄລ ລາມະ ໃຫ້ເລີກລົ້ມ ການນຳໂຄມໄຟ ໂອ່ແລ່ມປິກ ທີ່ມີໝາຍກຳນົດຈະ ນຳຜ່ານໄປໃນເຂດ ຕິເບດນັ້ນ ແມ່ນຊີ້ສະແດງໃຫ້ເຫັນເຖີງເຈຕະນາ ກໍ່ຄວາມວຸ້ນວາຍ ໃນງານແຂ່ງຂັນກິລາ ໂອ່ແລ່ມປິກ ໂດຍໃຫ້ຄວາມ ເຫັນ ວ່າ ໄຟໂອ່ແລ່ມປິກນີ້ ເປັນສັນຍາລັກ ອັນສູງສົ່ງ ສະແດງເຖີງ ນ້ຳໃຈກິລາ, ມິຕະພາບ ແລະ ວັທະນາຖາວອນ.

 

ທັງນີ້ ແມ່ນຫລັງຈາກ ຜູ່ຕາງໜ້າພິເສດ ອົງດາໄລ ລາມະ ໄດ້ຖະແລງ ຢູ່ລັຖະສະພາອາເມຣິກັນ ໂດຍຄາດວ່າ ການຈະນຳໂຄມໄພ ໂອ່ແລ່ມ ປິກ ໄປໃນເຂດຕິເບດ ນັ້ນ ແມ່ນເປັນວິທີການ ຍຸຍົງ ທ້າທາຍ ແລະ ໝິ່ນປະມາດ.

 

ສ່ວນກຸ່ມປະທ້ວງຕິເບດຢູ່ທົ່ວໂລກນັ້ນ, ກໍເຄີຍໄດ້ທັກທວງ ໃຫ້ເລີກລົ້ມ ໂຄງການນີ້ ເຊັ່ນດຽວ ໂດຍຄາດວ່າ ອາດຊ່ຽງຕໍ່ການເກີດ ຈາຣະຈົນ ຄັ້ງໃໝ່.

 

ອີງຕາມໂຄງການນັ້ນ, ໂຄມໄຟ ໂອ່ແລ່ມປິກ ຈະຖືກນຳ ເຂົ້າເຂດ ຕິເບກ ຄັ້ງທີ 1 ແມ່ນຜ່ານ ແຖວພູ ຫິມະລັຍ ໃນເດືອນ ພຶສພາ, ສ່ວນຄັ້ງ ທີ 2 ນັ້ນ ຈະກັບຄືນມາ ເຂດ ຕິເບດ ອີກຄັ້ງນຶ່ງ ໃນເດືອນ ມິຖຸນາ ໂດຍຈະຜ່ານ ນະຄອນ ລັດສ່າ.

 

ແຕ່ທາງການຈີນໄດ້ ຕຽມ ມາຕະການ ຄວບຄຸມ ຄວາມປອດພັຍ ຢ່າງຂະນານໃຫຍ່ ໃວ້ແລ້ວ.

 

ອີກດ້ານນຶ່ງທ ຈີນໄດ້ກົດດັນ ອິນເດັຍ ແລະ ເນປານ ໃຫ້ເອົາ ມາຕະ ການ ຢ່າງເຂັ້ມງວດ ຕໍ່ຊາວ ຕິເບດ ພັດຖິ່ນ ໂດຍຄາດວ່າການປະທ້ວງ ອາຈະເກີດຂື້ນ ຕອນໂຄມໄຟ ທີ່ຈະຜ່ານໄປ ໃນອິນເດັຍ ໃນວັນທີ 17 ເມສາ ໜ້ານີ້.