ອິນເດັຽ / ເອີຣົບ

ປະຊຸມສຸດຍອດ ດ້ານການຄ້າ ແລະ ເຣື້ອງວິກິດການໂລກ

ໂດຍ ບັນດານ ສີສຸນທອນ B. Sisounthone

ບົດຄວາມນີ້ເຜີຍແຜ່ເມື່ອວັນທີ 28/09/2008 ແກ້ໄຂໃຫມ່ຫລ້າສຸດເມື່ອວັນທີ 28/09/2008 12:49 TU

ທ່ານ ຈ.ວ. ບຸສ ຕ້ອນຮັບ ທ່ານ ມັ່ນໂມຮັ່ນ ຊິ່ງ ກ່ອນຈະມາຢ້ຽມຢາມ ຝຣັ່ງມື້ອື່ນ
Afp

ນັບວ່າເປັນກອງປະຊຸມສຸດຍອດ ຄັ້ງທີ 9, ຊຶ່ງຈະຈັດຂື້ນ ທີ່ເມືອງ ມາກໄຊ່ຢ໌, ໂດຍຈະມີ ທ່ານ ມັ່ນໂມຮັ່ນ ຊິ່ງ ນາຍົກລັຖມົນຕຣີ ອິນເດັຽ, ປະທານາທິບໍດີຝຣັ່ງ ທ່ານ ສ໊າກໂກຊີ່ ແລະ ທ່ານ ບາໂຣໂຊ່ ປະທານກັມມາທິການ ເອີຣົບ.

ມື້ອື່ນນີ້, ສຫພ ເອີຣົບ ແລະ ອິນເດັຽ ຈະເຈຣະຈາ ຫາຂໍ້ຕົກລົງ ວ່າ ດ້ວຍ ການແລກປ່ຽນເສຣີ ແລະ ຈະສົນທະນາ ບັນຫາ ອຸ່ນຫະພູມ ອົບເອົ້າ, ວິກິດການ ການເງີນ ແລະ ສະບຽງອາຫານ ແລະ ເຣື້ອງກໍ່ ການຮ້າຍ.

 

ນັບວ່າ ເປັນກອງປະຊຸມ ສຸດຍອດ ຄັ້ງທີ 9, ຊຶ່ງຈະຈັດຂື້ນ ທີ່ເມືອງ ມາກໄຊ່ຢ໌, ໂດຍຈະມີ ທ່ານ ມັ່ນໂມຮັ່ນ ຊິ່ງ ນາຍົກລັຖມົນຕຣີ ອິນເດັຽ, ປະທານາທິບໍດີຝຣັ່ງ ທ່ານ ສ໊າກໂກຊີ່ ແລະ ທ່ານ ບາໂຣໂຊ່ ປະທານ ກັມມາທິການ ເອີຣົບ.

 

 ສຫພ ເອີຣົບ ແລະ ອິນເດັຽ ມີຄຸນຄ່າຄືກັນນັ້ນ ແມ່ນ ນັບຖືລະບອບ ປະຊາທິປະຕັຍ ແລະ ໃຫ້ມີພັກການເມືອງຫລາຍພັກ. ທ່ານ ມັ່ນໂມຮັ່ນ ຊິ່ງ ໄດ້ອອກຈາກ ອິນເດັຽ ແຕ່ວັນທີ 22/09 ເພື່ອໄປຢ້ຽມຢາມ ນະ ຄອນ ນີວຢອກ ແລະ ກຸງວໍຊິງຕັນ ນຶ່ງອາທິດກ່ອນ ຈະມາປະເທດຝຣັ່ງ, ທີ່ເມືອງ ມາກໄຊຢ໌ ແລະ ປາຣີ ໃນວັນທີ 29 ແລະ 30 ກັນຍາ.

 

ເອີຣົບ ເປັນຄູ່ຮ່ວມການຄ້າ ນ້ຳເບີ ນຶ່ງ, ກ່ອນໜ້າ ສປ ຈີນ ອີກ, ດ້ວຍການແລກປ່ຽນ ສິນຄ້າ ແລະ ການບໍຣິການ ໃນວົງເງີນ 60 ພັນລ້ານ ເອີໂຣ ໃນປີກາຍນີ້. ເຖີງນຳໜ້າ ຈີນ, ແຕ່ ອິນເດັຽ ນັ້ນ ຍັງເປັນ ຄູ່ການຄ້າກັບເອີຣົບນັ້ນ ຢູ່ລະດັບທີ 9 ພຸ້ນ ຫລັງຈາກ ເກົາຫຼີໃຕ້ ອີກຊ້ຳ.

 

ເຖີງແມ່ນ ມີການເຈຣະຈາກັນ ກໍດີ ແຕ່ຍັງຈະບໍ່ທັນມີການເຊັນສັນຍາ ຫຍັງເທື່ອ ໃນປີ 2009 ໜ້ານີ້, ເພາະທັງສອງຝ່າຍ ຍັງບໍ່ທັນພຽບພ້ອມ ເທື່ອ ແລະຍັງຈະຕ້ອງ ສຶກສາໃຫ້ຖີ່ຖ້ວນ ເສັຽກ່ອນ, ແລະອີກປະການ ນຶ່ງ, ອິນເດັຽ ຍັງຈະຕ້ອງຂ້ອງຄາ ນຳການຈັດສັນ ການເລືອກຕັ້ງສະພາ ນິຕິບັນຍັດ ກ່ອນໜ້າ ເດືອນ ພຶສພາ 2009.

 

ສຫພ ເອີຣົບ ເລືອກ ອິນເດັຽ ເປັນຄູ່ຮ່ວມຍຸທະສາດ ໃນ ປີ 2004, ປີຕໍ່ມາ ທັງສອງຝ່າຍ ກໍໄດ້ຕົກລົງ ຂື້ນແຜນປະຕິບັດງານ ໂດຍຢູ່ໃນຂອບ ຂອງການສົນທະນາ ດ້ານການເມືອງ ແລະ ການຮ່ວມມື. ຄາດວ່າການ ພົບພໍ້ກັບຄັ້ງນີ້, ຄົງບັນລຸເຖີງການແກ້ໄຂບັນຫາ ພະລັງງານ, ອຸ່ນຫະພູມ ອົບເອົ້າ ແລະ ເຣື້ອງຄວາມປອດພັຍ.

 

ສ່ວນເຣື້ງ ອຸ່ນຫະພູມ ອົບເອົ້ານັ້ນ, ເອີຣົບ ຖືວ່າ ອິນເດັຍ ເປັນປະເທດ ທີ 3 ຂອງໂລກ ຫລັງຈາກ ອາເມຣິກາ ແລະ ຈີນ, ທີ່ສ້າງຄວາມເປື້ອນ ເປີ້ະ ຫລາຍກວ່າໝູ່ໃນໂລກ.

 

ກ່ອນຈະມາເຖີງປະເທດ ຝຣັ່ງນີ້, ທ່ານ ມັ່ນໂມຮັ່ນ ຊິ່ງ ປາຖນາ ຈະ ສົນທະນາ ການເສີມສ້າງ ການຮ່ວມມື ຕ້ານການກໍ່ການຮ້າຍ ໃຫ້ແໜ້ນ ແກ່ນຂື້ນກວ່າເກົ່າ. ອີນເດັຍ ເປັນເປົ້າຂອງກຸ່ມກໍ່ການຮ້າຍ ອິສລາມ ຢູ່ເນື່ອງນິດ, ພາຍໃນ 2-3 ເດືອນຜ່ານມານີ້, ມີຜູ່ເສັຍຊີວິດ 150 ຄົນແລ້ວ.

 

ການສົນທະນາ ຍັງຈະເໜັ້ນໜັກ ໃສ່ເຣື້ອງ ວິກິດການ ການເງີນ ໃນ ໂລກຕື່ມອີກ, ຊຶ່ງມາເຖີງປັດຈຸບັນ ນີ້, ອິນເດັຽ ຍັງບໍ່ທັນຖືກແຕະຕ້ອງ ຈາກລະບົບການທຶນ ທີ່ມີບັນຫາ ໃນ ສຫລ ອາເມຣິກາ ນັ້ນເທື່ອ.

ນອກນັ້ນ ບັນຫາ ສະບຽງອາຫານແພງ ຫຼືວ່າ ຄ່າຄອງຊີບຖີບຕົວສູງຂື້ນ ກໍຈຳຍິບຍົກຂື້ມາສົນທະນາ.

 

ສິ່ງທີ່ ອິນເດັຽ ຈະບໍ່ພາດ ໃນໂອກາດ ພົບປະສົນທະນາກັນນີ້, ແມ່ນ ເຣື້ອງ ຂໍເຂົ້າເປັນ ສະມາຊິກຂອງ ສະພາຄວາມໝັ້ນຄົງ ສຫປ ຊາຊາດ ແລະ ເຣື້ອງການ ຂະຍາຍກວ້າງຂອງ ກຸ່ມ 8 ປະເທດ ມະຫາອຳນາດ. ເຖີງແມ່ນວ່າ ຝຣັ່ງ ອູ້ມຊູ ອິນເດັຽ ໃນເຣື້ອງນີ້, ແຕ່ ໃນພາຄີ ເອີຣົບ ນັ້ນຍັງບໍ່ທັນ ມີທ່າທີ ດຽວກັນເທື່ອ.

 

ອິນເດັຍ ເປັນປະເທດ ທີ່ມີຕລາດໃຫຍ່, ມີພົລະເມືອງ 1,1 ພັນລ້ານຄົນ ແລະ ເສຖກິດ ກໍ ກຳລັງ ພຸ່ງພົ້ນຂື້ນສູງຢູ່ ລະດັບ ທີ 10 ຂອງໂລກ ແລະປາຖນາ ຢາກຮ່ວມືກັບຝຣັ່ງ ທາງດ້ານການຄ້າ, ດ້ານປ້ອງກັນ ຄວາມປອດພັຍ, ດ້ານອາວະກາດ ແລະ ດ້ານພະລັງງານ ນີວຄະເລັຽ.

 

ອິນເດັຽ ຄາດວ່າ ຈະເພີ້ມການແລກປ່ຽນການຄ້າກັບຝຣັ່ງ ຂື້ນເຖີງສອງ ເທົ້າຕົວ ຄືຢ່າງນ້ອຍ 12 ພັນລ້ານເອີໂຣ ແຕ່ນີ້ ຫາ ປີ 2012. ແຕ່ປັດຈຸບັນ, ຝຣັ່ງ ຖືກຈັດເປັນຄູ່ຮ່ວມການຄ້າກັບຈີນ ລະດັບທີ 15 ຂອງໂລກ.