ສຫະພາບເອີຣົບ

ຊໂລເວນີຮັບຊ່ວງ ເປັນປະທານສຫະ ພາບ

ໂດຍ ໄຊຊະນະ ທານາດາບຸຕຣ໌

ບົດຄວາມນີ້ເຜີຍແຜ່ເມື່ອວັນທີ 01/01/2008 ແກ້ໄຂໃຫມ່ຫລ້າສຸດເມື່ອວັນທີ 01/01/2008 15:36 TU

ຣັຖມົນຕຣີຕ່າງປະເທດຊໂລເວນີ ທ່ານດິມິຕຣິດ ຣູເປລ (Dimitrij Rupel) (ຂວາ) ຮັບມອບທຸງ ສຫະພາບເອີຣົບຈາກຄູ່ກຳແໜ່ງປ໊ອກຕຸຍກາລ ທ່ານລຸຍສ໌ ອາມາໂດ (Luis Amado) ເປັນການ ຮັບຊ່ວງການເປັນປະທານວຽນສຫະພາບສຳລັບ 6 ເດືອນທຳອິດຂອງປີ 2008 (ພາບ: Reuters)

ປະເທດຊໂລເວນີ ສມາຊິກສຫະພາບເອີຣົບປະເທດນ້ອຍໆປະເທດໜຶ່ງ ມີ ພົລເມືອງພຽງແຕ່ 2 ລ້ານຄົນ ຮັບຊ່ວງເປັນປະທານວຽນຂອງສຫະພາບຕັ້ງ ແຕ່ມື້ນີ້ (1 ມັງກອນ 2008) ເປັນຕົ້ນໄປ ມີກຳໜົດ 6 ເດືອນ ເປັນການ ຮັບຊ່ວງຕໍ່ຈາກປະເທດປ໊ອກຕຸຍກາລ ໂດຍມີປັນຫາໂຄໂຊໂວ ແລະການໃຫ້ ສັຕຍາບັນຕໍ່ສົນທິສັນຍາລິສບອນ ເປັນວຽກງານສຳຄັນໃນການດຳເນີນການ

ນອກຈາກການຮັບຊ່ວງເປັນປະທານວຽນຂອງສຫະພາບເອີຣົບຂອງປະເທດຊໂລເວນີ ທີ່
ເຂົ້າເປັນສມາຊິກສຫະພາບເອີຣົບເມື່ອປີ 2004 ແລ້ວ ອີກສອງປະເທດນ້ອຍໆສມາຊິກ
ສຫະພາບເອຣົບ ຄືເກາະ Chypre ແລະ Malte ທີ່ຢູ່ໃນທະເລເມດິແຕຣ໌ຣານເນ ກໍເຂົ້າ
ຮ່ວມໃນເຂດໃຊ້ເງິນສກຸນດຽວເອີໂຣຕັ້ງແຕ່ມື້ນີ້ເປັນຕົ້ນໄປເຊັ່ນດຽວກັນ

ທຳໃຫ້ສມາຊິກສຫະ ພາບເອີຣົບທີ່ໃຊ້ເງິນເອີໂຣຮ່ວມກັນເພີ້ມເປັນຈຳນວນ 15 ປະເທດ
ແລະບາງທີປະເທດຊໂລວາກີ ກໍຈະເຂົ້າຮ່ວມເປັນປະເທດທີ 16 ໃນອີກໜຶ່ງປີຂ້າງໜ້າ
ປັດຈຸບັນປະເທດນີ້ກຳລັງມີການກະກຽມຢ່າງເອົາຈິງເອົາຈັງ ໂດຍສະເພາະກໍແມ່ນການ
ລົດຜ່ອນການຂາດດຸນງົບປະມານແລະຄວບຄຸມອັຕຣາເງິນເຟີ້