ກອງປະຊຸມສຸດຍອດ ອາຊຽນຄັ້ງທີ່ 13 ທີ່ສິງຄໂປ

ຜູ້ນຳ 10 ປະເທດ ສມາຊິກ ລົງນາມ ຮັບຮອງຮ່າງກົດບັດ

ໂດຍ ໄຊຊະນະ ທານາດາບຸຕຣ໌

ບົດຄວາມນີ້ເຜີຍແຜ່ເມື່ອວັນທີ 20/11/2007 ແກ້ໄຂໃຫມ່ຫລ້າສຸດເມື່ອວັນທີ 20/11/2007 13:47 TU

ບັນດາຜູ້ນຳກຸ່ມປະເທດອາຊຽນຈາກ 10 ປະເທດສມາຊິກ ຖ່າຍຮູບເປັນທີ່ລະລຶກຫລັງເສັດສິ້ນພິທີ ການລົງນາມໃນຮ່າງກົດບັດ ເນື່ອງໃນໂອກາດກອງປະຊຸມສຸດຍອດຄັ້ງທີ່ 13 ທີ່ປະເທດສິງຄະໂປ (ພາບ: Reuters)

ບັນດາຄນະຜູ້ນຳຂອງກຸ່ມອາຊຽນ 10 ປະເທດ ໄດ້ລົງນາມກັນໃນມື້ນີ້ (ອັງຄານ
20 ພະຈິກ) ເນື່ອໃນໂອກາດກອງປະຊຸມສຸດຍອດຄັ້ງທີ່ 13 ທີ່ປະເທດສິງຄະໂປ
ຮັບຮອງເອົາຮ່າງກົດບັດຂອງກຸ່ມອັນຈະເປັນການເຮັດໃຫ້ອາຊຽນກາຍເປັນອົງ
ການຈັດຕັ້ງຮວມກຸ່ມທີ່ມີກົດໝາຍບັງຄັບໃຊ້ ເຊີນທ່ານຄລິກລຸ່ມນີ້ເພື່ອຮັບຟັງ
ການລາຍງານຈາກພື້ນທີ່ໂດຍ ສຸພະລັກ ການຈະນະຂຸນດີ

ກົດບັດອາຊຽນ ຈະເຂົ້າສູ່ເຂດມີຜົນບັງຄັບໃຊ້ໃນຍາມໃດ?

ສ່ວນທີ່ວ່າກົດບັດອາຊຽນຈະເຂົ້າສູ່ເຂດມີຜົນບັງຄັບໃຊ້ໃນຍາມໃດ ແລະຜົນບັງຄັບໃຊ້ຈະ
ຄອບຄຸມກວ້າງໄກຂນາດໃດນັ້ນ ຂໍເຊີນທ່ານຄລິກລຸ່ມນີ້ເພື່ອຮັບຟັງການໃຫ້ຂໍ້ມູນມາຈາກ
ສິງຄະໂປ ໂດຍ ສຸພະລັກ ການຈະນະຂຸນດີ

 

ອິບາຮິມ ກັມບາຣີ ເສັຽໃຈ
ອີກປະການໜຶ່ງ ທ່ານອິບຣາຮິມ ກັມບາຣີ ທູດພິເສດຂອງອົງການສຫະປະຊາດເພື່ອການ
ໄກ່ເກັ່ຽປັນຫາກໍຣະນີພິພາດທາງດ້ານການເມືອງໃນປະເທດພະມ້າ ກໍໄດ້ກ່າວສແດງ
ຄວາມເສັຽໃຈທີ່ບັນດາຜູ້ນຳຂອງອາຊຽນໄດ້ຕັດສິນໃຈເມື່ອວານນີ້ຍົກເລີກການມາລາຍ
ງານສລຸບກ່ຽວກັບພາຣະກິດການໄກ່ເກັ່ຽຂອງທ່ານທີ່ປະເທດພະມ້າ ຊຶ່ງຕາມກຳໜົດເດີມ
ນັ້ນທ່ານກັມບາຣີຈະຕ້ອງມາລາຍງານສລຸບຕໍ່ໜ້າກອງປະຊຸມສຸດຍອດໃນມື້ອື່ນ (ພຸດ 21
ພິຈິກ)

ການຕັດສິນໃຈຍົກເລີກການມາລາຍງານສລຸບຂອງຜູ້ຕາງໜ້າພິເສດຂອງສຫະປະຊາ
ຊາດແມ່ນເນື່ອງ ມາຈາກການສແດງການຄັດຄ້ານຂອງຄນະຜູ້ແທນຈາກປະເທດພະມ້າ
ເອງ