ຄວາມວຸ້ນວາຍໃນທິເບດ: ລາວ ສນັບສນຸນ ທຸກມາຕຣາການ ຂອງ ສປ ຈີນ

ຂ່າວສານຈີນ ຫູ ໜວກກິນຟານ ການ ປະທ້ວງຂອງ RSF

ໂດຍ ໄຊຊະນະ ທານາດາບຸຕຣ໌

ບົດຄວາມນີ້ເຜີຍແຜ່ເມື່ອວັນທີ 25/03/2008 ແກ້ໄຂໃຫມ່ຫລ້າສຸດເມື່ອວັນທີ 25/03/2008 15:36 TU

ພະສົງກຳລັງຖ່າຍພາບທີ່ສນາມທຽນອັນເໝິນ ໃນກຸງປັກກິ່ງເມື່ອວັນທີ 25 ມີນາ 2008 ໃນຖ້າມກາງບັນຍາກາດທີ່ ສປ ຈີນ ກຳລັງກະກຽມຮວບຮວມທຸກກຳລັງເພື່ອສແດງການ ສນັບສນຸນການເປັນເຈົ້າພາບໂອແລມປິກຣະດູຮ້ອນໃນເດືອນສິງຫາໜ້າ (ພາບ: Reuters)

ຫລັງຈາກທີ່ເກີດເຫດການສະມາຊິກຂອງອົງການນັກຂ່າວບໍ່ມີພົມແດນ "RSF" "Reporters sans Frontières" ໄດ້ທຳການປະທ້ວງໃນພິທີຈູດທວນໄຟ ໂອແລມປິກທີ່ພູ Olympie ປະເທດ Grèce ເມື່ອວານນີ້ແລ້ວ ຕົກມາເຖິງມື້ນີ້ (ອັງຄານ 25 ມີນາ) ເກືອບບໍ່ມີບັນດາຂ່າວສານຂອງ ສປ ຈີນ ສຳນັກໃດເລີຍ ກ່າວເຖິງເຫດການທີ່ເກີດຂື້ນ ແຕ່ໄດ້ພາກັນໂຫມຂ່າວຂນານໃຫຍ່ວ່າພິທີທີ່ຈັດ ຂື້ນເມື່ອວານນີ້ໄດ້ປະສົບຜົນສຳເຣັດຢ່າງງົດງາມ

ນອກຈາກລາຍວັນພາສາອັງກິດ Global Times ເທົ່ານັ້ນທີ່ສເນີຂ່າວບໍ່ພໍເທົ່າໃດແຖວ
ກ່ຽວການປະທ້ວງຂອງສມາຊິກອົງການນັກຂ່າວບໍ່ມີພົມແດນເມື່ອວານນີ້

ໃນຂນະທີ່ທ່ານ Qin Gang ໂຄສົກກະ ຊວງການຕ່າງປະເທດທີ່ກຸງປັກກິ່ງ ກໍໄດ້ອອກ
ມາກ່າວໃນມື້ນີ້ວ່າ ການພຍາຍາມໃດໆເພື່ອຂວາງທາງທວນໄຟໂອແລມປິກນັ້ນແມ່ນ
ການກະທຳທີ່ໜ້າລະອາຍ

ທ່ານຢ້ຳອີກວ່າທຸກປະເທດທີ່ທວນໄຟໂອແລມປິກຈະຜ່ານ ກ່ອນໄປເຖິງກຸງປັກກິ່ງນັ້ນ
ມີພາຣະກິດໃນການຮັບປະກັນໃຫ້ຜ່ານຢ່າງບໍ່ມີປັນຫາ

ອີກປະການໜຶ່ງ ລາຍວັນພາສາອັງກິດທ້ອງຖິ່ນ Tibet Daily ກໍໄດ້ລາຍງານວ່າເຈົ້າ
ໜ້າທີ່ໄດ້ຈັບກຸມຜູ້ປະທ້ວງຕື່ມອີກ 13 ຄົນເມື່ອວານນີ້

ຕາມຕົວເລກຫລ້າສຸດຂອງທາງການນັ້ນ ມີຜູ້ເສັຽຊີວິດຈາກການປະທ້ວງໃນທິເບດແລ້ວ
19 ຄົນ ເປັນພົລເຮືອນ 18 ຄົນ ແລະເຈົ້າໜ້າທີ່ຕຳຣວດ 1 ຄົນ ແຕ່ຣັຖບານທິເບດພັດ
ຖິ່ນທີ່ເມືອງ ດາຣັມຊາລາ ໃນພາກເໜືອຂອງອິນເດັຽຊ້ຳພັດໃຫ້ຕົວເລກຜູ້ເສັຽຊີວິດເຖິງ
140 ຄົນ

ສປປ ລາວ ສນັບສນຸນ ຈີນ ເຕັມທີ່

ທ່ານຢົງ ຈັນທະລັງສີ ໂຄສົກກະຊວງການ ຕ່າງປະເທດແຫ່ງ ສປປ ລາວ (ພາບ: flickr.com)

ສ່ວນທາງດ້ານ ທ່ານຢົງ ຈັນທະລັງສີ ໂຄ
ສົກກະຊວງການຕ່າງປະເທດແຫ່ງ ສປປ
ລາວກໍໄດ້ກ່າວຕໍ່ RFI ພາກພາສາລາວ
ວ່າ ສນັບສນຸນທຸກມາຕຣາການທີ່ວາງ
ອອກໂດຍ ສປ ຈີນ ເພື່ອຄວບຄຸມສຖານະ
ການແລະປົກປັກຮັກສາຄວາມສງົບໃນທິ
ເບດ ພ້ອມທັງປະນາມການກໍ່ຄວາມບໍ່
ສງົບຂອງ "ກຸ່ມຄົນບໍ່ດີ" ເຊີນທ່ານຄລິກລຸ່ມ
ນີ້ເພື່ອຮັບຟັງການຖແລງຂອງ ທ່ານຢົງ ຈັນທະລັງສີ