ຍີ່ປຸ່ນ/ເກົາຫລີເໜືອ

ສອງປະເທດເຊົາ ເຈລະຈາ

ໂດຍ  ໂສວົງ

ບົດຄວາມນີ້ເຜີຍແຜ່ເມື່ອວັນທີ 08/03/2007 ແກ້ໄຂໃຫມ່ຫລ້າສຸດເມື່ອວັນທີ 08/03/2007 à 09:55 TU

ຍີ່ປຸ່ນ ກັບ ເກົາຫລີເໜືອບໍ່ສາມາດສືບຕໍ່ເຈລະຈາອີກວັນທີ່ 8/3/07 ກ່ຽວກັບຊາວຍີ່ປຸ່ນ ຖືກລັກຈັບໄປໂດຍເຈົ້າໜ້າທີ່ເກົາຫລືເໜືອໃນປີ 1970-1980 ຝ່າຍເກົາຫລີເໜືອວ່າ ຍີ່ປຸ່ນບໍ່ມີຈຸດປະສົງໂອ້ລົມບັນຫານີ້ແຕ່ຢ່າງໃດ ກອງປະຊຸມໄດ້ມີຂຶ້ນຢູ່ສະຖານທູດເກົາ ຫລີເໜືອ ເມືອງຮາໂນຍ ຝ່າຍຍີ່ປຸ່ນວ່າ ຈະບໍ່ມີການພົວພັນກັນແຕ່ປະການໃດ ເມື່ອ ໃດຫາກບໍ່ສົ່ງຄືນຊາວຍີ່ປຸ່ນທີ່ຖືກຈັບໄປນັ້ນ

ຝ່າຍຍີ່ປຸ່ນຍັງປະຕິເສດປະກອບສ່ວນດ້ານການເງິນໃນການປະຊຸມແກ້ໄຂບັນຫານິວເຄັຽ ເກົາຫລີເໜືອ ຖ້າຝ່າຍນີ້ຫາກບໍ່ສົ່ງຊາວຍີ່ປຸ່ນດັ່ງກ່າວກັບຄືນປະເທດເສັຽກ່ອນ ສ່ວນ ເກົາຫລີເໜືອກໍຮັບຮູ້ວ່າ ໄດ້ຈັບເອົາຊາວຍີ່ປຸ່ນ 13 ຄົນໄປ ເພື່ອໃຫ້ເປັນຄູເຝິດຫັດວິຊາ ນັກສືບໃຫ້ແກ່ຄົນຂອງຕົນ ເປັນພາສາຍີ່ປຸ່ນ ແລະຕາມວັທນະທັມຍີ່ປຸ່ນເອງໂລດ

ເມື່ອປີ 2002 ຝ່າຍເໜືອໄດ້ປ່ອຍແລ້ວຫ້າຄົນ ແລ້ວຍັງແຈ້ງວ່າ ສ່ວນເຫລືອນັ້ນຕາຍ ໝົດແລ້ວ ແລະກໍຖືວ່າ ບັນຫາສິ້ນສຸດລົງໝົດແລ້ວ ແຕ່ຝ່າຍຍີ່ປຸ່ນກໍຕ້ອງການຫລັກ ຖານໂຕຈິງອ້າງອີງ ຈິ່ງຈະເຊົາທວງເອົາ ແລະພໍ່ແທ່ເຂົາເຈົ້າກໍຍັງເຊື່ອຢູ່ສເມີວ່າ ລູກ ຂອງເຂົາເຈົ້າຍັງມີຊີວິດຢູ່ແລະກໍຖືກຂັງໄວ້ຕລອດມາ