ນິໂກລາສ໌ ຊາຣ໌ໂກຊີ ຢ້ຽມຢາມ ສປ ຈີນ ເນັ້ນໜັກການພົວພັນ ເສຖກິດແລະການຄ້າ

ຄາດມີການລົງນາມໃນສັນຍາຊື້ຂາຍເຕົາປະຕິກອນນິວເຄລັຽຮຸ່ນໃໝ່ ແລະ ເຮືອບິນໂດນສານແອຣ໌ບັສ

ໂດຍ ໄຊຊະນະ ທານາດາບຸຕຣ໌

ບົດຄວາມນີ້ເຜີຍແຜ່ເມື່ອວັນທີ 25/11/2007 ແກ້ໄຂໃຫມ່ຫລ້າສຸດເມື່ອວັນທີ 25/11/2007 16:33 TU

ທ່ານປະທານາທິບໍດີຝຣັ່ງເສດ ນິໂກລາສ໌ ຊາຣ໌ໂກຊີ ຢ້ຽມຢາມເມືອງຊຽນ ນະຄອນຫລວງເກົ່າທີ່ອຸ ດົມສົມບູນໄປດ້ວຍອາຣະຍະທັມຍຸກກ່ອນປວັດສາດ ເທິງຖນົນສາຍໄຫມ ຂອງຈີນ ໂດຍສເພາະພິ ພິທພັນທະຫານດິນໜຽວທີ່ໂດ່ງດັງໄປທົ່ວໂລກ ຫລັງຈາກການຢ້ຽມຢາມແບບທ່ອງທ່ຽວທາງວັທນະ ທັມນີ້ແລ້ວຜູ້ນຳຝຣັ່ງເສດແລະຄນະຈຶ່ງຈະຢ້ຽມຢາມລົງເລິກໃນແງ່ເສຖກິດການຄ້າ ການເມືອງ ແລະ ສິດທິມນຸດ (ພາບ: Reuters)

ຄາດຈະມີການລົງນາມໃນສັນຍາຊື້ຂາຍເຕົາປະຕິກອນນິວເຄລັຽຮຸ່ນໃໝ່ (EPR=
European Pressurised Water Reactors), ເຮືອບິນໂດນສານແອຣ໌
ບັສ, ໂຮງງານເພສັຊກັມຜລິດຢາຕ້ານເຊື້ອໄຂ້ຫວັດສັດປີກ ແລະອື່ນໆ ຮວມທັງ
ໝົດມູນຄ່າປະມານ 16 ຕື້ເອີໂຣ (16 ພັນລ້ານເອີໂຣ)

ເປັນທີ່ໜ້າສັງເກດວ່າ ທ່ານນາງຣາມາ ຢາດ (Rama Yade) ຮອງ ຣມຕ
ຕ່າງປະເທດ ຮັບຜິດຊອບກິຈການທາງດ້ານສິດທິມນຸດ ບໍ່ໄດ້ເດີນທາງຮ່ວມໃນ
ການຢ້ຽມຢາມ ສປ ຈີນ ໃນຄັ້ງນີ້ ເຖິງວ່າຈະມີການຢິບຍົກປັນຫາທີ່ຫລໍ່ແຫລມນີ້
ຂຶ້ນສົນທະນາແລກປ່ຽນຄວາມຄິດເຫັນລະຫວ່າງ ທ່ານປະທານາທິບໍດີ ນິໂກ
ລາສ໌ ຊາຣ໌ໂກຊີ ແລະ ຄູ່ຕຳແໜ່ງຈີນ ທ່ານຫູ ຈິນທ່າວ ກໍຕາມ

RFI ພາກພາສາລາວຂໍເຊີນທ່ານຄລິກລຸ່ມນີ້ເພື່ອຮັບຟັງການວິເຄາະການເດີນ
ທາງຢ້ຽມຢາມ ສປ ຈີນ ຂອງຜູ້ນຳຝຣັ່ງເສດແລະຄນະໃນຄັ້ງນີ້ ສເນີໂດຍ:
ໄຊຊະນະ ທານາດາບຸຕຣ໌ ຜູ້ສື່ຂ່າວ RFI ພາກພາສາລາວປະຈຳຫ້ອງສົ່ງທີ່
ນະຄອນຫລວງປາຣີສ໌ ແລະ ສຸເມດ ຄຳວົງສາ ຜູ້ສື່ຂ່າວື RFI ພາກພາສາ
ລາວປະຈຳທີ່ຮ່ອງກົງ