ເສຖກິດແລະການເງິນ

(ອາຊຽນ+3) ຕົກລົງ ສ້າງກອງເງິນທຶນຮ່ວມ

ໂດຍ  ພອນແກ້ວ

ບົດຄວາມນີ້ເຜີຍແຜ່ເມື່ອວັນທີ 06/04/2007 ແກ້ໄຂໃຫມ່ຫລ້າສຸດເມື່ອວັນທີ 06/04/2007 à 16:20 TU

ຣັຖມົນຕຣີການຄັງຂອງກຸມ່ ASEAN
ໄດ້ຕົກລົງເຫັນພອ້ມ ທີ່ຊຽງໃຫມ່ໃນມື້ນີ້
(ພະຫັດ 5 ເມສາ) ສ້າງຕັ້ງລະບົບຄວບ
ຄຸມແລະຈໍາໜ່າຍພັນທະບັດໃນພູມີພາກbr />ກ່ອນໜ້ານີ້ "ອາຊຽນ + 3" (ອາຊຽນ +
ສ.ປ. ຈີນ, ຍີ່ປຸ່ນ ແລະ ເກົາຫລີໃຕ້) ໄດ້ຕົກລົງສ້າງກອງທືນຮວ່ມ ແນໃສ່
ປອ້ງກັນການການເກງກໍາໄລການຄ້າແລະປ້ອງກັນຜົນກະທົບທີ່ອາດມາຈາກການ
ຕົກຕ່ຳຂອງເງີນດອນລລາຣ໌ອະເມຣິກັນ

ການຕົກລົງກັນດັ່ງກ່າວ ເປັນສັນຍານຊີ້ໃຫ້ວົງການເສຖກິດແລະການເງິນເຫັນວ່າອາຊຽນ
ຈະກາຍໄປເປັນປະຊາຄົມເສດຖກິດດັ່ງເປົ້າໝາຍທີ່ຕັ້ງເອົາໄວ້ ຢ່າງຊ້າທີ່ສຸດໃນປີ 2015
ໂດຍແມ່ນ ຣາຊອານາຈັກໄທຍ ແລະ ສີງກະໂປ ຈະເປັນຜູ່ເລີ້ມປະຕິບັດງານໃນການຈໍາ
ໜ່າຍພັນທະບັດກ່ອນບັນດາປະເທດອື່ນໆພາຍໃນກຸ່ມ

ຕາມການຕົກລົງ ສອງປະເທດຈະມີການຮວ່ມມືລຽນຕິດເພື່ອໃຫ້ເປັນຫົວຣົດໄຟແກ່ດຶງປະ
ຊາຄົມອາຊຽນ ໃຫ້ກາຍເປັນໜຶ່ງດຽວໃນອະນາຄົດຂ້າງໜ້າ ທັງນີ້ໂດຍການນຳໃຊ້ເຄື່ອ
ຂ່າຍສື່ສານ Internet ໃນການ ບໍຣິຫານການຈຳໜ່າຍພັນທະບັດດັ່ງກ່າວ ທັງນີ້ເພື່ອ
ຄວາມສດວກແລະວ່ອງໄວ

ເປັນທີ່ໜ້າສັງເກດວ່າການຕັດສີນໃຈສ້າງຕັ້ງລະບົບຄວບຄຸມແລະຈໍາໜ່າຍພັນທະບັດໃນ
ພູມີພາກດັ່ງກ່າວ ພໍດີຈວບກັນກັບຣະຍະເວລາ 10 ພໍດີບພໍດີ ຫລັງຈາກວິກິຕການເສຖ
ກິດແລະການເງີນໃນທວີບເອເຊັຽປີ 1997 ຊຶ່ງຈຸດເລີ້ມຕົ້ນກໍແມ່ນທີ່ປະເທດໄທຍນີ້ເອງ

ນອກຈາກລະບົບພັນທະບັດຮ່ວມແລ້ວ ເພື່ອຮັດແຫນ້ນການຮວ່ມມືແລະແນໃສ່ການສະກັດ
ກັ້ນ ບໍ່ໃຫ້ໄພທາງເສຖກິດການເງີນເກີດຂື້ນອີກເທື່ອໃໝ່ ກຸ່ມອາຊຽນຍັງໄດ້ສ້າງຕັ້ງກອງ
ທືນຮວ່ມຂື້ນມາ ກັບ ສ.ປ.ຈີນ ຢີ່ປຸ່ນ ແລະເກົາຫລີໃຕ້ ໂດຍຈະມີບົດບາດໃນການປອ້ງກັນ
ການເກງກໍາໄລການຄ້າເງີນ ແລະປອ້ງກັນຜົນກະທົບທາງລົບທີ່ອາດມາຈາກການຕົກຕໍ່າ
ຂອງເງີນສກຸນດອລລາຣ໌ອະເມຣິກັນ

ຂໍ້ຕົກລົງຊຽງໃຫມ່ປີ 2000

ພາຍໃຕ້ຂໍ້ຕົກລົງດັ່ງກ່າວ ພາຄີໃດພາຄີໜຶ່ງທີ່ມີບັນຫາທາງດ້ານເສຖກິດການເງີນ ຈະສາ
ມາດກູ້ຢືມເງີນຕຣາຕ່າງປະເທດຈາກອີກພາຄີໜຶ່ງໄດ້ ເປັນເງິນສກຸນດອລລາຣ໌ ເພື່ອນຳ
ໄປຄໍ້າປະກັນເງີນທືນສໍາຮອງຂອງຕົນເພື່ອສ້າງຄວາມເຊື່ອຖືໃຫ້ແກ່ສຖາບັນການເງິນໂລກ
ໂດຍສເພາະກໍແມ່ນທະນາຄານໂລກ ຫລືອົງການເງິນທຶນສາກົນ FMI

ຈຸດເລີ້ມຕົ້ນວິກິຕການ 1997

ເມື່ອປີ 1997 ທະນາຄານແຫ່ງປະເທດໄທຍ ຈໍາເປັນຂາຍເງີນທຶນສຳລອງສກຸນດອລລາຣ໌
ຈຳນວນຫລາຍຕື້ເພື່ອຄໍ້າປະກັນຄ່າຂອງເງິນບາດຂອງຕົນ ທີ່ໄດ້ຖືກໂຈມຕີຢ່າງຫນັກຫນ່ວງ
ຈາກນັກປັ່ນກຳໄລຕ່າງຊາດ ໃນນັ້ນກໍມີມະຫາເສດຖີອະເມຣິກັນ George Soros ເປັນຕົວ
ຕັ້ງຕົວຕີສຳຄັນ ຈົນບຸກຄົນຜູ້ນີ້ໄດ້ກາຍເປັນຜູ້ບໍ່ເພີງປາຖນາຂອງປະເທດໄທແລະມາເລເຊັຽ
ຕັ້ງແຕ່ນັ້ນເປັນຕົ້ນມາ

ໃນເມື່ອເງິນທຶນສຳຮອງຕ່າງປະເທດຫລ້ອຍຫລໍລົງ ທະນາຄານແຫ່ງປະເທດໄທຍຈຶ່ງຈຳ
ເປັນຕັດສິນໃຈປະກາດໃຫ້ຄ່າເງິນບາດລອຍຕົວຕາມຄວາມຕ້ອງການຂອງຕລາດ ອັນເປັນ
ຈຸດເລີ້ມຕົ້ນເຮັດໃຫ້ເກີດວິກິຕການເສຖກິດແລະການເງິນເມື່ອປີ 1997 ກ່ອນທີ່ຈະລຸກລາມ
ໄປທົ່ວທວີບເອເຊັຽ ແລະຂ້າມນ້ຳຂ້າມທະເລໄປເຖິງສຫະຣັດອະເມຣິກາແລະອະເມຣິກາ
ລາຕິນ
ເງິນສກຸນເອີໂຣ ກຳແພງກັ້ນວິກິຕການ

ເປັນທີ່ໜ້າສັງເກດວ່າສະຫະພາບເອີຣົບເປັນພຽງຂົງເຂດດຽວທີ່ລອດພົ້ນຈາກວິກິຕການ
ໂດມີໂນໃນຄັ້ງນັ້ນ ທັງນີ້ເພາະຫາກໍໄດ້ພາກັນຮັບຮອງເອົາເງິນສກຸນດຽວເອີໂຣ ທີ່ມີຄ່າເປັນ
ໜຶ່ງດຽວພາຍໃນສຫະພາບ ອັນເປັນກຳແພງຂວາງກັ້ນບໍ່ໃຫ້ນັກເກງກຳໄລຈາກການຄ້າ
ເງິນ ສາມາດປັ່ນຄ່າຂອງເງີນໃຫ້ຂຶ້ນຫລືລົງໄດ້ຢ່າງງ່າຍໆ

ຈາກເຫດການປາຕິຫານ ເງິນສກຸນເອີໂຣສ້າງກຳແພງຂວາງກັ້ນວິກິຕການໃນຄັ້ງນັ້ນທຳ
ໃຫ້ກຸ່ມປະເທດອາຊຽນຖອດຖອນເປັນບົດຮຽນ ແລະການຖອດຖອນບົດຮຽນດັ່ງກ່າວກໍໄດ້
ເລີ້ມຕົ້ນສແດງອອກເປັນຮູປທັມແລ້ວ ໂດຍເຫັນໄດ້ຈາກການຕັ້ງເປົ້າໝາຍສ້າງຕັ້ງກອງ
ເງິນທຶນຮ່ວມຂອງກຸ່ມ "ອາຊຽນ+3" ຕາມທີ່ຕົກລົງກັນທີ່ຊຽງໃໝ່ໃນຄັ້ງນີ້ ແຕ່ຈະກ້າວໄປ
ໄກເຖິງຂັ້ນສ້າງຕັ້ງເງິນສກຸລດຽວຂອງອາຊຽນໄດ້ຫລືບໍ່ ນັ້ນ ຍັງຄົງເປັນເຄື່ອງໝາຍຄຳ
ຖາມຂນາດໃຫຍ່ທີ່ຍັງບໍ່ມີຄຳຕອບໃນຂນະນີ້

ເງິນທຶນຫລາຍພັນລ້ານຈາກຍີ່ປຸ່ນ

ອ້າງອີງຕາມຂໍ້ຕົກລົງຊຽງໃໝ່ (5 ເມສາ) ຢີ່ປຸ່ນ ມະຫາອໍານາດອັນດັບສອງຂອງໂລກ
ທາງດ້ານເສຖກິດ ຮອງລົງມາຈາກສະຫະຣັດອະເມຣິກາ ຕົກລົງຮ່ວມມືກັບຫລາຍໆປະ
ເທດພາຄີຂອງອາຊຽນໃນວົງເງິນ ລະຫວ່າງ 1000 – 3000 ລ້ານດອລລາຣ໌ ໂດຍມີ
ເກົາຫລີໃຕ້ສນັບສນູນໂຄງການດັ່ງກ່າວ ໃນຂນະທີ່ ສ.ປ.ຈີນ ນັ້ນຍັງບໍ່ໄດ້ແຈ້ງບອກວ່າ
ຈະໃຫ້ການຮວ່ມມືໃນຣະດັບໃດແລະກັບປະເທດໃດ

ອາວຸດການເງິນຂອງຈີນ

ເປັນທີ່ຮູ້ກັນດີແລ້ວວ່າ ສ.ປ.ຈີນ ມີເງີນທືນສໍາຮອງຄໍ້າປະກັນສກຸນດອລລາຣ໌ຫລາຍທີ່ສຸດ
ໃນໂລກ ຄືມີຫລາຍກວ່າ 1000 ຕື້ດອລລາຣ໌ ນັ້ນກໍໝາຍຄວາມວ່າເມື່ອໃດຣັຖບານປັກກິ່ງ
ຫາກຕັດສີນໃຈ ນຳເງິນທຶນສຳຮອງສກຸນດອລລາຣ໌ຂອງຕົນອອກຂາຍໃນທ້ອງຕລາດແລ້ວ
ຫລືປ່ຽນໄປເອົາເງີນສກຸນເອີໂຣເຂົ້າມາແທນທີ່ ກໍອາດສາມາດເປັນເງື່ອນໄຂເຮັດໃຫ້ເງິນ
ສກຸນດອລລາຣ໌ອະເມຣີກັນຕົກຕ່ຳລົງໄປອີກໄດ້

 

ຈຶ່ງຖືໄດ້ວ່າ ສ.ປ. ຈີນ ມີອາວຸດການເງີນໃນກຳມືຂອງຕົນ ສາມາດນຳເປັນຂໍ້ຕໍ່ລອງທາງ
ດ້ານເສຖກິດແລະການຄ້າ ຫລືແມ່ນກະທັ້ງການທູດແລະການເມືອງກັບກັບສຫະຣັດອະເມຣິ
ກາໄດ້ ໂດຍສະເພາະກໍແມ່ນໃນການຕໍ່ລອງກ່ຽວກັບອະນາຄົດຂອງເກາະໃຕ້ຫວັນ

 

ເປົ້າໝາຍເສຖກິດອາຊຽນ

ການທີ່ອາຊຽນສ້າງຕັ້ງກອງເງິນທຶນຮ່ວມ ແລະເປີດເຂດການຄ້າເສຣີໃນປີ 2015 ແມ່ນ
ການຕັ້ງເປົ້າໝາຍທີ່ຍາວໄກ ເພື່ອກ້າວໄປສູ່ການສ້າງຕັ້ງເງິນສກຸນດຽວຄືກັນກັບສຫະ
ພາບເອີຣົບ ຖ້າຫາກໄປເຖິງເປົ້າໝາຍທີ່ຍາວໄກນີ້ໄດ້ ກໍຈະມີຜົນຕໍ່ອາຊຽນດັ່ງນີ້:

 

1. ກາຍໄປເປັນມະຫາອໍານາດເສດຖາກິດ ຄຽງຄູ່ກັນກັບສະຫະພາບເອີຣົບ ເອື້ອອຳນວຍ
ໃຫ້ປະເທດພາຄີສາມາດສ້າງສາພັທນາໄດ້ຢ່າງວ່ອງໄວ ພົລເມືອງອາຊຽນ 500 ລ້ານ
ຄົນ ຈະກາຍໄປເປັນພົລເມືອງທີ່ມີອຳນາດຊື້ສູງ ອາຊຽນຈະກາຍໄປເປັນຕລາດທີ່ກວ້າງ
ໃຫຍ່ ສາມາດທຽບຣັສມີໄດ້ກັບ ສ.ປ. ຈີນ ແລະ ອິນເດັຽ

2. ເຖິງຫົນທາງຈະຍາວໄກ ແຕ່ອາຊຽນກໍອາດກ້າວໄປເຖິງການສ້າງເງິນສກຸນດຽວໄດ້
ອັນຈະເປັນກຳແພງມະຫຶມາປ້ອງກັນອາຊຽນໃຫ້ລອດພົ້ນຈາກວິກິຕການດັ່ງທີ່ເຄີຍເກີດມາ
ແລ້ວເມື່ອປີ 1997 ແລະ

3. ການສ້າງປະຊາຄົມເສຖກິດອາຊຽນ ຈະພາໃຫ້ເງີນສກຸນແຫ່ງຊາດຂອງປະເທດພາຄີ
ບໍ່ປະສົບກັບຄວາມປັ່ນປ່ວນຂື້ນລົງແບບບໍ່ເປັນລະບຽບເມື່ອປຽບທຽບໃສ່ເງີນສກຸນດອລລາຣ໌
ອະ ເມຣິກັນ

 

ແຕ່ກ່ອນໄປເຖິງຈຸດນັ້ນ ເມື່ອໃດເງີນສກຸນຊາດໜຶ່ງຫາກມີຣາຄາດີຂື້ນ ປະເທດພາຄີທີ່ມີ
ເງີນຣາຄາຕ່ຳກວ່າກໍຈະສາມາດສົ່ງສີນຄ້າຂອງຕົນໄປຂາຍໃນປະເທດທີ່ຄ່າເງິນແຂງກວ່າ
ໄດ້ຫລາຍຂື້ນ ແລະການແຂ່ງຂັນທັງຄຸນນະພາບແລະຣາຄາຂອງສິນຄ້າ ຈະເປັນຜົນດີຕໍ່ຜູ້
ຍໍຣິໂພກ

 

ເພື່ອທີ່ຈະກ້າວໄປເຖິງຈຸດໝາຍປາຍທາງນີ້ໄດ້ ກ່ອນອື່ນອາຊຽນຈະຕ້ອງມີການຮັດແໜ້ນ
ສາຍພົວພັນໃຫ້ຫລາຍຂຶ້ນເພື່ອບັນລຸເປົ້າໝາຍ 2015 ໃຫ້ໄດ້ ກ່ອນທີ່ຈະສ້າງຕລາດຮ່ວມ
ກັບ ສ.ປ. ຈີນ ມຫາອຳນາດເສຖກິດອັນດັບທີ 4 ຂອງໂລກ, ເກົາຫລີໃຕ້ ແລະ ຍີ່ປຸ່ນ

ໃນທາງດ້ານເສຖກິດການຄ້າ ກໍຄືກັນກັບທາງດ້ານອື່ນໆ ພາສິດໂບຮານເພິ່ນຍັງກ່າວໄວ້
ວ່າ "ໂຮມກັນເຮົາຢູ່ ແຕກໝູ່ເຮົາຕາຍ"