ປັນຫາ ພາວະ ໂລກຮ້ອນ

ການກ້າວກະໂດດ ທີ່ມາຈາກ ປັກກິ່ງ ແລະ ວໍຊິງຕັນ

ໂດຍ ໄຊຊະນະ ທານາດາບຸຕຣ໌

ບົດຄວາມນີ້ເຜີຍແຜ່ເມື່ອວັນທີ 26/11/2009 ແກ້ໄຂໃຫມ່ຫລ້າສຸດເມື່ອວັນທີ 26/11/2009 12:44 TU

ສປ ຈີນ ປະກາດຕົວເລກການປ່ອຍແກ໊ສ CO2 ໃນລະດັບ 40 ເຖິງ 45% ຈາກນີ້ ເຖິງປີ 2020 (ພາບ: Reuters)

ຈີນ ແລະ ອະເມຣິກາ ສອງຍັກໃຫຍ່ຜູ້
ສ້າງຄວາມເປິເປື້ອນ ໃຫ້ແກ່ບັນຍາກາດ
ຫລາຍທີ່ສຸດໃນໂລກໄດ້ອອກມາປະກາດ
ເປົ້າໝາຍຢ່າງຄັກແນ່ ເພື່ອແກ້ໄຂປັນ
ຫາພາວະໂລກຮ້ອນ ກ່ອນທີ່ຈະເຖິງວັນ
ເປີດກອງປະຊຸມນາໆຊາດພຽງບໍ່ເທົ່າໃດ
ວັນ ນັບໄດ້ວ່າເປັນຂ່າວດີສຳລັບໂລກທັງ
ມວນ

ທີ່ວ່າເປັນຂ່າວດີກໍເພາະວ່າໃນຖານະທີ່ສອງປະເທດ ຄື ສປ ຈີນ ແລະ ສຫຣ
ອະເມຣິກາ ເປັນແຊມປ້ຽນນຳກັນໃນເຣື່ອງເຮັດໃຫ້ອຸນຫະພູມຜິວໂລກສູງຂຶ້ນ

ຖ້າຫາກວ່າສອງປະເທດນີ້ ບໍ່ໃຫ້ການຮ່ວມໄມ້ຮ່ວມມື ກໍຍ່ອມເປັນໄປບໍ່ໄດ້ທີ່ໂລກຈະສາ
ມາດແກ້ໄຂປັນຫານີ້ໄດ້ ເພາະສະນັ້ນໃນເມື່ອສອງປະເທດນີ້ ອອກມາສແດງເປົ້າໝາຍ
ທີ່ເປັນຕົວເລກຄັກແນ່ໃນເວລາທີ່ເກືອບພ້ອມກັນ ຈຶ່ງຕ້ອງຖືວ່າເປັນຂ່າວດີ ບໍ່ຫລາຍກໍ
ນ້ອຍ

ຂ່າວດີກໍເພາະວ່າ ກ່ອນໜ້ານີ້ໃຜໆກໍຄາດຄະເນວ່າກອງປະຊຸມສຸດຍອດນາໆຊາດ
"ໂຄເປັນເຮເກັນ" ຈະປະສົບກັບຄວາມລົ້ມແຫລວ ເພາະ ສປ ຈີນກໍດີ ຫລື ສຫຣ ອະເມ
ຣິກາ ກໍດີ ລ້ວນແຕ່ມີການສງວນທ່າທີກັນທັງນັ້ນ ບໍ່ຍອມໃຫ້ຄຳໝັ້ນສັນຍາທີ່ມີລັກສນະ
ຜູກມັດເປັນຕົວເລກຢ່າງຄັກແນ່

ທາງຝ່າຍ ສປ ຈີນ ນັ້ນ ເປັນປະເທດທີ່ໃຫ້ຄວາມສຳຄັນອັນດັບສຸດຍອດແກ່ການພັທນາ
ເສຖກິດ ໝາຍຄວາມວ່າການລົດຜ່ອນການປ່ອຍແກ໊ສ CO2 ຈະມີຜົນກະທົບກະເທືອນ
ຕໍ່ການຂຍາຍຕົວທາງເສຖກິດຂອງຕົນ ຈະກະທົບກະເທືອນອີກຕໍ່ໜຶ່ງໃສ່ການແກ້ໄຂປັນ
ຫາຄວາມຍາກຈົນຂອງປະຊາຊົນ ທີ່ຍັງມີອີກຈຳນວນຫລາຍຮ້ອຍລ້ານຄົນ ມີຖານະຍາກ
ຈົນ ໃນຈຳນວນພົລເມືອງທັງໝົດ 1300 ລ້ານຄົນຂອງປະເທດ

ນີ້ຄືປັນຫາໃຫຍ່ ທີ່ ສປ ຈີນ ມີການສງວນທ່າທີມາຕລອດກ່ຽວກັບການລົດຜ່ອນການປ່ອຍ
ແກ໊ສ CO2 ນີ້

ສ່ວນທາງດ້ານ ສຫຣ ອະເມຣິການັ້ນ ຄວາມປະສົງຂອງທ່ານປະທານາທິບໍດີ ບາຣັກ ໂອ
ບາມາ ແມ່ນເຫັນແຈ້ງທີ່ສຸດວ່າຢາກແກ້ໄຂປັນຫາຮ່ວມກັບປະຊາຄົມໂລກ ແຕ່ຫາກວ່າ
ຖ້າປາສຈາກການສັນບສນຸນຈາກຣັຖສະ ພາ ຈາກກຸ່ມອຸດສາຫະກັມ ແລະ ຈາກປະຊາຊົນ
ແລ້ວ ທ່ານຈະເປັນຜູ້ຕັດສິນໃຈພຽງຜູ້ດຽວ ຍ່ອມເປັນ ໄປບໍ່ໄດ້

ໂດຍສະເພາະໃນເວລາປັດຈຸບັນນີ້ ພາວະເສຖກິດຂອງເມືອງລູງແຊມກຳລັງຊົບເຊົາຍ້ອນ
ຜົນກະທົບຈາກວິກິຕການທີ່ແກ່ຍາວ ຈົນຮອດດຽວນີ້ກໍຍັງບໍ່ທັນສາມາດເວົ້າໄດ້ວ່າ
"ຟື້ນຕົວ" ໄດ້ເທື່ອ

ກໍແມ່ນຍ້ອນຜົນກະທົບຈາກວິກິຕການນີ້ເອງ ຄົນອະເມຣິກັນທີ່ມີຄວາມເຊື່ອວ່າພາວະໂລກ
ຮ້ອນມາຈາກການປ່ອຍແກ໊ສ CO2 ນັ້ນ ຈຶ່ງໄດ້ລົດລະດັບລົງຈາກ 80% ໃນເມື່ອກ່ອນ
ເຫລືອພຽງ 72% ເທົ່ານັ້ນ ຕາມຜົນຂອງການຢັ່ງຄວາມເຫັນຂອງປະຊາຊົນ ທີ່ເຜີຍແຜ່
ອອກໂດຍລາຍວັນ The Washington Post ສບັບປະຈຳມື້ນີ້

ແຕ່ເຖິງປານນັ້ນກໍຕາມ ທ່ານປະທານາທິບໍດີ ບາຣັກ ໂອບາມາ ກໍຍັງຈະປະກາດທີ່
"ໂຄເປັນເຮເກັນ" ວ່າ ປະເທດຂອງທ່ານຈະລົດການປ່ອຍກ໊າສ CO2 ໃຫ້ໄດ້ 17%
ໃນປີ 2020, 30% ໃນປີ 2025 ແລະ 42% ໃນປີ 2030 ຊຶ່ງຖືໄດ້ວ່າເປັນການກ້າວ
ກະໂດດກ້າວບັກໃຫຍ່ ເມື່ອປຽບທຽບກັບທ່າທີຂອງປະທານາທິບໍດີຄົນກ່ອນ ທ່ານ
GWB ທີ່ປະກາດຖອນປະເທດ ສຫຣ ອະເມຣິກາ ອອກຈາກສົນທິສັນຍາກຽວໂຕໄປເລີຍ
ເປັນການຫັນຫລັງໃຫ້ແກ່ໂລກໃນເຣື່ອງແກ້ປັນຫາພາວະໂລກຮ້ອນ

ຂັ້ນຕອນຕໍ່ໄປທີ່ຈະ ຫຍຸ້ງຍາກສຳລັບຜູ່ນຳອະເມຣິກັນກໍມີແຕ່ວ່າ ການຕໍ່ສູໃນຣັຖສະພາ
ທັງນີ້ກໍເພາະຮ່າງກົດໝາຍທີ່ສເນີເຂົ້າໄປນັ້ນ ໄດ້ແກ່ຍາວມາດົນນານແລ້ວ ຍ້ອນການ
ຕໍ່ຕ້ານແລະຕໍ່ລອງຂອງບັນດາສະມາຊິກຣັຖສະພາ ຜູ້ບໍ່ເຫັນພ້ອມ

ສຳລັບທາງດ້ານອົງການຈັດຕັ້ງກ່ຽວກັບສະພາບສິ່ງແວດລ້ອມນັ້ນ ການປະກາດຕົວເລກ
ຂອງ ສຫຣ ອະເມຣິກາ ຍັງບໍ່ເປັນທີ່ພໍໃຈຢູ່ຄືເກົ່າ ພວກເຂົາເຈົ້າເຫັນວ່າຍັງຫ່າງໄກຈາກ
25 ເຖິງ 40% ຈາກນີ້ ເຖິງປີ 2020 ຕາມທີ່ບັນດານັກວິທຍາສາດຂອງອົງການຈັດຕັ້ງ
ເຫລົ່ານັ້ນ ໄດ້ຄິດຄຳນວນເອົາໄວ້

ໃນຂນະທີ່ຫາສຽງເລືອກຕັ້ງ ກ່ອນທີ່ຈະກາຍມາເປັນປະທານາທິບໍດີຜິວດຳຄົນທຳອິດໃນ
ປວັດສາດຂອງເມືອງລູງແຊມ ທ່ານບາຣັກ ໂອບາມາ ໄດ້ໃຫ້ຄຳໝັ້ນສັນຍາວ່າ ຖ້າທ່ານ
ໄດ້ຮັບການເລືອກຕັ້ງ ທ່ານຈະ ດຳເນີນນະໂຍບາຍລົດຜ່ອນການປ່ອນຍແກ໊ສ CO2 ລົງ
ໃຫ້ໄດ້ເຖິງ 85% ຈາກນີ້ເຖິງປີ 2050