ສປປລາວ/ຊາວມົ້ງກັບຈາກໄທຍ

໕໐ ຄົນຢ່າງນ້ອຍ ຖືກຈັບຄຸມໂຕ

ໂດຍ ສຸກວິໄລ ຊ. Soukvilay S.

ບົດຄວາມນີ້ເຜີຍແຜ່ເມື່ອວັນທີ 24/01/2010 ແກ້ໄຂໃຫມ່ຫລ້າສຸດເມື່ອວັນທີ 24/01/2010 13:47 TU

ອົພຍົບຊາວມົ້ງ ຈຳນວນໜື່ງ ຈາກບ້ານຫ້ວຍນ້ຳຂາວ ປະເທດໄທຍ ໃນລົດບັດ ໃນຂນະທີ່ຖືກສົ່ງກັບ ປະເທດລາວ ເມື່ອບໍ່ນານມານີ້ (ພາບ : Flickr)

ຄນະກັມະການ ຊອກຫາຄວາມເປັນຈີງ ກ່ຽວກັບລາວ (ອົງການ ONG ອາເມຣິກາ) ລາຍງານວ່າ ຣັຖະບານລາວ ໄດ້ກັກຂັງ ຊາວມົ້ງ ທີ່ກັບແຕ່ປະເທດໄທຍ ຈຳນວນ ໕໐ ຄົນເປັນຢ່າງນ້ອຍ ເນື່ອງຈາກເຊື່ອວ່າ ພວກເຂົາເຈົ້າ ເປັນອະດີດ ທະຫານຊີໄອເອ ຂອງສຫະຣັຖອາເມຣິກາ ໃນໄລຍະ ສົງຄາມວຽດນາມ ແລະກໍທັງ ເປັນແກນນຳ ຊາວມົ້ງ ໃນໄລຍະ ທີ່ພວກເຂົາເຈົ້າ ພັກອາສັຍ ຢູ່ສູນຮອງຮັບຊົ່ວຄາວ ບ້ານຫ້ວຍນ້ຳຂາວ ໃນປະເທດໄທຍ ນຳອີກດ້ວຍ. ຄນະກັມະການ ຊອກຫາຄວາມເປັນຈີງ ກ່ຽວກັບລາວ ຍັງໄດ້ຊີ້ແຈງອີກວ່າ ມີຊາວມົ້ງທີ່ກັບຈາກໄທຍ ອີກຈຳນວນຫຼາຍ ກໍບໍ່ໄດ້ຮັບການເບີ່ງແຍງ ຢ່າງຖືກຕ້ອງ ຕາມທີ່ທາງການລາວ ໄດ້ໃຫ້ສັດຈະໄວ້ ກ່ອນໜ້າເລີຍ.

ຊົງຣິດ ໂພນເງີນ ລາຍງານ