ຟີລິບປິນ

ຂ້າໂຫດການເມືອງ ຄັ້ງຮ້າຍແຮງ ທີ່ສຸດ

ໂດຍ ໄຊຊະນະ ທານາດາບຸຕຣ໌

ບົດຄວາມນີ້ເຜີຍແຜ່ເມື່ອວັນທີ 24/11/2009 ແກ້ໄຂໃຫມ່ຫລ້າສຸດເມື່ອວັນທີ 24/11/2009 11:39 TU

ສ່ວນໜຶ່ງຂອງ 46 ຊາກສົບ ຈາກການຂ້າໂຫດການເມືອງ ໃນແຂວງ "ມາກິນດາເນົາ" ໃນພາກໃຕ້ ຂອງປະເທດຟີລິບປິນ (ພາບ: RUTERS)

ອັນທີ່ຈິງການຄາຕກັມທທາງດ້ານການເມືອງໃນປະເທດຟີລິບປິນ ເກີດຂຶ້ນເປັນ
ປະຈຳຢູ່ແລ້ວ ໂດຍສເລັ່ຽມີຜູ້ຖືກຂ້າຕາຍຫລາຍສິບຄົນໃນການເລືອກຕັ້ງແຕ່ລະ
ຄັ້ງ ແຕ່ກໍບໍ່ເຄີຍມີເທື່ອໃດທີ່ຮ້າຍແຮງແລະຫ້ຽມໂຫດເທົ່າຄັ້ງນີ້ຈັກເທື່ອ

ປະເທດຟີລິບປິນມີພົລເມືອງ 92 ລ້ານຄົນ ໃນນັ້ນມີຜູ້ຖືປືນເຖື່ອນຈຳນວນເຖິງກວ່າ 1
ລ້ານຄົນ ມີທັງປືນສັ້ນ ແລະ ປືນກົນໜັກແບບອາວຸດສົງຄາມ ແຕ່ເຖິງປານນັ້ນ ການ
ຄາຕກັມທາງດ້ານການເມືອງທີ່ຜ່ານມາ ກໍບໍ່ເຄີຍຮຸນແຮງແລະໂຫດຫ້ຽມເທົ່າຄັ້ງນີ້
ຈັກເທື່ອ

ທັງນີ້ເພາະໃນຈຳນວນຜູ້ທີ່ຖືກຂ້າໂຫດນັ້ນ ບໍ່ມີສະເພາະແຕ່ກຸ່ມຄົນທີ່ກ່ຽວຂ້ອງກັບການ
ເມືອງເທົ່ານັ້ນ ແຕ່ຍັງມີປະຊາຊົນທັມມະດາ ແລະ ນັກຂ່າວທີ່ບໍ່ໄດ້ສັງກັດການເມືອງ
ນຳດ້ວຍ ຈຶ່ງໄດ້ທຳໃຫ້ເກີດການສະເທືອນຂວັນ ສະເທືອນອາຣົມ ແລະ ສ້າງຄວາມ
ຄຽດແຄ້ນ ໃນທົ່ວປະເທດຟີລິບປິນ

ຖ້າອ້າງອີງຕາມແຫລ່ງຂ່າວຈາກກອງທັບຟີລິບປິນແລ້ວ ຜູ້ທີ່ຢູ່ເບື້ອງຫລັງຂອງການ
ສັງຫານໂຫດຕາຍໝູ່ຄັ້ງນີ້ ກໍແມ່ນທ່ານ Andal Ampatuan ຜູ້ວ່າການແຂວງ "ມາກິນ
ດາເນົາ"ນັ້ນເອງ ຊຶ່ງເປັນຫົວໜ້າຂອງກຸ່ມມຸສລິມກຸ່ມໜຶ່ງຂອງແຂວງ ແລະ ກໍເປັນພັນ
ທະມິດຮ່ວມໃນຄນະຣັຖບານປະສົມຂອງປະທານາທິບໍດີ ທ່ານນາງ Gloria Arroyo ນຳ
ດ້ວຍ

ໃນຂນະທີ່ກຸ່ມຖືກຂ້າໂຫດສ່ວນໜຶ່ງ ແຕ່ບໍ່ແມ່ນທັງໝົດ ແມ່ນພັກພວກຂອງທ່ານ Esmael
Mangudadatu ຜູ້ຈະລົງສມັກຊິງຕຳແໜ່ງຜູ້ວ່າການແຂວງໃນປີໜ້າ ແຂ່ງກັບຜູ້ວ່າ
ການປັດຈຸບັນ

ເພາະສະນັ້ນ ໂສກນາຕກັມຄັ້ງນີ້ ນອກຈາກສ້າງການສະເທືອນອາຣົມໃນທົ່ວປະເທດແລ້ວ
ຍັງເປັນການເຮັດໃຫ້ປະທານາທິບໍດີ ທ່ານນາງ Gloria Arroyo ຕົກທີ່ນັ່ງລຳບາກນຳ
ດ້ວຍ

ທັງນີ້ເພາະທ່ານ Andal Ampatuan ຜູ້ທີ່ຖືກສົງໃສນັ້ນ ນອກຈາກເປັນຜູ້ວ່າການແຂວງ
ໃນປັດຈຸບັນແລ້ວ ພັກພວກຂອງເພີ່ນກໍຍັງຮ່ວມໃນຄນະຣັຖບານປະສົມຂອງທ່ານນາງປະ
ທານາທິບໍດີນຳດ້ວຍ

ມີຄວາມເປັນໄປໄດ້ຢ່າງສູງທີ່ທ່ານນາງ Gloria Arroyo ບໍ່ໄດ້ມີສ່ວນຮູ້ເຫັນເປັນໃຈໃນ
ການຂ້າໂຫດຄັ້ງນີ້ ແຕ່ຄົງເປັນການກະທຳຢ່າງໂດດດ່ຽວດ້ວຍຕົນເອງຂອງຜູ້ວ່າການ
ແຂວງເທົ່ານັ້ນ

ດຽວນີ້ທາງເຈົ້າໜ້າທີ່ບ້ານເມືອງກໍໄດ້ດຳເນີນການຈັບກຸມຫົວໜ້າຕຳຣວດຂອງແຂວງ
ແລ້ວ ຫລັງຈາກທີ່ຖືກປົດອອກຈາກຕຳແໜ່ງ ແລະ ພວກມືປືນຮັກສາຄວາມປອດໄພປະ
ຈຳຕົວຂອງຜູ້ວ່າການກໍໄດ້ຖືກຈັບກຸມນຳດ້ວຍ

ແຫລ່ງຂ່າວຈາກກອງທັບຟີລິບປິນ ຍັງເຜີຍອີກວ່າ ກຸ່ມມືປືນທີ່ດັກຈັບຜູ້ເຄາະຮ້າຍແລະ
ນຳໄປຂ້າໂຫດຄັ້ງນີ້ ມີຈຳນວນເຖິງ 100 ຄົນ

ແຂວງມາກິນດາເນົາໃນພາກໃຕ້ຂອງປະເທກຟີລິບປິນ ເປັນແຂວງທີ່ປະຊາຊົນສ່ວນໃຫຍ່
ນັບຖືສາສນາມຸສລິມ ມີຂບວນການມຸສລິມຂບົດແຍກດິນແດນນຳດ້ວຍ ຫາກແຕ່ວ່າການ
ຂ້າໂຫດຄັ້ງນີ້ ເບີ່ງຄືວ່າບໍ່ມີສ່ວນກ່ຽວຂ້ອງໃດໆກັບກຸ່ມມຸສລິມແຍກດິນແດນ