ກອງປະຊຸມສຸດຍອດ ຝຣັ່ງ-ເຍັຽຣະມັນ

ວ່າດ້ວຍການຈັດສັນປະທານບໍຣິສັດ EADS ໄໝ່

ໂດຍ ບັນດານ ສີສຸນທອນ B. Sisounthone

ບົດຄວາມນີ້ເຜີຍແຜ່ເມື່ອວັນທີ 16/07/2007 ແກ້ໄຂໃຫມ່ຫລ້າສຸດເມື່ອວັນທີ 16/07/2007 17:18 TU

ຍ.ນ. ເມ໊ກເກີ່ນ - ທ. ສ໊າກໂກຊີ່

ບັນຫາ ບໍຣິສັດ ຜລິດຍົນ (ເອ.ອາ.ເດ່.ແອສ : EADS/European Aeronotic Defence and Space Company) ແລະ ບໍຣິສັດ ສາຂາ (ແອຣ໌ ບຸສ : Air Bus)  ເປັນຫົວຂໍ້ ສຳຄັນ ຂອງ ກອງປະຊຸມ ສຸດຍອດ ຝຣັ່ງ-ເຍັຽຣະມັນ ຄັ້ງທີ່ ໒໘ ໃນມື້ນີ້ ເລີ້ມແຕ່ ເວລາ ໑໑ ໂມງ ໑໕.

ປະທານາທິບໍດີ ນິກໂກລາ  ສ໊າກໂກຊີ່ Nicolas Sarkozy ແລະ ນາຍົກຣັຖມົນຕຣີ ເຍັຽຣະມັນ ຍານາງ ອັງເກ່ນລາ ແມ໊ກເກີນ Angela Merkel ນັດພົບປະ ສົນທະນາກັນ ທີ່ສຳນັກງານ ບໍຣິສັດ (ແອຣ໌ ບຸສ : Air Bus) ທີ່ເມືອງ ຕູ່ລູ່ເສິ Toulouse. ບໍຣິສັດ (ແອຣ໌ ບຸສ : Air Bus) ນີ້ ເປັນ ນຶ່ງຂອງສາຂາ ຂອງບໍຣິສັດ (ເອ.ອາ.ເດ່.ແອສ : EADS).

 

ບໍຣິສັດ (ເອ.ອາ.ເດ່.ແອສ : EADS) ນີ້ ເປັນບໍຣິສັດ ຜລິດຍົນ ໂດຍສານ, ຍົນທະຫານ, ຍານອາວະກາດ, ດາວທຽມ, ລະບົບ ຈະລວດ, ເຄຶ່ອງສັນຍານ ຣາດ່າຣ໌ ແລະ ອື່ນຯອີກ.

 

ບັນຫາທີ່ເຈຣະຈາກັນໃນມື້ນີ້ ແມ່ນເຣື້ອງ ການຈັດສັນ ໂຄງຮ່າງການບໍ ຣິຫານບໍຣິສັດໄໝ່.

ທັງນີ້ ແມ່ນຫລັງຈາກ ມີບັນຫາຊັກຊ້າໃນການຜລິດຍົນ ແອກບຸສ ໓໘໐ Airbus 380 ຊຶ່ງທາງບໍຣິສັດ ບໍ່ສາມາດ ຈັດສົ່ງຍົນ ດັ່ງກ່າວນີ້ ໃຫ້ ລູກຄ້າໄດ້ທັນກັບເວລາ ຕາມກຳນົດສັນຍາ.  ສນັ້ນ ຄວາມເສັຍຫາຍ ຈຶ່ງໜັກໜ່ວງທະວີຂື້ນ ເຊັ່ນ ການຖືກປັບໄໝ່ເສັຍຄ່າປ່ວຍການ ແລະ ຄ່າຜລິດຍົນ ກໍຖີບຕົວສູງຂື້ນ. 

 

ຫວົຂໍ້ປະຊຸມສຳຄັນ ແມ່ນ ກ່ຽວກັບການ ສະເນີໃຫ້ ມີປະທານ ແຕ່ ລະດັບ ຂັ້ນນັ້ນ ມີພຽງຄົນດຽວ, ເພາະມາເຖິງປັຈຸບັນນີ້ ປະທານ ແຕ່ ລະດັບຂັ້ນນັ້ນ ມີ ສອງຄົນ ຫຼືວ່າ ປະທານຮ່ວມ.

ນອກນັ້ນ ຍັງມີຂໍ້ສເນີ ກ່ຽວກັບ ການຂຍາຍຮຸ້ນສ່ວນອອກຕື່ມອີກ.

 

ສ່ວນບັນຫາທີ່ ຕ້ອງແກ້ໄຂນັ້ນ ກໍຄື ນັບຕັ້ງແຕ່ ມີບັນຫາໃນການ

ຜລິດຍົນ ແອກບຸສ ໓໘໐ Airbus 380 ສົ່ງອອກໃຫ້ ລູກຄ້າ ບໍ່ທັນ ກຳນົດເວລາ ແລ້ວ ຕໍ່ມາ ຝ່າຍ ຝຣັ່ງ ທ່ານ ລູ່ຍ ການລົ່ວ Louis Gallois ໄດ້ ແຕ່ງຕັ້ງ ເປັນປະທານ ບໍຣິຫານ ເອ.ອາ.ເດ່.ແອສ

EADS ແລະ ເປັນປະທານ ບໍຣິສັດ ແອຣ໌ ບຸສ Air Bus ແທນ

ທ່ານ ໂນແອ່ນ ຟ໊ອກຊ່າ Noël Forgeard.

ຫລັງຈາກນັ້ນ ແຜນຟື້ນຟູບໍຣິສັດໄໝ່ ກໍຖືກສ້າງຂື້ນ ຄືແຜນໂພເວີ້ ໘ (Power 8). ແຕ່ແຜນ ໂພເວີ້ ໘ ນີ້ມີບັນຫາ ຖືກຂັດຄ້ານ ດ້ວຍການ ປະທ້ວງ ຈາກຄົນງານ ໃນສາຂາຜລິດຕ່າງຯ, ເພາະວ່າ ຖ້າປະຕິບັດ ແຜນ ໂພເວີ້ ໘ ນີ້, ທາງບໍຣີສັດຈຳຕ້ອງເອົາ ຄົນອອກງານ ປະມານ

໑໐ ພັນຄົນ ແລະ ສາຂາໂຮງງານຜລິດບາງເຂດ ກໍຈະຖືກ ຂາຍອອກ ຫຼື ຖືກປິດ, ທັງໝົດນີ້ ແມ່ນເພື່ອ ລົດຜ່ອນ ລາຍຈ່າຍຂອງບໍຣິສັດລົງ.

 

ສ່ວນກ່ຽວກັບ ການໃຫ້ມີ ປະທານຄົນດຽວນັ້ນ, ຄຳຖາມນັ້ນມີຢູ່ວ່າ :

ແມ່ນໃຜ ຈະເປັນປະທານ ສະພາປົກຄອງ ? ແມ່ນໃຜ ຈະເປັນ ປະທ່ານບໍຣິຫານ ? ແລະ ແມ່ນໃຜຈະເປັນຜູ່ ຟື້ນຟູ ບໍຣິສັດ ແອຣ໌

ບຸສ Air Bus.

 

ອັນນີ້ລະ ເປັນບັນຫາທີ່ ທ່ານ ສ໊າກໂກຊີ ແລະ ຍານາງ ເມ໊ກເກີ່ນ ຈະສົນທະນາກັນ ໃນມື້ນີ້.    ເຖິງແມ່ນວ່າ ສອງທ່ານ ທັງກ່າວນີ້ ເຫັນພ້ອມກັນບາງຂໍ້ ແຕ່ກໍຍັງມີ ຄວາມຄັດແຍ້ງກັນຫລາຍຢ່າງຢູ່.

 

ເພາະໃຜກໍຕ້ອງການ ຢາກ ໃຫ້ຄົນຂອງປະເທດຕົນ ເປັນປະທານບໍ

ຣິສັດ ສ່ວນກ່ຽວກັບ ການຂຍາຍ ຮຸ້ນສ່ວນນັ້ນ ຍານາງ ເມ໊ກເກີ່ນ ບໍ່ເຫັນພ້ອມ ນຳທ່ານ ສ໊າກໂກຊີ່ ໃນການໃຫ້ ລັຖ ເຂົ້າມາຍຸ້ງກ່ຽວ

ໃນ ບໍຣິສັດ ເອກຊົນຫລາຍເກີນໄປ.

 

ຈະຕົກລົງກັນໄດ້ ຫຼື ບໍ່ຢ່າງໃດນັ້ນ ຄາດວ່າຜົນການເຈຣະຈາ ຈະຖືກ ເຜີຍອອກ ໃນຕອນແລງມື້ນີ້.

 

ຜູ່ນຳ ສຳຄັນ ການຈັດຕັ້ງ ຂອງ ບໍຣິສັດ (ເອ.ອາ.ເດ່.ແອສ : EADS/European Aeronotic Defence and Space Company) ມີດັ່ງນີ້.

ການຈັດຕັ້ງ ບໍຣິສັດ ເອ.ອາ.ເດ່.ແອສ EADS ນີ້ ແມ່ນແນ່ໄສ່ ການ ນຳພາ ສອງຫົວໜ້າ ເພື່ອຮັກສາຄວາມກ້ຳເກິ່ງ ລະວ່າງ ຝຣັ່ງ ແລະ ເຍັຽຣະມັນ ຊຶ່ງມີຮຸ້ນສ່ວນ ຫລາຍກວ່າໝູ່.

 

ປະທານ ສະພາບໍຣິຫານ ຫຼື ສະພາປົກຄອງ : Présidents du Directoire.

ທ່ານ ມ່ານຟເຣດ (ເຍັຽ) Manfred Mischoff ຜູ່ຮັບຜິດຊອບບໍຣິສັດ ແດ່ມເລີ້ Daimler Chrysler ສາຂາ ອາວະກາດ ເປັນ ປະທານ ສະພາບໍຣິຫານ ຂອງ EADS

ທ່ານ ອ໊າກໂນ່  ລາກ໊າກແດຣ໌ (ຝຣັ່ງ) Arnaud Lagardère ເປັນຜູ່ບໍຣິຫານ ແລະ ຮຸ້ນສ່ວນ ຂອງບໍຣິສັດ ລາກ໊າກແດຣ໌ Groupe Lagardère ເປັນ ປະທານ ສະພາບໍຣິຫານ ຂອງ EADS

 

ປະທານ ບໍຣິຫານ : Présidents Exécutifs

ທ່ານ  ລູ່ຍ ກ່ານລົ່ວ (ຝຣັ່ງ) Louis Gallois ເປັນ ປະທານ ບໍຣິຫານຮ່ວມ ຂອງ EADS : Co-Président d'EADS

ທ່ານ ໂທ່ມ່າ ເອ່ນເດີ໊ກສ໌ (ເຍັຽ)  Thomas Enders ເປັນ ປະທານບໍຣິຫານຮ່ວມ ຂອງ EADS : Co-Président d'EADS

ແຕ່ ທ່ານ  ລູ່ຍ ກ່ານລົ່ວ (ຝຣັ່ງ) Louis Gallois ຍັງຖືກແຕ່ງຕັ້ງ ໃຫ້ເປັນ ປະທານ ບໍຣິສັດ ແອ່ບຸສ ນຳອີກ.

 

ປະທານ ເອກອະທິບໍດີ : Président général.

ທ່ານ ຝຣັ່ງຊົ່ວ ດາວີດ  François DAVID.