ຟີລິບປິນ//ອາຊຽນ//ARF

ປະຊຸມອາຊຽນ ແລະພາຄີ

ໂດຍ ສີທູຍ ສຸວັນນະສີ

ບົດຄວາມນີ້ເຜີຍແຜ່ເມື່ອວັນທີ 31/07/2007 ແກ້ໄຂໃຫມ່ຫລ້າສຸດເມື່ອວັນທີ 31/07/2007 12:59 TU

ປະທານາທິອາໂຣໂຍແຫ່ງຟີລິບປິນ ເປັນປະທານກອງປະຊຸມອາຊຽນ
ຮູບ: AFP

ມື້ນີ້ວັນທີ່ 31/07/07 ອາຊຽນ ກັບ ພາຄີສາມ ຄື ຈີນ ຍີ່ປຸ່ນ ແລະ ເກົາຫຼີໃຕ້ເຂົ້າຮ່ວມປະຊຸມກັນຢູ່ ມະນີລາ ເພື່ອເວົ້າເຖິງການຄ້າ ພ້ອມດຽວກັນ ກໍມີປະຊຸມນຶ່ງອີກ ລວມສິບຫົກປະເທດດ້ານການຄ້າ ເສຣີໃຫ້ໄດ້ໃນປີ 2015

>>ເພື່ອ ຄວາມເຂົ້າໃຈງ່າຍ ຂອງທ່ານ ຜູ້ ຟັງ ປະຊຸມ ອາຊຽນ ARF /ASEAN REGIONAL FORUM ນີ້ ແມ່ນປະຊຸມ ກ່ຽມກັບປັນຫາ ຄວາມ ປອດພັຍ / ເປັນການປະຊຸມ ຣະດັບຣັຖມົນຕຣີ ກະຊວງປ້ອງກັນປະເທດ ໃນຂົງເຂດ ອາຊີ ປາຊີຟຶກ ແປກຕ່າງກັນ ກັບ ປະຊຸມ ປະຈຳປີ ກຸ່ມ ອາຊຽນ ມື້ວັນຈັນ ວານນີ້ ຊຶ່ງໂຮມເອົາ ຣັຖມົນຕຣີ ຕ່າງປະເທດ ຂອງ ພາຄີ ໑໐ ປະເທດ ຂອງອາຊຽນ ເທົ່ານັ້ນ.

>>ປະຊຸມ ARF /ASEAN REGIONAL FORUM ບໍ່ແມ່ນແຕ່ ປະຊຸມ ຣັຖມົນຕຣີ ປ້ອງກັນປະເທດ ກຸ່ມອາຊຽນ ແຕ່ ຍັງມີ ອີກ ຫລາຍປະເທດ ແລະ ກຸ່ມ ປະເທດ ສຳຄັນໆ ໃນຂົງເຂດ ເຂົ້າຮ່ວມນຳດ້ວຍ.

>>ນອກໄປຈາກ ກຸ່ມປະເທດ ອາຊຽນແລ້ວ ຍັງມີ ປະເທດ ການາດາ /ສຫະພາບ
ເອີຣົບ/ ຣັດເຊັຽ/ສຫະຣັດອະເມຣິກາ/ ປີນີ້ ຍັງມີ ພາຄີທີ ໒໗ ຄື ປະເທດ ສີລັງກາເຂົ້າ
ຮ່ວມ ໂຮມທັງ ເກົາຫລີເຫນືອ ນຳດ້ວຍ.

>>ARF /ASEAN REGIONAL FORUM ຖືກສ້າງຂຶ້ນ ໃນປີ ໑໙໙໔ ຜ່ານມາ
ແລະ ຈັດປະຊຸມ ປະຈຳປີ ທຸກປີ ໃນປະເທດ ທີ່ກຳຫນ້າທີ່ປະທານວຽນ ອາຊຽນ ຫລັງ ປະຊຸມ ຣະດັບຣັຖມັນຕຣີ ຕ່າງປະເທດ ອາຊຽນ. ປີນີ້ ແມ່ນ ປະເທດ ຟິລີປປີນ ເປັນ
ປະທານ ອາຊຽນ ຈຶ່ງຈັດຂຶ້ນ ຢູ່ ນະຄອນຫລວງ ມານີລາ.

>>ພວກຣັຖມົນຕຣີ ຕ່າງປະເທດ ປະເທດ ພາຄີ ARF /ASEAN REGIONAL FORUM ປະຊມ ກັນ ເວລາ ສອງມື້ ແລະ ນອກນີ້ ຍັງມີ ປະຊຸມ ສອງຕໍ່ສອງ ນຳອີກ
ແຕ່ ທີແທ້ ແລ້ວ ຕາມທຳມະດາ ກໍປະຊຸມ ປະມານ ສອງຊົ່ວໂມງ ກໍ ຣາຍງານ ກັນ ຮຽບຮ້ອຍ ກ່ຽວກັບ ປັນຫາສຳຄັນແລ້ວ. ແລະຕໍ່ຈາກນັ້ນ ກໍມີ ການ ຮ່ວມຮັປທານອາ
ຫານ ໃນງານລ້ຽງຕ້ອນຮັບ ຂນານໃຫຍ່ ໃນ ອັນດັບຕໍ່ມາ.

>>ໃນງານຕ້ອນຮັບປີກ່ອນໆນີ້ ຜູ້ຕ່າງຫນ້າ ອະເມຣິກາ ທ່ານນາງ CONDOLEEZA
RICE ກໍໄດ້ຮ້ອງເພງ ເຫລັ້ນ PIANO ແລະທ່ານ COLIN POWELL ໄດ້ຮ້ອງເພງ YMCA ເພື່ອສ້າງບັນຍາກາດ ໃນງານລ້ຽງຕ້ອນຮັບ ປະຊຸມ ARF /ASEAN REGIONAL FORUM ແຕ່ສຳລັບເທື່ອນີ້ ຍັງບໍ່ຮູ້ຄັກແນ່ວ່າ ຈະດຳເນີນ ທ່າມກາງ ບັນຍາກາດ ແນວໃດ ຄັກແນ່ເທື່ອ.

>>ແຕ່ສຳລັບ ເທື່ອນີ້ ແລະໃນມື້ນີ້ ທ່ານນາງ C RICE ຣັງມົນຕຣີ ການຕ່າງປະເທດ ອະເມຣິກາ ແລະ ທ່ານ ROBERT GATES ຣັຖມົນຕຣີ ປ້ອງກັນປະເທດ ອະເມຣິກາ ກຳລັງ ເດີນທາງ ຢ້ຽມຢາມ ພາກພື້ນຕາເວັນອອກກາງຢູ່ ອາດຈະບໍ່ໄປເຖິງ ປະຊຸມ ປະຈຳປີ ARF /ASEAN REGIONAL FORUM ໄດ້ ທ່ວງທັນ ເພາະວ່າ ປັນຫາ ດ້ານສະເຖັຽຣະພາບໃນ ພາກພື້ນຕາເວັນ ອອກກາງ ຫນັກຫນ່ວງຢູ່ ເພື່ອ ສະກັດກັ້ນ
ກຳລັງ ຂອງ ປະເທດ ອີຣ່ານ ທາງອະເມຣິກາມີນະໂຍບາຍ ຊ່ວຍທາງອາວຸດ ແກ
ປະເທດ ເອຊິບ ໑໓ຕື້/ອິສຣາແອລ ໓໐ ຕື້ ແລະ ອາຣາບີ ຊາອຸ ໒໐ ຕື້.

>>ໃນປະຊຸມ ARF /ASEAN REGIONAL FORUM ເທື່ອນີ້ ຫາກແມ່ນບໍ່ມີຫຍັງ ສຳຄັນ ຢ່າງຫນ້ອຍ ກໍຊິເປັນໂອກາດ ໃຫ້ມີການພົບພໍ້ ສອງຕໍ່ສອງ ຣະຫວ່າງ ຜູ້ຕາງ
ຫນ້າ ປະເທດ ເກົາຫລີເຫນືອ ແລະ ສຫະຣັດ ອະເມ ຣິກາ ຂຶ້ນໄດ້ເພາະ ເທື່ອນີ້ເກົາຫລີ
ເຫນືອ ຊິເຂົ້າ ຮ່ວມ ປະຊຸມນຳ. ການປະຊຸມ ARF ແທ້ໆນັ້ນ ແມ່ານ ສອງມື້ ຄື ມື້ອື່ນ
ແລະ ມື້ຮື.

>>ກ່ຽວກັບ ປະຊຸມ ຣະດັບຣັຖມົນຕີ ຕ່າງປະເທດ ກຸ່ມ ອາຊຽນ ໑໐ ປະເທດ ນັ້ນ ເປັນການປະຊຸມ ຄົບຮອບ ໔໐ ປີ ກໍວ່າໄດ້ ເພາະ ຕັ້ງມາ ໄດ້ ໔໐ ປີ ນີ້ແລ້ວ ສ່ວນ
ARF ແມ່ນຄົບຮອບ ໑໓ ປີ ເພາະ ສ້າງມາ ໃນປີ ໑໙໙໔ ເທົ່ານັ້ນ.

>>ປະຊຸມຣະດັບ ຣັຖມົນຕຣີຕ່າງປະເທດ ກຸ່ມອາຊຽນເທື່ອນີ້ ມີຈຸດສຳຄັນ ນຶ່ງ ຄື ການ ສາງທັມມະນູນ ຫລື ວ່າ CHARTES ຫລື ຊິແປວ່າ ກົດບັດ ອາຊຽນກໍວ່າໄດ້ ຄ້າຍໆ
ກັບ ໃນສຫະພາບເອີຣົບ ທີ່ກຳລັງ ຂຽນ MINI TRAITES ນັ້ນເອງ.

>>ຂາປະຊຸມ ພາຄີ ອາຊຽນ ສາມາດ ລົງລອຍກັນໄດ້ ໃຫ້ມີ ກົດບັດນັ້ນອອກ ເປັນກົດ
ບັດ ແບບຫລວມໆ ຮວມທັງມີການ ຈັດຕັ້ງໃຫ້ ມີກັມມາທິການ ວ່າດ້ວຍສິດ ທິມະນຸດ ອາຊຽນ ນຳດ້ວຍ ແມ່ນວ່າ ຈະມີການຂັດຂ້ອງ ຂນານໃຫຍ່ ຈາກ ພາຄື ຫລາຍປະເທດ ໂດຍສະເພາະ ກໍແມ່ນ ປະເທດ ມຽນມ່າ ແລະ ພາຄີ ອື່ນໆເຊັນ ວຽດນາມ ແລະ ສປປ
ລາວ ເປັນຕົ້ນ.

>>ການທີ່ ສາມາດ ຮັບຮອງເອົາກົດບັດ ໂຮມທັງ ການ ຕັ້ງ ກັມມາ ທິການ ໃນກົດບັດ ອາຊຽນນັ້ນ ຖືວ່າ ເປັນ ບາດກ້າວສຳຄັນ ຂນານ ໃຫຍ່ ໃນການປະຊຸມ ຊຸດ ນີ້ ແຕ່ເຖິງຢ່າງໃດກໍຕາມ ປັນຫາ ທີ່ຄ້າງຄາ ເຊັ່ນປັນຫາ ການອອກສຽງ ແລະ ພາຣະຫນ້າທີ່ກັມ ມາທິການ ສິດທິມະນຸດ ນັ້ນ ຍັງຈະ ນຳ ສຶກສາກັນໃຫມ່ ໃນປະຊຸມ
ຣະດັບ ປະມຸກຣັດ ຢູ່ ສິງກະໂປ ເດືອນ ພຶສຈິກາຫນ້ານີ້ ພຸ້ນ.