ບົດວິເຄາະ: ປັນຫາຂບົດ ແຍກດິນແດນກວ໊ຽກ ໃນປະເທດຕວ໊ຽກກີ

ອັງກາຣາກົດດັນ ໃຫ້ອະເມຣິກາ ຊ່ວຍປາບ

ໂດຍ ໄຊຊະນະ ທານາດາບຸຕຣ໌

ບົດຄວາມນີ້ເຜີຍແຜ່ເມື່ອວັນທີ 02/11/2007 ແກ້ໄຂໃຫມ່ຫລ້າສຸດເມື່ອວັນທີ 02/11/2007 17:23 TU

ຖ້າກອງທັບຕວ໊ຽກກີບຸກເຂົ້າກວາດລ້າງ ກຳລັງຂອງຝ່າຍຂບົດແຍກດິນແດນຊົນ ເຜົ່າກວ໊ຽກແຫ່ງພັກ PKK ທີ່ໜີຂ້າມ ຊາຍແດນເຂົ້າໄປຫລົບຊ້ອນໃນພາກ ເໜືອຂອງປະເທດອີຣັກ ຈະທຳໃຫ້ສຖາ ນະການທີ່ສັບສົນອົລມ່ານຢູ່ແລ້ວ ຍິ່ງຈະ ສັບສົນຫຍຸ້ງຍາກໜັກໜ້າແລະເພີ້ມພາຣະອັນໜັກໜ່ວງໃຫ້ແກ່ກອງທັບອະເມຣິ ກັນຕື່ມອີກ

ສົງຄາມອີຣັກກໍສັບສົນຢູ່ແລ້ວ
ເວົ້າສເພາະແຕ່ສົງຄາມໃນປະເທດອີຣັກເອງກໍສັບສົນພໍແຮງຢູ່ແລ້ວ ທະຫານອະເມຣິກັນ
ແລະທະຫານຂອງກອງທັບແຫ່ງຊາດອີຣັກເອງ ກໍລົ້ມຕາຍບໍ່ເວັ້ນແຕ່ລະວັນອັນເນື່ອງມາ
ຈາກການກໍ່ການຮ້າຍແບບຖວາຍຊີວິດຂອງກຸ່ມການຈັດຕັ້ງມຸສລິມຫົວຮຸນແຮງປະກອບອາ
ວຸດຕ່າງໆ ທີ່ບໍ່ມີຕົວຕົນ ບໍ່ຮູ້ວ່າອົງການໃດຕໍ່ອົງການໃດ

ທ່ານປະທານາທິບໍດີອະເມຣິກັນ ຢອຣ໌ຊ ດັບເບີ້ລຢູ ບຸສ ກໍຖືກກົດດັນໜັກທັງພາຍໃນ
ປະເທດແລະໃນເວທີໂລກຍ້ອນປັນຫາສົງຄາມໃນປະເທດອີຣັກນີ້

ນັ້ນກໍຄື ເມື່ອບໍ່ສາມາດປາບກຸ່ມຫົວຮຸນແຮງມຸສລິມໃນປະເທດອີຣັກໃຫ້ຮາບຄາບໄດ້ແລ້ວ
ກອງທັບອະເມຣິກັນແລະອີຣັກຍັງຈະຕ້ອງທຸ້ມເທມາທາງດ້ານຫ້າມເສິກທີ່ຊາຍແດນຕິດ
ກັບຕວ໊ຽກກີຕື່ມອີກ ໃຜໆກໍພໍເບີ່ງເຫັນຈະແຈ້ງວ່າພາຣະຈະໜັກໜ່ວງເພີ້ມຂື້ນຂນາດໃດ

ກອງທັບຕວ໊ຽກທີ່ມີກຳລັງພົນເຖິງ 10 ພັນຄົນ ທີ່ສນັບສນຸນຣົດຣົດເກາະຣົດຖັງ ເຄື່ອນທີ່ສູ່ຊາຍແດນຕິດ
ກັບດ້ານເໜືອຂອງອີຣັກ ຕຽມພ້ອມຮັບຄຳສັ່ງເພື່ອບຸກຂ້າມຊາຍແດນເຂົ້າປາບປາມກຸ່ມຂບົດແຍກດິນແດນ
ຊົນເຜົ່າກວ໊ຽກ (ພາບ: Reuters)

ກອງທັບອະເມຣິກັນບໍ່ເຄີຍຊ່ວຍຕວ໊ຽກກີມາກ່ອນບໍ່?
ທີ່ຜ່ານມາຈະວ່າກອງທັບອະເມຣິກັນບໍ່ໄດ້ເຮັດຫຍັງເລີຍກໍບໍ່ຖືກ ທັງນີ້ເພາະໃຜໆກໍຮູ້ແລ້ວ
ວ່າສຫະຣັດອະເມຣິກາແລະຕວ໊ຽກກີນັ້ນເປັນພັນທະມິດທີ່ຈົ່ງຮັກພັກດີຕໍ່ກັນມາເປັນເວລາ
ຊ້ານານ ທີ່ຜ່ານມາກອງທັບອະເມຣິກັນປ້ອນຂໍ້ມູນຂ່າວສານໃຫ້ກອງທັບຕວ໊ຽກເປັນປະຈຳ
ກ່ຽວກັບທີ່ຕັ້ງຂອງກອງກຳລັງຂອງຊົນເຜົ່າກວ໊ຽກແຍກດິນແດນ ແຕ່ເຖິງປານນັ້ນຣັຖ
ບານແຫ່ງກຸງອັງກາຣາກໍຍັງບໍ່ພໍໃຈ ເພາະເຫັນວ່າບໍ່ເປັນການພຽງພໍ ແລະຕ້ອງການ
ຢາກໃຫ້ກອງທັບອະເມຣິກັນແລະອີຣັກຮ່ວມປາບ ປາມນຳດ້ວຍ

ແຕ່ຄວາມຕ້ອງການຂອງຣັຖບານຕວ໊ຽກກີນີ້ ກໍບໍ່ແມ່ນຈະສາມາດຕອບສນອງໄດ້ງ່າຍໆ
ທັງນີ້ອັນເນື່ອງມາຈາກຣັຖບານອີຣັກເອງຈະປະຕິບັດຄວາມຮຸນແຮງຕໍ່ຊາວກວ໊ຽກກໍຍາກ
ເພາະເຂດກວ໊ຽກດິສຖານໃນພາກເໜືອຂອງປະເທດອີຣັກນັ້ນ ກໍມີແນວຄິດຢາກແຍກດິນ
ແດນຄືກັນ ການປະຕິບັດຄວາມຮຸນແຮງອາດທຳໃຫ້ແນວຄວາມຄິດແຍກດິນແດນເພີ້ມ
ຄວາມເຂັ້ມຂຸ້ນໜັກໜ້າກວ່າເກົ່າ

ຕວ໊ຽກກີສົງໃສອີຣັກໃຫ້ທີ່ຫລົບຊ້ອນ
ປັດຈຸບັນເຂດກວ໊ຽກດິສຖານອີຣັກເປັນເຂດປົກຄອງເອກເທດ (Autonome) ມີປະທານ
ເຂດເປັນຊົນເຜົ່າກວ໊ຽກຄື ທ່ານມາສຸດ ບາກຊານີ (Masoud Barzani) ຫົວໜ້າ
ພັກ "ປະຊາທິປະໄຕກວ໊ຽກດິສຖານ" (PDK)

ນອກຈາກນີ້ອີກປະທານາທິບໍດີຂອງປະເທດອີຣັກຄົນປັດຈຸບັນ ທ່ານຈາລາລ ຕາລາ
ບານີ (Jalal Talabani) ກໍແມ່ນຊົນເຜົ່າກວ໊ຽກຄືກັນ ແລະເປັນຫົວໜ້າພັກ "ສຫະ
ພັນຮັກຊາດກວ໊ຽກດິສຖານ" (UPK)

ເປັນເຫດຜົນເຮັດໃຫ້ຣັຖບານແຫ່ງກຸງອັງກາຣາສົງໃສວ່າຊາວກວ໊ຽກໃນປະເທດອີຣັກ
ອາດສົມຮູ້ຮ່ວມຄິດໃຫ້ທີ່ຫລົບຊ້ອນແກ່ຊົນຊາດດຽວກັນກໍອາດເປັນໄປໄດ້

ເພື່ອເປັນການແກ້ຂໍ້ສົງໃສດັ່ງກ່າວ ປະທານາທິບໍດີອີຣັກ ໄດ້ອະທິບາຍຊີ້ແຈງວ່າ
"ພວກເຮົາໄດ້ຊີ້ແຈງ ອະທິບາຍມາຫລາຍເທື່ອແລ້ວວ່າບັນດາຫົວໜ້າພັກ
PKK ໄດ້ພາກັນໄປລີ້ໄພໃນຖ້ຳເທິງພູເຂົາທີ່ກັນດານແລະຍາກຕໍ່ການຂົ້າເ
ຖິງໄດ້ ພວກເຂົາເຈົ້າບໍ່ໄດ້ຫລົບຊ່ອນໃນຕົວເມືອງ ເພາະສນັ້ນພວກເຮົາຈຶ່ງ
ບໍ່ສາມາດຈັບສົ່ງໃຫ້ແກ່ປະເທດຕວ໊ຽກກີໄດ້"

ສຫະຣັດແລະອີຣັກຕົກທີ່ນິ່ງລຳບາກ

ເມື່ອສລຸບຄວາມແລ້ວ ທັງກອງທັບອະເມຣິກັນແລະອີຣັກຈຶ່ງຕົກຢູ່ໃນສຖານະການເປັນ
ຊີ້ນກາງຫີບເພາະປັນຫາກຸ່ມແຍກດິນແດນຊົນເຜົ່າກວ໊ຽກໃນປະເທດຕວ໊ຽກກີນີ້

ເວົ້າງ່າຍໆກໍຄືບໍ່ແມ່ນເຣື່ອງງ່າຍຈັກດີ້ສຳລັບວໍຊິງຕັນແລະບາກດ໊າດທີ່ຈະໃຊ້ກຳລັງ
ເຂົ້າແຊກແຊງເພື່ອແກ້ໄຂປັນຫາໄດ້ ໂດຍສເພາະສຳລັບຣັຖບານອີຣັກທີ່ຈະຕ້ອງຄຳ
ນຶງເຖິງຄວາມເປັນເອກພາບຂອງຊາດ

ຢ່າງໃດກໍຕາມ ເຮົາກໍຕ້ອງຕິດຕາມເບີ່ງຜົນຂອງກອງປະຊຸມນາໆຊາດວ່າດ້ວຍປະ
ເທດອີຣັກທີ່ກຸງອິສຕັງບຸລຕໍ່ໄປ ທີ່ຈະສິ້ນສຸດລົງໃນມື້ອື່ນນີ້ (ເສົາ 3 ພະຈິກ) ວ່າຈະ
ຫາທາງແກ້ໄຂປັນຫານີ້ໄດ້ຄືແນວໃດ