ປາກິສຖານ

ເບ່ນ່າເຊັ່ຍ ບຸຕໂຕ ລົງປະທ້ວງ

ໂດຍ ບັນດານ ສີສຸນທອນ B. Sisounthone

ບົດຄວາມນີ້ເຜີຍແຜ່ເມື່ອວັນທີ 10/11/2007 ແກ້ໄຂໃຫມ່ຫລ້າສຸດເມື່ອວັນທີ 10/11/2007 13:36 TU

ຍນ ເບ່ນ່າເຊັ່ຍ ບຸຕໂຕ ລົງຖນົນປະທ້ວງໃນເຊົ້າມື້ນີ້
Photo : AFP

ຫລັງຈາກ ໄດ້ຖືກປ່ອຍຕົວ ໃນຄືນນີ້ແລ້ວ, ຍານາງ ເບ່ນ່າເຊັ່ຍ ບຸຕໂຕ ໄດ້ໄປພົບພໍ້ກັບ ບັນດາ ຜູ່ນຳ ຝ່າຍຄ້ານຕ່າງໆ , ແລະ ໄດ້ ລົງຖະນົນປະທ້ວງ ໃນເຊົ້າມື້ນີ້ ເພື່ອຄັດຄ້ານ ຕໍ່ກົດພາວະສຸກເສີນ

ຍານາງ ເບ່ນ່າເຊັ່ຍ ບຸຕໂຕ Benazir Butto ອະດີດນາຍົກລັຖະມົນຕຣີ ປາກິສຖານ ໄດ້ມີອິສຣະພາບແລ້ວຫລັງຈາກ ໄດ້ຖືກສັ່ງກັກຂັງຢູ່ໃນເຂດ ພຳນັກຂອງຕົນເອງ ໃນເວລາ ອັນສັ້ນໆ ແລະໄດ້ຖືກ ປ່ອຍຕົວໃນຄືນນີ້.  

ໃນທັນໃດ ຍານາງ ເບ່ນ່າເຊັ່ຍ ບຸຕໂຕ ກໍໄດ້ຕິດຕໍ່ຫາ ບັນດາ ຜູ່ນຳ ຝ່າຍຄ້ານຕ່າງໆ ທີ່ໄດ້ ທຳການປະທ້ວງ ຕໍ່ອຳນາດທະຫານ ມາໄດ້ນຶ່ງ ອາທິດນັ້ນແລ້ວ ແລະ ຍານາງກໍໄດ້ລົງຖະນົນຮ່ວມປະທ້ວງ ໃນນະຄອນ ຫລວງອິສຣາມ່າບັດ ໃນເຊົ້າມື້ນີ້.

 

ຍານາງ ເບ່ນ່າເຊັ່ຍ ບຸຕໂຕ ປະກາດວ່າ ການອອກປະທ້ວງຄັ້ງນີ້ ແມ່ນ ເພື່ອຄັດຄ້ານຕໍ່ການ ປະກາດໃຊ້ກົດພາວະສຸກເສີນ ໂດຍ ນາຍພົນ

ແປກແວຊ໌ ມຸສຊາຣັຟ Pervez Musharraf  ທີ່ ຍານາງ ບໍ່ເຫັນ

ພ້ອມນຳ.

 

 

ເຖີງແມ່ນວ່າ ນາຍພົນ ແປກແວຊ໌ ມຸສຊາຣັຟ Pervez Musharraf ກໍໄດ້ສັນຍາວ່າ ຈະປະກາດ ຢຸດໃຊ້ກົດ ພາວະສຸກເສີນ ພາຍໃນ ນຶ່ງ

ເດືອນ ຂ້າງນີ້ກໍດີ, ແຕ່ ຍານາງ ບຸດໂຕ່ ບໍ່ຍອມລົດລະ ແລະ ຍັງທ້າ

ທາຍ ອຳນາດທະຫານ ວ່າຈະຈັດສັນການປະທ້ວງຄັ້ງຍິ້ງໃຫຍ່ ທີ່ ຄາດໄສ່ໃນວັນອັງຄານໜ້າ ທັງນີ້ແມ່ນສຳຫລັບ ຮຽກຮ້ອງໃຫ້ ອຳນາດ

ທະຫານ ດຳເນີນກາານເລືອກຕັ້ງນິຕິບັນຍັດ ຕາມທີ່ໄດ້ກຳນົດໃວ້.

 

ສ່ວນ ສຫລັດ ອາເມຣິກາ ໄດ້ສັນລະເສີນ ນາຍພົນ ມຸສຊ່າຣັຟ ແລະ ໄດ້ຮຽກຮ້ອງໃຫ້ ອຳນາດທະຫານ ກຳນົດວັນເວລາເລືອກຕັ້ງ ຢ່າງຈະ

ແຈ້ງ ເພາະວ່າກ່ອນໜ້ານີ້ ລັຖະບານໄດ້ປະກາດ ເຈຕະນາອອກໄປ

ແລ້ວວ່າ ຈະເລື່ອນ ການເລືອກອອກ ໄປຕື່ມອີກປີນຶ່ງ ຊຶ່ງກ່ອນໜ້ານີ້

ຄາດໄສ່ ວັນທີ 15 ມົກະຣາ ປີໜ້ານີ້. ແຕ່ຍ້ອນຖືກກົດດັນ ຈາກ

ອາເມຣິກາ ສະນັ້ນ ລັຖະບານ ປາກິສຖານ ຈຶ່ງແຈ້ງວ່າ ຈະເລື່ອນອອກ

ໄປຕື່ມອີກ ເດືອນນຶ່ງ ເທົ່ານັ້ນ ແລະ ຄາດວ່າຈະຈັດໄສ່ ວັນທີ 15 ກຸມພາ 2008.

 

ອາເມຣິກາ ໄດ້ໃຊ້ອິດທິພົນກົດດັດ ຕໍ່ນາຍພົນ ມຸສຊ່າຣັຟ ເພາະວ່າ

ອາເມຣິກາ ເປັນ ປະເທດທີ່ ໃຫ້ການຊ່ວຍເຫຼືອທາງດ້ານອຸປະກອນ

ທະຫານ ແລະ ເສຖະກິດ ພ້ອມທັງ ເປັນຄູ່ ປາບການ ກໍ່ການຮ້າຍ ຮ່ວມກັນອີກດ້ວຍ.

ເຖິງອາເມຣິກາ ເປັນພາຄີ ຕໍ່ຕ້ານ ການກໍ່ການຮ້າຍ ກັບ ປາກິສຖານ

ກໍດີ ແຕ່ ອາເມຣິການັ້ນແມ່ນບໍ່ເຫັນພ້ອມນຳ ວິທີການ ທີ່ ນາຍພົນ

ມຸສຊ່າຣັຟ ໃຊ້ກົດພາວະສຸກເສີນ ແລະ ປະກາດ ໂຈະງົດໃຊ້ ກົດ ລັຖະທັມມະນູນ ຕລອດເຖີງການ ໂຈະ ກິຈະການສານຍຸຕິທັມສູງສຸດ ຂອງປະເທດອີກດ້ວຍ.

 

ສຳຫລັບ ຍານາງ ເບ່ນ່າເຊັ່ຍ ບຸຕໂຕ Benazir Butto ນີ້ ເປັນຫົວ ໜ້າຝ່າຍຄ້ານສຳຄັນຜູ່ນຶ່ງ, ຍັງມີສຽງນິຍົມ ຈາກມະຫາຊົນໜາແໜ້ນຢູ່, ເຖີງແມ່ວ່າຍານາງ ໄດ້ ອອກໄປ ລີ້ພັຍໃນຕ່າງປະເທດ 8 ປີກວ່າກໍດີ ຍ້ອນຖືກຕູ່ກ່າວຫາວ່າ ສໍ້ລາດບັງຫລວງ, ຍານາງເຄີຍເປັນ ນາຍົກລັຖະ

ມົນຕຣີ ສອງຄັ້ງ. ແລະ ເມື່ອ 3 ອາທິດຫລັງນີ້ ຕອນກັບຄືນປະເທດນັ້ນ ຍານາງ ໄດ້ຖືກລອບສັງຫານ ແຕ່ປອດພັຍ   ສ່ວນ ປະຊາຊົນທີ່ມາ

ຊົມເຊີຍ ນັ້ນຖືກ ລະເບີດຕາຍ 139 ຄົນ.

 

ກ່ອນໜ້ານີ້ ຍານາງ ເບ່ນ່າເຊັ່ຍ ບຸຕໂຕ ເຄີຍໄດ້ເຈຣະຈາ ກັບນາຍພົນ ມຸສຊ່າຣັຟ ໃນການແບ່ງປັນອຳນາດປົກຄອງກັນ ໃນກໍຣະນີທີ່ວ່າ ຫາກ

ທ່ານ ມຸສຊ່າຣັບໄດ້ເລືອກຕັ້ງ ເປັນປະທານາທິບໍດີ ອີກສະມັຍນຶ່ງ ຊຶ່ງ

ຄາດວ່າ ນຍ ບຸດໂຕາ ອາຈະໄດ້ຕຳແໜ່ງ ນາຍົກລັຖມົນຕຣີ  ເພື່ອຮ່ວມ ກັນຕ້ານຢັນ ກັບການກຳລັງ ລຸກເຮື້ອຂື້ນຢ່າງແຮງ ຂອງກຸ່ມ ອິສລາມ

ຫົວຮຸ່ນແຮງ ທີ່ຕໍ່ສູ້ດ້ວຍອາວຸດ ແລະ ດ້ວຍການກໍ່ການຮ້າຍ.  ແຕ່ມາເຖີງຕອນນີ້ ການຕົກລົງດັ່ງກ່າວນັ້ນ ຍັງຈະຖືກນັບຖືຢູ່ຫຼືບໍ່

 

ກະຊວງພາຍໃນ ເຜີຍວ່າ ໄດ້ ທຳການຈັບກຸມພວກປະທ້ວງ ທັງໝົດ

2500 ຄົນ  ແຕ່ຝ່າຍຄ້ານນັ້ນ ແຈ້ງ ແມ່ນ 5000 ຄົນ ຖືກຈັບກັກຂັງ

ຢູ່ໃນປັຈຸບັນນີ້.