ພິທີຮັບ ໂຄມໄຟ ໂອ່ແລ່ມປິກ ທີ່ປັກກິງ

ປະທານປະເທດ ຫູ ຈິນທ່າວ ມອບໂຄມໄຟໃຫ້ ຫລີວຊຽງ

ໂດຍ ບັນດານ ສີສຸນທອນ B. Sisounthone

ບົດຄວາມນີ້ເຜີຍແຜ່ເມື່ອວັນທີ 31/03/2008 ແກ້ໄຂໃຫມ່ຫລ້າສຸດເມື່ອວັນທີ 31/03/2008 16:02 TU

ປະທານປະເທດ ຫູ ຈິນທ່າວ ມອບໂຄມໄຟໃຫ້ ຫລີວຊຽງ ຜູ່ໄດ້ຫລຽນ ຄຳ ໂອ່ແລ່ມປິກ ແລະ ເປັນ ແຊ່ມປ່ຽນໂລກ ປະເພດແລ່ນເຕັ້ນຂ້າມຮົ້ວ 110 ແມດ, ເປັນຜູ່ເລີ້ມຖືແລ່ນ ຜູ່ທຳອິດໃນ ສປປ ຈີນ.

 

ປະທານປະເທດ ຫູ ຈິນທ່າວ ມອບໂຄມໄຟໃຫ້ ຫລີວຊຽງ ຜູ່ໄດ້ຫລຽນ ຄຳ ໂອ່ແລ່ມປິກ ແລະ ເປັນ ແຊ່ມປ່ຽນໂລກ ປະເພດແລ່ນເຕັ້ນຂ້າມຮົ້ວ 110 ແມດ, ເປັນຜູ່ເລີ້ມຖືແລ່ນ ຜູ່ທຳອິດໃນ ສປປ ຈີນ.

 

ພິທີຮັບ ໂຄມໄຟ ໂອ່ແລ່ມປິກ ທີ່ປັກກິງ
Reuters

ທາງການຈີນຕູ່ກ່າວຫາ ອົງດາໄລ ລາມະ ແລະ ຄນະ ຕິເບດ ພັດຖິ່ນ ອີກໃໝ່ວ່າ ສວຍໃຊ້ສາສນາ ແລະ ເປັນຜູ່ຍຸຍົງບົ່ງການ ຢູ່ເບື້ອງຫລັງ ຂອງການປະທ້ວງ ຢູ່ໃນເຂດຕິເບດ.

 

ໂຄມໄຟ ໂອ່ແລ່ມປິກ ໄປເຖີງ ນະຄອນຫລວງ ປັກກິງ ມື້ນີ້, ໂດຍຈັດ ພິທີ ຕ້ອນຮັບ ດ້ວຍການຮັກສາ ຄວາມປອດພັຍ ຢ່າງເຂັ້ມງວດກວດ

ຂັນ ທີ່ສຸດ ທີ່ສະນາມ ຈຽນອັ່ນເມີນ.

 

ປະທານປະເທດ ຫູ ຈິນທ່າວ ເປັນຜູ່ກ່າວ ເປີດພິທີ ເປັນທາງການ ແລະ ເປັນຜູ່ມອບໂຄມໄຟໃຫ້ ນັກແລ່ນ ຫລີວ ຊ່ຽງ ຜູ່ໄດ້ຫລຽນຄຳ ໂອ່ແລ່ມປິກ ແລະ ເປັນ ແຊ່ມປ່ຽນໂລກ ປະເພດແລ່ນເຕັ້ນ ຂ້າມຮົ້ວ 110 ແມດ, ເປັນຜູ່ເລີ້ມຖືແລ່ນ ຜູ່ທຳອິດໃນ ສປປ ຈີນ ກ່ອນຈະນຳ ຕໍ່ໆກັນໄປ ໃນຕ່າງ ປະເທດ.

 

ໂຄມໄຟ ດັ່ງກ່າວນີ້ ຈະຖືກນຳອອກຈາກ ຈີນ ຜ່ານໄປ ປະເທດຕ່າງໆ ໃນໂລກ ມື້ວັນທີ 2 ເມສາ ແລະ ຈະ ກັບຄືນມາ ຈີນຄືນ ໃນເດືອນ ພຶສຈິກາ ແລະ ກໍຈະຜ່ານເຂົ້າໄປ ໃນເຂດຕິເບດຕາມທີ່ ໄດ້ຄາດເອົາ ໃວ້.  ລະຍະທາງ ທັງໝົດ 137.000 ກິໂລແມດ.

 

ໂຄມໄຟ ໂອ່ແລ່ມປິກ ໄດ້ເລີ້ມທຳພິທີຈູດ ມາແຕ່ວັນຈັນ ແລ້ວນີ້ ທີ 24 ມິນາ, ທີ່ຫົວພູ ໂອ່ແລ່ມປີ່ ໃນນະຄອນຫລວງ ອ່າແຕ່ນ, ຫລັງຈາກນັ້ນ, ໂຄມໄຟ ໄດ້ຖືກ ຖືແລ່ນໃນ ປະເທດ ກະແຣສ໌ 1500 ກລມ.

 

ຫລັງຈາກນັ້ນ, ໂຄມໄຟ ກໍໄດ້ຖືກມອບໃຫ້ ຜູ່ຕາງໜ້າ ຈີນ ມື້ວານນີ້ ເພື່ອນຳມາ ນະຄອນ ຫລວງ ປັກກິງ ທາງຍົນ.  ມື້ວານນີ້ມີຊາວຕິເບດ ແລະ ອົງການຕ່າງໆ ພາກັນໄປ ປະທ້ວງຢູ່ ຕໍ່ໜ້າສະນາມກິລາ ຂອງ ນະຄອນຫລວງ ອ່າແຕ່ນ ໃນຕອນທຳພິທີມອບ ໂຄມໄຟ ໂອ່ແລ່ມປິກ.

 

ໂຄມໄຟ ໂອ່ແລ່ມປິກ ນີ້ມີສັນຍາລັກ ໝາຍເຖີງ ແສງສະວ່າງແຫ່ງ ສັນຕິພາບ, ມິຕະພາບ ແລະ ພາຣະດອນພາບ, ດ້ວຍການສະແດງອອກ ເຖີງນ້ຳໃຈນັກກິລາ, ໃຫ້ຮູ້ຈັກໄດ້ ຈັກເສັຍ, ແລະໃຫ້ ຜ່ອນສັ້ນຜ່ອນ ຍາວ ເຂົ້າຫາກັນ ໂດຍໃຫ້ ປະປ່ອຍ ເຣື້ອງຄວາມຄຽດແຄ້ນບາດໝາງ ແລະ ເຣື້ອງຂ້າຟັນລັນແທງກັນ ເພື່ອຫັນເຂົ້າຫາກັນ ໂດຍສັນຕິວິທີ.

 

 

ມາເຖີງປັດຈຸບັນນີ້, ງານແຂ່ງຂັນກິລາ ໂອ່ແລ່ມປິກສາກົນ ທີ່ຈະຈັດຂື້ນ ໃນປະເທດຈີນຄັ້ງນີ້ ມີບັນຫາຟົດເດືອດກັນທົ່ວໂລກ ເພາະບັນຫາ ການປາບຊາວ ຕິເບດ ປະທ້ວງ ຢ່າງນອງເລືອດ ໂດຍທະຫານ ແລະ ຕຳລວດ ຈີນ ເປັນຕົ້ນເຫດ ຍ້ອນເຂົາເຈົ້າ ຮຽກຮ້ອງຕ້ອງການ ຢາກມີ ອິສຣະພາບ ແລະ ເອກະລາດ ໃນເຂດ ຕິເບດ.

 

ນອກນັ້ນ ພວກປະທ້ວງ ຍັງກໍ່ການຈາຣະຈົນ ດ້ວຍ ການຈູດເລົາ ເຜົາໃໝ້ ສະຖານທີ່ຕ່າງໆ ຈົນເຖີງຂັ້ນ ມີຜູ່ເສັຍຊີວິດຫລາຍຄົນ ແລະ ພວກປະທ້ວງຍັງ ທຸມຕີ ຄົນຈີນ ນຳອີກ.

 

ທັງໝົດນີ້ແມ່ນ ສະແດງເຖີງການ ຕ້ານການລຸກລາມ ຂອງຄົນຈີນ ທີ່ລຸ ລັ່ງທັ່ງເທເຂົ້າມາ ປະກອບອາຊີບຢູ່ໃນ ຕິເບດ ຢ່າງຄັບຄັ້ງ ອັນເປັນ ຕົ້ນເຫດ ຂອງການ ກຽດຊັງຄົນຈີນ ຂອງຊາວຕິເບດ ຊຶ່ງເຂົາເຈົ້າ ຖືວ່າ ການເປັນການທຳລາຍ ວັທະນະທັມຂອງເຂົາເຈົ້າ ນຳອີກດ້ວຍ.

 

ສ່ວນເຫດການຕ່າງໆ ທີ່ເກີດຂື້ນໃນມື້ນີ້, ເລີ້ມຢູ່ເມືອງ ຊິດເນ່ ປະເທດ ອົສຕຣາລີ່, ມີຊາວຕິເບດ ແລະອື່ນໆ ປະມານ  150 ຄົນ ພາກັນ ປະທ້ວງ ເພື່ອຮຽກຮ້ອງບໍ່ຢາກໃຫ້ ໂຄມໄຟ ໂອ່ແລ່ມປິກ ຜ່ານເຂົ້າໄປ ໃນ ເຂດ ຕິເບດ.

 

ສຳຫລັບຢູ່ ເນປານ ນັ້ນ ເຈົ້າໜ້າທີ່ ປະກາດວ່າ ໄດ້ ຈັບພວກປະທ້ວງ ຊາວຕິເບດ ມານຮ້ອຍກວ່າຄົນ ທີ່ມາປະທ້ວງ ຢູ່ຕໍ່ໜ້າ ສະຖານທູດ ຈີນ ໃນນະຄອນຫລວງ ກັດມັງດູ່.

 

ນອກຈາກນັ້ນ ອຳນາດຈີນ ຍັງໄດ້ ສະແດງຄວາມບໍ່ພໍໃຈ ຕໍ່ຄຳເຫັນ ຂອງກອງປະຊຸມ ລະດັບ ລັຖະມົນຕຣີ ການຕ່າງປະເທດ ຂອງ ສະຫະ ພາບ ເອີຣົບ ທີ່ ຖະແລງວ່າມີ ຄວາມເປັນຫ່ວງ ທີ່ສຸດ ຕໍ່ບັນຫາ ຂອງຕິເບດ ແລະຮຽກຮ້ອງໃຫ້ ອຳນາດຈີນ ຫາທາງ ເຈ ຣະຈາ ແກ້ໄຂບັນຫາ ຕິເບດ ກັບ ອົງດາໄລ ລາມະ ໂດຍສັນຕິວິທີ. ແຕ່ ຈີນຖືວ່າ ບັນຫາຕິເບດ ນີ້ ເປັນບັນຫາພາຍໃນ ຂອງຈີນ ທີ່ຈະຕ້ອງ ແກ້ໄຂ ກັນເອງ.