ພິທີແຫ່ໂຄມໄຟ ໂອແລ່ມປິກ ທີ່ ປາຣີ

ທ່ານ ຊ໊າກ ຣົກກ໌ ປະທານ ກັມມະການ ໂອແລ່ມປິກ ສາກົນ ຮຽກຮ້ອງ ສັນຕິພາບ ເພື່ອຕິເບດ ແລະ ປະນາມ ການໃຊ້ ຄວາມຮຸນແຮງ

ໂດຍ ບັນດານ ສີສຸນທອນ B. Sisounthone

ບົດຄວາມນີ້ເຜີຍແຜ່ເມື່ອວັນທີ 07/04/2008 ແກ້ໄຂໃຫມ່ຫລ້າສຸດເມື່ອວັນທີ 07/04/2008 13:11 TU

ທ່ານ Jacques Rogge ປະທານໂອ ແລມປິກສາກົນ (ພາບ: Reuters)

ນັບວ່າເປັນຄັ້ງທຳອິດ ທີ່ ທ່ານ ຊ໊າກ ຣົກກ໌ ປະທານ ກັມມະການ ໂອແລ່ມປິກ ສາກົນ ໄດ້ສະແດງ ຄວາມເປັນຫ່ວງທີ່ສຸດ ແລະ ຮຽກ ຮ້ອງ ຕໍ່ອຳນາດ ຈີນ ໃຫ້ ແກ້ໄຂ ບັນຫາຕິເບດ ດ້ວຍສັນຕິວິທີ, ແຕ່ ໄດ້ຄາດວ່າ ການຄັດຄ້ານ ບໍ່ມາ ຮ່ວມງານ ກິລາ ໂອແລ່ມປິກນັ້ນ ບໍ່ມີປະໂຍດຫຍັງ ແລະ ຈະເປັນ ການບັ່ນທອນແຕ່ ນັກກິລາເທົ່ານັ້ນ.

ເຈົ້າໜ້າທີ່ ປະມານ 3 ພັນຄົນ ຖືກຣະດົມ ມາຮັກສາຄວາມປອດພັຍ ແລະ ເພື່ອສະກັດກັ້ນ ບໍ່ໃຫ້ ກຸ່ມປະທ້ວງ ເຂົ້າມາ ຄັດຂວາງ ພິທີ.

 

ພິທີແຫ່ໂຄມໄຟ ໂອແລ່ມປິກ ມື້ນີ້ ຢູ່ພາຍໃຕ້ຄວາມເຄັ່ງຕຶງ ລະວ່າງ ເຈົ້າໜ້າທີ່ ກັບກຸ່ມປ້ອງກັນສິດທິມະນຸດ ແລະ ອົພະຍົບຕິເບດໃນຝຣັ່ງ ທີ່ມີໝາຍນັດ ລົງປະທ້ວງ, ເຈົ້າໜ້າທີ່ ໄດ້ຈັບ ກຸ່ມປະທ້ວງ ຫລາຍຄົນ.

 

ເຈົ້າໜ້າທີ່ ຈັບກຸມ ຜູ່ປະທ້ວງ ໃນ ປາຣີ
Reuters

ມື້ເຊົ້ານີ້ ກຸ່ມປະທ້ວງຈາກຫລາຍ ສະມາຄົມໄດ້ ເລີ້ມພື່ຜ້າ ຍາວ 15 ແມດ ທີ່ຂຽນວ່າ ເພື່ອ ຕິເບດ ເສຣີ  ທີ່ສະນາມ ສິດທິມະນຸດ ຕໂຣກາເດ່ໂຣ່ Trocadéro   ແລະມີ ຄົນຜູ່ນຶ່ງ ພືທຸງຊາດ ຂອງຈີນອອກ, ກຸ່ມປະທ້ວງ ພະຍາຍາມ ຈະຍາດດຶງເອົາທຸງນັ້ນ, ແຕ່ຖືກເຈົ້າໜ້າທີ່ ນອກເຄື່ອງແບບ ຄວບຄຸມໃວ້ໄດ້ກ່ອນ.

ແຫ່ໂຄມໄຟ ໂອແລ່ມປິກ ທີ່ ກຸງ ລອນດອນ
Reuters

 ກະຣຸນາຮັບຟັງ ບົດວິຈັຍ