ຝຣັ່ງ : ຜົນການເລືອກຕັ້ງ ສະພາເຂດ

ຜົນການເລືອກຕັ້ງ ສະພາເຂດ

ໂດຍ  ຄ.ພິວິໄລ

ບົດຄວາມນີ້ເຜີຍແຜ່ເມື່ອວັນທີ 17/03/2008 ແກ້ໄຂໃຫມ່ຫລ້າສຸດເມື່ອວັນທີ 24/03/2008 12:44 TU

ແຜນທີ່ ຜົນການເລືອກຕັ້ງ ສະພາເຂດເທສບານ ຝຣັ່ງ

ເຖີງ ແມ່ນວ່າ ຝ່າຍຄ້ານຣັຖບານ ຈະ ລວມມີ ຄະແນນສຽງ ກາຍລື່ນ ຝ່າຍຣັຖບານ ກໍຕາມ ແຕ່ ນະໂຍບາຍ ການເມືອງ ຫລັກພື້ນຖານ ຢັງ ຈະສືບຕໍ່ ປະຕິບັດ ດັ່ງເດີມ ເພາະ ທາງ ຝ່າຍທີ່ເປັນ ຣັຖບານ ຖືວ່າ ແມ່ນ ການເລືອກຕັ້ງ ໃນເຂດ ທ້ອງຖີ່ນ ເລືອກເຈົ້າເມືອງ ແລະ ບໍ່ຮ່ອນ ຈະສາມາດ ເຟືອດໃສ່ ການເມືອງ ຫລັກສຳຄັນ ຂອງ ຣັຖບານ ແຕ່ ກໍ່ຈະ ມີການສັບຊ້ອນ ພາຍໃນຄນະຣັຖບານ

ສີກຸຫລາບ ແມ່ນ ຄະແນນ ຂອງ ຝ່າຍຄ້ານ / ສີຟ້າ ແມ່ນ ຄະແນນ ຂອງ ຝ່າຍຣັຖບານ

ຖ້າຈະແຕ້ມ ເປັນສີ ໃຫ້ເຫັນ  ກໍ່ແມ່ນ ສີກຸຫລາບ ໄດ້ ໔໙% ກຳລັງຖ້ວມໃສ່ ສີຟ້າ ສີຂອງ ຝ່າຍ ຣັຖບານ ທີ່ ໄດ້ຄະແນນ ພຽງ ໔໗,໕% ແປວ່າ ຝ່າຍຄ້ານ ມີ ໄຊຊະນະ ຢ່າງຈະແຈ້ງ
ຖ້າຈະນັບ ເປັນຫົວເມືອງ ກໍ່ແມ່ນ ມີ ໔໖ ຕົວຫົວເມືອງ ປ່ຽນເຈົ້າເມືອງ ຈາກຝ່າຍຣັຖບານ ມາ ເປັນ ເຈົ້າເມືອງ ທີ່ ສັງກັດ ພັກການເມືອງ ຝ່າຍຄ້ານ
ຫາກແຕ່ວ່າ ຝ່າຍຣັຖບານ ຍັງໜັກແໜ້ນ ຍັງ ສາມາດກຳແໜ້ນ ຕົວຫົວເມືອງໃຫຍ່ໆ ສຳຄັນ ເຊັນ ເມືອງ ມາກໄຊ, ຢູ່ທາງພາກໄຕ້, ເມືອງ ເລີອາວ, ຢູ່ທາງພາກ ຕາເວັນຕົກ ແລະ ເມືອງ ບອກໂດ, ຢູ່ທາງພາກ ຕາເວັນຕົກ ສ່ຽງໃຕ້
ແຕ່ວ່າ ເມືອງສູນກາງ ຂອງສະພາເອີຣົບ ຄື ເມືອງ ສະຕຣັດບວກ ຊ້ຳຜັດ ປ່ຽນເຈົ້າເມືອງ ແມ່ນ ຕົກໄປຢູ່ ພາຍໃຕ້ ການປົກຄອງຂອງ ຄົນທີ່ສັງກັດພັກ ສັງຄົມນິຍົມ

ເລືອກເຈົ້າເມືອງ ບໍ່ຮ່ອນ  ເຟືອດໃສ່ ການເມືອງ ຫລັກສຳຄັນ ຂອງ ຣັຖບານ ແຕ່ ກໍ່ຈະ ມີການ ສັບຊ້ອນ ພາຍໃນຄນະຣັຖບານ. ນະໂຍບາຍ ການເມືອງ ຫລັກ ພື້ນຖານ ຢັງ ຈະສືບຕໍ່ ປະຕິບັດ ດັ່ງເດີມ ເຖີງ ແມ່ນວ່າ ຝ່າຍ ຄ້ານຣັຖບານ ຈະ ລວມມີ ຄະແນນສຽງ ກາຍລື່ນ ຝ່າຍຣັຖບານ ກໍຕາມ ເພາະ ທາງ ຝ່າຍທີ່ເປັນ ຣັຖບານ ຖືວ່າ ແມ່ນ ການເລືອກຕັ້ງ ໃນເຂດ ທ້ອງຖີ່ນ ເລືອກເຈົ້າເມືອງ ຝ່າຍຣັຖບານ ຍັງ ສາມາດກຳແໜ້ນ ຫົວເມືອງໃຫຍ່ໆ

 ສັງເກດ ໄດ້ສຳຄັນ ອີກປະການນຶ່ງ ກໍ່ແມ່ນ ໃນບັນດາ ຣັຖມົນຕຣີ ແປດທ່ານ ທີ່ ລົງຮັບສມັກ ແຂ່ງຂັນ ເລືອກຕັ້ງ ໃນຕົວຫົວເມືອງຕ່າງໆ ມີ ພຽງ ສີ່ທ່ານ ເທົ່ານັ້ນ ທີ່ ຖືກເລືອກຕັ້ງ

ສຳຄັນ ທ່ານຜູ່ທີ່ ປຣາຊັຍ ທຳອິດ ແມ່ນ ທ່ານ ຊາວີເອ ດາກໂກດ, ຣັຖມົນຕຣີ ກະຊວງສຶກສາທິການ, ທີ່ ເຄີຍເປັນເຈົ້າເມືອງ ຢູ່ແລ້ວ ຊຳຜັດ ປຣາຊັຍ ຢູ່ ເມືອງ ເປຣີເກີ, ຢູ່ທາງພາກ ຕາເວັນຕົກ ສ່ຽງໃຕ້ຝຣັ່ງ,
ຜູ່ທີ່ ປຣາຊັຍ ຕໍ່ມາ ກໍ່ເຫັນມີ ທ່ານນາງ ຣັຖມັນຕຣີ ກະຊວງການເງີນ, ທ່ານ ນາງຣັຖມົນຕຣີ ກະຊວງວັທນະທັມ ແລະ ທ່ານນາງ ຣັຖມົນຕຣີ ຊ່ວຍວ່າການ ຢູ່ກະຊວງການຕ່າງປະເທດ ຜົນສະທ້ອນ ກໍແມ່ນ ຈະ ມີການສັບຊ້ອນ ພາຍໃນຄນະຣັຖບານ ເພາະວ່າ ມີ ທ່ານ ແອສໂຕຣຊີ, ຣັຖມົນຕຣີ ຜູ່ທີ່ ຖືກເລືອກຕັ້ງ ໃຫ້ເປັນ ເຈົ້າເມືອງ ຢູ່ເມືອງ ນີສ, ພາກໃຕ້ຝຣັ່ງ, ວ່າ ຈະລາອອກຈາກ ໜ້າທີ່ ຣັຖມົນຕຣີ ເພືອເຮັດໜ້າທີ່ ເປັນເຈົ້າເມືອງ ໄດ້ຢ່າງເຕັມສ່ວນ ແລະ ອາດຈະມີ ຣັຖມົນຕຣີ ຊ່ວຍວ່າການ ອີກຫລາຍທ່ານ ຖືກແຕ່ງຕັ້ງໃໝ່ ມາສັບຊ້ອນ ເພີ່ມເຕີມ ຫາກແຕ່ວ່າ ທ່ານນາຍົກຣັຖມົນຕຣີ ໄດ້ຖແລງ ແລ້ວວ່າ ນະໂຍບາຍ ຫລັກສຳຄັນ ດ້ານການປະຕິຮູບ ແມ່ນຍັງ ຄົງເດີມ ຍັງຈະສືບຕໍ່ ປະຕິບັດ ໄປຈົນ ສຸດສໄມ ການປົກຄອງ ຫ້າປີ ຂອງ ທ່ານ ປະທານ ນິໂກລາ ຊາກໂກຊີ. K.Phivilay

 

ສ່ວນ ການເລືອກຕັ້ງ ຢູ່ໃນເຂດ ນະຄອນຫລວງ ປາຣີ ແມ່ນ ທ່ານ ແບກຕຣັງ ເດີລາໂນເອ, ຜູ່ປົກຄອງ ຜູ່ເກົ່າ ຖືກເລືອກຕັ້ງ ໃຫ້ ສືບຕໍ່ ປົກຄອງ ຕື່ມອີກ ນຶ່ງສໄມ, ອີກຫົກ ຫົກປີ, ໂດຍຄະແນນສຽງ ເກືອບ ໕໘% ແປວ່າ ມີ ຄະແນນ ລື່ນຊຸດກ່ອນ ເຖີງ ສີບກວ່າແຕ້ມ. ຕ້ອງເຂົ້າໃຈວ່າ ຢູ່ ປະເທດຝຣັ່ງ ເຈົ້າເມືອງ ທັງໝົດ ໃນ ໓໖.໖໘໓ ຫົວເມືອງ ແມ່ນ ຜ່ານ ການເລືອກຕັ້ງ ໂດຍປະຊາຊົນ ບໍ່ແມ່ນ ຣັຖບານ ຈະເປັນຜູ່ ແຕ່ງຕັ້ງ ເຈົ້າເມືອງໄດ້. Khamsé

ນຳສເນີໂດຍ  R.Phivilay