Article Principale de Page Composée du 16/3/2007

ທັສນະໜັງສືພິມລາຍວັນຝຣັ່ງ ມື້ນີ້ວັນທີ່ 16 ມິນາ ກົງກັນກັບມື້ແຮມ 13ຄ່ຳ ເດືອນ4 ລາວ, ຂ່າວ ການເລືອກຕັ້ງ ປະທານາທິບໍດີຝຣັ່ງ ແມ່ນຂ່າວສຳຄັນ ໃນໜ້າໜັງສືພິມທົ່ວໄປ ຈັ່ງຊັ້ນ ແລ້ວ ຈຶ່ງເຫັນ Libération ລາຍວັນ ຂ່າວທົ່ວໄປ ຂຽນໃນ ໜ້າທຳອິດວ່າ "ຢ້ອນ ເຫດແນວໃດ ຈັ່ງແມ່ນ ການ ໂຄສນາຫາສຽງ ຈຶ່ງໄດ້ຮັບຄວາມສົນໃຈຫລາຍແທ້ໆ ຫລາຍ ເປັນພິເສດ ເປັນປວັດ" "ສົນໃຈຫລາຍ ແທ້ໆ ເປັນຕົ້ນ ນັ້ນແມ່ນ ເຣື່ອງປື້ມຂຽນ ການເມືອງ ຂຽນຊີວະປວັດ ຂອງ ນັກການເມືອງຕ່າງໆ"..."ລາຍການ ການເມືອງ ການໂຕ້ວາທີ ຢູ່ໃນໂທຣະພາບ ກໍ່ແມ່ນ ມີ ສະຕິຖິ ມີ ຄົນສົນໃຈ ເບີ່ງຫລາຍແທ້ໆ"..."ການຈັດ meeting ມີດຕິງ ການເມືອງ ຕ່າງໆ ບໍ່ວ່າ ພັກໃດ ຈັດ ກໍ່ ແມ່ນ ເຫັນຝູງຊົນ ຄົນສົນໃຈ ເຂົ້າໄປຟັງໄປຊົມ ຫລາຍກ່ອນ ກວ່າ ການ ເລືອກຕັ້ງ ໃນ ຊຸດ ກ່ອນໆ"... ອ່ານຕໍ່ ໃນໜ້າ ໜັງສືພິມ Le Figaro ເລີ ຟີກາໂຣ ແມ່ນໜັງສືພິມ ປະເພດ ອະນຸຣັກ ນິຍົມ ອ່ຽງຂວາ ຂຽນສອດເຂົ້າມາໃສ່ ວ່າ "ຕາມ  ການຢັ່ງ ສຽງ   ມີ ຄົນຝຣັ່ງ ສ່ວນໃຫຍ່ ຫລາຍ ກວ່າ 55% ແມ່ນເຫັນພ້ອມ ນຳຄຳວ່າ ເອກລັກ ລັກສນະ ຄວາມເປັນຊາດ ຝຣັ່ງ   ຕາມຄຳເວົ້າ ຂອງ ທ່ານNicolas Sarkozy ນີໂກລາ ຊາກໂກຊີ ,   ປັດຈຸບັນ ເປັນຣັຖມົນຕຣີ  ກະຊວງ ພາຍໃນ ແລະ ເປັນ ຜູ່  ຮັບ ສມັກຜູ່ນຶ່ງ ທີ່ສັງກັດ ພັກ UMP ພັກ ຂອງ ຣັຖບານ ປັດຈຸບັນ" ທ່ານ ກຳລັງ ມີ ຄະແນນ ນີຍົມ ນຳໜ້າ ທີ່ນຶ່ງ .  ມື້ນີ້ ແມ່ນມື້ ຂີດຫມາຍ ເສັ້ນ ສຸດ ທ້າຍ  ໜັງສຶພິມ Le Monde ເລີມົງ ລາຍວັນປະເພດ ປັນຍາຊົນ ນິຍົມອ່ານ ຂຽນແບບ ຕັກເຕືອນ ໃຫ້ຮູ້ວ່າ ຂີດເສັ້ນໝາຍ  ສຸດ ທ້າຍ ຫັ້ນແມ່ນ ມື້ນີ້ ແມ່ນ ມື້ສຸດທ້າຍ ທີ່ ສະພາຄນະມົນຕຣີ ຣັຖທັມມະນູນ ຈະຮັບ ແລະ ຈະບັນທຶກ ບັນຊີ ຄົນຜູ່ ທີ່ ຮັບສມັກ ເລືອກຕັ້ງ ແລະບຸກຄົນ ຜູ່ທີ່ ຍັງບໍ່ທັນ ມີ ລາຍເຊັນ ຮັບຮອງ ຜູ່ຢ່າງນ້ອຍ ຫ້າຮ້ອຍ 500ລາຍເຊັນ ກໍ່ ຂູ້ນຂ້ຽວ ກັນ ບໍ່ແມ່ນຄ່ອຍ. ຈັ່ງ ຊັ້ນແລ້ວ ຖ້າ ຈະເປີດເບີ່ງ ໄປ ໃນໜ້າ ທີ່ ສີ່ ຂອງ ລາຍວັນ Le Parisien ເລີ ປາຣີຊຽງ ຈຶ່ງຈະເຫັນຮູບ ຜູ່ ຮັບສມັກ ໝົດທຸກ ຄົນ ແລະ ຂຽນ ອະທິບາຍ ບອກ ອີກວ່າ ອາດມີ ເຫລືອພຽງ ສີບຄົນ ເທົ່ານັ້ນ ທີ່ ຈະ ມີສິດທິ ສາມາດ ລົງ ສມັກ ແຂ່ງຂັນ ການ ເລືອກຕັ້ງ ທັງນີ້ ກໍ່ຢ້ອນເຫດຜົນວ່າ ກ່ອນທີ່ ຈະຢື່ນ ໄບຮັບ ສມັກ ເລືອກຕັ້ງ ໄດ້ ແຕ່ ລະຄົນ ຈະຕ້ອງມີ ລາຍເຊັນ ຜູ່ທີ່ ສນັບສນູນ ອູ້ມຊູ ຢ່າງນ້ອຍ 500 ຫ້າຮ້ອຍ ລາຍເຊັນ. ຜູ່ທີ່ ຊອກລາຍເຊັນ ບໍ່ໄດ້ ບໍ່ເຖີງ ຫ້າຮ້ອຍ ກໍ່ ນັບ ມີເຖີງ ເກົ້າຄົນ. ລາຍວັນ L'Humanité ລຸຍມາ ນີເຕ ໜັງສຶພິມ ຂອງ ພັກ ຄອມມຸຍນິດ ຝຣັ່ງ ກໍ່ ໃຫ້ ຄວາມເຫັນ ສອດເຂົ້າມາໃສ່ ຂຽນວ່າ ເຖີງ ແມ່ນວ່າ ຄະແນນ ນິຍົມ ຂອງ ທ່ານນາງ Marie-George Buffet ມາຣີ-ຈ໊ອກ ບິບເຟ ຈະບໍ່ ນຳ ໜ້າກໍ່ ຕາມ ແຕ່ ອັນ ສຳຄັນ ແມ່ນ ຕ້ອງ ລົງ ຄະແນນສຽງ ຕ້ານ ພວກຝ່າຍຂວາ ກໍ່ຄື ຝ່າຍ ທີ່ ເປີດ ເສຣີ ສຸດຂີດ ຕ້ານ ແນວນະໂຍບາຍ ໂລກາວີວັດ. ສ່ວນ ເຣື່ອງ ສັງຄົມ ຝຣັ່ງ ທີ່ ເປັນຂ່າວໃຫຍ່ ກໍ່ ແມ່ນ ອ່ານເຫັນ ໃນໜ້າ ທຳອິດ ຂອງ ເລີປາຣີຊຽງ Le Parisien ທີ່ ຂຽນ ເປັນ ອັກສອນໃຫຍ່ ຂ່າວໃຫຍ່ ໃນ ໜ້າທີ່ນຶ່ງວ່າ ຜົນການຕັດສິນ ຄະດີ ທ່ານໝໍ ສັ່ງໃຫ້ ສັກ ຢາ ຄົນຕາຍ ແມ່ນ ບໍ່ມີໂທດໜັກ ແມ່ນ ເຣື່ອງ ທີ່ວ່າ ທັງ ຄົນປ່ວຍເອງ ທັງຄອບຄົວ ທັງ ທ່ານໝໍ ເມື່ອ ຄົ້ນຄົ້ວ ວ່າ ບໍ່ຄວນ ປ່ອຍໃຫ້ ທໍຣະມານ ຜູ່ປ່ວຍເອງ ກໍ່ບໍ່ຢາກ ທໍຣະມານຕໍ່ ອາຍຸ ກໍ່ໄປບໍ່ໄດ້ ຍາງ ບໍ່ເປັນແລ້ວ ທາງຝາຍໝໍ ຈຶ່ງຕົກລົງ ສັກຢາ ໃຫ້ ຄ່ອຍໆໝົດລົມຫາຍໃຈໄປ ໝົດ ຄວາມ ທໍຣະມານ ໄປ ຢ້ອນແນວນີ້ແລ້ວ ຈຶ່ງ ຖືກ ກົມໄອຍະການ ສົ່ງ ທ່ານນາງໝໍ ແລະ ນາງ ພຍາບານ ຂື້ນສານ ບາດ ສານ ຂອງປະຊາຊົນ ຂົ້າຮ່ວມຕັດສິນ ແລ້ວ Cour d'Assise ຊ້ຳຜັດ ມີຜົນ ອອກ ມາ ວ່າ ນາງ ພຍາບານ ບໍ່ ມີ ຄວາມຜິດຫຍັງໝົດ ຫາກ ແຕ່ວ່າ ທ່ານ ນາງໜໍ ມີ ຄວາມຜິດ ຢ້ອນຂ້າຄົນ ແຕ່ ບໍ່ໄດ້ ຖືກໂທດ ເພາະວ່າ ສານຕັດສິນ ໃຫ້ ຝາກໂທດໄວ້ ນຶ່ງປີ ກໍ່ແປວ່າ ບໍ່ໄດ້ ຕິດຄຸກ ພ້ອມຍັງ ອາດສາ ມາດ  ເຮັດວຽກງານ ເປັນໝໍ ສືບຕໍ່ໄປ. ບາດ ມ້ວນທ້າຍ ໄປ ເບີ່ງ ຢູ່ ໜ້າ ເສຖກິດ ການ ແລກ ປ່ຽນ ເງີນຕຣາ ຕ່າງປະເທດ ມື້ນີ້   ຕ້ອງມີ  1 $ ກັບ 32 ເຊັນ  ຈຶ່ງ ຈະແລກໄດ້ 1 E  1 Euro ເອີໂຣ ກໍ່ ຈະແລກໄດ້ 46 ບາດ ຫລືວ່າ 12700 ກີບ .  1 $  ແລກໄດ້ 34 ບາດ ຫລືວ່າ 9400 ກີບ .  ສະບາຍດີ ...

ຄຳເຊ ພິວິໄລ.