ຂ່າວໃຫຍ່ໃນໜ້າ ນ.ສ.ພ. ວັນຈັນ 21 ກັນຍາ 2009

ໂດຍ ໄຊຊະນະ ທານາດາບຸຕຣ໌

ບົດຄວາມນີ້ເຜີຍແຜ່ເມື່ອວັນທີ 21/09/2009 ແກ້ໄຂໃຫມ່ຫລ້າສຸດເມື່ອວັນທີ 21/09/2009 11:41 TU

ການເປີດວ່າຄະດີຄວາມກ່ຽວກັບກໍລະນີອື້
ສາວ "Clearstream" ເປັນຂ່າວໃຫຍ່
ປາກົດໃນໜ້າໜຶ່ງຂອງບັນດາຣາຍວັນ
ເກືອບທຸກສບັບປະຈຳມື້ນີ້ ວັນຈັນ 21
ກັນຍາ 2009

ກ່ອນທີ່ທ່ານຈະອ່ານທັສນະຣາຍວັນ ພວກເຮົາເຫັນມີຄວາມຈຳເປັນທົບທວນເຣື່ອງຣາວ
ຄວາມເປັນມາ ຂອງກໍຣະນີອື້ສາວ "Clearstream" ນີ້ເສັຽກ່ອນ

ກ່າວຄື ເມື່ອປີ 2004 ມີການປ່ອຍຂ່າວກ່ຽວກັບບັນຊີລຶກລັບອອກມາ ເປັນບັນຊີລາຍຊື່ຂອງ
ບັນດານັກການເມືອງເກືອບ 200 ທ່ານ ທັງຝ່າຍສນັບສນຸນຣັຖບານແລະຝ່າຍຄ້ານ ວ່າມີ
ບັນຊີເງິນຝາກໃນສະ ຖາບັນການເງິນແຫ່ງໜຶ່ງທີ່ປະເທດລັກເຊັມເບີຣ໌ກ ຄື "ສະຖາບັນ
ການເງິນ Clearstream" ເປັນບັນຊີມືດໜີພາສີ

ໃນຈຳນວນບັນດານັກການເມືອງຜູ້ມີຊື່ໃນບັນຊີມືດທີ່ຖືກປ່ອຍອອກມານັ້ນ ມີຊື່ຂອງທ່ານ
ປະທານາທິບໍດີ ນິໂກລາສ໌ ຊາຣ໌ໂກຊີ ຮ່ວມນຳດ້ວຍ ຊຶ່ງໃນຄັ້ງນັ້ນເພີ່ນດຳຣົງຕຳແໜ່ງ
ເປັນ ຣມຕ ກະຊວງພາຍໃນ

ຍ້ອນຖືວ່າຕົນເອງຕົກເປັນຜູ້ຮັບເຄາະຈາກການປ່ອຍຂ່າວລື ແລະ ສົງໃສວ່າແມ່ນ ທ່ານ
ໂດມີນິກ ເດີ ວິລແປັງ ຜູ້ດຳຣົງຕຳແໜ່ງນາຍົກ ຣມຕ ໃນຂນະນັ້ນ ເປັນຜູ້ປ່ອຍຂ່າວທຳ
ລາຍຊື່ສຽງຂອງຕົນເພື່ອຂວາງທາງການກ້າວເຂົ້າຊິງຕຳແໜ່ງປະທານາທິບໍດີ ທ່ານ
ນິໂກລາສ໌ຊາຣ໌ໂກຊີ ຈຶ່ງເຮັດທຸກວິຖີທາງເພື່ອດຶງອດີດນາຍົກ ຣມຕ ຂຶ້ນສານຈົນໄດ້

ຫລັງຈາກການການສືບສວນສອບສວນກັນມາເປັນເວລາເຖິງ 5 ປີ ຈຶ່ງມີການເປີດການ
ວ່າຄະດີຄວາມ ໃນມື້ນີ ແລະ ຈະດຳເນີນໄປເປັນເວລາໜຶ່ງເດືອນ ກ່ອນທີ່ຈະມີການພິ
ພາກສາຕັດສິນຄວາມ

ກ່ຽວກັບປັນການີ້ ຣາຍວັນ "Libération" ຂຽນພາດຫົວຂໍ້ໃຫຍ່ວ່າ "Clearstream ການ
ເປັນສັຕຣູກັນໃນຣະດັບຣັດ"

ໃນເນື້ອໃນຂອງຂ່າວ ຣາຍວັນແນວຄິດຊ້າຍອິສຣະຂຽນວ່າ ຄະດີບັນຊີຣາຍຊື່ປອມເລີ້ມຂຶ້ນ
ແລ້ວຕັ້ງແຕ່ມື້ນີ້ ຜູ້ທີ່ເປັນຈຳເລີຍແມ່ນ ທ່ານໂດມີນິກ ເດີ ວິລແປັງ ອດີດນາຍົກ ຣມຕ
ສ່ວນຜູ້ເປັນໂຈດແມ່ນ ທ່ານປະທານາທິບໍດີ ນິໂກລາສ໌ ຊາຣ໌ໂກຊີ ຖືໄດ້ວ່າແມ່ນສົງຄາມ
ລ້າງຜານກັນເອງໃນຄອບຄົວພັກການເມືອງຝ່າຍຂວາ

ທາງດ້ານ "Le Figaro" ພາດຫົວຂໍ້ໃຫຍ່ໃນປັນຫາດຽວກັນ ມີຂໍ້ຄວາມວ່າ "ດວນກັນ
ແລ້ວໃນກໍຣະນີ Clearstream"

ຣາຍວັນແນວຄິດຂວາອະນຸຣັກນິຍົມຂຽນອະທິບາຍວ່າຄະດີຄວາມຄັ້ງນີ້ ຈະຊີ້ຂາດລົງໄປ
ວ່າທ່ານໂດມີ ນິກ ເດີ ວິລແປັງ ອດີດນາຍົກ ຣມຕ ມີບົດບາດຢູ່ເບື້ອງຫລັງການປ່ອຍບັນ
ຊີປອມ "Clearstream" ຫລືບໍ່

ອອກຈາກ "Le Figaro" ພວກເຮົາຫັນໄປທາງດ້ານ "La Croix" ເຮົາກໍເຫັນຣາຍວັນ
ສບັບນີ້ ຂຽນວ່າ "ກໍຣະນີອື້ສາວ Clearstream ຊົ່ວໂມງແຫ່ງຄວາມຈິງມາຮອດແລ້ວ"

ຣາຍວັນແນວໂນ້ມສາສນາຄາໂທລິກ ຂຽນວ່າ ຄະດີນີ້ຈະມີຜົນສະທ້ອນທາງການເມືອງ
ຢ່າງຫລີກລ້ຽງບໍ່ໄດ້ ແລ້ວກໍມີການຕັ້ງຄຳຖາມວ່າ ໂດມີນິກ ເດີ ວິລແປັງ ຈະລອດພົ້ນ
ຈາກຄະດີນີ້ໄປໄດ້ຫລືບໍ່ ແລະຈະ ສາມາດຫວນກັບຄືນສູເວທີການເມືອງໃນທ່າແຮງໄດ້
ຫລືບໍ່ ໃນອີກໜຶ່ງເດືອນຂ້າງໜ້າກໍຈະໄດ້ຮູ້ກັນ