ຂ່າວຈາກ ນ.ສ.ພ. ວັນສຸກ 23 ຕຸລາ 2009

ໂດຍ ໄຊຊະນະ ທານາດາບຸຕຣ໌

ບົດຄວາມນີ້ເຜີຍແຜ່ເມື່ອວັນທີ 23/10/2009 ແກ້ໄຂໃຫມ່ຫລ້າສຸດເມື່ອວັນທີ 23/10/2009 12:16 TU

ບັນດາ ນ.ສ.ພ. ຣາຍວັນຝຣັ່ງເສດ ທີ ຫລາກຫລາຍດ້ວຍແນວຄິດແລະວິທີສເນີ ຂ່າວ (ພາບ: RFI/Lao)

ຂ່າວທີ່ເດັ່ນທີ່ສຸດໃນໜ້າໜຶ່ງຂອງໜັງສື
ພິມເກືອບທຸກສບັບ ໃນມື້ນີ້ ໄດ້ແກ່ ຂ່າວ
ທ່ານ Jean Sarkozy ອາຍຸ 23 ປີ
ໄດ້ຕັດສິນໃຈ ຖອນຕົວ ຈາກການສມັກ
ເປັນປະທານ ຂອງສຖາບັນ  "EPAD" 
ບໍຣິຫານຄຸ້ມ  La Défense  ຂອງນະ
ຄອນຫລວງ ປາຣີສ ຊຶ່ງເປັນຄຸ້ມແຫ່ງ
ວົງການທຸຣິກິດການຄ້າທີ່ໃຫຍ່ທີ່ສຸດໃນ
ຢຸໂຣບ

"Libération" ໄດ້ພາດຫົວຂໍ້ກ່ຽວກັບປັນຫານີ້ວ່າ "ແມ່ນການປະລາໄຊຄັ້ງສຳຄັນຂອງທຳ
ນຽບເອລີເຊ" ຊຶ່ງກໍຄືທຳນຽບປະທານາທິບໍດີນັ້ນເອງ ເທີງຮຸບຂນາດໃຫຍ່ເກືອບເຕັມໜ້າ
ທີໜຶ່ງ ຂອງລູກຊາຍຂອງທ່ານປະທານາທິບໍດີ ລາຍວັນແນວຄິດຊ້າຍ ອິສຣະໄດ້ຂຽນວ່າ
"ແມ່ນການເສັຽສລະລູກຊາຍແທ້ໆ"

ເປີດເຂົ້າໄປດ້ານໃນ ກໍເຫັນ "Libé" ຂຽນລາຍງານຢ່າງຍືດດຍາວເຕັມໜ້າທີ 2, 3 ແລະ
4 ຊຶ່ງກໍພໍສລຸບເປັນຈຸດໃຫຍ່ໃຈຄວາມໄດ້ວ່າ ການທີ່ຈະໃຫ້ ທ່ານ Jean Sarkozy ຄອງ
ຕຳແໜ່ງປະທານ "EPAD" ແມ່ນໄດ້ຮັບກະແສສຽງການຄັດຄ້ານຢ່າງອຶງຄະນຶງ ຢ່າງ
ເປັນເອກສັນກັນ ບໍ່ວ່າຈາກຝ່າຍຄ້ານກໍຄືກັນກັບຈາກພັກການເມືອງຝ່າຍຣັຖບານ ຕລອດ
ທັງວົງການສື່ມວນຊົນຝຣັ່ງເສດ ແລະ ຕ່າງປະ ເທດ

ລາຍວັນຊ້າຍອິສຣະຂຽນວິພາກວິຈານອີກວ່າ ທີ່ມີກະແສສຽງຄັດຄ້ານຢ່າງອຶງຄະນຶງ
ແນວນີ້ ກໍເພາະທ່ານ Jean Sarkozy ເປັນນັກສຶກສາກົດໝາຍອາຍຸພຽງ 23 ປີເທົ່າ
ນັ້ນ ເຖິງແມ່ນວ່າເປັນສະມາຊິກສະພາຂອງເມືອງ Neuilly sur Seine ແຕ່ກໍເປັນ
ພຽງບໍ່ເທົ່າໃດປີເທົ່ານັ້ນ ແຖມຍັງບໍ່ເຄີຍມີປະສົບການໃນການບໍຣິການທຸຣະກິດຂນາດ
ໃຫຍ່ຈັກເທື່ອ ເພາະສະນັ້ນຈຶ່ງຖືວ່າ ຍັງຂາດປະສົບການ

"Libé" ປິດທ້າຍການວິພາກວິຈານອີກວ່າ ເພາະສະນັ້ນ ການພະຍາຍາມດັນ Jean
Sarkozy ໃຫ້ເປັນປະທານ "EPAD" ຈຶ່ງແມ່ນການຫລິ້ນພັກຫລິ້ນພວກ ເປັນການເອື້ອ
ອຳນວຍໃຫ້ແກ່ສະມາຊິກຄອບຄົວ ໂດຍຂາດຄວາມຊອບທັມ

ທາງດ້ານ "Le Figaro" ກໍພາດຫົວຂໍ້ໃຫຍ່ເຣື່ອງດຽວກັນນີ້ ໂດຍໃຊ້ຂໍ້ຄວາມທີ່ຂ້ອນ
ຂ້າງກາງໆວ່າ Jean Sarkozy ຕັດສິນໃຈຍົກເລີກການສມັກເປັນປະທານ "EPAD"
ແລ້ວ

ຣາຍວັນແນວຄິດຂວາອະນຸຣັກນິຍົມ ສເນີຂ່າວເຕັມໜ້າທີ່ສາມ ມີຂໍ້ຄວາມຕອນໜຶ່ງ
ອ່ານໄດ້ວ່າ ການຕັດ ສິນໃຈຂອງ Jean Sarkozy ແມ່ນເພື່ອເຮັດໃຫ້ການໂຕ້ຖຽງ
ແລະກະແສສຽງການຄັດຄ້ານສິ້ນສຸດລົງ

ໃນຫົວຂໍ້ນ້ອຍລຸ່ມລົງມາ "Le Figaro" ຂຽນອີກວ່າ ທ່ານ Jean Sarkozy ໄດ້ປະກາດ
ການຕັດສິນໃຈເມື່ອຄືນຜ່ານມາ ໃນຣາຍການຂ່າວໂທຣະພາຍຊອ່ງ 2 ໂດຍໄດ້ອະທິ
ບາຍວ່າແມ່ນການຕັດສິນໃຈໂດຍໃຊ້ເຫດແລະຜົນ ພ້ອມກັນທ່ານກໍໄດ້ປະນາມວ່າ ໄດ້
ສອງອາທິດຜ່ານມາແລ້ວທີ່ມີຄວາມພະຍາ ຍາມບິດເບືອນຄວາມຈິງຫລາຍຢ່າງ
ກ່ຽວກັບຕົວທ່ານແຕ່ເຖິງຢ່າງໃດທ່ານກໍຈະບໍ່ວາງມືຈາກເວທີການ ເມືອງ