ທັສນະໜັງສືພິມຝຣັ່ງ

ເຣື້ອງໄຂ້ຫວັດໝູ, ຄະດີ ກເລັ່ຽສຕຣີມ ເປັນຂ່າວໃຫຍ່ ໃນລາຍວັນຝຣັ່ງມື້ນີ້

ໂດຍ ບັນດານ ສີສຸນທອນ B. Sisounthone

ບົດຄວາມນີ້ເຜີຍແຜ່ເມື່ອວັນທີ 08/09/2009 ແກ້ໄຂໃຫມ່ຫລ້າສຸດເມື່ອວັນທີ 08/09/2009 10:28 TU

ເລີ້ມຕົ້ນຈາກ ລາຍວັນ ລີເບຣາຊົ່ງ ພາດຫົວຂໍ້ໃຫຍ່ວ່າ : "ໄຂ້ຫວັດໝູ H1N1 ກົດດັນ ຕໍ່ອິສຣະພາບ"

ສະນັ້ນ ຈຶ່ງຮຽກຮ້ອງໃຫ້ຈັນສັນ ການປ້ອງກັນ ການແຜ່ລະບາດ ຢ່າງ ຂນານໃຫຍ່ ຂອງເຊື້ອພະຍາດ ແບບປະຊາທິປະຕັຍ ໂດຍສົ່ງສານ ເປີດຊອງວ່າ "ພວກເຮົາ, ນັກການເມືອງ, ນັກຄົ້ນຄວ້າ, ນາຍແພດ, ສະມາຄົມ ແລະອົງການຕ່າງໆ ຂໍໃຫ້ ທາງການ ເປີດການ ໂຕ້ວາທີ ໂດຍໄວ. ການຕໍ່ຕ້ານ ການແຜ່ລະບາດ ຢ່າງຂນານໃຫຍ່ ຂອງເຊື້ອ ພະຍາດໄຂ້ຫວັດໝູ ນັ້ນ ຈະບໍ່ຈູ້ມຢູ່ພຽງ ຄຳຕອບ ທາງດ້ານ ເຕັກນິກ ຝ່າຍດຽວເທົ່ານັ້ນ. ຕ້ອງຊອກຫາທາງອອກຮ່ວມກັນ.

 

ສ່ວນລາຍວັນຝຣັ່ງຊົ້ວ ພາດວ່າ " 3 ລ້ານບໍຣິສັດ ຢູ່ໃນທ່າຕຽມພ້ອມ ແລະ ສະເນີວ່າ "ການແຜ່ລະບາດ ຢ່າງຂນານໃຫຍ່ ຂອງເຊື້ອພະຍາດ ໄຂ້ຫວັດໝູ ອາດມີການອະນຸຍາດ ໃຫ້ທຳງານ ຜ່ານແອ່ງແຕກແນຕ ທີ່ບ້ານຕົວເອງກໍໄດ້".

 

ສຳຫລັບ ລາຍວັນ ລາກຣົ່ວ ນັ້ນໃສ່ຫົວຂໍ້ໃຫຍ່ວ່າ "ຝຣັ່ງ, ອາເມຣິ ກາ : ສຸຂະພາບ ຢູ່ໃນສະພາວະສຸກເສີນ". ໂດຍເຜີຍວ່າ ທີ່ປາຣີ, ລັຖບານ ຄາດຈະຂື້ນຣາຄາ ນອກໂຮງໝໍຢ່າງສູງ, ສວ່ນທີ່ ວໍຊິງຕັນ ນັ້ນ, ບາຣັກ ໂອບາມາ ຈະປ້ອງກັນ ໂຄງການປະຕິຮູບ ດ້ານການ ປິ່ນປົວ.

 

ກ່ຽວກັບເຣື້ອງໂຮງໝໍນີ້, ລາຍວັນ ລູຍມານີ່ເຕ່ ພາດຫົວເປັນຄຳຖາມ ວ່າ "ຈາກ ບັດກວດສຸຂະພາບ ຫາ ບັດ ກເຣດິດ ສີຟ້າ. ການຈ່າຍຄ່າ ນອນໂຮງໝໍຈະຖືກກຳນົດໃນບໍ່ຊ້ານີ້ 20 ເອີໂຣ ? ລາຍວັນຄອມມູຍນິດ ເຜີຍຕື່ມອີກວ່າ "ຫລັງຈາກກຳນົດການຊົດໃຊ້ ຄ່າຢາປົວພະຍາດແລ້ວ, ລັຖບານ ສເນີຂື້ນຄ່າ ນອນໂຮງໝໍ 25% ໂດຍບໍ່ຖືກ ຊົດໃຊ້ຄືນ".

 

ສຳຫລັບ ຄະດີ ກເລັ່ຽສຕຣີມ ລາຍວັນ ເລີ ມົງເດິ ວິເຄາະວ່າ "ຄະດີ ນີ້ໄດ້ເລີ້ມກ່ອນເວລາ, ຍ້ອນວ່າຄວາມເຄັ່ງຕຶງ ໄດ້ລະບາດຂື້ນ ກ່ອນໜ້າ ຈະມີການໄຕ່ສວນທີ່ສານ ໃນ 2 ອາທິດຂ້າງໜ້ານີ້".

 

ຕອກຫຍໍ້າໂດຍ ລາຍວັນ ເລີປາຣີຊ່ຽງ ໃນເຣື້ອງດຽວກັນນີ້ວ່າ : ຄະດີ ກເລັ່ຽສຕຣີມ / ສ໊າກໂກຊີ່ ໂກດຮ້າຍ",   ຍ້ອນວ່າ ຄວາມເຄັ່ງຕຶງ ໄດ້ ເກີດຂື້ນລະຫວ່າງ 2 ຝ່າຍປໍຣະປັກ ສ໊າກໂກຊີ່ ແລະ ເດິ ວິນລ໌ແປ໊ງ.