ທັນສນະ ລາຍວັນຝຣັ່ງ

ວັນຈັນ 24/08/2009

ໂດຍ ບັນດານ ສີສຸນທອນ B. Sisounthone

ບົດຄວາມນີ້ເຜີຍແຜ່ເມື່ອວັນທີ 24/08/2009 ແກ້ໄຂໃຫມ່ຫລ້າສຸດເມື່ອວັນທີ 24/08/2009 11:59 TU

ມື້ນີ້ ມີເຣື້ອງ ການເມືອງ ໃນຝຣັ່ງ, ເຣື້ອງບຳເນັດ ນັກຄ້າຫຸ້ນ, ເຣື້ອງ ແຮງງານມືດ, ນອກຈາກນີ້ຍັງມີເຣື້ອງ  ໄຟໃໝ້ປ່າ ໃນປະເທດ ກແຣສ໌, ເຣື້ອງໃຂ້ຫວັດໝູ ແລະ ອື່ນໆນັ້ນ ແຕກຕ່າງກັນໄປ ແຕ່ລະສະບັບ.

ເລີ້ມຕົ້ນ ເປີດສາກ ການເມືອງພາຍໃນຝຣັ່ງນັ້ນ,  ເລີ ຟີກ່າໂຣ ໃສ່ຫົວຂໍ້ໃຫຍ່ວ່າ : ໃນພັກສັງຄົມນິຍົມ, ຍານາງ ມາກຕິ່ນ ໂອບຣີ່ ຄຶດໜັກອີກໃໝ໋ ແລະ ຢູ່ພາຍໃຕ້ ຄວາມກົດດັນ ກ່ອນຈະວັນ ຊຸມໜຸມ ລະດູຮ້ອນ ທີ່ ເມືອງ ລາ ຣົສແຊນລ໌.

 

ເລີ ຟີກ່າໂຣ ຂຽນຕໍ່ໄປວ່າ : ໃນຂນະທີ່ ຄະແນນສຽງນິຍົມ ຂອງທ່ານ ສ໊າກໂກຊີ່ ກຳລັງສູງຂື້ນ, ພັກສັງຄົມນິຍົມ ຊໍ້າພັດ ກຳລັງປວດຫົວ ນຳ 3 ປະເດັນ ຄື :

1-     ການຮຽກຮ້ອງຕ້ອງການ ຂອງສະມາຊິກ ກ່ຽວກັບການຂັດເລືອກຂັ້ນຕົ້ນ ເອົາຜູ່ສະມັກເຂົ້າແຂ່ງ ເອົາຕຳແໜ່ງປະທານາທິບໍດີ ຂອງພັກສັງຄົມນິຍົມ ໃນປີ 2012 ແລະ ການຊອກຫາ ພັນທະມິຕ ຕ້ານຢັນັກບຝ່າຍກຳອຳນາດ ຊຶ່ງ ຍານາງ ໂອບຣີ່ ພະຍາຍາຍ ຫລີກລຽງ.

2-     ການຫັນປ່ຽນການເມືອງ ໄປຫາຝ່າຍຊ້າຍ ຂອງພັກ ໂມແດມ ຫຼືພັກ ຂບວນການ ປະຊາທິປະຕັຍ ນຳໂດບ ທ່ານ ໄບ່ຣູ.

3-     ການທ້າທາຍ ພັກສັງຄົມນິຍົມ ຂອງພັກ ຂຽວ ກ່ຽວກັບການເລືອກຕັ້ງທ້ອງຖີ່ນ ໃນປີ 2010.

 

ເລີ ຟີກາໂຣ ຍັງຂຽນເຖີງພາຣະກິດຂອງລັຖບານ ຫລັງຈາກພັກຮ້ອນ ເຂົ້າມາ ໃນນັ້ນ ມີ 8 ເຣື້ອງ ສຳຄັນ ຄື :

1-     ໂຄງການ ງົປະມານ ປີ 2010.

2-     ພາສີ ມົນລະພິດ Taxe carbone.

3-     ຫຍຸບ ພາສີ ວິຊາຊີບ Taxe professionnelle.

4-     ຄົ້ນຄວ້າເຣື້ອງໃຫ້ເງີນເບັ້ຽບຳນານ ບນດາແມ່ ລ້ຽງ ລູກ.

5-     ເລັ່ງລັດການປະຕິຮູບ ລະດັບຊາດ.

6-     ເຣື້ອງ ໂຄງການ ຢືມເງີນ.

7-     ເຣື້ອງແບ່ງປັນ ພີສີເພີhມ.

8-     ເຣື້ອງຈັດສັນວຽກງານ.

 

 

ສ່ວນ ລາຍວັນ ລີເບ ຣາຊົງ ພາດຮູບ ບັນດາ ຜູ່ນຳພັກຝ່າຍຊ້າຍ ຈາກພັກ ໂມແດມ ຫາ ພັກຄອມມູຍນິດ. ແລ້ວຂຽນວ່າ ທ່ານແວ່ງຊັງ ໄປ່ຫຍົ່ງ ຕ້ອງການຂຍາຍ ພັນທະມິຕ ໄປຫາບັນດາພັກ ຝ່າຍຊ້າຍ ຈົນເຖີງພັກທີ່ມີແນວໂນ້ມ ການເມືອງ ສາຍກາງ ຊຶ່ງບັນດາຜູ່ນຳຝ່າຍ ຊ້າຍໄດ້ ຊຸມໜຸມກັນ ເມື່ອວັນເສົາຜ່ານມານີ້ ທີ່ເມືອງ ມາກໄຊ່ຍ໌.

 

ການຕັດສິນໃຈ ໄປຮວມ ຊຸມໜຸ່ມຂະບວນການຝ່າຍຊ້າຍ ຂອງ ທ່ານ ແວ່ງຊັງ ໄປ່ຫຍົງ ສະມາຊິກສະພາ ເອີຣົບ ຂອງພັກສັງຄົມນິຍົມ ເຮັດ ໃຫ້ ກົມການເມືອງ ບໍ່ພໍໃຈ.

ຈຸດປະສົງ ຂອງການ ຈັດ ຊຸມໜຸມແມ່ນ ເພື່ອ ຕ້ານຢັນກັບຝ່າຍຂວາ ໃນການເລືອກຕັ້ງທ້ອງຖິ່ນ ໃນປີ 2010.

 

ບັດນີ້ເຣື້ອງ ເງີນບຳເນັດ ຂອງນັກຄ້າຮຸ້ນ ໝູນເງີນ ນັ້ນ ເລີ ຟີກາໂຣ ພາດຫົວຂໍ້ວ່າ : ລັດ ພະຍາຍາມ ຈັດສັນການໃຫ້ເງີນ ບຳເນັດ ແກ່ນັກ ຄ້າຫຸ້ນ ໃຫ້ຢູ່ໃນຂອບເຂດ ຈຳກັດ.

ບັນດາຫົວໜ້າ ທະນາຄານ ຖືກຮຽກໄປສົນທະນາ ທີ່ ກະຊວງການເງີນ ໃນມື້ນີ້ ແລະ ທີ່ທຳນຽບປະທານາທິບໍດີ ໃນມື້ອື່ນ.

 

ເຊັ່ນດຽວກັນ ລາຍວັນ ເລີປາຣີ່ຊ່ຽງ ພາດວ່າ ນັກຄ້າຫຸ້ນ ເລົ່າການ ໄດ້ເງີນ ບຳເນັດ ຂອງເຂົາ ຄື 4 ລ້ານ ໂດລາ ພາຍໃນ 6 ປີ.

ແລ້ວຂຽນຕໍ່ໄປວ່າ ພໍຫລັງຈາກພັກຮ້ອນ ປະທານາທິບໍດີ ສ໊າກໂກຊີ່ ກໍໄດ້ແນ່ໄສ່ ພວກຫົວໜ້າທະນາຄານ. ຈຸດປະສົງແມ່ນ ຈັດສັນການ ໃຫ້ບຳເນັດໃໝ່ແກ່ນັກຄ້າຮຸ້ນ ແບບໃຫ້ມີຄຸນະທັມ ຫລາຍຂື້ນກວ່າເກົ່າ.

 

ຊໍ້າເຕີມໂດຍລາຍວັນເສຖະກິດ ຄື ເລ່ ເອ່ໂກ ແລະ ລ່າ ຕຣີບູນ ກໍສຸມໄສ່ເຣື້ອງເງີນບຳນັດນີ້ຄືກັນ, ຕລອດເຖີງ ລາຍວັຍ ຄອມມູຍນິດ ທີ່ຕຳນິລັຖະບານວ່າ ເປັນການສົນທະນາ ທີ່ໃຮ້ຜົນ ແຕ່ລັດ ໄດ້ໃຫ້ເງີນ ຊ່ວຍເຫຼືອ ໄປແລ້ວ 105 ລ້າວເອີໂຣ ຕໍ່ບັນດາທະນາຄານ ເພື່ອ ປະເສີນໜ້າ ກັບວິກິດການ ການເງີນຂອງໂລກ. ນັບວ່າເປັນຄັ້ງທີ 7 ທີ່ປະທານາທິບໍດີ ຮຽກຫົວໜ້າ ທະນາຄານ ສົນທະນາ.

 

ອອກຈາກການເມືອງ ໄປຫາເຣື້ອງສັງຄົມນັ້ນ  ເເມ່ນເຣື້ອງ ແຮງງານ ມືດ ທີ່ບໍ່ແຈ້ງເສັຽ ການຊ່ວຍສາ ອາກອນ ແລະພາສີຕ່າງໆນັ້ນ ຍັງ ຟົດຟື້ນຢູ່ຕລອດ.

ລາຍວັນ ລ່າກຣົ່ວ ພາດຫົວຂໍ້ໃຫຍ່ວ່າ : ການທຳງານມືດ ສວຍໂອ ກາດ ຕອນມີວິກິດການ ເສຖກິດໂລກ.  ແລະຂຽນຕໍ່ໄປວ່າ : ຍ້ອນວ່າມີ ການຫົດຫູ່ ທາງດ້ານເສຖະກິດ, ການທຳງານ ແບບບໍ່ແຈ້ງຢ່າງ ຖືກ ຕ້ອງຕາມກົດໝາຍ ອາຈະມີຫລາຍກາຍ 2/3 ຂອງພົລະໂລກ ແຕ່ນີ້ ຫາປີ 2020.

ແຕ່ໃນ ປະເທດຝຣັ່ງ ນັ້ນ ບັນດາ ບໍຣິສັດ ໄດ້ລັກໂລບ ແຮງງານມືດ ເຖີງ 13%.