ຂ່າວຈາກ ນ.ສ.ພ. ວັນພຸດ 30 ກັນຍາ 2009

ໂດຍ ໄຊຊະນະ ທານາດາບຸຕຣ໌

ບົດຄວາມນີ້ເຜີຍແຜ່ເມື່ອວັນທີ 30/09/2009 ແກ້ໄຂໃຫມ່ຫລ້າສຸດເມື່ອວັນທີ 30/09/2009 14:38 TU

ບັນດາ ນ.ສ.ພ. ຣາຍວັນຝຣັ່ງເສດ ມີວິທີ ການສເນີຂ່າວແລະຄວາມຄິດເຫັນທີ່ຫລາກ ຫລາຍຕາມຣະບອບປະຊາທິປະໄຕ (ພາບ: RFI/LAO)

ຫລາຍຫົວຂໍ້ຂ່າວໜ້າສົນໃຈໃນໜ້າ ນ.ສ
ພ. ປະຈຳວັນນີ້ ພຸດ 30 ກັນຍາ 2009
ໃນນັ້ນທີ່ດຶງຄວາມສົນໃຈຂອງພວກເຮົາ
ຫລາຍທີ່ສຸດແມ່ນວັນສລອງຄົບຮອບ 60
ປີ ຂອງການກໍ່ຕັ້ງສາທາຣະນະຣັດປະຊາ
ຊົນຈີນ ທີ່ຈະໝຸນວຽນມາບັນຈົບຄົບຮອບ
ໃນມື້ອື່ນນີ້ວັນທີ 1 ຕຸລາ 2009

"ເມືອງຈີນ Made in Mao" ນີ້ແມ່ນຂໍ້ຄວາມ
ຂອງຫົວຂໍ້ໃຫຍ່ສຸດຂອງ "La Croix" ກ່ອນ
ທີ່ລາຍວັນແນວໂນ້ມສາສນາຄາທໍລິກຈະຂຽນຕໍ່ໃນຫົວຂໍ້ນ້ອຍອີກວ່າ 60 ປີຜ່ານໄປຫລັງ
ຈາກການສະຖາປະນາ ສາທາຣະນະຣັດປະຊາຊົນຈີນ ຊາວຈີນໄດ້ຫັນຫລັງໃຫ້ແກ່ຄອມ
ມິວນິສມ໌ ແຕ່ເຖິງປານນັ້ນກໍຍັງມີການເຊີດຊູຮູບພາບຂອງເໝົາເຈີຕຸງຢູ່

ໃນໜ້າທີ່ສອງ "La Croix" ຂຽນຫົວຊໍ້ໃຫຍ່ຕື່ມອີກວ່າ ຕະຫລອດຣະຍະ 60 ປີຜ່ານມາ
ສປ ຈີນ ມີທັງຄວາມພາກພູມແລະມີທັງຄວາມຂົມຂື່ນທຸກທໍຣະມານ ງານສເລີມສລອງ
ວັນຊາດໃນມື້ອື່ນ ວັນທີ 1 ຕຸລາ ເປັນໂອກາດທີ່ລະບອບຈະໄດ້ອວດແສນຍານຸພາບທາງ
ທະຫານຂອງຕົນອີກເທື່ອໜຶ່ງ ແສນຍານຸພາບທີ່ເປັນເສົາຄໍ້າໃຫຍ່ຂອງພັກຄອມມິວນິສ
ທີ່ຊາວຈີນນັບມື້ນັບໃຫ້ຄວາມເຊື່ອຖືນ້ອຍລົງ

ທາງດ້ານ "Le Figaro" ໃນມື້ນີ້ ກໍເວົ້າເຖິງເຣື່ອງນີ້ເຊັ່ນດຽວກັນ ຕ່າງແຕ່ວ່າເວົ້າເຖິງ
ໃນມຸມທີ່ແຕກຕ່າງ ກ່າວຄືລາຍວັນແນວຄິດຂວາອະນຸຣັກນິຍົມ ໄດ້ສລະເກືອບເຕັມໜ້າ
ໜຶ່ງ ແລະ ໜ້າທີ 16 ເວົ້າເຖິງຊາວອະເມຣິກັນ "Sidney Rittenberg" ທີ່ໃຊ້ຊີວິດເປັນ
ເພື່ອນຮ່ວມການຕໍ່ສູ້ແລະຮ່ວມອຸດົມການກັບ ເໝົາເຈີຕຸງ ເປັນເວລາເຖິງ 35 ປີ

"Le Figaro" ຂຽນໃນໜ້າທີ 16 ອີກວ່າ ຊາວອະເຣິກັນອາຍຸ 88 ປີຜູ້ນີ້ ເປັນໜຶ່ງໃນຈຳ
ນວນຊາວຕ່າງປະເທດ ທີ່ໃຊ້ຊີວິດຮ່ວມກັບເໝົາເຈີຕຸງ ແຕ່ຕ້ອງໄດ້ຊົດໃຊ້ຊີວິດການຜະ
ຈົນໄພຄັ້ງນີ້ດ້ວຍຣາຄາທີ່ແພງທີ່ສຸດ.....

ໃນຊ່ວງ 35 ປີ ທີ່ຢູ່ໃນປະເທດຈີນໃນຖານະນາຍພາສາຂອງ ເໝົາເຈີຕຸງ, "Sidney
Rittenberg" ຢູໃນຄຸກເຖິງ 16 ປີ ຍ້ອນຄໍາສັ່ງທັງຂອງ Staline ແລະ ເໝົາ ເຈີ ຕຸງ
ທີ່ກ່າວຫາຜູ້ກ່ຽວວ່າເປັນສາຍລັບອະເມຣິກັນ

ລາຍວັນແນວຄິດຂວາອະນຸຣັກນິຍົມ ຂຽນອີກວ່າ ໃນຂັ້ນຕົ້ນ Sidney Rittenberg ເປັນ
ທະຫານອະເມຣິກັນ ຖືກສົ່ງໄປປະຕິບັດງານໃນປະເທດຈີນໃນສມັຍສົງຄາມໂລກຄັ້ງທີ່
ສອງ ແຕ່ຫລັງຈາກເສັດສິ້ນສົງຄາມແລ້ວ ຜູ້ກ່ຽວທີ່ມີແນວຄິດຊ້າຍ ບໍ່ຍອມກັບປະ
ເທດແລະໄດ້ເຂົ້າຮ່ວມສົມທົບກັບ ເໝົາເຈີຕຸງ ໃນການເຮັດການປະຕິວັດ

ປັດຈຸບັນໄດ້ກັບໄປໃຊ້ຊີວິດໃນບ້ານເກີດ ສຫຣ ອະເມຣິກາ ແລະ ກາຍເປັນທີ່ປຶກສາໃຫ້
ແກ່ບັນດາບໍຣິສັດໃຫຍ່ໆນາໆຊາດ ທີ່ລົງທຶນໃນປະເທດຈີນ

"Le Figaro" ຂຽນອີກວ່າ ສຳລັບການສເລີມສລອງຄົບຮອບ 60 ປີຂອງການກໍ່ຕັ້ງ
ສາທາຣະນະຣັດປະຊາຊົນຈີນໃນມື້ອື່ນນີ້ "Sidney Rittenberg" ບໍ່ໄດ້ຮັບການເຊື້ອ
ເຊີນ ຈຶ່ງຈະບໍ່ມີໂອກາດໄດ້ເຫັນການສເລີມສລອງຄັ້ງຍິ່ງໃຫຍ່ ເຊັ່ນດຽວກັນກັບບໍ່ໄດ້
ເຫັນວັນກໍ່ຕັ້ງ ເມື່ອວັນທີ 1 ຕຸລາ 1949 ເພາະບໍ່ເທົ່າໃດວັນກ່ອນໜ້ານັ້ນ ຜູ້ກ່ຽວໄດ້
ເຂົ້າໄປນອນໃນຄຸກ ໂດຍຄຳສັ່ງຂອງ Staline