ເອີໂຣບ//ເສຖກິດແລະການເງິນ

ເຂດເງິນເອີໂຣ €

ໂດຍ  ໂສວົງ

ບົດຄວາມນີ້ເຜີຍແຜ່ເມື່ອວັນທີ 12/06/2007 ແກ້ໄຂໃຫມ່ຫລ້າສຸດເມື່ອວັນທີ 12/06/2007 à 06:53 TU

ເງິນອັດຕະກູນເອີໂຣ
ຮູບ: sovong

ເງິນຕະກຸນເອີໂຣ(ຢູໂຣ) ສ້າງເງື່ອນໄຂ ໃຫ້ຜູ້ບໍລິໂພກມີທ່າດີໃນການກູ້ຢືມເງິນ ເພື່ອບໍລິໂພກຕ່າງໆ ເປັນຕົ້ນຢືມຊື້ອະ ສັງຫາຣິມະຊັບ ຍານພາຫານະ ເຄື່ອງ ເຮືອນຕ່າງໆ ແລະອື່ນໆອີກແນວຕ້ອງ ການອັນມີຄ່າສູງທີ່ຜູ້ບໍລິໂພກບາງສ່ວນ ບໍ່ສາມາດຊື້ໄດ້ຈ່າຍສົດໂລດນັ້ນ

ທ່ານຕຣີເຊ ປະທານທະນາຄານກາງປະກາດຂຶ້ນອັດຕາດອກເບັ້ຽອີກເທື່ອໃໝ່ ຍ້ອນ ເປັນໂອກາດທີ່ເງິນເອີໂຣສ້າງເງື່ອນໄຂໃຫ້ມີການກູ້ຢືມທີ່ຜູ້ບໍລິໂພກໄດ້ຮັບປໂຍດຫຼາຍ ໃນເວລາທີ່ສະພາບການອຳນວຍໃຫ້ນີ້ ແລະເງື່ອນໄຂດັ່ງກ່າວກໍເປັນໂອກາດເຮັດໃຫ້ ເສຖກິດກ້າວໜ້າໄດ້ດີ ທ່ານກ່າວວ່າ ຄວາມກ້າວໜ້າໃນເຂດເງິນເອີໂຣນີ້ຈະໝັ້ນຄົງ ສເມີ ແຕ່ກໍອາດຈະຖືກແລວສະພາບເຟີ້ນາບຂູ່ກໍເປັນໄດ້

ບັນດາເຈົ້າທະນາຄານສະແດງຄວາມວິຕົກໄປຕາມໆກັນຕໍ່ໜ້າຄວາມສູງຂຶ້ນຂອງເງິນ ເດືອນ ອັນເກີດຈາກເສຖກິດເລີ່ມກ້າວໜ້ານີ້ເອງ ແລະການຖອຍລົງຂອງຈຳນວນຄົນ ວ່າງງານ ພ້ອມທັງລາຄານ້ຳມັນດິບຈະຖີບສູງຂຶ້ນອີກເທື່ອໃໝ່

ອີງຕາມຜູ້ຊຽວຊານແລ້ວ ການເພີ່ມຂຶ້ນຫຼາຍໂພດຂອງເງິນເດືອນທີ່ລື່ນອັດຕາຜົນຜລິດ ນັ້ນ ແມ່ນເປັນການສ່ຽງພັຍທີ່ຈະເຮັດໃຫ້ລາຄາສິນຄ້າສູງຂຶ້ນໃນໄລຍະສັ້ນ ສະນັ້ນ ເງິນເດືອນຕ້ອງຄ່ອຍໆຂຶ້ນໄປ ບໍ່ແມ່ນຂຶ້ນສູງໂລດບາດດຽວ ໃຫ້ຂຶ້ນພໍປານກາງ ເພື່ອຈະ ສາມາດຄວບຄຸມສະພາບເຟີ້

ການຕົກລົງຂຶ້ນເງິນເດືອນນີ້ ຕ້ອງອີງໃສ່ລະດັບຂອງສູງຂອງສະຖິຕິວ່າງງານ ແລະວິວັດ ຂອງຜົນຜລິດອຸດສາຫະກັມທ່າມກາງການເຂົ້າແຂ່ງໃນໂລກ ສ່ວນຢູ່ເຍລະມັນພາກຕາ ເວັນອອກນັ້ນ ເງິນເດືອນຕ່ຳຫຼາຍ ຫຼຸດ 40.9% ຈາກທັມມະດາຂອງຊາວເຍລະມັນ ຕາເວັນຕົກ ຊາວປີຜ່ານມາຫຼັງຈາກການທ້ອນໂຮມເຍລະມັນ ເງິນເດືອນລະຫວ່າງສອງ ເຂດແຕກໂຕນກັນຫຼາຍທີ່ສຸດ ຍົກໂຕຢ່າງເງິນເດືອນຂອງຊາວເຍລະມັນຕາເວັນຕົກ ບາງ ສ່ວນໄດ້ຮັບເດືອນລະ 2300 €ແຕ່ທາງຝ່າຍຕາເວັນອອກພັດໄດ້ຮັບແຕ່ 1359 € ສຳລັບວຽກງານຊນິດດຽວກັນ ຈິ່ງມີຄວາມແຕກໂຕນກັນເຖິງ 40.9%

ສ່ວນຢູ່ຝລັ່ງ ກໍມີສຽງຕໍ່ວ່າຕໍ່ຂານຂຶ້ນເງິນເດືອນບ່ອນນັ້ນບ່ອນນີ້ຢູ່ສເມີ ປະຊາກອນ 33% ອອກສຽງວ່າ ພໍໃຈນຳເງິນເດືອນຂອງຕົນ ອິງຕາມສະຖິຕິຂອງອົງການ Ipsos 57% ສະແດງຄວາມຫວັ່ນວິຕົກນຳຄວາມເປັນຢູ່ ບໍ່ພໍກິນດັ່ງນີ້ເປັນຕົ້ນ ຕໍ່ໄປນີ້ ມີຄົນ ງານຈາກຫຼາຍບໍລິສັດຈະພາກັນຕໍ່ວ່າຂຶ້ນເງິນເດືອນຢ່າງກວ້າງຂວາງທົ່ວປະເທດ

ບາງແຫ່ງກໍປະກາດຢຸດງານ ເພື່ອອອກປະທ້ວງໃນວັນທີ່ 12/6/07 ໂຕຢ່າງຄົນງານ ຂອງບໍລິສັດປະກັນພັຍເຊເນຣາລີ (Assurance France Generali) ສ່ວນ ໄປສະນີ~ທະນາຄານ La Poste ກໍກຳລັງເຈລະຈາຂໍຂຶ້ນເງິນເດືອນຄືກັນ ບັນຫານີ້ກໍ ຈະແຜ່ລາມໄປທົ່ວ ອັນຈະເຮັດໃຫ້ຣັຖບານໃໝ່ຕ້ອງສຶກສາເບິ່ງລວມວ່າ ຕ້ອງແກ້ໄຂ ຂຶ້ນເງິນເດືອນທົ່ວໆໄປ

ຢູ່ປະເທດຝລັ່ງ ສ່ວນທີ່ກ່ຽວກັບຜົນຜລິດອຸດສາຫະກັມກໍຫຼຸດລົງເຖິງ 0.8% ປຽບໃສ່ ເດືອນມິນນາປີ 2007 ນັບເປັນການຖອຍລົງແຮງທີ່ສຸດ ຕັ້ງແຕ່ເດືອນກໍລະກົດປີ 2006

ສ່ວນອັດຕາອາກອນໃນຝລັ່ງກໍຈະຖືກຍົກໃຫ້ສູງຂຶ້ນ ຫຼັງຈາກການເລືອກຕັ້ງຜູ້ແທນຮອບ ທີ່ນຶ່ງວັນທີ່ 10/6/07 ອັນເຮັດໃຫ້ຝ່າຍຊ້ານໂຈມຕີຝ່າຍຂວາຢ່າງໜັກ ວ່າ ຝ່າຍຂວາບໍ່ ແຈ້ງຂາວໃນນະໂຍບາຍ ແລະໃຫ້ພວກມີລາຍໄດ້ໜ້ອຍນັ້ນແບກຫາມຊ້ຳຕື່ມ ຝ່າຍຂ ວາອະທິບາຍວ່ານະໂຍບາຍຂອງປະທານປະເທດ ແມ່ນເຊົາແຕະຕ້ອງເງິນເດືອນຂອງ ປະຂາກອນຂຍັນ