ປະເທດຝຣັ່ງ

ເລືອກຕັ້ງ ສສ ຮອບທີສອງ

ໂດຍ  ພອນແກ້ວ

ບົດຄວາມນີ້ເຜີຍແຜ່ເມື່ອວັນທີ 17/06/2007 ແກ້ໄຂໃຫມ່ຫລ້າສຸດເມື່ອວັນທີ 17/06/2007 à 13:30 TU

ສະພາແຫ່ງຊາດຝຣັ່ງ ຮູບ AFP

ຊາວຝຣັ່ງ 37 ລ້ານຄົນ ໄດ້ພາກັນ
ໄປເລືອກເອົາສະມາຊິກສະພາແຫ່ງ
ຊາດ 467 ທ່ານ ໃນຮອບທີສອງໃນ
ມື້ນີ້ ວັນອາທິດ 17 ມິຖຸນາ ຫລັງ
ຈາກໄດ້ມີຜູ້ສມັກ 110 ທ່ານ ໄດ້ຮັບ
ການເລືອກຕັ້ງໄປແລ້ວໃນຮອບທີໜຶ່ງ
ເມື່ອວັນທິດກອ່ນ (10 ມິຖຸນາ) ໃນນັ້ນ
ກໍມີທ່ານນາຍຍົກ François Fillon ຮ່ວມນຳດ້ວຍ ໃນບັນດາຜູ້ສະມັກທັງໝົດ
933 ທ່ານມີສຕຣີເຫລືອຢູ່ 306 ທ່ານໃນຮອບທີສອງນີ້ ແປວ່າ 32.8% ຂອງ
ຈຳນວນທັງໝົດ

ຕາມກົດໝາຍແລ້ວ ແຕ່ລະພັກຕອ້ງສເນີຜູ້ສມັກ ຊາຍ-ຍີງ ເທົ່າທຽມກັນ ຣັຖມົນຕຣີ 4
ທ່ານໄດ້ຮ່ວມສມັກໃນຮອບທີສອງນີ້ ໃນນັ້ນກໍມີ ທ່ານ Alain Juppe ໝາຍເລກ 2 ຂອງ
ຣັຖບານ ຮ່ວມແຂ່ງຂັນນຳດ້ວຍ ການປອ່ນບັດໃນທົ່ວປະເທດ ໄດ້ເລີ້ມເວລາ 08.00
ໂມງ ຈົນຮອດ 20.00 ໂມງໃນບັນດາຫົວເມືອງໃຫຍ່ໆ

ກໍນັບວ່າແມ່ນການໃຊ້ສີດປະຊາທິປະໄຕຄັ້ງທີ່ 4 ແລ້ວໃນປີນີ້ຂອງຊາວຝຣັ່ງ ໂດຍນັບຕັ້ງ
ແຕ່ການເລືອກຕັ້ງປະທານາທິບໍດີຮອບທີໜຶ່ງເປັນຕົ້ນມາ ຊຶ່ງກໍຮູ້ກັນແລ້ວວ່າແມ່ນທ່ານ
Nicolas Sarkozy ຈາກພັກຂວາ UMP ເປັນຜູ້ໄດ້ຮັບໄຊຊະນະຄອງຕຳແໜ່ງເປັນ
ເວລາ 5 ປີ ທົດແທນທ່ານ Jacques Chirac ຈາກພັກ UMP ດຽວກັນ

ຈະເຫລືອແຕ່ສອງກຸ່ມ

ຣັຖບານໄດ້ຮຽກຮອ້ງໃຫ້ປະຊາຊົນເລືອກເອົາຕົວແທນຂອງຕົນຢ່າງຫລວງຫລາຍໃນ
ການເລືອກຕັ້ງຮອບທີສອງນີ້ ເພື່ອທີ່ຣັຖບານຈະສາມາດນຳໂຄງການເມືອງຕ່າງໆ
ຂອງທ່ານປະທານາທິບໍດີຄົນໃໝ່ ອອກປະຕິບັດໄດ້ຢ່າງຄົບຖ້ວນ

ພັກສັງຄົມນິຍົມແລະບັນດາພັກຝ່າຍຊ້າຍອື່ນໆ ຊຶ່ເປັນຝ່າຍຄ້ານນັ້ນ ພັດໄດ້ ຮຽກຮ້ອງ
ໃຫ້ຊາວຝຣັ່ງ ຢ່າໄດ້ມອບໝາຍອຳນາດຫລາຍເກີນໄປໃຫ້ແກ່ພັກ UMP ແຕ່ພຽງຜູ່
ດຽວ

ບັນດານັກສັງເກດການຄາດວ່າ ຈະແມ່ນບັນດາຜູ້ທີ່ນອນຫລັບທັບສີດ ບໍ່ໄປອອກສຽງ
ໃນຮອບທີ່ໜຶ່ງ ທີ່ມີຫລາຍເປັນປວັດການເຖີງ 39.56% ຈະເປັນຜູ້ຊີ້ຂາດໃນຮອບສອງ
ນີ້ວ່າ ສະພາແຫ່ງຊາດຊຸດໃໝ່ (ຊຸດທີ 13 ແຫ່ງສາທາຣະນະຣັດທີ 5) ຈະເຕັມໄປດ້ວຍ
"ສີຟ້າ" ຂອງພັກຂວາ UMP ຫລືບໍ່

ໃນຮອບທີ່ສອງຂອງການເລືອກຕັ້ງ ສສ ເມື່ອປີ 2002 ບັນດາຜູ້ບໍ່ໄດ້ໄປໄຊ້ສີດນັ້ນ ມີ
ຫລາຍເຖີງ 39.71% ຫລັງຈາກໄດ້ມີ ແຕ່ພຽງ 35.62% ໃນຮອບທີ່ນື່ງ

ຕາມຂໍ້ມູນຂອງການຢັ່ງສຽງແລ້ວ ກໍຄາດວ່າ ພັກ UMP ຈະໄດ້ຕົວແທນລະຫວ່າງ
400 ຫາ 450 ທ່ານ ຫລືອາດຈະໄດ້ຫລາຍກວ່ານີ້ກໍໄດ້

ກໍແປວ່າ ໃນສະພາຊຸດໄໝ່ນີ້ຈະມີແຕ່ສອງກຸ່ມທາງການ ຫລື groupe parlementaire
ເທົ່ານັ້ນ ການທີ່ຈະສາມາດຕັ້ງກຸ່ມໃນສະພາໄດ້ນັ້ນ ພັກການເມືອງໜຶ່ງຈະຕ້ອງມີ ສສ
ຢ່າງນ້ອຍຈຳນວນ 20 ທ່ານຂື້ນໄປ

ສະພາຊຸດໃໝ່ນີ້ ຈະມີພາລະກິດສຳຄັນໃນຫລາຍໆດ້ານ ເຊັ່ນ ອອກກົດຫມາຍກ່ຽວກັບ
ການປາບ ປາມອາຊຍາກັມ, ການລົງໂທດພວກທີ່ລ່ວງລ້ຳກົດໝາຍແຕ່ສອງເທື່ອຂື້ນ
ໄປ, ການເຮັດວຽກຢ່າງນ້ອຍທີ່ສຸດຂອງຣັດວິສາຫະກິດໃນເວລານັດຢຸດງານປະທ້ວງ
(ແທນທີ່ຈະບໍ່ເຮັດວຽກເລີຍ) ແລະ ກົດໝາຍກ່ຽວກັບຄົນເຂົ້າເມືອງ ເປັນຕົ້ນ ກອງປັດ
ຊຸມສະໄໝວິສາມັນຂອງສະພາແຫ່ງຊາດຊຸດໃມ່ຈະມີຂື້ນ ໃນວັນທີ່ 26 ເດືອນມິຖຸນານີ້