ຝລັ່ງ//ເລືອກຜູ້ແທນຮອບສອງ

ຮອບສອງ ຍັງສາມມື້

ໂດຍ  ໂສວົງ

ບົດຄວາມນີ້ເຜີຍແຜ່ເມື່ອວັນທີ 14/06/2007 ແກ້ໄຂໃຫມ່ຫລ້າສຸດເມື່ອວັນທີ 14/06/2007 à 07:11 TU

ຍັງອີກສາມມື້ ຄືວັນອາທິດວັນທີ່ 17 ເມຖຸນາ ປະຊາຊົນກໍຈະປ່ອນບັດເອົາ ຜູ້ແທນຮອບສອງ ສະເພາະພວກທີ່ ບໍ່ໄດ້ຮັບຄະແນນກວ່າຫ້າສິບສ່ວນຮ້ອຍ ໃນຮອບທີ່ນຶ່ງພວກດັ່ງກ່າວກໍແຂ່ງກັນ ໃນແຕ່ລະເຂດບາງແຫ່ງກໍມີສອງຄົນ ຫຼື ສາມ ຫຼື ສີ່ ທີ່ແຂ່ງກັນອີກ

ພັກຂວາ UMP ພັກກາງໃໝ່ ແລະຝ່າຍຂວາຕ່າງໆ ຄາດວ່າຈະໄດ້ຮັບ 394-434 ບ່ອນນັ່ງໃນສະພາ ຫຼັງຈາກຮອບສອງວັນທີ່ 17/6/07 ສ່ວນພັກສັງຄົມນິຍົມຄົງໄດ້ ຮັບ 105-131 ບ່ອນນັ່ງ ສະຖິຕິດັ່ງກ່າວ ແມ່ນອີງຕາມສະຖາບັນ BVA ທີ່ອອກມາ ວັນທີ່ 14/6/07

ພັກກອມມຸນິດຄົງໄດ້ຈຳນວນຜູ້ແທນລະຫວ່າງ 10-16 ຄົນ ເຊິ່ງເຫັນວ່າ ບໍ່ພຽງພໍໃນ ການປະກອບເປັນຄນະໃນສະພາ ສ່ວນພັກທັມມະຊາດຂຽວ (Verts) ຄົງໄດ້ 3-4 ຄົນ ພັກປະຊາທິປະໄຕຂອງທ່ານບາຍຣູຄົງໄດ້ 1-3 ຄົນ (ສະຖິຕິນີ້ ແມ່ນ ອີງໃສ່ ຈຳນວນຜູ້ແທນໃນແຜ່ນດິນໃຫຍ່ທໍ່ນັ້ນ 555 ຄົນ)

ເມື່ອອີງຕາມການຢັ່ງສຽງ BVA ແລ້ວ ມີປະຊາຊົນ 53% ປາຖນາໃຫ້ຝ່າບຂວາມີຊັຍ ຊນະ (ຂຶ້ນສາມແຕ້ມ ປຽບໃສ່ສະຖິຕິວັນທີ່ 7/5/07) ແລະ 40% ຕ້ອງການໃຫ້ຝ່າຍ ຊ້າຍໄດ້ຮັບຊັຍຊນະ (ຫຼຸດສີ່ແຕ້ມ ປຽບໃສ່ມື້ກ່ອນໆຜ່ານມາ) ຝ່າຍຂວາລື່ນຊ້າຍ 13 ແຕ້ມ ປະຊາຊົນທີ່ຍັງບໍ່ຮູ້ເທື່ອນັ້ນມີ 7% (ຂຶ້ນສາມແຕ້ມ)

ນອກນັ້ນ ປະຊາຊົນກໍຍັງປາຖນາໃຫ້ຣັຖບານໃໝ່ນີ້ກຳກັບແກ້ໄຂບັນຫາວ່າງງານ ຄ່າ ຄອງຊີບແລະສະພາບທຸກຍາກໃນຝລັ່ງ ສ່ວນຄ່າຄອງຊີບນັ້ນ ແມ່ນບັນຫາຕົ້ນຕໍສຳຄັນ ທີ່ຄວນນຳມາແກ້ໄຂກ່ອນບັນຫາອື່ນໆ

ປະຊາຊົນໄວ້ເນື້ອເຊື່ອໃຈຣັຖບານໃໝ່ມີຈຳນວນໜ້ອຍລົງໃນໂຄງການແກ້ໄຂການວ່າງ ງານດັ່ງກ່າວ ຄື ມີພຽງ 50% ເຊິ່ງແຕ່ກ່ອນນັ້ນມີເຖິງ 56% ລະຫວ່າງວັນທີ່ 21-22 ພຶສພາຜ່ານມາ ປຽບໃສ່ສະຖິຕິໃໝ່ດັ່ງກ່າວນີ້

ໃນເວລານີ້ ຝ່າຍຊ້າຍພວມບຸກມາແຮງ ໂຈມຕີຣັຖບານກ່ຽວກັບການຂຶ້ນຄ່າອາກອນ 5% ເພື່ອຖົມລະບົບປ້ອງກັນສັງຄົມ ຮອດດຽວນີ້ ອາກອນດັ່ງກ່າວຢູ່ໃນຂີດ 19% ຖ້າ ວ່າຂຶ້ນອີກ 5% ກໍເກືອບເຖິງ 25% (ເຊັ່ນ ຢາສູບເປັນຕົ້ນ)

ສະນັ້ນ ໃນການໂຄສະນາຫາສຽງຮອບສອງນີ້ ຝ່າຍຊ້າຍຈິ່ງນຳເອົານະໂຍບາຍຕ້ານ ການເພີ່ມຂຶ້ນຂອງອາກອນດັ່ງກ່າວ ອັນເຮັດໃຫ້ຣັຖບານຂວາຕ້ອງລະດົມກັນແກ້ຂໍ້ຂ້ອງ ໃຈໃຫ້ແຈ້ງຂາວວ່າ ເຫດຜົນໃດຈິ່ງຂຶ້ນຄ່າອາກອນນີ້

ຝ່າຍຂວາວ່າ ອາກອນນັ້ນ ຄົງບໍ່ຂຶ້ນອັດຕາຕື່ມແຕ່ຢ່າງໃດໃນປີ 2008 ແຕ່ຫຼັງຈາກ ນັ້ນ ອາດເປັນໄປໄດ້ທີ່ຈະຂຶ້ນຕື່ມ 5% ນາຍົກຣັຖມຸນຕີວ່າ ເປັນພື້ນຖານຈາກເອີໂຣບ ບັນຍັດໃຫ້ ແລະ ອາດພົບກັບສະພາບເຟີ້ກໍເປັນໄດ້ ແຕ່ກໍຈະຖືກຄວບຄຸມໄວ້ຢ່າງເຄັ່ງ ຄັດ ສ່ວນລາຄາສິນຄ້ານັ້ນ ກໍອາດເລັ່ງຂຶ້ນໄປຕາມອີກ