ຄວາມເປັນມາຂອງການເລືອກຕັ້ງ ປະທານາທິບໍດີຝຣັ່ງ (2)

1965: de Gaulle ຈໍາເປັນເຂົ້າຮອບສອງ

ໂດຍ  ພອນແກ້ວ

ບົດຄວາມນີ້ເຜີຍແຜ່ເມື່ອວັນທີ 11/03/2007 ແກ້ໄຂໃຫມ່ຫລ້າສຸດເມື່ອວັນທີ 11/03/2007 à 09:21 TU

ໂທຣະທັດເຂົ້າມາມີບົດບາດຄັ້ງທຳອິດ ໃນການຫາສຽງເລືອກຕັ້ງປະທານາທິບໍດີ ເມື່ອປີ 1965 (ພາບ: INA)

ທ່ານນາຍພົນ Charles de Gaulle
ວີຣະບຸຣຸດຂອງການຕໍ່ສູ້ກູ້ຊາດຂັບໄລ່ເຍີ
ຣະມັນ nazi ອອກຈາກການຍຶດຄອງ
ຝຣັ່ງໃນສມັຍສົງຄາມໂລກຄັ້ງທີ່ສອງ
ແລະປະທານາທິບໍດີມາແຕ່ປີ 1958 ໄດ້
ປະກາດຕົວເຂົ້າຮວ່ມສມັກແຕ່ພຽງໜຶ່ງ
ເດືອນເທົ່ານັ້ນກ່ອນການລົງຄະແນນສຽງ
ຮອບທີ ໜຶ່ງເມື່ອວັນທີ່ 5 ທັນວາ ໂດຍ
ທ່ານມີຄວາມຫມັ້ນໃຈວ່າປະຊາຊົນຝຣັ່ງຈະພາກັນປອ່ນບັດຮັບຮູ້ສນັບສນູນການ
ປະຕິບັດງານທັງຫມົດຂອງທ່ານ ດັ່ງທີ່ພວກເຂົາເຈົ້າໄດ້ໃຫ້ຄວາມໄວ້ວາງໃຈແດ່
ທ່ານມາແລ້ວໃນການອອກສຽງປະຊາມະຕິກ່ອນໜ້ານັ້ນ

ແຕ່ເນື່ອງຈາກວ່າທ່ານ Jean Lecanuet ຈາກພັກຂວາທີ່ມີອາຍຸໜຸ່ມແໜ້ນແຕ່ພຽງ 45
ປີ ໄດ້ຄະແນນສຽງເຖີງ 15.60% ໃນຮອບທີໜຶ່ງ ເປັນການຍາດແຍ່ງເອົາຄະແນນໄປ
ຈາກທ່ານນາຍພົນ De Gaulle ທ່ານນາຍພົນຈຶ່ງບໍ່ໄດ້ຄະແນນເກີນ 50% ດັ່ງນັ້ນຈຶ່ງຈຳ
ເປັນຕ້ອງເຂົ້າໄປແຂ່ງຂັນໃນຮອບທີ່ສອງກັບທ່ານ François Mitterrand ຈາກພັກສັງ
ຄົມນິຍົມ ຜົນທີ່ປາກົດອອກມາກໍຄື ທ່ານນາຍພົນ De Gaulle ໄດ້ຮັບໄຊຊະນະຢ່າງຖ້ວມ
ລົ້ນເຖິງ 55.20% ໃນຂນະທີ່ທ່ານ Mitterrand ໄດ້ພຽງແຕ່ 44.80% ນັບວ່າແມ່ນເທື່ອ
ທໍາອີດໃນປວັດສາດ ຂອງປະເທດຝຣັ່ງທີ່ປະຊາຊົນເປັນຜູ້ລົງຄະແນນສຽງໂດຍກົງໃຊ້ສິດ
ປະຊາທິປະໄຕຂອງຕົນເລືອກເອົາຜູ້ນໍາສູງສຸດຂອງປະເທດ ແລະກໍແມ່ນເທື່ອທໍາອິດອີກ
ຄືກັນທີ່ໄດ້ມີການນຳໃຊ້ໂທຣະພາບເປັນສື່ໃນການ ໂຄສະນາຫາສຽງເລືອກຕັ້ງ

ໃນບັນດາຜູ້ສມັກຮອບທຳອິດມີ 6 ທ່ານຄຶ:
1. ທ່ານນາຍພົນ Charles De Gaulle ໄດ້ 44.60%
2. ທ່ານ François Mitterrand ຈາກພັກສັງຄົມນິຍົມໄດ້ 31.50%
3. ທ່ານ Jean Lecanuet ຈາກພັກຂວາ Mouvement républicain populaire ໄດ້ 15.60%
4. ທ່ານ Jean-Louis Tixier-Vignancour ທະນາຍຄວາມຜູ້ສນັບສນູນໃຫ້ Algérie
ສືບຕໍ່ເປັນຫົວເມືອງຂື້ນຂອງຝຣັ່ງໄດ້ 5.20%
5. ທ່ານ Pierre Marcilhacy ສມາຊິກສະພາສູງ ໄດ້ 1.70%
6. ທ່ານ Marcel Barbu ທີ່ບໍ່ແມ່ນນັກການເມືອງ ໄດ້ສວຍໃຊ້ການໂຄສະນາຫາສຽງ
ເພື່ອນໍາທິສດີປະຕິຮູບສັງຄົມຂອງຕົນອອກເຜີຍແຜ່ໄດ້ 1.10%