ຄວາມເປັນມາຂອງການເລືອກຕັ້ງ ປະທານາທິບໍດີຝຣັ່ງ (3)

1969: ຂວາສູ້ຂວາ Pompidou-Poher

ໂດຍ  ພອນແກ້ວ

ບົດຄວາມນີ້ເຜີຍແຜ່ເມື່ອວັນທີ 10/03/2007 ແກ້ໄຂໃຫມ່ຫລ້າສຸດເມື່ອວັນທີ 10/03/2007 à 16:02 TU

ທ່ານ Georges Pompidou ກຳລັງປ່ອນບັດເລືອກຕັ້ງ (ພາບ: INA)

ເປັນການເລືອກຕັ້ງກອ່ນກໍາໜົດພາຍຫລັງ
ການລາອອກຈາກຕໍາແໜ່ງຂອງທ່ານປະ
ທານາທິ ບໍດີ Charles De Gaulle
ທີ່ໄດ້ພົບກັບຄວາມປລາໄຊອັນເຈັບແສບ
ໃນການອອກສຽງປະຊາມະຕິເພື່ອການ
ປະຕິຮູບສະພາສູງແລະສ້າງຕັ້ງການປົກ
ຄອງແຄວ້ນ (régions) ການອອກສຽງ
ປະຊາມະຕິນີ້ມີຂຶ້ນໜຶ່ງປີເທົ່ານັ້ນຫລັງຈາກ
ການລຸກຮືຂື້ນປະຕິວັດສັງຄົມຂອງບັນດາຊາວຫນຸ່ມໃນເດືອນພືສພາ 1968

ເຫດການສໍາຄັນພິເສດຂອງການແລືອກຕັ້ງໃນປີນັ້ນກໍແມ່ນໄດ້ມີຕົວແທນຈາກບັນດາພັກ
ຝ່າຍຂວາສອງທ່ານໄດ້ເຂົ້າໄປແຂ່ງຂັນໃນຮອບທີ່ສອງໃນວັນທີ່ 15 ມິຖຸນາ ຄືທ່ານ
Georges Pompidou ອະດີດນາຍົກ ຣມຕ ຈາກພັກດຽວກັນກັບທ່ານນາຍພົນ de
Gaulle ແລະ ທ່ານ Alain Poher ປະທານສະພາສູງແລະກໍາຕໍາແຫນ່ງປະທານາທິບໍ
ດີຊົ່ວຄາວຫລັງການລາອອກຂອງທ່ານນາຍ ພົນ de Gaulle

ກ່ອນໜ້ານີ້ທ່ານ Alain Poher ໄດ້ເປັນຕົວຕັ້ງຕົວຕີໃນການຂົນຂວາຍຕ້ານໂຄງການປະ
ຕິຮູບທີ່ທ່ານນາຍພົນ de Gaulle ນຳສເນີຕໍ່ການອອກສຽງປະຊາມະຕິ ການທີ່ນັກການ
ເທຶອງຝ່າຍຂວາສອງທ່ານໄດ້ຜ່ານເຂົ້າໄປໃນຮອບທີສອງ ທຳໃຫ້ທ່ານ Jacques
Duclos ແຫ່ງພັກຄອມມຸຍນິດທີ່ໄດ້ອັນດັບທີ 3 ໃນຮອບທໍາອິດ ຕ້ອງອອກມາຮຽກຮອ້ງ
ໃຫ້ທ່ານ Poher  ສລະບ່ອນ ທັງນີ້ເພາະໃນສາຍຕາຂອງທ່ານ Duclos ແລ້ວ ຂວາກັບ
ຂວາແຂ່ງກັນນັ້ນທຳໃຫ້ປະຊາຊົນກໍບໍ່ມີທາງແລືອກ

ທ່ານ Duclos ປຽບທຽບນາຍພົນ de Gaulle ແລະ ທ່ານ Poher ວ່າ "Blanc
bonnet et bonnet blanc" ("ໝວກສີຂາວ" ແລະ "ສີຂາວຂອງໝວກ") ຈະເລືອກອັນ
ໃດກໍຄືກັນອ້ອຍຕ້ອຍ ພອ້ມດຽວກັນນັ້ນພັກຄອມມຸຍນິດກໍໄດ້ຮຽກຮອ້ງໃຫ້ປະຊາຊົນທີ່ສນັບ
ສນູນຕົນໃຫ້ພາກັນຄວ້ຳບາດ ບໍ່ໄປຮວ່ມປອ່ນບັດເລືອກຕັ້ງ ເຊື່ອກັນວ່າການຮຽກຮ້ອງຂ
ອງທ່ານ Duclos ມີສ່ວນເຮັດໃຫ້ປະຊາຊົນເຖິງ 31% ຜູ້ມີສິດອອກສຽງເລືອກຕັ້ງພາກັນ
ນອນຫລັບທັບສິດ

ຜົນການເລືອກຕັ້ງຮອບທີສອງປາກົດວ່າທ່ານ Pompidou ໄດ້ຮັບໄຊຊະນະຢ່າງສງ່າງາມ
ເຖິງ 58.20% ໃນຂນະທີ່ທ່ານ Poher ນັ້ນໄດ້ 41.80%

ໃນບັນດາຜູ້ສມັກ 6 ທ່ານໃນຮອບທໍາອິດນັ້ນມີ :
1. ທ່ານ Georges Pompidou ນາຍົກ ຣມຕ ຈາກປີ 1962 ຫາ 1968 ໄດ້ 45.50%
2. ທ່ານ Alain Poher ປະທານປະເທດຊົ່ວຄາວແຕ່ວັນທີ່ 27 ເມສາ ໄດ້ 23.30%
3. ທ່ານ Jacques Duclos ຈາກພັກຄອມມຸຍນິດ ໄດ້ 21.30%
4. ທ່ານ Gaston Defferre ຈາກພັກສັງຄົມນິຍົມ ໄດ້ 5%
5. ທ່ານ Michel Rocard ຈາກພັກສັງຄົມນິຍົມ PSU ໄດ້ 3.60%
6. ທ່ານ Alain Krivine ຈາກພັກຊ້າຍຈັດ Ligue communiste révolutionnaire ໄດ້ 1.10%