ຄວາມເປັນມາຂອງການເລືອກຕັ້ງ ປະທານາທິບໍດີຝຣັ່ງ (4)

1974: ທ່ານ Giscard d'Estaing ກຳໄຊຊະນະເໜືອທ່ານ Mitterrand

ໂດຍ  ພອນແກ້ວ

ບົດຄວາມນີ້ເຜີຍແຜ່ເມື່ອວັນທີ 08/03/2007 ແກ້ໄຂໃຫມ່ຫລ້າສຸດເມື່ອວັນທີ 08/03/2007 à 15:24 TU

ຄັ້ງທຳອິດໃນປວັດສາດທີ່ມີການໂຕ້ວາທີ ລະຫວ່າງສອງຜູ້ສມັກໃນຮອບທີ່ສອງ
ພາບ INA

ເປັນການເລືອກຕັ້ງເທື່ອທີ່ສອງກອ່ນກໍາ
ຫນົດພາຍຫລັງການອະສັນຍະກັມຂອງ
ທ່ານປະທາ ນາທິບໍດີ Georges Pom-
pidou ການລົງຄະແນນສຽງຮອບທີ 1
ມີຂຶ້ນໃນວັນທີ່ 2 ເມສາ ແລະແມ່ນທ່ານ
Valéry Giscard d'Estaing ຈາກ
ກຸ່ມພັກຝ່າຍກາງເປີດກວ້າງທາງດ້ານ
ເສຖກິດເປັນຜູ້ໄດ້ຮັບໄຊຊະນະໃນຮອບ
ທີ່ສອງໃນວັນທີ່ 19 ພືສພາ ເໜືອທ່ານFrançois Mitterrand ແຫ່ງພັກສັງ
ຄົມນິຍົມ

ທ່ານ Giscard d'Estaing ໄດ້ຄະແນນສຽງ 50.80% ສ່ວນທ່ານ Mitterrand ໄດ້
49.20% ເປັນການສມັກເທື່ອທີ່ສອງຂອງທ່ານ Mitterrand ຫລັງຈາກໄດ້ຮວ່ມສມັກ
ແລະປລາໄຊມາແລ້ວໃນປີ 1965 ມີປະຊາຊົນຊາວຝຣັ່ງຜູ້ມີສິດອອກສຽງເລືອກຕັ້ງເຖີງ
85.40% ໄປໃຊ້ສິດປະ ຊາທິປະໄຕຂອງຕົນ

ເຫດການສໍາຄັນພິເສດທີ່ໜ້າສັງເກດໃນການລືອກຕັ້ງໃນປີ 1974 ແມ່ນການໂຕ້ວາທີ
ທາງໂທລະພາບແບບສົດໆຮ້ອນໆເທື່ອທໍາອິດໃນປວັດສາດລະຫວ່າງຜູ້ເຂົ້າຊິງໄຊໃນ
ຮອບສອງ

ຕາມທັສນະຂອງນັກສັງເກດການແລ້ວກໍແມ່ນທ່ານ Giscard d'Estaing ເປັນຜູ່ໄດ້ຮັບ
ໄຊຊະນະໃນການໂຕ້ວາທີນີ້ ຄຳໂຕ້ຂອງທ່ານ Giscard d'Estaing ຕໍ່ທ່ານ
Mitterrand ທີ່ມີນ້ຳໜັກຫລາຍທີ່ສຸດນັ້ນກໍຄືຄຳເວົ້າທີ່ວ່າ "ບໍ່ແມ່ນທ່ານຜູ້ດຽວທີ່ມີນະ
ໂຍບາຍເອື້ອເຟື້້ອເຜື່ອແຜ່ຕໍ່ປະຊາຊົນ"

ໃນບັນດາຜູ້ສມັກທັງຫມົດ 12 ທ່ານໃນຮອບທໍາອິດນັ້ນມີ :
1. ທ່ານ Valéry Giscard d'Estaing ຣມຕ ເສຖກິດແລະການເງິນໄດ້ 32.20%
2. ທ່ານ François Mitterrand ເລຂາທິການເອກພັກສັງຄົມນິຍົມແລະເປັນຕົວແທນ
ຂອງກຸ່ມພັນທະມິດຝ່າຍຊ້າຍໄດ້ 43.20%
3. ທ່ານ Jacques Chaban-Delmas ອະດີດນາຍົກ ຣມຕ ຈາກພັກຂວາ UDR ໄດ້
15.10%
4. ທ່ານ Jean Royer ຜູ້ປອ້ງກັນແນວຄິດວັທນະທັມເດີມແລະປ້ອງກັນຜົນປໂຍດຂອງ
ບັນດາ ພໍ່ຄ້າແມ່ຄ້າລາຍຍ່ອຍໄດ້ 3.2%
5. ທ່ານນາງ Arlette Laguiller ຈາກພັກຊ້າຍຈັດ Lutte ouvrière ໄດ້ 2.30%
6. ທ່ານ Jean-Marie Le Pen ຈາກພັກຂວາຈັດຊາດນິຍົມ Front national ໄດ້ 0.70%
7. ທ່ານ Emile Muller ຜູ້ສ້າງຕັ້ງພັກສັງຄົມປະຊາທິປະໄຕຝຣັ່ງໄດ້ 0.7%
8. ທ່ານ Alain Krivine ຈາກພັກຊ້າຍຈັດ Ligue communiste révolutionnaire ໄດ້ 0.40%
9. ທ່ານ Bertrand Renouvin ຜູ້ມີແນວຄິດນິຍົມກະສັດ ໄດ້ 0.20%
10. ທ່ານ Jean-Claude Sebag ທະນາຍຄວາມທີ່ໄດ້ຮັບການສນັບສນູນຈາກພັກສະ
ຫະພັນ Europe ໄດ້ 0.20%
11. ທ່ານ Guy Heraud ທີ່ມີແນວຄິດສ້າງສະຫະພັນໄດ້ 0.10%