ຄວາມເປັນມາຂອງການເລືອກຕັ້ງ ປະທານາທິບໍດີຝຣັ່ງ (6)

1988: ປະທານາທິບໍດີ Mitterrand ຊນະນາຍົກ Chirac

ໂດຍ  ພອນແກ້ວ

ບົດຄວາມນີ້ເຜີຍແຜ່ເມື່ອວັນທີ 06/03/2007 ແກ້ໄຂໃຫມ່ຫລ້າສຸດເມື່ອວັນທີ 06/03/2007 à 18:17 TU

ທ່ານ François Miterrand ໄດ້ຮັບການ ເລືອກຕັ້ງໃຫ້ສືບຕໍ່ຕຳແໜ່ງຕົນເອງເປັນສມັຍ ທີສອງ
ພາບ INA

ທ່ານ François Mitterrand ປະທາ
ນາທິບໍດີຄົນທໍາອິດຈາກພັກສັງຄົມນິຍົມ
ແຕ່ປີ 1981 ມາໄດ້ລົງສມັກແຂ່ງຂັນກັບ
ນາຍົກ ຣມຕ ຂອງທ່ານເອງ ທັງນີ້ເພາະ
ວ່າຫລັງຈາກໄຊຊະນະຂອງພັກຝ່າຍຂວາ
ໃນການເລືອກຕັ້ງ ສສ ທ່ານ Jacques
Chirac ໄດ້ຂື້ນມາກໍາຕໍາແຫນ່ງນາຍົກ
ຣມຕ ບໍຣິຫານປະເທດໃນການປົກຄອງ
ຮວ່ມຄັ້ງທຳອິດໃນຝຣັ່ງລະຫວ່າງປະທານາທິບໍດີຝ່າຍຊ້າຍແລະນາຍົກ ຣມຕ ຝ່າຍຂວາທີ່ມີນະໂຍບາຍການເມືອງແຕກຕ່າງກັນໂດຍທີ່ຜູ້ນໍາສູງສຸດທັງສອງໄດ້ ປະທະວາຈາແລະທິສດີການເມືອງແຂ່ງຂັນອິດທິພົນຊີງດີຊີງເດັ່ນຈົນເຖິງໃນເວທີ ສາກົນກາຍເປັນຕົ້ນເຫດເຮັດ ໃຫ້ເກີດຄວາມອື້ສາວຂື້ນໃນຕ່າງແດນ

ໃນຮອບທີ່ສອງວັນທີ່ 8 ພຶສພາ ທ່ານ François Mitterrand ໄດ້ຮັບຄະແນນສຽງ
54% ແລະທ່ານ Jacques Chirac ໄດ້ພຽງ 46% ເທົ່ານັ້ນ ໂດຍມີປະຊາຊົນຜູ່ມີ
ສີດອອກສຽງເລືອກຕັ້ງ 84.10% ໄປໃຊ້ສິດປະຊາທິປະໄຕຂອງຕົນ

ໃນຮອບທີ່ນື່ງນັ້ນ ມີບັນດາຜູ້ຮວ່ມລົງສມັກ 9 ທ່ານຄື:
1. ທ່ານ François Mitterrand ປະທານປະເທດຈາກພັກສັງຄົມນິຍົມໄດ້ 33.10%
2. ທ່ານ Jacques Chirac ນາຍົກ ຣມຕ ຈາກພັກຂວາ Rassemblement pour
la République ໄດ້ 19.90%
3. ທ່ານ Raymond Barre ນາຍົກ ຣມຕ ຈາກປີ 1976 ຫາ 1981 ຕົວແທນພັກ
ກາງ UDF ໄດ້ 16.50%
4. ທ່ານ Jean-Marie Le Pen ຈາກພັກຂວາຈັດຊາດນິຍົມ Front national ໄດ້
14.40%
5. ທ່ານ André Lajoinie ຈາກພັກຄອມມຸຍນິດ ໄດ້ 8.80%
6. ທ່ານ Antoine Waechter ຕາງຫນ້າບັນດາກຸ່ມອະນຸລັກທັມມະຊາດສີ່ງແວດ
ລ້ອມໄດ້ 3.80%
7. ທ່ານ Pierre Juquin ຕາງຫນ້າກຸ່ມຄອມມຸຍນິດແນວຄິດເປີດກວ້າງໄດ້ 2.10%
8. ທ່ານນາງ Arlette Laguiller ຈາກພັກຊ້າຍຈັດ Lutte ouvrière ໄດ້ 2%
9. ທ່ານ Pierre Boussel-Lambert ຈາກພັກຊ້າຍຈັດ Mouvement pour un
parti des travailleurs ໄດ້ 0.40%