ຄວາມເປັນມາຂອງການເລືອກຕັ້ງ ປະທານາທິບໍດີຝຣັ່ງ (7)

1995: ທ່ານ Jacques Chirac ໄດ້ຮັບການເລຶອກຕັ້ງ

ໂດຍ  ພອນແກ້ວ

ບົດຄວາມນີ້ເຜີຍແຜ່ເມື່ອວັນທີ 05/03/2007 ແກ້ໄຂໃຫມ່ຫລ້າສຸດເມື່ອວັນທີ 05/03/2007 à 19:07 TU

ການຜັດປ່ຽນອຳນາດລະຫວ່າງທ່ານ Mitterrand (ດ້ານຂວາ) ແລະທ່ານ Jacques Chirac (ດ້ານຊ້າຍ) (ພາບ INA)

ຫລັງຈາກໄດ້ຮ່ວມສມັກແລະປລາໄຊໃນປີ
1981 ແລະ 1988 ແລ້ວ ທ່ານ
Jacques Chirac ຈາກພັກຂວາ
RPR ກໍປະສົບຜົນສຳເຣັດໄດ້ຮັບການ
ເລືອກຕັ້ງໃຫ້ດຳຣົງຕໍາແຫນ່ງປະທານາ
ທິບໍດີແທນທ່ານ François Mitterrand ປະທານປະເທດຈາກພັກ
ສັງຄົມນິຍົມຄົນທໍາອິດທີ່ຮັບຕຳແໜ່ງມາ
ຕັ້ງແຕ່ປີ 1981 ແຕ່ບໍ່ໄດ້ລົງສມັກຕື່ມ

ໃນການລົງຄະແນນສຽງຮອບທີ່ສອງເມື່ອວັນທີ່ 7 ພືສພາ ທ່ານ Chirac ໄດ້ຮັບຄະແນນ
ສຽງ 52.60% ນຳຫນ້າທ່ານ Lionel Jospin ຈາກພັກສັງຄົມນິຍົມ ທີ່ໄດ້ພຽງແຕ່
47.40% ທ່ານ Chirac ໄດ້ນໍາເອົາທິສດີຂອງການແຕກແຍກທາງດ້ານສັງຄົມ
(fracture sociale) ອອກມາເປັນປັດໃຈໃຫຍ່ຂອງການໂຄສະນາຫາສຽງ ຊຶ່ງທຳໃຫ້່
ທ່ານໄດ້ຮັບການສນັບສນູນຈາກຜູ້ໃກ້ຊິດຂອງ ທ່ານ Mitterrand ຫລາຍທ່ານ ໃນນັ້ນ
ກໍມີຫລານຊາຍທ່ານ Mitterrand ນໍາດວ້ຍ

ໃນການລົງຄະແນນສຽງຮອບທໍາອິດວັນທີ່ 23 ເມສາ ທ່ານ Chirac ສາມາດເອົາຊນະຄູ່
ແຂ່ງຈາກພັກຂວາຄ້າຍດຽວກັນຄື ທ່ານ Edouard Balladur ເພື່ອນມີດ 30 ປີ ພ້ອມທັງ
ເປັນຜູ້ທີ່ທ່ານ Chirac ໃນນາມຫົວຫນ້າພັກ ແຕ່ງຕັ້ງໃຫ້ດຳຣົງຕຳແໜ່ງນາຍົກ ຣມຕ
ຂອງການປົກຄອງຮວ່ມກັບທ່ານ François Mitterrand ພາຍຫລັງໄຊຊະນະຂອງພັກ
ຝ່າຍຂວາໃນການເລືອກຕັ້ງ ສສ ປີ 1993

ໃນຈຳນວນຜູ້ສມັກ 9 ທ່ານໃນຮອບທີຫນຶ່ງ ກໍມີ:
1. ທ່ານ Lionel Jospin ຈາກພັກສັງຄົມນິຍົມໄດ້ຄະແນນສຽງ 23.23%
2. ທ່ານ Jacques Chirac ຈາກພັກຂວາ RPR ໄດ້ 20.80%
3. ທ່ານ Edouard Balladur ຈາກພັກຂວາທີ່ໄດ້ຮັບການສນັບສນຸນໂດຍພັກກາງ
UDF ແລະບັນດາຜູ່ມີແນວຄີດເສຖກິດເປີດກວ້າງໄດ້ 18.6%
4. ທ່ານ Jean-Marie Le Pen ຈາກພັກຂວາຈັດຊາດນິຍົມໄດ້ 15%
5. ທ່ານ Robert Hue ຈາກພັກຄອມມຸຍນິດ ໄດ້ 8.60%
6. ທ່ານນາງ Arlette Laguiller ຈາກພັກຊ້າຍຈັດ Lutte ouvrière ໄດ້ 5.30%
7. ທ່ານ Philippe de Villiers ຈາກພັກຂວາຊາດນິຍົມ Mouvement pour la France ໄດ້ 4.70%
8. ທ່ານນາງ Dominique Voynet ຈາກພັກອານຸລັກທັມມະຊາດສີ່ງແວດລອ້ມ Les
Verts ໄດ້ 3.30%
9. ທ່ານ Jacques Cheminade ຈາກຂບວນການ Solidarité et Progrès ໄດ້ 0.30%

ເຫດການທີ່ຖືວ່າພິເສດ ທີ່ເກີດຂຶ້ນໃນຮອບທີໜຶ່ງທັງໃນພັກສັງຄົມນິຍົມແລະພັກຝ່າຍຣັຖ
ບານ RPR ມີຄື ໃນພັກສັງຄົມນິຍົມທ່ານ François Mitterrand ບໍ່ໄດ້ແຕ່ງຕັ້ງຜູ້ໃດ
ໃຫ້ເປັນຜູ້ສືບທອດມໍຣະດົກການເມືອງ

ຫລັງຈາກທີ່ທ່ານ Jacques Delors ອະດີດປະທານຄນະກັມມາທິການເອີຣົບແຫ່ງພັກສັງ
ຄັມນິຍົມຜູ້ທີ່ໄດ້ຮັບຄວາມນິຍົມນໍາຫນ້າຕລອດມາໃນການຢັ່ງສຽງໄດ້ປະຕິເສດບໍ່ລົງສມັກ
ທ່ານ Lionel Jospin ຊຶ່ງຂຶ້ນເປັນເລຂາທິການເອກຂອງພັກຫລັງຈາກທີ່ທ່ານ François
Mitterrand ຂຶ້ນຄອງຕຳແໜ່ງປະທານປະເທດໃນປີ 1981 ກໍໄດ້ກາຍໄປເປັນໝາຍເລກ
1 ຂອງພັກໂດຍບໍ່ໄດ້ຄາດຄະເນມາກ່ອນ ຈຶ່ງໄດ້ເປັນຕົວແທນຂອງພັກລົງສມັກເລືອກຕັ້ງ

ສ່ວນພາຍໃນພັກຝ່າຍຂວາທີ່ສນັບສນຸນຣັຖບານ ທ່ານນາຍົກ ຣມຕ Edouard Balladur
ກໍໄດ້ປະກາດລົງສມັກເຖີງແມ່ນວ່າເຄີຍໄດ້ໃຫ້ຄໍາຫມັ້ນສັນຍາຕໍ່ທ່ານ Chirac ວ່າຈະເປັນ
ຜູ່ກຳຕຳແຫນ່ງນາຍົກ ຣມຕ ບໍຣິຫານປະເທດເທົ່ານັ້ນ ແລະຈະປອ່ຍໃຫ້ແຕ່ທ່ານ Chirac
ເປັນຕົວແທນຂອງພັກຝ່າຍຂວາລົງສມັກຊິງຕຳແໜ່ງປະທານາທິບໍດີກໍຕາມ

ທ່ານ Jacques Chirac ແລະ ທ່ານ Edouard Balladur ເຄີຍເປັນເພື່ອນມິດທີ່ດີ
ພອ້ມທັງໄດ້ຮ່ວມວຽກງານການເມືອງນຳກັນມາໄດ້ຫລາຍສີບປີຕັ້ງແຕ່ສມັຍທີ່ທ່ານ
Chirac ກຳຕຳແໜ່ງເຈົ້າຄອງກໍາແພງນະຄອນຫລວງ Paris ແລະຕຳແໜ່ງນາຍົກ
ຣມຕ ຂອງການປົກຄອງຮວ່ມຄັ້ງທໍາອິດກັບທ່ານ François Mitterrand ຈາກປີ 1986
ຫາ 1988 ໂດຍແມ່ນທ່ານ Balladur ເອງເປັນຜູ່ຂີດຂຽນທີສດີຂອງການແບ່ງປັນອໍາ
ນາດລະຫວ່າງປະທານາທິບໍດີແລະນາຍົກ ຣມຕ ທີ່ບໍ່ໄດ້ມາຈາກພັກການເມືອງແນວຄີດ
ອັນດຽວກັນແລະກໍແມ່ນການແຕກແຍກໃນປີ 1995 ນີ້ເອງທີ່ເປັນຕົ້ນຕໍເຮັດໃຫ້ທ່ານ
Chirac ບໍ່ໄວ້ໃຈຕໍ່ທ່ານ Nicolas Sarkozy ຊື່ງທ່ານ Chirac ເອງເຄີຍຮັກແພງຄືກັນ
ກັບລູກຊາຍມາກ່ອນແຕ່ພາຍຫລັງທ່ານ Sarkozy ໄດ້ຫັກຫລັງໄປໃຫ້ການສນັບສນຸນ
ທ່ານ Balladur