ຄວາມເປັນມາຂອງການເລືອກຕັ້ງ ປະທານາທິບໍດີຝຣັ່ງ (8)

2002: ເຫດການສັ່ນສະເທືອນ ພັກຂວາຈັດຊາດນິຍົມ ເຂົ້າຮອບສອງ

ໂດຍ  ພອນແກ້ວ

ບົດຄວາມນີ້ເຜີຍແຜ່ເມື່ອວັນທີ 04/03/2007 ແກ້ໄຂໃຫມ່ຫລ້າສຸດເມື່ອວັນທີ 04/03/2007 à 20:09 TU

ທ່ານ Jean-Marie Le Pen ຫົວໜ້າພັກ ຂວາຈັດສແດງຄວາມດີໃຈຫລັງຊາບຂ່າວ ໄດ້ເຂົ້າຮອບສອງ
ພາບ INA

ໃນຮອບທີໜຶ່ງ ທ່ານ Jean-Marie Le
Pen ຫົວຫນ້າພັກຂວາຈັດຊາດນິຍົມ
(Front national) ໄດ້ຄະແນນທີ່ສອງ
18.86% ຮອງລົງມາຈາກທ່ານປະທາ
ນາທິບໍດີ Jacques Chirac ທີ່ໄດ້
19.88% ແປວ່າແມ່ນທ່ານທັງສອງ
ເປັນຜູ້ໄດ້ເຂົ້າໄປຊິງໄຊໃນຮອບທີ່ສອງ

ເຫດການທີ່ບໍ່ມີຜູ້ໃດຄາດຝັນມາກ່ອນ ກໍແມ່ນການທີ່ທ່ານ Lionel Jospin ນາຍົກ ຣມຕ
ຂອງການປົກຄອງຮວ່ມຄັ້ງທີ່ສາມຈາກພັກສັງຄົມນິຍົມ ໄດ້ຄະແນນສຽງແຕ່ພຽງ16.18%
ແລະກໍແມ່ນພຽງເທື່ອທີ່ສອງເທົ່ານັ້ນໃນປວັດສາດຂອງສາທາລະນະຣັດທີ 5 ທີ່ບໍ່ໄດ້ມີຕົວ
ແທນຂອງພັກສັງຄົມນິຍົມເຂົ້າໄປຮ່ວມແຂ່ງຂັນໃນຮອບທີ່ສອງຫລັງຈາກເຄີຍມີມາໃນປີ
1969

ທັງຫມົດມີ 16 ທ່ານເຂົ້າຮ່ວມແຂ່ງຂັນໃນຮອບທໍາອີດ ໃນວັນທີ່ ໒໑ ເມສາ:
1. ທ່ານ Jacques Chirac ປະທານປະເທດຈາກພັກຂວາ (RPR) ໄດ້ 19.88%
2. ທ່ານ Jean-Marie Le Pen ຈາກພັກຂວາຈັດ (Front national) ໄດ້ 18.86%
3. ທ່ານ Lionel Jospin ນາຍົກ ຣມຕ ຈາກພັກສັງຄົມນິຍົມໄດ້ 16.18%
4. ທ່ານ François Bayrou ປະທານພັກກາງ UDF ໃດ້ 6.84%
5. ທ່ານນາງ Arlette Laguiller ຈາກພັກຊ້າຍຈັດ (Lutte ouvrière) ໄດ້ 5.72%
6. ທ່ານ Jean-Pierre Chevénement ຈາກພັກຊ້າຍ (Mouvement des citoyens) ໄດ້ 5.33%
7. ທ່ານ Noël Mamère ຈາກພັກຊ້າຍອານຸລັກທັມມະຊາດ (Les Verts) ໄດ້ 5.25%
8. ທ່ານ Olivier Besancenot ຈາກພັກຊ້າຍຈັດ (Ligue communiste révolutionnaire) ໄດ້ 4.25%
9. ທ່ານ Jean Saint-Josse ຈາກພັກຊາວລ້າເນື້ອ ຕືກປາ ທັມມະຊາດ ແລະ ປະເພນີ ໄດ້ 4.23%
10. ທ່ານ Alain Madelin ຈາກພັກເສຣີປະຊາທິປະໄຕ (Démocratie Libérale) ໄດ້ 3.91%
11. ທ່ານ Robert Hue ຈາກພັກຄອມມູຍນິດ ໄດ້ 3.37%
12. ທ່ານ Bruno Megret ຈາກພັກຂວາຈັດ (Mouvement national républicain) ໄດ້ 2.34%
13. ທ່ານນາງ Christiane Taubira ຈາກພັກຊ້າຍ (Radical de gauche) ໄດ້ 2.32%
14. ທ່ານນາງ Corinne Lepage ຈາກພັກອານຸລັກທັມຊາດສີ່ງແວດລ້ອມ (CAP21) ໄດ້ 1.88%
15. ທ່ານນາງ Christine Boutin ຈາກພັກຂວາກາໂຕລີກ (Forum des
républicains sociaux) ໄດ້ 1.19%
16. ທ່ານ Daniel Gluckstein ຈາກພັກຊ້າຍຈັດ (Parti des travailleurs ໄດ້ 0.49%)

ໃນຮອບທີ່ສອງວັນທີ່ 5 ພືດສະພາ 2002 ທ່ານ Jacques Chirac ທີ່ໄດ້ຮັບການ
ສນັບສນຸນຈາກຫມົດທຸກພາກສ່ວນຂອງວົງການເມືອງຝຣັ່ງພາຍໃຕ້ແນວໂຮມຊາດຕ້ານ
ຢັນພັກຂວາຈັດໄດ້ຖືກແລືອກຕັ້ງອີກເທື່ອໃຫມ່ຢ່າງຖວ້ມລົ້ນດ້ວຍຄະແນນສຽງເຖິງ 82.21%

ແຕ່ວ່າໃນຮອບທີ່ສອງນີ້ໄດ້ມີບັນດາຜູ້ມີສີດອອກສຽງເຖິງ 20.29% ບໍ່ໄດ້ໄປຮວ່ມປ່ອນບັດ
ແລະມີຜູ້ໃຊ້ບັດຂາວບໍ່ເລືອກໃຜເລີຍຫລາຍຜີດປົກຕິເຖິງ 5.39% ຂອງບັດທັງຫມົດ

ເຫດການສໍາຄັນອີກອັນນື່ງກໍແມ່ນປີການຂອງປະທານາທິບໍດີທີ່ໄດ້ລົດລົງຈາກປີ 7 ປີ
ເຫລືອແຕ່ພຽງ 5 ປີ ຫລັງຈາກການປະຕິຮູບກົດຫມາຍຣັຖທັມມະນູນເມື່ອວັນທີ່ 24
ກັນຍາປີ 2000ກໍແປວ່າປີການຂອງປະທານາທິບໍດີ 5 ປີ ເທົ່າກັນກັບປີການຂອງສມາຊິກ
ສະພາແຫ່ງຊາດມີແຕ່ປີການຂອງສມາຊິກສະພາສູງເທົ່ານັ້ນທີ່ຍັງຄົງ 6 ປີຄືເກົ່າ