ຊີວິດການເມືອງ ຂອງທ່ານຈ໊າກ ຊີຣັກ (Jacques Chirac)

ປະທານາທິບໍ ຜູ້ຈະພົ້ນຕຳແໜ່ງ

ໂດຍ  ພອນແກ້ວ

ບົດຄວາມນີ້ເຜີຍແຜ່ເມື່ອວັນທີ 14/04/2007 ແກ້ໄຂໃຫມ່ຫລ້າສຸດເມື່ອວັນທີ 14/04/2007 à 08:57 TU

ທ່ານປະທານາທິບໍດີຈ໊າກ ຊີຣັກ ຕັດສິນໃຈ
ບໍ່ລົງສມັກຕື່ມອີກເປັນສມັຍທີສາມແລະຈະ
ພົ້ນຈາກຕຳແໜ່ງ ຫລັງຄອງ ອຳນາດເປັນ
ເວລາ 12 ປີ (ພາບ: INA)

ທ່ານປະທານາທິບໍດີຈ໊າກ ຊີຣັກ
(Jacques Chirac) ອາຍຸ 74 ປີ
ໄດ້ແຈ້ງບອກຢ່າງເປັນທາງການເມື່ອວັນ
ອາທິດ 11 ມີນາຜ່ານມາວ່າທ່ານຈະບໍ່
ລົງສມັກເພື່ອສືບຕໍ່ຕຳແໜ່ງຂອງທ່ານ
ເອງອີກເທື່ອໃໝ່ເປັນສມັຍທີສາມ ຫລັງ
ຈາກທີ່ໄດ້ຄຸກຄີໃນວົງການການເມືອງມາ
ເປັນເວລາເຖິງ 42 ປີ ໃນນັ້ນທ່ານໄດ້
ຄອງຕຳແໜ່ງສູງສຸດຂອງປະເທດສອງ
ສມັຍຕິດຕໍ່ກັນເປັນເວລາເຖິງ 12 ປີ (7ປີໃນສມັຍທີໜຶ່ງ ແລະ 5 ປີໃນສມັຍທີ
ສອງຫລັງຈາກມີການປະຕິຮູບກົດໝາຍຣັຖທັມມະນູນ), ຄອງຕຳແໜ່ງນາຍົກ
ຣມຕ ສອງຄັ້ງ ແລະຕຳແໜ່ງເຈົ້າຄອງກຳແພງນະຄອນຫລວງປາຣີສເປັນເວລາ
ເຖິງ 18 ປີ

ທ່ານຈ໊າກ ຊີຣັກ ເກີດເມື່ອວັນທີ 29 ພະຈິກ 1932 ທີ່ນະຄອນຫລວງປາຣີສຈາກຄອບຄົວ
ທີ່ຮັ່ງມີ ເປັນບຸດຊາຍຄົນດຽວຂອງທ່ານ Abel François Chirac ແລະທ່ານຍິງ
Marie-Louis Valette

ແຕ່ເຖິງປານນັ້ນກໍຕາມ ກໍບໍ່ໄດ້ເປັນອຸປສັກຂວາງກັ້ນຕໍ່ການມີແນວຄິດຊ້າຍຂອງທ່ານແຕ່
ຢ່າງໃດໃນສມັຍທີ່ທ່ານຍັງໜຸ່ມເປັນນັກສຶກສາທີ່ສຖາບັນຣັຖສາດການເມືອງ (Sciences
politiques) ເຖິງຂນາດກັບວ່າຮ່ວມເປັນອາສາສມັກຂາຍໜັງສືພິມ "L'Humanité"
ປາກສຽງຂອງພັກຄອມມຸຍນິດຝຣັ່ງເສດນຳດ້ວຍ...ໜັງສືພິມ "L'Humanité" ນີ້ ເປັນ
ໜຶ່ງໃນອົງການຕ່າງໆທີ່ຮ່ວມກັນອອກ "ຖແລງການສຕ໊ອກໂຮມ" ຕໍ່ຕ້ານລະເບີດນິວເຄລັຽ

ຫລັງຈາກທີ່ສຳເຣັດການສຶກສາໄດ້ຮັບປຣິນຍາຈາກສຖາບັນການປົກຄອງແຫ່ງຊາດ
(ENA) ທ່ານກໍໄດ້ເຂົ້າຮັບໃຊ້ຊາດເປັນທະຫານ ແລະໄດ້ເດີນທາງໄປປະຕິບັດພາຣະກິດ
ໃນປະເທດອາລເຊຣີ (Algérie) ເປັນເວລາໜຶ່ງປີ

ແມ່ນທີ່ສຖາບັນການປົກຄອງແຫ່ງຊາດ (ENA) ນີ້ເອງທີ່ທ່ານຊີຣັກໄດ້ພົບກັບທ່ານນາງ
Bernadette Chodron de Courcel ຜູ້ທີ່ກາຍມາເປັນຄູ່ຊີວິດຂອງທ່ານໃນເວລາຕໍ່ມາ

ເມື່ອເດີນທາງກັບຄືນປະເທດຝຣັ່ງເສດຫລັງເສັດສິ້ນພາຣະກິດຊາດທີ່ປະເທດອາລເຊຣີ
ແລ້ວ ທ່ານຊີຣັກກໍໄດ້ເຂົ້າຮັບໃຊ້ເປັນຣັຖກອນໃນສຳນັກນາຍົກ ຣມຕ ຊຶ່ງໃນສມັຍນັ້ນກໍ
ແມ່ນທ່ານຍອຣ໌ຊ ປອມປີດູ (Georges Pompidou) ເປັນຫົວໜ້າຄນະຣັຖບານ (ຈາກ
1962 – 1967) ແລະກໍແມ່ນທ່ານປອມປີດູນີ້ເອງ ເປັນຜູ້ສນັບສນຸນໃຫ້ທ່ານຊີຣັກລົງສມັກ
ສສ  ໃນແຂວງ Corrège ໃນປີ 1967 ແລະໄດ້ເຂົ້າກຳຕຳແໜ່ງ ຣມຕ ໂລດຫລັງ
ຈາກທີ່ໄດ້ຮັບການເລືອກຕັ້ງໃນປີນັ້ນ

ກ່ອນຫນ້ານັ້ນສອງປີ ຄືເມື່ອປີ 1965 ທ່ານກໍໄດ້ຮັບການເລືກຕັ້ງເປັນສມາຊິກສພາກຳ
ແພງນະຄອນຂອງເມືອງ St. Féréole ມາກ່ອນແລ້ວເມື່ອອາຍຸພຽງແຕ່ 33 ປີ ນັບ
ແຕ່ນັ້ນເປັນຕົ້ນມາທ່ານຊີຣັກກໍໄດ້ກຳຕຳແໜ່ງສຳຄັນໆໃນຄນະຣັຖບານມາຕລອດແລະ
ໄດ້ຮ່ວມໃນຄນະເຈຣະຈາຂອງຣັຖບານກັບບັນດາອົງການຈັດຕັ້ງກັມມະບານພາຍຫລັງ
ໄດ້ເກີດການປະຕິວັດໃຫຍ່ທາງວັທນະທັມເມື່ອເດືອນພຶສພາ 1968 ຈົນການເຈຣະຈາ
ໄດ້ບັນລຸເຖິງຂໍ້ຕົກລົງ Grenelle ຮັບຮູ້ສິດທິຂອງບັນດາຜູ້ອອກແຮງງານກິນເງິນເດືອນ

ໃນປີ 1974 ໃນຂນະທີ່ທ່ານຈ໊າກ ຊີຣັກ ກຳຕຳແໜ່ງ ຣມຕ ພາຍໃນ ແລະເປັນເລຂາທິ
ການພັກ UDR ໄປພ້ອມນັ້ນ ທ່ານປະທານາທິບໍດີ ຍອຣ໌ຊ ປອມປີດູ  ຜູ້ອູ້ມຊູສນັບສນຸນ
ທ່ານຊີຣັກທາງດ້ານການເມືອງມາຕລອດ ກໍໄດ້ເຖິງແກ່ອະສັນຍະກັມຫລັງຈາກທີ່ໄດ້
ປ່ວຍມາເປັນເວລາຫລາຍເດືອນ

ຈຶ່ງໄດ້ທຳໃຫ້ທ່ານຊີຣັກກ້າວເຂົ້າມາກຳບົດບາດທາງດ້ານການເມືອງທີ່ສຳຄັນກວ່າ
ເກົ່າ ໂດຍການຮວບຮວມບັນດາ ສສ 49 ທ່ານປະກາດໃຫ້ການສນັບສນຸນຕໍ່ ທ່ານວາເລ
ຣີ ຍິສກາຣ໌ດ ແດັສແຕັງ (Valérie Giscard d'Estaing) ຣມຕ ກະຊວງການເງິນ
ທີ່ໄດ້ຮັບການສນັບສນຸນຈາກກຸ່ມແນວຄິດກາງຊຶ່ງກາຍ ມາເປັນພັກ UDF ໃນເວລາຕໍ່ມາ
ໃນການລົງສມັກຮັບເລືອກຕັ້ງກ່ອນກຳໜົດຊິງຕຳແໜ່ງປະທານາທິບໍດີ ແທນທີ່ວ່າຈະໃຫ້
ການສນັບສນຸນທ່ານ ຈ໊າກ ຊາບັງ ແດລມາສ໌ (Jacques Chaban-Delmas) ອດີດນາຍົກ ຣມຕ ຈາກພັກ UDR

ຫລັງຈາກທີ່ທ່ານວາເລຣີ ຍິສກາຣ໌ດ ແດັສແຕັງ ໄດ້ຮັບໄຊຊະນະຄອງຕຳແໜ່ງປະທານາ
ທິບໍດີແລ້ວທ່ານຈ໊າກ ຊີຣັກ  ກໍໄດ້ຮັບການແຕ່ງຕັ້ງຈາກປະທານາທິບໍດີຄົນໃໝ່ໃຫ້ກຳຕຳ
ແໜ່ງ ນາຍົກ ຣມຕ ເມື່ອວັນທີ 27 ພຶສພາ 1974

ແຕ່ບັນດານັກການເມືອງກຸ່ມໜຶ່ງກໍໄດ້ກ່າວຫາວ່າທ່ານຊີຣັກເປັນຜູ້ຫັກຫລັງທາງດ້ານ
ການເມືອງ ໃນຂນະທີ່ຂາສນັບສນຸນຊ້ຳພັດເບີ່ງເຫັນວ່າແມ່ນການຕັດ ສິນໃຈທີ່ຖືກຕ້ອງ
ແລະມີສາຍຕາຍາວໄກ

ແຕ່ວ່າໃນວັນທີ່ 25 ສີງຫາ 1976 ທ່ານຊີຣັກໄດ້ຕັດສິນໃຈລາອອກຈາກຕໍາແຫ່ນງນາຍົກ
ຣມຕ  ແບບບໍ່ເຄີຍມີມາຈັກເທື່ອໃນປວັດການ ໂດຍທ່ານໄດ້ອະທິບາຍເຫດຜົນວ່າທາ່ນບໍ່
ສາມາດປະຕິບັດງານໄດ້ແບບມີປະສິດທິພາບເພື່ອປະຊາຊົນ

ວັນທີ່ 5 ທັນວາ ຂອງປີດຽວກັນ ທາ່ນຊີຣັກໄດ້ສາ້ງຕັ້ງພັກ RPR (Rassemble-
ment pour la République) ແທນພັກ UDR ແລ້ວນຳໃຊ້ພັກ RPR ນີ້ ເປັນພາຫາ
ນະໃນການຕໍ່ສູ້ທາງດ້ານການເມືອງຕາ້ນທາ່ນຍິສກາຣ໌ດ ແດັສແຕັງແລະແນໃສ່ຂື້ນໄປ
ຄອງຕໍ່າແຫ່ນງປະທານາທິບໍດີໃນຂັ້ນຕໍ່ໄປ

ໃນວັນທີ່ 25 ມິນາ 1977 ການຕັ້ງພັກການເມືອງໃໝ່ກໍນຳທ່ານສູ່ຄວາມສຳເຣັດຂັ້ນຕົ້ນ
ໂດຍກຳໄຊ ຊະນະເໜືອຕົວແທນຂອງ ທ່ານຍິສກາຣ໌ດ ແດັສແຕັງ ໃນການເລືອກຕັ້ງຊິງ
ຕຳແໜ່ງຜູ້ຄອງກຳແພງນະຄອນຫລວງປາຣີສ

ມິນາ 1978 ພັກຝ່າຍຂວາໄດ້ຮັບໄຊຊະນະ
ໃນການແລືອກຕັ້ງທົ່ວໄປ ໂດຍພັກ RPR
ໄດ້ ສສ 148 ທີ່ນັ່ງ ພັກ UDF ຂອງປະທາ
ນາທິບໍດີຍິສກາຣ໌ດ ແດັສແຕັງ ໄດ້ 137 ທີ່
ນັ່ງ ກໍແປວ່າແມ່ນໄຊຊະນະອີກຄັ້ງໜຶ່ງຂອງ
ທ່ານຊີຣັກ ເໜືອ ທ່ານຍິສກາຣ໌ດ ແດັສແຕັງ

ໃນວັນທີ່ 26 ເມສາ 1981 ທ່ານຊີຣັກ ໄດ້
ຄະແນນແຕ່ພຽງທີ່ສາມ 17.99% ໃນຮອບທໍາ
ອິດຂອງການແລືອກຕັ້ງປະທານາທິບໍດີ ຮອງ
ລົງມາຈາກທ່ານຍິສກາຣ໌ດ ແດັສແຕັງ ແລະທາ່ນ ຟຣັງຊົວສ໌ ມິຕແຕຣ໌ຣັງດ໌
(François Mitterrand) ຈາກພັກສັງຄົມນິຍົມ ທາ່ນຊີຣັກປະກາດສນັບສນູນທ່ານຍິສ
ກາຣ໌ດ ແດັສແຕັງ"ທາງດ້ານສ່ວນຕົວ" ໂດຍທີ່ບັນດາຜູ່ນໍາຂອງພັກ RPR ໄດ້ອອກຄໍາ
ສັ່ງຢ່າງລັບໆໃຫ້ສມາຊິກຂອງຕົນໄປປ່ອນບັດເອົາທ່ານຟຣັງຊົວສ໌ ມິຕແຕຣ໌ຣັງດ໌ ໃນຮອບ
ທີ່ສອງ ໄຊຊະນະຂອງທ່ານມິຕແຕຣ໌ຣັງດ໌ ໃນວັນທີ່ 10 ພືດສະພາ ກໍຄຶກັນກັບໄຊຊະນະ ຂອງທາ່ນຊີຣັກໄປໃນຕົວນັ້ນເອງ

ໃນວັນທີ່ 20 ມິນາ 1986 ປະທານາທິບໍດີ Mitterrand ຈໍາເປັນແຕ່ງຕັ້ງທາ່ນຊີຣັກ ໃຫ້ຂື້ນກໍາຕໍາແຫນ່ງນາຍົກ ຣມຕ ບໍລິຫານປະເທດໃນການປົກຄອງຮ່ວມຄັ້ງທໍາອິດ
(ປະທານາທິບໍດີຊ້າຍ ແລະ ນາມຍົກ ຣມຕ ຂວາ) ຈົນຮອດປີ 1988 ຈຶງມີການປະເຊີນ
ໜ້າກັນແບບເຜັດຮອ້ນລະຫວ່າງປະທານາທິບໍດີຊ້າຍ ແລະ ນາຍົກ ຣມຕ ຂວາ ຊີງດີຊີງ
ເດັ່ນຍາດແຍ່ງກັນເປັນຜູ້ມີບົດບາດໃນເວທີສາກົນແບບອັບອາຍຂາຍໜ້າໃຫ້ແກ່ປະເທດ

ໃນທີ່ສຸດໃນວັນທີ່ 10
ພືສພາ 1988 ທ່ານ
ມິຕແຕຣ໌ຣັງດ໌ ກໍໄດ້
ກຳໄຊຊະນະເໜືອ
ທາ່ນຊີຣັກຢ່າງສງ່າ
ງາມໃນການເລືອກ
ຕັ້ງຊິງຕຳແໜ່ງປະ
ທານາທິບໍດີຮອບທີ
ສອງ ໂດຍໄດ້ຄະ
ແນນສຽງ 54%
ແຕ່ວ່າການ ປລາ
ໄຊດັ່ງກາ່ວກໍບໍ່ໄດ້
ເຮັດໃຫ້ທາ່ນຊີຣັກທໍ້ຖອຍຫລືເລີກລົ້ມຄວາມຕັ້ງໃຈໃນການກ້າວໄປສູ່ຕຳແໜ່ງສູງສຸດ
ຂອງປະເທດ ທ່ານຊີຣັກໄດ້ເປັນຜູ້ປະກອບສ່ວນຢ່າງສໍາຄັນໃນການໂນ້ມນ້າວໃຫ້ຊາວ
ຝຣັ່ງຮັບເອົາສົນທິສັນຍາ Maastricht ວ່າດວ້ຍການສ່້່າງເອີຣົບໃຫ້ເປັນໜຶ່ງດຽວໃນ
ສຫະພາບ

ຕໍ່ມາໃນເດືອນມີນາ 1993 ທ່ານຊີຣັກ ກໍໄດ້ນຳພາພັກຝ່າຍຂວາ RPR/UDF ກຳໄຊຊະ
ນະຢ່າງສງ່າງາມໃນການເລືອກຕັ້ງ ສສ ຄອງສຽງສ່ວນຫລາຍເດັດຂາດໃນສພາ ເມື່ອ
ໄດ້ຮັບໄຊຊະນະແນວນີ້ແລ້ວ ທາ່ນຊີຣັກໄດ້ຕັດສິນໃຈມອບຫມາຍໃຫ້ທ່ານເອດູອາຣ໌ດ ບາລາດູຣ໌ (Edouard Balladur) ຄອງແຫນ່ງນາຍົກ ຣມຕ ຂອງການປົກຄອງຮ່ວມ
ຄັ້ງທີສອງກັບທ່ານປະທານາທິບໍດີມິຕແຕຣ໌ຣັງດ໌  ແຫ່ງພັກສັງຄົມນິຍົມໂດຍມີການແບ່ງ
ປັນວຽກງານກນັດັ່ງນີ້ : 

ໃຫ້ທ່ານບາລາດູຣ໌ ບໍລິຫານປະເທດໃນຕຳແໜ່ງນາຍົກ ຣມຕ ແລະໃຫ້ທາ່ນຊີຣັກກະ
ຕຽມຫາ້ງຫາໄປສມັກກໍາຕໍາແຫນ່ງປະທານາທິບໍດີໃນປີ 1995 ແຕ່ເນື່ອງຈາກວ່າ
ທາ່ນຊີຣັກໄດ້ມີຄະແນນນິຍົມນໍາຫນ້າດີຕລອດເວລາ ຈຶ່ງໄດ້ເປັນແຮງຜັກດັນ ໃຫ້ທາ່ນ
ຕັດສີນໃຈໄປລົງສມັກຊິງຕຳແໜ່ງປະທານາທິບໍດີ ເປັນການຕັດໜ້າແລະຫັກຫລັງທ່ານ
ຊີຣັກຢ່າງແທ້ຈິງ

ທ່ານບາລາດູຣ໌ໄດ້ຮັບການສນັບສນູນອູ້ມຊູຈາກບັນດາຣັຖມົນຕຣີເກືອບຫມົດທຸກໆທ່ານໃນ
ຄນະຣັຖບານ ໃນນັ້ນຮວມທັງທ່ານນິໂກລາ ຊາໂກຊີ (Nicolas Sarkozy) ທີ່ທາ່ນຊີຣັກ

ຖືຄືກັນກັບລູກຊາຍທາງດ້ານການເມືອງ ກໍແມ່ນການຫັກຫລັງດັ່ງກ່າວນີ້ເອງ ທີ່ໄດ້
ກາຍໄປເປັນສາເຫດເຮັດໃຫ້ຄອບຄົວຂອງທ່ານຊີຣັກຕ້ອງເຖິງຂັ້ນແຕກຫັກກັບທາ່ນນິ
ໂກລາ ຊາໂກຊີ

ໃນປີ 1995 ທ່ານຊີຣັກ ບັນລຸເຖິງເປົ້າໝາຍສູງສຸດທາງດ້ານຊີວິດການເມືອງຂອງຕົນ
ໂດຍໄດ້ຮັບໄຊຊະນະໃນການເລືອກຕັ້ງຊິງຕຳແໜ່ງປະທານາທິບໍດີ ເໜືອທ່ານລີໂອແນລ
ໂຈ໊ສແປັງ (Lionel Jospin) ຈາກພັກສັງຄົມນິ ຍົມ ແຕ່ຕໍ່ມາໃນປີ 1997 ທ່ານຊີຣັກໃນ
ນາມປະທານາທິບໍດີ ໄດ້ຕັດສິນໃຈຍຸບສພາທັງໆທີ່ພັກຝ່າຍຂວາ RPR/UDF ເປັນຜູ້
ຄອງສຽງສ່ວນຫລາຍເດັດຂາດ

 

ນັບວ່າເປັນການຕັດສິນໃຈ
ທີ່ຜິດພາດຂັ້ນໃຫຍ່ຫລວງ
ຄັ້ງທຳອິດຂອງທ່ານຊີຣັກ
ທັງນີ້ເພາະພັກສັງຄົມນິຍົມ
ຝ່າຍຄ້ານເປັນຝ່າຍໄດ້ຮັບ
ໄຊຊະນະຢ່າງຖ້ວມລົ້ນໃນ
ການເລືອກຕັ້ງກ່ອນກຳໜົດ
ຫລັງຍຸບສພາ ເປັນເງື່ອນ
ໄຂກົດດັນໃຫ້ທ່ານປະທາ
ນາທິບໍດີຊີຣັກຈຳເປັນແຕ່ງ
ທ່ານລີໂອແນລ ໂຈ໊ສແປັງ
ໃຫ້ເປັນຜູ້ຄອງຕຳແໜ່ງນາ
ຍົກ ຣມຕ ເປັນການປົກຄອງຮ່ວມປະທານາທິບໍດີຂວານາຍົກ ຣມຕ ຊ້າຍ ແຕ່ການຜິດ
ພາດທາງດ້ານການເມືອງຄັ້ງນັ້ນ ໄດ້ເຮັດໃຫ້ທ່ານຊີຣັກຖອດຖອນເປັນບົດຮຽນໄດ້ເປັນ
ຢ່າງດີຈົນເຖິງການເລືອກຕັ້ງຊິງຕຳແໜ່ງປະທານາທິບໍດີປີ 2002 ທ່ານຈຶ່ງໄດ້ຄະແນນ
ສຽງນຳໜ້າ ເປັນອັນດັບທີໜຶ່ງ 19.88% ເໜືອທ່ານຊັງ ມາຣີ ເລີເປັນ (Jean-Marie le
Pen) ຈາກພັກຂວາຈັດຊາກນິຍົມ (Front national) ແລະທ່ານນາຍຍົກ ຣມຕ ລີໂອ
ແນລ ໂຈ໊ສແປັງ ກ່ອນທີ່ຈະກຳໄຊຊະນະຢ່າງຖລົ່ມທະລາຍກວ່າ 80% ເໜືອທ່ານເລີເປັນ
ໃນຮອບທີສອງ

 

ເມື່ອສລຸບແລ້ວ ເຮົາກໍ
ເຫັນໄດ້ວ່າ ຕະລອດເວ
ລາ 42 ປີ ທີ່ທ່ານຄຸກຄີ
ຢູ່ໃນວົງການເມືອງ
ທາ່ນຊີຣັກ ປຽ່ນຍຸທວິ
ທີການເມືອງຕລອດ
ມາ ໂດຍອິງໃສ່ພື້ນ
ຖານທິສດີ radical-
socalisme ປະສົມປະ
ສານເຂົ້າກັບແນວຄິດ
ຂອງທ່ານນາຍພົນຊາຣ໌ລ໌ ເດີ ໂກລລ໌ (Charles de Gaulle) ວີຣະບຸຣຸດ ຂອງການຕໍ່ຕາ້ນຂັບໄລ່ເຍີຣະມັນ Nazi ອອກຈາກການຍຶດຄອງປະເທດຝຣັ່ງໃນສມັຍສົງຄາມໂລກຄັ້ງທີສອງ

ນັ້ນກໍຄື ການປັບນະໂຍບາຍໃຫ້ເຂົ້າກັບສພາບຕົວຈິງແລະບໍ່ຍອມໃຫ້ສາສນາເຂົ້າມາ
ກຽ່ວຂ້ອງ ກັບການເມືອງແລະການປົກຄອງ

ທາງດ້ານການຕ່າງປະເທດ ທານຈ໊າກ ຊີຣັກ ໄດ້ສືບຕໍ່ປະຕິບັດທີສດີທີ່ເຄີຍມີມາ ແຕ່ສະໄໝນາຍພົນເດີ ໂກລລ໌ ຄືການເປັນມຫາອຳນາດນິວເຄລັຽທີ່ເປັນອິສຣະ