ສາທາຣະນະຣັດຝລັ່ງ

ສະພາບເມືອງຝລັ່ງ

ໂດຍ  ໂສວົງ

ບົດຄວາມນີ້ເຜີຍແຜ່ເມື່ອວັນທີ 06/05/2007 ແກ້ໄຂໃຫມ່ຫລ້າສຸດເມື່ອວັນທີ 06/05/2007 à 07:03 TU

ແຜນທີ່ເລືອກຕັ້ງປີກ່ອນໆສະແດງເຖິງເຂດ ເລືອກຕັ້ງເຊິ່ງພັກການເມືອງຕ່າງໆຄຸມເຊີງ ຢູ່ຫຼັງຈາກຜົນອອກມາມາໃຫ້ຮູ້ (ແຜນທີ່ : ສງວນສິດ/DR)

ສະພາບຂອງເມືອງຝລັ່ງເຊິ່ງພວກເຮົາ ຈະສເນີຕໍ່ໄປນີ້ກໍມີ ດ້ານພົລເມືອງ ສັງ ຄົມສົງເຄາະ ທຸຣະກິດຕ່າງໆ ພາວະ ວ່າງງານ ການຄ້າພາຍນອກ ເຕັກໂນ ໂລຊີຕ່າງໆ ຈະບໍ່ລົງເລິກແຕ່ຢ່າງໃດ ພຽງແຕ່ໃຫ້ສະຖິຕິເລັກນ້ອຍທໍ່ນັ້ນ ພໍ ໃຫ້ຮູ້ເຜີນໆເຖິງຢ່າງໃດບັນດານັກແອັງ ແຕກເນດຫຼືນັກຄົ້ນຄວ້າກໍຖື ເປັນຂໍ້ມູນໄດ້

ດ້ານພົລເມືອງພົລເມືອງຝລັ່ງ ລວມທັງໝົດມີຢູ່ 63 ລ້ານ 4 ແສນຄົນ ຕາມສະ
ຖິຕິອອກມາໃນວັນທີ່ 1/01/2007 ໃນນີ້ ກໍມີສ່ວນນຶ່ງທີ່ມີສິດທິປ່ອນບັດເລືອກຕັ້ງຈຳ
ນວນ 44 ລ້ານ 5 ແສນ  ເປັນຫຍັງສ່ວນເຫຼືອຈາກ 63 ລ້ານ 4 ແສນນັ້ນຈິ່ງບໍ່ມີສິດ
ທິປ່ອນບັດ ອັນນີ້ກໍຂຶ້ນກັບຕົນເອງແຕ່ລະຄົນ ເພາະວ່າຕ້ອງໄປຈົດທະບຽນຢູ່ຫ້ອງ
ການພໍ່ບ້ານ ກຳແພງເມືອງ ຈິ່ງຈະໄດ້ຮັບບັດສິດທິດັ່ງກ່າວ ແຕ່ຫາກວ່າ ຢູ່ປະເທດ
ຝລັ່ງນັ້ນ ກົດໝາຍບໍ່ໄດ້ບັງຄັບໃຫ້ປະຊາຊົນໄປຈົດທະບຽນແຕ່ຢ່າງໃດ ເພາະຖືວ່າ ເປັນປະຊາທິປະໄຕ ຜູ້ໃດຢາກຈົດກໍໄດ້ ບໍ່ຢາກໄປຈົດກໍໄດ້ ແຕ່ຖ້າບໍ່ມີບັດເລືອກຕັ້ງ ກໍບໍ່ມີສິດໄປປ່ອນບັດແຕ່ຢ່າງໃດ ຈິ່ງເຫັນວ່າ ປະຊາຊົນສ່ວນຫຼວງຫຼາຍບໍ່ໄດ້ໄປຈົດ
ທະບຽນ ແຕ່ສຳລັບເລືອກຕັ້ງສົກປີ 2007 ນີ້ ກໍມີຜູ້ໄປຈົດທະບຽນຫຼາຍເປັນປວັດ
ການຕື່ມຂຶ້ນ 8% (3 ລ້ານ 3 ແສນຄົນຕື່ມອີກ ປຽບໃສ່ປີ 2002) ປະເທດຝລັ່ງພົບກັບ
ພົລເມືອງອາຍຸແກ່ (ອາຍຸສູງ) ຈຳນວນຫຼວງຫຼາຍ ພວກມີອາຍຸລື່ນ 65 ປີ ມີຢູ່ 16% ໃນປັດຈຸບັນ ສ່ວນໃນປີ 1995 ນັ້ນກໍມີພຽງ 14%   ສະຖິຕິຍັງບອກອີກວ່າ ໃນປີ 2050 ພົລເມືອງອາຍຸ 65 ປີ ແລະລື່ນ 65 ປີ ຈະມີເຖິງຂີດ 26%

-ສ່ວນກອງທັບແຫ່ງຊາດກໍມີທະຫານຈຳນວນ 455.000 ໃນປີ 2004 ກອງທັບຍັງ
ເປັນສະມາຊິກຂອງອົງການໂອຕັງ / ນາໂຕ ແຕ່ຝລັ່ງກໍບໍ່ໄດ້ປະກອບສ່ວນອີກແລ້ວ
ໃນລະບົບພາຄີຮ່ວມປ້ອງກັນນັບແຕ່ປີ 1966 ເປັນຕົ້ນມາ ຍ້ອນມີພະລັງອາວຸດນິວ
ເຄັຽເປັນຂອງຕົນເອງ

-ສາສນາ ກ່ຽວກັບສາສນານັ້ນ ປະຊາຊົນນັບຖືກາໂຕລິກກໍມີເຖິງ 51% ຕາມສະຖິຕິ
ອອກມາໃນເດືອນມັງກອນປີ 2007 ໃນປີ 1990 ນັ້ນ ກໍມີພຽງ 80% ສ່ວນຊາວ
ມຸສລິມມີປະມານ 4-5 ລ້ານຄົນ (7% ຈາກພົລເມືອງທັງໝົດ) ສາສນາອິສລາມ
ຈິ່ງເປັນສາສນາອັນດັບສອງຂອງປະເທດ ຊາວພຸດ (ຫິນະຍານ ແລະ ມະຫາຍານ)
ມີຢູ່ກວ່າສອງແສນຄົນ-ປວັດສາດແລະການປົກຄອງ  ວັນທີ່ 20/9/1792 ຄນະປະຕິ
ວັດປະກາດລົບລ້າງລະບອບກະສັດທີ່ສືບທອດມາເຖິງແປດສັຕວັດ ແລ້ວປະກາດ
ເປັນ ສາທາຣະນະຣັດໃນວັນທີ່ 22/9/1792 ຫຼັງຈາກປະຕິວັດແລະຈັກກະພົບນາໂປ
ເລອົງ ແລ້ວລະບອບກະສັດກໍຖືກສະຖາປະນາຂຶ້ນອີກໃນປີ 1815...

ສ່ວນ ສາທາຣະນະຣັດທີ່ 5 ໃນສມັຍເຮົາປັດຈຸບັນນີ້ ກໍຖືກສ້າງຕັ້ງຂຶ້ນເມື່ອປີ
1958 ນັບຈາກປີ 1962 ເປັນຕົ້ນມາຮອດດຽວນີ້ ກໍມີການເລືອກຕັ້ງແບບປະຊາທິ
ປະໄຕໂດຍກົງ ໂດຍມີປະທານາທິບໍດີກຳອຳນາດກຳນົດ 7 ປີ ເຖິງປີ 2002 ນັບ
ຈາກປີ 2002 ເປັນຕົ້ນມາ ຕຳແໜ່ງປະທານປະເທດກຳນົດ 5 ປີ  ປະທານາທິບໍດີ
ແຕ່ງຕັ້ງນາຍົກຣັຖມຸນຕີທີ່ເປັນຜູ້ປະກອບຣັຖບານຂຶ້ນມາ ແລ້ວປະຕິບັດນະໂຍບາຍ
ຂອງປະທານປະເທດຕໍ່ໄປຈົນຄົບກຳນົດປີການ ຖ້າບໍ່ມີເຫດການໃດໆເກີດຂຶ້ນ...

-ສະຖິຕິການເກີດ ຫຼາຍກວ່າປະເທດອື່ນໃນສະຫະພາບເອີໂຣບ ດັ່ງສະຖິຕິຂອງອົງ
ການເອີໂຣສະຕາ (Eurostat) ປີ 2005 ໃຫ້ຂໍ້ມູນຕໍ່ໄປນີ້:
ຝລັ່ງ(1,9) ອຽກລັງ(1,88) ແຟັງລັງ (1,8) ອັງກິດ (1,8) ເຍລະມັນ  ເອັສປາຍ
ແລະ ອີຕາລີ (1,34 ) ໂປໂລຍ (1, 24)

-ດ້ານສັງຄົມສົງເຄາະ ດ້ານສັງຄົມສົງເຄາະນີ້ ມີລາຍຈ່າຍຫຼາຍ ກິນເຖິງ 53,8% ຂອງລາຍຮັບຊາດ ສຳລັບປີ 2006 ລາບຮັບຊາດມີຢູ່ 917,7 ຕື້ເອີໂຣ (917 ຕື້ກັບ
700 ລ້ານ) ຈາກງົບປະມານດັ່ງກ່າວນີ້ ກໍຍັງມີລາຍຈ່າຍຫຼາຍຂແນງການອີກຄື
387,7 ຕື້ເອີໂຣ ສຳລັບຂແນງວ່າງງານ ຄອບຄົວ ບຳນານ ປົວພຍາດຊ່ອຍພວກ
ຂາດທີ່ຢູ່ອາສັຍແລະອື່ນໆ (Insee)

-ດ້ານການສ້າງທຸຣະກິດຕ່າງໆ (Insee)
ໃນປີ 2006 ໄດ້ມີການສ້າງຕັ້ງບໍລິສັດຈຳນວນ 322270 ແຫ່ງ
ໃນປີ 2003 ໄດ້ມີການສ້າງຕັ້ງບໍລິສັດຈຳນວນ 291986
ໃນປີ 2000 ໄດ້ມີການສ້າງຕັ້ງບໍລິສັດຈຳນວນ 270043

-ການຄ້າພາຍນອກ ໃນປີ 2006 ປະເທດຝລັ່ງບໍ່ສາມາດແຂ່ງຕລາດໂລກໄດ້ດີ
ສ່ວນຄ້າຂາຍແລະທຸຣະກິດພາຍໃນຕລາດໂລກຖອຍລົງຈາກ 6% - 5% ໃນໄລຍະ
10 ປີຜ່ານມາຂາດດຸນການຄ້າ 29,2 ຕື້ເອີໂຣ (29 ຕື້ 200 ລ້ານ) ສິນຄ້າສົ່ງອອກ
387 ຕື້ເອີໂຣ

-ດ້ານເຕັກໂນໂລຊີ/ເອເລັກຕໂຣນິກ ສຳລັບປີ 2006 ປະຊາຊົນຝລັ່ງບໍລິໂພກຫຼາຍຂຶ້ນ
ເປັນຕົ້ນ ໂທລະສັບຖື (82%) ເຄື່ອງສມອງກົນ /ອອກດີນາເຕີ/ຄອມພິເຕິ (57%) ເຄື່ອງເອເລັກຕໂຣນິກຕ່າງໆ (40%  ມີແຕ່ 30% ໃນປີ 2002)

-ສະຖິຕິວ່າງງານ (Insee) ໄລ່ສເລັ່ຽມີດັ່ງນີ້ :
ໃນປີ 2006  ວ່າງງານມີຢູ່ 8,6%
ໃນປີ 2005        "         9,8%
ໃນປີ 2004        "         9,9%
ໃນປີ 2003        "         9,8%

ຖ້າເວົ້າລະອຽດ ມີດັ່ງນີ້ :

ໃນເດືອນກຸມພາ 2007 ສະຖິຕິງວ່າງງານມີຢູ່ 8,4% ອີງຕາມໂຕເລກທາງການ
ໃນເດືອນເມຖຸນາປີ 2006 ມີ 9,1% ແລະ ໃນເດືອນເມຖຸນາປີ 2006 ມີ 10,1%
ໂຕເລກດັ່ງກ່າວນີ້ ແມ່ນຢູ່ສູງກວ່າສະຖິຕິສເລັ່ຽປານກາງໃນສະຫະພາບເອີໂຣບ
7,5% ໃນເດືອນມັງກອນ (1) ປີ 2007 ສ່ວນລະດັບຄວາມກ້າວໜ້າຂອງເສຖກິດ
ກໍມີ 2% ໃນປີ 2006 ເຊິ່ງຖືວ່າ ຢູ່ໃນຂີດຕໍ່ສຳລັບເຂດຕະກຸນເງິນເອີໂຣ  ກ່ຽວກັບ
ລາຍຮັບຫົວຄົນຕໍ່ປີ ກໍມີ 26.440 ເອີໂຣ ໃນປີ 2006 ລື່ນລາຍຮັບປະຊາກອນໃນເຂດ
ເງິນຕະກຸນເອີໂຣທີ່ໄດ້ພຽງ 25.920 ເອີໂຣ

(ໂຕເລກທັງສະຖິຕິຕ່າງໆເຊິ່ງເຮົານຳມາອ້າງອີງໃນນີ້ ກໍໄດ້ມາຈາກອົງການ ເອີໂຣ ສະຕາ /Eurostat ແລະ ອິນຊີ/Insee)