ການເລືອກຕັ້ງຍັງ 3 ມື້

ບາງສັດຈະຂອງຜູ້ສມັກ

ໂດຍ  ໂສວົງ

ບົດຄວາມນີ້ເຜີຍແຜ່ເມື່ອວັນທີ 19/04/2007 ແກ້ໄຂໃຫມ່ຫລ້າສຸດເມື່ອວັນທີ 19/04/2007 à 07:03 TU

ໃບໂຄສະນາຜູ້ສມັກ 12 ທ່ານ ປະກອບຂຶ້ນຕາມໂບໂຄສະນາ ດັ່ງກ່າວ ໂດຍ ໂສວົງກັບສຸພຸດ

ສັດຈະວ່າ ຈະເຮັດແນວນັ້ນ ວ່າຈະເຮັດ
ແນວນີ້ ກໍຫຼັ່ງໄຫຼອອກຈາກຄຳປາສັຍຂອງ
ແຕ່ລະຄົນເຊິ່ງປາກົດວ່າ ບໍ່ໄດ້ສັ່ງຊາ
ຄວາມເວົ້າດັ່ງກ່າວ ໂດຍບໍ່ຮູ້ວ່າ ຈະປະຕິ
ບັດໄດ້ຫຼືຢ່າງໃດ ເພາະຜ່ານມາ ໃນຊຸດ
ກ່ອນໆສຳລັບຜູ້ອື່ນກໍບໍ່ສາມາດເຮັດໄດ້ກໍ
ມີ ແລ້ວປະຊາຊົນກໍຫາວ່າ ຕົວະຕົ້ມຕົນ

ແລະກໍພາກັນປະທ້ວງຂໍຄວາມເປັນທັມ

ຕໍ່ໄປພວກເຮົາຂໍຍິບຍົກເອົາບາງປໂຍກເຊິ່ງເປັນສັດຈະຂອງພວກສມັກປະທານາທິ
ບໍດີໃນເມື່ອເວລາຈໍ້ເຂົ້າມາເລື້ອຍໆ (ໃນເວລາຂຽນບົດຄວາມນີ້ຢູ່ ກໍຍັງອີກສາມມື້
ທໍ່ນັ້ນ) ບາງຄົນກໍໃຫ້ສັດຈະເປັນຂໍ້ໆ ກ່ຽວກັບນະໂຍບາຍທີ່ຕົນຈະປະຕິບັດໃນນັ້ນມາລັກ
ສນະຫຼວມໆກໍມີ ປາກົດວ່າ ໜັກແໜ້ນກໍມີ ບໍ່ມີໃຜສາມາດຮູ້ໄດ້ລ່ວງໜ້າວ່າ ຊິປະຕິບັດ
ໄດ້ແນວໃດ ມີທັງການເມືອງພາຍໃນແລະພາຍນອກ ແຕ່ດ້ານພາຍໃນເປັນສ່ວນ
ຫຼາຍ ເຮົາຈັດລຽນຊື່ຈາກແນວຄິດທີ່ເຫັນວ່າ ຊ້າຍຈັດ ໄປສູ່ ຂວາຈັດດັ່ງນີ້ :

1-ທ່ານໂອລີວີເອ ເບີຊັງເຊີໂນ (LCR) :​ ຖ້າບໍ່ຢາກມີບັນຫາຕໍ່ໄປອີກ ໃຫ້ເລືອກເອົາຂ້າພະເຈົ້າ ທຸກສິ່ງຢ່າງຈະປ່ຽນແປງ ແລະພວກທ່ານກໍໝົດຄວາມ
ເປັນຫ່ວງກັບຊີວິດຄວາມເປັນຢູ່ເຊິ່ງຈະມີດີກວ່າແຕ່ກ່ອນ ຂ້າພະເຈົ້າຕ້ອງການຂຶ້ນ
ເງິນເດືອນ ຂຶ້ນເງິນເບັ້ຽບຳນານ ແລະອື່ນໆອີກ ຕ້ອງປາບການໄຈ້ແຍກສັງຄົມ ປາບ
ການກຽດຜິວພັນ

2-ມາດາມອາກແລັດ ລາກີເຢ (LO) : ກັມມະກອນຍິງຊາຍ ບັນດາ
ສະຫາຍ  ນີ້ຄຶປໂຍກຂຶ້ນຕົ້ນຄຳປາສັຍຂອງເພິ່ນໃນທຸກໆສມັຍການເລືອກຕັ້ງຜ່ານ
ມາຫົກສມັຍແລ້ວນັບແຕ່ເພິ່ນຍັງສາວກ້າວເຂົ້າສູ່ເວທີສມັກເລືອກຕັ້ງ ຜູ້ຄົນຖືວ່າ ເປັນປໂຍກອະມະຕະຂອງເພິ່ນ  ນອກນັ້ນເພິ່ນກໍຍັງເວົ້າຢ່າງນຶ່ງວ່າ ຕ້ອງເຮັດບັດ
ປະຈຳໂຕໃຫ້ຊາວຕ່າງດ້າວທຸກຄົນທີ່ອາສັຍຢ່າງຜິດກົດໝາຍໃນປະເທດຝລັ່ງ
ຕ້ອງຂຶ້ນເງິນເດືອນ 300 ເອີໂຣ ໃຫ້ທຸກຄົນ  ຕ້ອງສ້າງເຄຫາສະຖານແກ່ພວກທຸກ
ຍາກເພື່ອບໍ່ໃຫ້ເຂົານອນກາງຖນົນອີກ

3-ມາດາມມາຣີຊອກ ບຸບເຟ (PC):ຈົງພາກັນເຮັດທຸກວິທິທາງສັນຕິ
ແບບປະຊາທິປະໄຕ ເພື່ອບໍ່ໃຫ້ຝ່າຍຂວາຂຶ້ນກຳອຳນາດອີກຕໍ່ໄປ ເພື່ອສືບຕໍ່ຄຸນຄ່າ
ຂອງນະໂຍບາຍຝ່າຍຊ້າຍ ປ່ຽນແປງວິຖີຄວາມເປັນຢູ່ປະຈຳວັນ  ປະເທດຝລັ່ງ
ຕ້ອງການພະລັງແນວທາງຊ້າຍ ຂຶ້ນເງິນເດືອນຢ່າງຕໍ່າ 1500 ເອີໂຣ ປາບການ
ໄຈ້ແຍກສັງຄົມກຽດຜິວ

4-ທ່ານໂສເຊ ໂບເວ (AMD / Antimondialisme): ເປັນໄປໄດ້ທີ່ຈະສ້າງ
ອານາຄົດແບບໃໝ່ ຂ້າພະເຈົ້າເປັນຜູ້ສມັກຄົນນຶ່ງທີ່ແຕກຕ່າງໝູ່ ໂດຍສະເພາະກໍຕໍ່
ຕ້ານລະບົບເສຖກິດເສຣີ ພວກເຮົາປາຖນາສະຖາປະນາສາທາຣະນະຣັດຝລັ່ງໃຫ້
ເປັນຮູບແບບໃໝ່ ໂດຍອ້າແຂນໄປສູ່ການພັທນາແບບໃໝ່  ຕໍ່ຕ້ານການໄຈ້ແຍກສັງ
ຄົນ

5-ທ່ານເຊຣ້າ ສີຫວາກດີ (PT) : ຈະໂອນເອົາບໍລິສັດໃຫຍ່ໆເປັນຂອງຣັດ
ເຊັ່ນ ໄຟຟ້າ ການບິນພົລເຮືອນຝລັ່ງ ຣົດໄຟ... ຕ້ອງກັບຄືນສູ່ລະບົບສັງຄົມສົງເຄາະ
ຂອງປີ 1945 ໂດຍໃຫ້ແຕ່ລະຄົນໄດ້ຮັບການປິ່ນປົວພຍາດລ້າໆ ສົ່ງເສີມຊີວິດກັມມະ
ກອນແລະຄົນທຸກຍາກອື່ນໆ

6-ທ່ານຟເຣເດຣິກ ນີຮູ (CPNT):  ຕ້ອງປ້ອງກັນຜົນປໂຍດຂອງພວກລ່າ
ສັດ ຊາວປະມົງຕ່າງໆ ປ້ອງກັນທັມມະຊາດ ປະເພນີທີ່ເຄີຍປະຕິບັດກັນມາ  ສະຖາ
ປະນາປະຊາທິປະໄຕແທ້ຈິງ ເປັນຕົ້ນ ສເມີພາບບັນດາຜູ້ສມັກເລືອກຕັ້ງຕ່າງໆ

7-ມາດາມໂດມີນິກ ວວນເນ (Les Verts) : ຕ້ອງປ້ອງກັນທັມມະຊາດແວດ
ລ້ອມບໍ່ໃຫ້ທຳລາຍທັມມະຊາດ ຜູ້ຈະປ້ອງກັນໄດ້ແທ້ນັ້ນ ກໍແມ່ນ ຝ່າຍອະນຸຣັກທັມມະ
ຊາດພັກອື່ນໆທີ່ບໍ່ມີແນວທາງດັ່ງກ່າວ ຈະບໍ່ສາມາດປ້ອງກັນທັມມະຊາດແວດລ້ອມ
ໄດ້ຢ່າງສົມບູນ

8-ມາດາມເສໂກແລນ ໂຣຢານ (PS): ຈະຂຶ້ນເງິນເດືອນທົ່ວໆໄປ ຢ່າງ
ຕໍ່າ 1500 ເອີໂຣ  ປ້ອງກັນບໍລິສັດ ແລະບໍລິສັດກໍປ້ອງກັນສັງຄົມ ແບບ ຊີ້ນໄປປາມາ
ຂ້າພະເຈົ້າພ້ອມປະຊາຊົນທັງມວນຈະຮ່ວມກັນປະຕິຮູບປະເທດຝລັ່ງຢ່າງລົງເລິກ ມາໃນສາຍນິ້ມນວນ ຂ້າພະເຈົ້າເປັນພະລັງແຫ່ງອານາຄົດສົດໃສ ໄປສູ່ການຫັນ
ປ່ຽນຢ່າງມີປະສິດທິພາບ ບໍ່ແມ່ນຈະປະຕິບັດແບບຮຸນແຮງ

9-ທ່ານຟຣັງຊົວ ບາຍຣູ (UDF) : ຣັຖຖານຜ່ານມາເກັບພາສີລາຍໄດ້
ພຽງແຕ່ນຳໄປໃຊ້ໜີ້ສີນກວ່ານິ່ງພັນຕື້ເອີໂຣ  ປະຊາຊົນຝລັ່ງມີແຕ່ພາກັນໃຊ້ໜີ້
ຫຼາຍປີພ່ານມາກໍບໍ່ໝົດເປັນຈັກເທື່ອ ຖ້າວ່າ ບໍ່ມີເງິນຕະກຸນເອີໂຣຄ້ຳຢູ່ ໜີ້ສີນແຮງ
ຊິຫຼາຍກວ່ານີ້ອີກແລະຕ້ອງສ້າງຄນະລໍລິຫານຊາດແລລປະສົມ ເຊິ່ງແມ່ນຂ້າພະ
ເຈົ້າຜູ້ດຽວທໍ່ນັ້ນເຮັດໄດ້ ຖ້າຂ້າພະເຈົ້າເປັນປະທານາທິບໍດີ ກໍຈະມີການປ່ຽນແປງ
ຄັ້ງປວັດສາດ

10-ທ່ານນິໂກລາ ສາກໂກຊີ (UMP) :ຂ້າພະເຈົ້າຕ້ອງການສະຖາປະນາ
ກຽດສັກສີຂອງປະເທດຝລັ່ງ ຍົກຄຸນຄ່າອັນປະເສີດເລີດລ້ຳທີ່ມີຢູ່ແລ້ວນັ້ນໃຫ້ສູງສົ່ງ ຍົກຖານະຄວາມເປັນຊາດຝລັ່ງ ຂ້າພະເຈົ້າຈະເປັນປະທານາທິບໍດີ ຜູ້ຕຽມອານາ
ຄົດແຈ່ມໃສສຳລັບຮຸ່ນຊົນຕໍ່ໆໄປ  ຕ້ອງການໃຫ້ທຸກໆຄົນມີບ່ອນຢູ່ອາສັຍ ມີວຽກເຮັດ
ງານທຳ ຈະປັບຄ່າຄອງຊີບໃຫ້ເໝາະສົມ  ຈະໃຫ້ອຳນາດແກ່ຣັຖສະພາຫຼາຍຂຶ້ນ

11-ທ່ານຊັງມາຣີ ເບີເປນ (FN) : ປະເທດຝລັ່ງເຊິ່ງມີປວັດສາດເຫິງ
ນານຢູ່ໃນຂ້ອນຂ້າງເສັຽຄຸນນະພາບໄປໝົດທຸກດ້ານ ເສັຽຄຸນລັກສນະເດີມຂອງມັນ ຍ້ອນຣັຖບານແຕ່ລະຊຸດຜ່ານມານຳໃຊ້ລະບອບກວາດຕ່າງດ້າວເຂົ້າປະເທດບໍ່ຢຸດ
ເຊົາຕັ້ງແຕ່ປີ 1974ເປັນຕົ້ນມາ ໂດບຍັງບໍ່ນັບສມັຍກ່ອນໆອີກ

12-ທ່ານຟີລິບ ເດີ ວິນບີເອ (MPF) : ສຳລັບຄົນຕ່າງດ້າວຜູ້ບໍ່ຮັກປະເທດ
ຝລັ່ງ ກໍໃຫ້ໜີອອກໄປ ກ່ອນອື່ນ ຕ້ອງຊ່ອຍຄົນຝລັ່ງເສັຽກ່ອນດ້ານສັງຄົມ ກໍຄືກັນກັບ
ດ້ານວຽກງານທຳຕ້ອງສ້າງເງື່ອນໄຂທີ່ຈະສາມາດເຮັດໃຫ້ສາສນາອິສລາມດຳ
ເດີນໄປຕາມເນື້ອໃນຈິດໃຈຂອງວັທນະທັມຝລັ່ງ