ປະເທດຝລັ່ງ/ການເລືອກຕັ້ງ 2007

ກ່ຽວກັບລະບົບສະຖິຕິ

ໂດຍ  ໂສວົງ

ບົດຄວາມນີ້ເຜີຍແຜ່ເມື່ອວັນທີ 19/04/2007 ແກ້ໄຂໃຫມ່ຫລ້າສຸດເມື່ອວັນທີ 19/04/2007 à 08:33 TU

ປະຊາຊົນຝລັ່ງ 62 ກວ່າລ້ານຄົນ ໃນນີ້ກໍມີ 44 ກວ່ລ້ານຄົນມີສິດທິ ປ່ອນບັດເລືອກຕັ້ງໃນວັນທີ່ 22/4/07 ບາງສ່ວນກໍລັ່ງເລໃຈ ຍັງບໍ່ຮູ້ວ່າຈະ ເອົາໃຜດີ ແຕ່ສະຖິຕິຫຼ້າສຸດບອກວ່າ ມີ18%
(ຮູບ: AFP)

ສະຖິຕິມີຫຼາຍດ້ານດ້ວຍກັນດັ່ງກ່າວແລ້ວ
ເຊັ່ນ ສະຖິຕິຢັ່ງສຽງການເລືອກຕັ້ງສະຖິ
ຕິຢັ່ງສຽງເບິ່ງຈຳນວນຄົນທີ່ໃຊ້ໂທລະສັບ
ຖືໃຊ້ຄອມພິວເຕີ ສະຖິຕິຄົນໄປເບິ່ງຮູບ
ເງົາເລື້ອງໃດເລື້ອງນຶ່ງດັ່ງນີ້ເປັນຕົ້ນ

ແຕ່ລະບັດເລືອກຕັ້ງຕິດລາຍຊື່ແຕ່ລະຄົນສຳລັບ 12 ທ່ານທີ່ຜູ້ມີສິດທິປ່ອນ
ບັດຈະເລືອກເອົາຊື່ໃດຊື່ນຶ່ງຍັດໃສ່ຊອງ ແລ້ວໄປປ່ອນລົງຫີບແກ້ວເລືອກຕັ້ງ ຫີບແກ້ວຊ່ອງເຫັນກໍເພື່ອສະແດງເຖິງຄວາມສຸຈລິດ

ຄຳວ່າ ສະຖິຕິ ມາຈາກຄຳສັນສະກິດ ເປັນຄຳພາສາອິນໂດເອີໂຣບ ກົງກັບຄຳພາ
ສາ ຝລັ່ງວ່າ Statistique ແລະ ອັງກິດວ່າ Statistics ທັງເໝິດສາມຄຳນີ້ມາ
ຈາກເຄົ້າ ດຽວກັນດັ່ງກ່າວແລ້ວ

ການສະຖິຕິ ຫຼື ສະຖິຕິສາດ/ສະຖິຕິວິທຍາໝາຍເຖິງ ວິທີຄຳນວນຂີດຄາດຄະເນ
ຂີດ ກະຕວງ ຂີດທຳນວາຍແບບຄະນິດສາດ ສະຖິຕິສາດນີ້ ເປັນວິຊາຂແນງນຶ່ງທີ່ບໍ່
ແມ່ນວິທຍາສາດແທ້ ບໍ່ຄືກັບດ້ານເຄມີສາດ ຟີສິກສາດ ຄະນິດສາດດັ່ງນີ້ເປັນຕົ້ນ
ສະຖິຕິສາດນຳໃຊ້ໃນການກະຕວງເສຖກິດ ການເກີດຂອງເດັກ ພວກມີອາຍຸແກ່
ແລະອື່ນໆ

ເພື່ອຍົກໂຕຢ່າງການຂຶ້ນສະຖິຕິ ພວກເຮົາຂໍນຳເອົາສະຖິຕິຢັ່ງສຽງມາອະທິບາຍ
ເລັກນ້ອຍເຊັ່ນໃນປະເທດຝລັ່ງເວລານີ້ ກໍມີການເລັອກຕັ້ງປະທານາທິບໍດີໃນວັນທີ່
22/04/07 ນີ້ສຳລັບຮອບທີ່ນຶ່ງ ວ່າ ແມ່ນໃຜມີຫາງສຽງນິຍົມນຳໜ້າໝູ່ ໃນຈຳນວນ
12 ທ່ານດັ່ງກ່າວອີງຕາມອົງການສະຖິຕິ ໂສຟແຣດ (Sofres) ອອກມາວັນທີ່
19/04/07 ນີ້ ທ່ານນິໂກລາ ສາກໂກຊີໄດ້ຮັບຄວາມນິຍົມ 28,5%   ມາດາມເສໂກ
ແລນ ໂຣຢານ ໄດ້ 25% ທ່ານຟຣັງຊົວ ບາຍຣູ 19%  ທ່ານເລີເປນ 14%...

ອົງການສະຖິຕິ ມີຢູ່ຫຼາຍອົງການ ເປັນຕົ້ນ ໂສຟແຣດ (Sofres) ອີໂຟບ (Ifop)
ສ່ວນສື່ມວນຊົນຕ່າງໆກໍຄິດໄລ່ສະຖິຕິຄືກັນ ເປັນຕົ້ນ ໜັງສືພິມເລີຟີກາໂຣ (Le
Figaro) ລີເບຣາຊົງ (Libération) ແລະອື່ນໆ  ເວົ້າແລ້ວວ່າບໍ່ແນ່ນອນເຖິງ
ຮ້ອຍສ່ວນຮ້ອຍແຕ່ຢ່າງໃດ ບາງເທື່ອກໍຖືກເໝາະ ບາງກໍໃກ້ຂີດຄຽງ ບາງກໍໄກ
ຄວາມເປັນຈິງ ທ່ານບຣິດແຕັງຕູຣີເຢ (Brice Teinturier) ຮອງຜູ້ອຳນວຍການ
ໃຫຍ່ອົງການສະຖິຕິ  TNS-Sofres ຊີ້ແຈງໃນວັນທີ່ 10/4/07 ຕໍ່ວິທຍຸ RFI ພາ
ສາຝລັ່ງວ່າ ການຢັ່ງສຽງເປັນພາຫານະ ປະກອບສຳຄັນທີ່ສຸດ ເພື່ອຢາກຮູ້ວ່າ ປະຊາຊົນຄິດແນວໃດໃຫ້ທັສນະແນວໃດ

ວິທີຢັ່ງສຽງນັ້ນ ແມ່ນໃຊ້ໂທລະສັບ ຫຼື ໃຊ້ນັກຂ່າວ ນັກສັມພາດ ນັກຢັ່ງສຽງ ໄປຖາມ

ຜູ້ຄົນທັງຫຼາຍ ຖາມຄວາມເຫັນ ເຊັ່ນວ່າ ເຈົ້າຈະເລືອກເອົາໃຜ ມີການຊັກຖາມຄົນ
ຈຳນວນຫຼາຍພໍສົມຄວນ ເພື່ອໃຫ້ສະຖິຕິມີປະສິດທິຜົນ ປະມານນຶ່ງພັນຄົນ ຫຼື ຫຼາຍ
ກວ່ານີ້ຫຼື ຫຼຸດນີ້ກໍມີຄືກັນ ແລ້ວກໍມາຄິດໄລ່ຕາມສູດສະຖິຕິທີ່ມີຢູ່

ໂຕຢ່າງໃນປີ 2002 ສະຖິຕິຢັ່ງສຽງບອກວ່າ ທ່ານຊີຣັກ ຈາກພັກຂວາ ກັບທ່ານ
ຊົສແປັງຈາກພັກສັງຄົມນິຍົມຈະແຂ່ງກັນຮອບທີ່ສອງ ແຕ່ສຸດທ້າຍແລ້ວ ກໍແມ່ນ
ທ່ານເລີເປນຈາກພັກຂວາຈັດ ໄດ້ເຂົ້າແຂ່ງກັນກັບທ່ານຊີຣັກ ອັນເປັນຜົນສະທ້ອນ
ເຮັດໃຫ້ພັກຊ້າຍສ່ວນຫຼາຍລະດົມກັນໄປເລືອກເອົາທ່ານຊີຣັກ ເພື່ອຂວາງກັ້ນບໍ່ໃຫ້
ທ່ານເລີເປນໄດ້ຮັບໄຊຊນະ ສະນັ້ນທ່ານຊີຣັກຈິ່ງໄດ້ໄຊຊນະກວ່າແປດສິບສ່ວນຮ້ອຍ