ເລືອກຕັ້ງ ປະທານາທິບໍດີ ຝຣັ່ງເສດ

ໃຊ້ສິດ ລົ້ນຫລາມ ອາດເຖິງ 87%

ໂດຍ ໄຊຊະນະ ທານາດາບຸຕຣ໌

ບົດຄວາມນີ້ເຜີຍແຜ່ເມື່ອວັນທີ 22/04/2007 ແກ້ໄຂໃຫມ່ຫລ້າສຸດເມື່ອວັນທີ 22/04/2007 à 18:48 TU

ຊາວຝຣັ່ງເສດໃຊ້ສິດຢ່າງລົ້ນຫລາມໃນການ ເລືອກຕັ້ງປະທານາທິບໍດີປີ 2007 ນີ້ (ພາບ: AFP)

3 ຊ.ມ. ກ່ອນປິດໜ່ວຍເລືອກຕັ້ງ
ໝາຍຄວາມວ່າເມື່ອເວລາ 17.00 ໂມງ
ຕາມເວລານະຄອນຫລວງປາຣີສ ໄດ້ມີ
ປະຊາຊົນ ຊາວຝຣັ່ງເສດຜູ້ມີສິດອອກ
ສຽງເລືອກຕັ້ງ ໄດ້ໄປໃຊ້ສິດປະຊາທິປະ
ໄຕ ລົງຄະແນນສຽງເລືອກຕັ້ງແລ້ວເຖິງ
74% ຕາມຕົວເລກຂອງກະຊວງພາຍໃນ
ຊຶ່ງເປັນຕົວເລກທີ່ສູງກວ່າການໃຊ້ສິດໃນການເລືອກຕັ້ງປະທານາທິບໍດີເມື່ອປີ
2002

ເມື່ອປີ 2002 ທ່ານຢັງ-ມາຣີ ເລີ ເປັນ (Jean-Marie Le Pen) ແຫ່ງພັກຂວາຈັດ
ຊາດນິຍົມ ໄດ້ຜ່ານເຂົ້າຮອບສອງຍ້ອນການນອນຫລັບທັບສິດທີ່ສູງບໍ່ເຄີຍມີມາກ່ອນ
ໃນຈຳນວນຜູ້ມີສິດອອກສຽງເລືອກຕັ້ງທັງໝົດ ກວ່າເຄີ່ງໜຶ່ງເປັນຜູ້ນອນຫລັບທັບ
ສິດຫລືບໍ່ກໍລົງຄະແນນສຽງໃຫ້ແກ່ຂວາຈັດແລະຊ້າຍຈັດ

ສຳລັບການເລືອກຕັ້ງປີ 2007 ນີ້ ສຖາບັນ IFSOS ແລະ IFOP ຍັງຄາດຄະເນອີກ
ວ່າເມື່ອປິດໜ່ວຍເລືອກຕັ້ງເວລາ 20.00 ໂມງ ຕົວເລກການໃຊ້ສິດອາດສາມາດດີດ
ຕົວສູງຂື້ນເຖິງ 87% ກໍໄດ້

ມີພົລເມືອງຝຣັ່ງເສດເຖິງ 44.5 ລ້ານຄົນ ເປັນຜູ້ມິສິດອອກສຽງເລືອກຕັ້ງໃນຄັ້ງນີ້
ໃນຈຳນວນພົລເມືອງທັງໝົດ 63.4 ລ້ານຄົນ ເພີ້ມຂື້ນເຖິງ 3.3 ລ້ານຄົນເມື່ອທຽບ
ກັບປີ 2002.....ໃນອດີດທີ່ຜ່ານມາ ຕົວເລກການໃຊ້ສິດເລືອກຕັ້ງປະທານາທິບໍດີທີ່
ສູງທີ່ສຸດກໍຄືໃນປີ 1965 ມີເຖິງ 84.6%