ເລືອກປະທານາທິບໍດີ ຝຣັ່ງເສດ 2007

Sarkozy-Royal: ເປີດສັງກາດໃໝ່ ການເມືອງຝຣັ່ງເສດ

ໂດຍ  ພອນແກ້ວ

ບົດຄວາມນີ້ເຜີຍແຜ່ເມື່ອວັນທີ 22/04/2007 ແກ້ໄຂໃຫມ່ຫລ້າສຸດເມື່ອວັນທີ 22/04/2007 à 21:21 TU

ທ່ານນິໂກລາ ຊາໂກຊີ ແລະພັລຍາ ເຊຊີເລັຽ (Cécilia) ໃນຂນະໄປລົງຄະແນນສຽງທີ່ເມືອງ Neuilly-Sur-Seine (ພາບ: Reuters)

ການທີ່ທ່ານນິໂກລາ ຊາຣ໌ໂກຊີ (Nico-
las Sarkozy) ແຫ່ງພັກຝ່າຍຂວາຣັຖ
ບານ ແລະ ທ່ານນາງເຊໂກແລນໂຣ
ຢາລ (Ségolène Royal) ແຫ່ງພັກ
ສັງຄົມນິຍົມຝ່າຍຄ້ານ ໄດ້ຜ່ານເຂົ້າໄປ
ແຂ່ງຂັນກັນໃນຮອບທີສອງໃນວັນອາທິດ
6 ພືສພາໜ້າ ຊີ້ບອກໃຫ້ເຫັນວ່າວົງການ
ເມືອງຝຣັ່ງເສດໄດ້ປ່ຽນສັງກາດປ່ຽນຈາກ
ບັນດານັກການເມືອງອາວຸໂສຮຸ່ນເກົ່າທີ່
ເກີດກ່ອນສມັຍສົງຄາມໂລກຄັ້ງທີສອງໄປສູ່ນັກການເມືອງຮຸ່ນໃໝ່ ອາຍຸແຕ່ຫ້າ
ສິບປີປາຍຂື້ນມາກໍາອໍານາດແທນນໍາເອົາປະເທດຝຣັ່ງເຂົ້າສູ່ຄວາມກ້າວໜ້າແລະ
ທັນສມັຍໃຫ້ສອດຄອ່ງກັບຄວາມຮຽກຮ້ອງຕ້ອງການປະຊາຊົນຊາວຝຣັ່ງເສດສ່ວນ
ໃຫຍ່ ຄົນຮຸ່ນໃໝ່ ຜູ້ເຂົ້າຮອບສອງກໍຄືກັນກັບຜູ້ໃຊ້ສິດລົງຄະແນນສຽງທີ່ເກີດ
ຫລັງສົງຄາມລ້າງຜານຈາກປີ 1939 ຫາ 1945

                                                              

ຖືໄດ້ວ່າການເຂົ້າໄປແຂ່ງຂັນ
ໃນຮອບທີ່ສອງ ໃນວັນອາທິດ
6 ພືສພາໜ້າ ຂອງທ່ານນີໂກ
ລາ ຊາຣ໌ໂກສີ (Nicolas
Sarkozy) ແຫ່ງພັກ UMP
ຝ່າຍຂວາຣັຖບານ ແລະທ່ານ
ນາງເຊໂກແລນ ໂຣຢາລ
(Ségolène Royal) ເປັນ
ເຫດການທີ່ພິກປີ້ນປວັດສາດ
ການເມືອງຂອງປະເທດຝຣັ່ງ
ເສດໄປສູ່ໜ້າໃໝ່ຢ່າງແທ້ຈິງ

ສັງກາດຂອງນັກການເມືອງຮຸ່ນໃໝ່
ເປັນເຫດການທີ່ຊີ້ບອກໃຫ້ເຫັນວ່າ ວົງການເມືອງຝຮັ່ງເສດໄດ້ປ່ຽນສັງກາດ ປ່ຽນຈາກ
ບັນດານັກການເມືອງອາວຸໂສຮຸ່ນເກົ່າທີ່ເກີດກອ່ນສມັຍສົງຄາມໂລກຄັ້ງທີ່ສອງ ໄປສູ່ບັນ
ດານັກການເມືອງຮຸ່ນໃໝ່ຜູ້ມີອາຍຸພຽງຫ້າສິບຕົ້ນໆ ທີ່ຈະຂື້ນມາກໍາອໍານາດແທນ ເປັນການ
ສ້າງຄວາມຫວັງວ່າພວກເພີ່ນຜູ້ໃດຜູ້ໜຶ່ງ ໃນຈຳນວນສອງທ່ານ ຈະນໍາເອົາປະເທດຝຣັ່ງ
ເສດໄປສູ່ຄວາມກ້າວໜ້າແລະທັນສມັຍ ໃຫ້ສອດຄອ່ງກັບຄວາມຮຽກຮອ້ງຕອ້ງການຂອງປະ
ຊາຊົນຊາວຝຮັ່ງເສດສວ່ນໃຫຍ່ ທີ່ເກີດຫລັງສມັຍສົງຄາມລ້າງຜານ 1939 - 1945

ຂວາຈັດຕົກຕ່ຳ
ການຕື່ນຕົວໄປໃຊ້ສີດປະຊາທິປະໄຕປອ່ນບັດຢ່າງລົ້ນຫລາມເປັນປວັດການເຖີງ 84.60%
ໃນຄັ້ງນີ້ ຕິດຕາມດວ້ຍຄະແນນສຽງອັນຕໍ່າທີ່ສຸດຂອງ ທ່ານຢັງ-ມາຣີ ເລີເປັນ (Jean-
Marie Le Pen) ແຫ່ງ ພັກຂວາຈັດຕ້ານຄົນເຂົ້າເມືອງ ໃນຣະຍະ 20 ປີທີ່ຜ່ານມາ
ຄືໄດ້ແຕ່ພຽງ 10.54% ແລະສູນເສັຽສຽງໄປເກືອບ 1 ລ້ານສຽງ ເມື່ອປຽບທຽບກັບປີ
2002 ຈຶງແມ່ນໄຊຊະນະຂອງລະບອບປະຊາທິປະໄຕ ແມ່ນໄຊຊະນະຂອງຄວາມຮັກຫອມ
ອິສຣະພາບ ອັນເປັນການລ້າງບາດແຜ ກູ້ການເສັຽໜ້າແລະກຽດຕິຍົດຊື່ສຽງຂອງດີນ
ແດນບໍ່ເກີດແຫ່ງສິດທິມະນຸດ ທີ່ໄດ້ຕົກຕໍ່າລົງຍອ້ນການຜ່ານເຂົ້າຮອບທີ່ສອງຂອງທ່ານ
ເລີເປັນເມື່ອ 5 ປີກ່ອນ

ໃຜໆຄົງຍັງຈຳກັນໄດ້ວ່າໃນຣະຍະເກືອບ 20 ປີທີ່ຜ່ານມາ ຄວາມນິຍົມທີ່ມີຕໍ່ຫົວໜ້າພັກ
ຂວາຈັດໄດ້ສູງຂື້ນເລື້ອຍໆຢ່າງບໍ່ມີຢຸດຢ່ອນ, 14.38% ໃນປີ 1988, 15% ໃນປີ 1995
ກອ່ນຈະກາຍມາເປັນຜູ້ສ້າງປາກົດການແຜ່ນດີນໄຫວໃນປີ 2002 ໂດຍໄດ້ຄະແນນສຽງ
ເຖີງ 16.86% ຜ່ານເຂົ້າໄປຊິງໄຊກັບ ທ່ານຈ໊າກ ຊີຣັກ ໃນຮອບທີສອງ

ດັ່ງນັ້ນ ຜົນຂອງການເລືອກຕັ້ງຮອບທີໜຶ່ງ ຊິງຕຳແໜ່ງປະທານາທິບໍດີໃນຄັ້ງນີ້ ຈຶ່ງຖືໄດ້
ວ່າ ບໍ່ແມ່ນໄຊຊະນະແຕ່ສເພາະເໜືອແນວຄິດຂວາຈັດເທົ່ານັ້ນ ແຕ່ຍັງຊນະຕໍ່ແນວຄິດຊ້າຍ
ຈັດນຳດ້ວຍ ທີ່ໄດ້ພຽງ 10.63% ເທົ່ານັ້ນ

ນອກຈາກນີ້ກໍຍັງແມ່ນໄຊຊະນະຂອງສຖາບັນການຢັ່ງສຽງນຳດ້ວຍ ທີ່ຄາດຄະເນຖືກຕ້ອງມາ
ຕລອດ ທັງຄແນນສຽງແລະລຳດັບຂອງຜູ້ສມັກແຕ່ລະທ່ານ ທັງນີ້ຫລັງຈາກທີ່ເຄີຍ "ໜ້າ
ແຕກ" ມາແລ້ວເມື່ອ ປີ 2002 ເພາະບໍ່ໄດ້ຄາດຄະເນຈັກດີ້ວ່າພັກຂວາຈັດຈະສາມາດຜ່ານ
ເຂົ້າໄປເຖິງຮອບທີສອງໄດ້

ກັບຄືນສູ່ການເມືອງສອງຂົ້ວ
ພ້ອມກັນນີ້ປະເທດຝຣັ່ງເສດກໍຍັງໄດ້ຫວນກັບຄືນມາສູ່ປະເພນີດັ້ງເດີມ "ການເມືອງສອງຂົ້ວ
ຊ້າຍ-ຂວາ" ຄືເກົ່າ ປະຊາຊົນເປັນເຈົ້າໃນການຕັດສິນໃຈເລືອກຜູ້ສມັກທີ່ຕົນມັກຢ່າງແທ້ຈິງ
ແທນທີ່ຈະຝືນໃຈເລືອກເອົາ ທ່ານຈ໊າກ ຊີຣັກ ໃນຮອບທີສອງເໝືອນໃນປີ 2002 ຜ່ານມາ
ໃນນາມຂອງ "ແນວໂຮມຕ້ານແນວຄິດຂວາຈັດ"

ເມື່ອຫ້າປີກອ່ນ ບັນດາຕົວແທນພັກຊ້າຍທັມມະດາພັກເລັກພັກນ້ອຍ + ພັກຊ້າຍຈັດ ຮວມ
ທັງໝົດ 7 ທ່ານ ໄດ້ຮັບຄະແນນສຽງເຖີງ 26.71% ແລະຕົວແທນພັກຂວາຈັດສອງທ່ານ
ໄດ້ 19.20% ກໍແປວ່າເກືອບເຄີ່ງໜຶ່ງຂອງບັນດາຜູ້ມີສີດອອກສຽງທັງໝົດ ໄດ້ພາກັນປອ່ນ
ບັດໃນລັກສນະ "ປະທວ້ງ" ຕໍ່ພັກ ການເມືອງທັງຊ້າຍທັມມະດາແລະຂວາທັມມະດາທີ່ຜູກ
ຂາດຜັດປ່ຽນກັນກຳອຳນາດໃນຣະຍະກວ່າ 30 ປີທີ່ຜ່ານມາ

ໄຊຊະນະຂອງການປ່ຽນແປງ
ໄຊຊະນະຂອງທ່ານຊາຣ໌ໂກຊີໃນຮອບທໍາອິດນີ້ ກໍແມ່ນໄຊຊະນະຂອງທິສດີການຕັດຂາດກັບ
ຄວາມຫລັງແລະກ້າວສູ່ຍຸກໃໝ່, ຕັດຂາດກັບການຢ້ານກົວບໍ່ຢາກອອກໜ້າອອກຕາວ່າຕົນ
ເປັນຕົວແທນຂອງພັກຝ່າຍຂວາ, ແມ່ນໄຊຊະນະຂອງຜູ້ທີ່ກ້າເວົ້າຄວາມຈີງກ່ຽວກັບປັນຫາ
ຄົນເຂົ້າເມືອງຜິດກົດໝາຍ ແລະປັນຫາການຂາດຄວາມປອດໄພ ຂາດຄວາມສງົບສຸກໃນ
ເຂດຊານເມືອງ ແມ່ນໄຊຊະນະຂອງການຕັດສິນໃຈອອກຫາສຽງກອ່ນໝູ່ ພອ້ມທັງແມ່ນໄຊ
ຊະນະຂອງຣັຖບານຂອງທ່ານນາຍຍົກ ຣມຕ ໂດມີນີກ ເດີ ວິລແປັງ (Dominique de
Villepin) ໄປໃນຕົວ ທັງນີ້ເພາະວ່າທ່ານຊາຣ໌ໂກຊີ ໄດ້ລາອອກຈາກຣັຖບານແຕ່ພຽງ
ເດືອນດຽວເທົ່ານັ້ນກອ່ນການແລືອກຕັ້ງໃນຮອບທີ່ໜື່ງ

ໄຊຊະນະຂອງພັກ UMP
ສໍາລັບພັກ UMP ຂອງທ່ານຊາຣ໌ໂກຊີແລ້ວ ກໍແມ່ນໄຊຊະນະອັນສງ່າງາມຢ່າງແທ້ຈິງ
ຫລັງຈາກໄດ້ພົບກັບການປລາໄຊອັນເຈັບແສບໃນການເລືອກຕັ້ງສມາຊິກສພາບໍລິຫານ
ເຂດໃນປີ2004 ແລະການອອກສຽງປະຊາມະຕິກ່ຽວກັບທັມມະນູນຂອງສະຫະພາບເອີ
ຣົບເມື່ອເດືອນພືສພາ 2005 ທີ່ປະຊາຊົນປະຕິເສດ ໃນຂນະທີ່ພັກ UMP ຂົນຂວາຍໃຫ້
ປະຊາຊົນຮັບ

ໂດຍສະເພາະແລ້ວຄະແນນສຽງຂອງທ່ານຊາຣ໌ໂກຊີ 31.10% ໃນຮອບທີໜຶ່ງນີ້ ກໍແມ່ນ
ສູງກວ່າຄະແນນສຽງຂອງຜູ້ສມັກຝ່າຍຂວາທັງໝົດທີ່ຜ່ານມາ ຍົກເວັ້ນ ທ່ານຢອຣ໌ຊ ປອມ
ປີດູ (Georges Pompidou) ທີ່ໄດ້ເຖິງ 44.50% ໃນປີ 1969

ຮອຍຍິ້ມທີ່ສວຍງາມ ປັດໃຈແຫ່ງໄຊຊະນະ
ສຳລັບທ່ານນາງເຊໂກແລນ ໂຣຢາລ ນັ້ນ ການທີ່ໄດ້ຄະແນນສຽງເປັນອັນດັບທີສອງເຖິງ
25.80% ກໍຖືໄດ້ວ່າກໍແມ່ນໄຊຊະນະຂອງການເອົາປະຊາຊົນແລະການຢັ່ງສຽງເປັນຫລັກ
ໃຫຍ່ ໂດຍບໍ່ໄດ້ຄຳນຶງເຖິງແນວທາງແລະກົດລະບຽບທັງໝົດຂອງພັກສັງຄົມນິຍົມ ແມ່ນ
ໄຊຊະນະຂອງການປະຕິບັດການເມືອງທີ່ທັນສມັຍ ແລະໄຊຊະນະຂອງຮອຍຍີ້ມອັນສວຍ
ງາມທີ່ຕອ້ງຖືວ່າເປັນປັດໃຈໜື່ງທີ່ບໍ່ຄວນລືມແຫ່ງການກໍາໄຊຊະນະຂອງທ່ານນາງໃນ
ຄັ້ງນີ້

ຄວາມສັມພັນໂຣຢາລແລະຜູ້ນຳພັກ

ທັງໝົດນີ້ ແມ່ນໄຊຊະນະທີ່ໄດ້ມາເກີນຄວາມຄາດໝາຍຂອງບັນດານັກສັງເກດການທີ່ເບີ່ງ
ວ່າວິທີການຫາສຽງຂອງທ່ານນາງຂາດປະສິດທິພາບ ໃນຂນະທີ່ບັນດາຜູ້ນຳສຳຄັນຣະດັບ
"ຊ້າງສານ" ຂອງພັກສັງຄົມນິຍົມເອງ ກໍຕຳນິຕິຕຽນຕໍ່ການທີ່ທ່ານນາງໄດ້ຍົກສູງເພງ
ຊາດແລະທຸງຊາດໃນການອອກຫາສຽງທຸກຄັ້ງ ຊຶ່ງຂັດກັບປະເພນີຂອງພັກສັງຄົມນິຍົມ
ແຕ່ທ່ານນາງເຫັນວ່າເປັນຍຸທວິທີທີ່ດີເພື່ອຕອບໂຕ້ກັບນະໂຍບາຍຮັດກຸມໃນປັນຫາຄົນເຂົ້າ
ເມືອງຂອງທ່ານຊາຣ໌ໂກຊີ

ຢ່າງໃດກໍຕາມ ກໍຍັງເປັນທີ່ໜ້າສັງເກດວ່າ ບັນດາຜູ້ນຳຂອງພັກສັງຄົມນິຍົມຣະດັບ
"ຊ້າງສານ" ຢ່າງທ່ານ ໂດມີນິກ ສໂຕຣສການ (Dominique Strausskanh)
ອດີດ ຣມຕ ເສຖກິດແລະການເງິນ ແລະ ທ່ານລໍຣັງຕ໌ ຟາບີອຸສ (Laurent Fabius)
ອດີດນາຍົກ ຣມຕນັ້ນ ດຽວນີ້ກໍຫັນປ່ຽນທິດທາງເລັກນ້ອຍ ມາສແດງການສນັບສນຸນທ່ານ
ນາງໂຣຢາລ ຫລັງຈາກທີ່ເຄີຍກະກຽມກອງປະຊຸມຫລວງສມັຍວິສາມັນຂອງພັກເພື່ອຍາດ
ເອົາຕຳແໜ່ງເລຂາທິການໃຫຍ່ຈາກ ທ່ານຟຣັງຊົວສ໌ ໂຮລລັງດ໌ (François Hollande)
ຄູ່ຊີວິດຂອງທ່ານນາງໂຣຢາລທັງນີ້ເພາະບັນດາ "ຊ້າງສານ" ເຫລົ່ານັ້ນ ຕ່າງກໍພາກັນ
ຄາດຄະເນວ່າທ່ານນາງຈະບໍ່ຜ່ານຮອບທີໜຶ່ງ

ໄບຣູກາຍເປັນນັກການເມືອງເນື້ອຫອມ
ນັກການເມືອງອີກທ່ານໜຶ່ງທີ່ຕ້ອງຖືວ່າເປັນຜູ້ໄດ້ຮັບໄຊຊະນະເຊັ່ນດຽວກັນ ກໍຄື ທາ່ນ
ຝຣັ່ງຊົວສ໌ໄບຣູ (François Bayrou) ປະທານພັກກາງ UDF ທີ່ຕິດຕາມມາເປັນອັນດັບ
ທີສາມໂດຍໄດ້ຮັບຄະແນນສຽງເຖິງ 18.53% ສູງກວ່າຄະແນນສຽງທີ່ທ່ານໄດ້ຮັບໃນປີ
2002 ເຖິງສາມເທົ່າຕົວ ອັນເປັນປັດໃຈເຮັດໃຫ້ທ່ານກາຍມາເປັນນັກການເມືອງເນື້ອຫອມ
ມີສເນ່ ເພາະທັງທ່ານຊາຣ໌ໂກຊີແລະທ່ານນາງໂຣຢາລ ຕ່າງກໍພຍາຍາມຊອກຫາວິທີທາງ
ດຶງເອົາທ່ານເຂົ້າມາເປັນພັນທະມິດທັງນັ້ນສຳລັບຮອບທີສອງ

ຕາມຜົນການຢັ່ງສຽງຂອງສຖາບັນ Ipsos ແລະ CSA ທາ່ນຊາໂກສີຈະຊນະທາ່ນ
ນາງໂຣຢາລດ້ວຍຄະແນນສຽງ 54 ແລະ 53.50% ໃນວັນອາທິດ 6 ພືສພາໜ້າ ຕໍ່ໜ້າ
ຕົວເລກການຢັ່ງສຽງຄືແນວນີ້ ທ່ານນາງໂຣຢາລຈຶ່ງຕົກຢູ່ໃນຖານະມີຄວາມຈຳເປັນທີ່ຈະດຶງ
ທ່ານໄບຣູມາຢູ່ຂ້າງຕົນໃຫ້ໄດ້ ເພື່ອກຳໄຊຊະນະ ເພື່ອໃຫ້ໄດ້ຄະແນນເກີນ 50% ໃນຮອບ
ທີສອງ

ການໂອນສຽງຂອງກຸ່ມຊ້າຍຈັດ
ຫລັງຮັບຊາບຜົນຮອບທີໜຶ່ງ ບັນດາຜູ້ສມັກຊ້າຍຈັດທັງຫົກທ່ານທີ່ໄດ້ຮັບຄະແນນສຽງຮວມ
ກັນ 10.63%, ໃນນາມຂອງ "ຂບວນການຕ້ານຊາຣ໌ໂກຊີ", ຕ່າງກໍພາກັນຮຽກຮ້ອງໃຫ້
ຖານຄະແນນຂອງຕົນ (Electorat) ເລືອກທ່ານນາງໂຣຢາລໃນຮອບທີສອງ ໃນນັ້ນຮວມ
ທັງທ່ານນາງອາຣ໌ແລັຕ ລາກີເຢ (Arlette Laguiller) ແຫ່ງພັກກັມມະກອນຕໍ່ສູ້ (Lutte
ouvrière) ນຳດ້ວຍ ຊຶ່ງໃນອດີດທີ່ຜ່ານມາກວ່າ 30 ປີ ບໍ່ເຄີຍຮຽກຮ້ອງການໂອນຄະແນນ
ສຽງຈັກເທື່ອສົມມຸດວ່າການຮຽກຮ້ອງການໂອນຄະແນນສຽງດັ່ງກ່າວຫາກມີປະສິດທິພາບ
ເຕັມ 100% ທ່ານນາງໂຣຢາລກໍຈະໄດ້ຮັບພຽງແຕ່ 36.43% ເທົ່ານັ້ນໃນຮອບທີສອງ
ເປັນຄະແນນສຽງທີ່ຫ່າງໄກຕໍ່ການກຳໄຊຊະນະ

ແມ່ນແທ້ ຄະແນນສຽງທີ່ທາ່ນນາງໄດ້ຮັບໃນຮອບທີໜຶ່ງນັ້ນ ສາມາດປຽບທຽບໄດ້ກັບຄະ
ແນນສຽງທີ່ທ່ານມື້ລາງ ຟຣັງຊົວສ໌ ມິຕແຕຣ໌ຣັງດ໌ (François Mitterrand) ແຫ່ງພັກສັງ
ຄົມນິຍົມ ໄດ້ຮັບໃນຮອບທີໜຶ່ງເມື່ອປີ 1981 (25.90% ອັນດັບທີສອງ) ກອ່ນທີ່ທາ່ນຈະ
ກຳໄຊຊະນະເໜືອທ່ານປະທານາທິບໍດີ ວາເລຣີ ຢິສກາຣ໌ດ ແດັສແຕັງ (Valéry
Giscard d'Estaing) ໃນຮອບທີສອງດ້ວຍຄະ ແນນສຽງ 51.80%

ແຕ່ກໍບໍ່ຄວນລືມວ່າ ໃນປີ 1981 ນັ້ນ ບັນດາຜູ້ສມັກຫົກທາ່ນຈາກພັກຊາ້ຍຈັດ ມີຄະ
ແນນສຽງໂຮມກັນ ໄດ້ເຖີງ 24.80% ໃນຂນະທີ່ປີ 2007 ນີ້ ມີແຕ່ພຽງ 10.63% ເທົ່ານັ້ນ

ນອກຈາກຖານຄະແນນຂອງທາ່ນໄບຣູແລ້ວ ທັງທ່ານຊາຣ໌ໂກຊີແລະທາ່ນນາງໂຣຢາລກໍ
ຍັງຫວັງວ່າບັນ ດາຜູ້ທີ່ນອນຫລັບທັບສິດກວ່າ 15% ເລັກນ້ອຍໃນຮອບທີໜຶ່ງນັ້ນ ຈະຕື່ນ
ຕົວໄປໃຊ້ສິດຂອງຕົນໃນຮອບທີສອງນຳດ້ວຍ