ຝລັ່ງ/ຫຼັງຈາກຜົນເລືອກຕັ້ງ

ການຍາດສຽງຮອບສອງ

ໂດຍ  ໂສວົງ

ບົດຄວາມນີ້ເຜີຍແຜ່ເມື່ອວັນທີ 23/04/2007 ແກ້ໄຂໃຫມ່ຫລ້າສຸດເມື່ອວັນທີ 23/04/2007 à 07:37 TU

ສາກໂກຊີ (UMP) ຂວາ ແລະ ໂຣຢານ (PS) ຊ້າຍສັງຄົມນິຍົມ ເຂົ້າຮອບສອງ
ຮູບ: ປະກອບໂດຍໂສວົງ

ຕໍ່ໜ້າຮອບສອງນີ້ ການໂຄສະນາຫາ ສຽງຍິ່ງຈະຟົດນັນກວ່າຮອບທີ່ນຶ່ງ ແຕ່ກໍມາລັກສນະປະຊາທິປະໄຕແນ່ ນອນ ເປັນສົງຄາມຄາຣົມການເມືອງ ສົງຄາມຍາດສຽງ ຍາດນະໂຍບາຍ ເພາະຮູ້ແລ້ວວ່າ ປະຊາຊົນມັກແນວໃດ

ກ່ອນອືນຂໍສເນີສະຖິຕິທີ່ອອກມາວັນທີ່ 22/4/07 ຕອນ 8 ໂມງແລງດັ່ງຕໍ່ໄປນີ້ ອີງ

ຕາມຂໍ້ມູນຂອງກະຊວງພາຍໃນ :

1. ນິໂກລາ ສາກໂກຊີ (Nicolas Sarkosy) UMP :  ຄະແນນ
(31.20%)

2. ເສໂກແລນ ໂຣຢານ (Ségolène Royal) PS :    ຄະແນນ
(25.80%)

3. ຟຣັງຊົວບາຍຣູ (François Bayrou) UDF :      ຄະແນນ
(18.22%)

4. ຊັງ-ມາຣີ ເລີເປນ (Jean-Marie Le Pen) FN :  ຄະແນນ
(10.51%)

5. ໂອລີວີເອ ເບີຊັງເຊີໂນOlivier Besancenot (LCR) - ຄະແນນ
(4.12%)

6. ຟີລິບ ເດີວິລລີເອ (Philippe de Villiers) (MPF) - ຄະແນນ
(2.25%)

7. ມາຣີ-ຢອຣ໌ຊ ບຸບເຟ (Marie-Georges Buffet) (PC) - ຄະແນນ
(1.94%)

8. ໂດມີນິກ ວອຍເນຕ໌ (Dominique de Voynet) (Les Verts) - ຄະແນນ
(1.57%)

9. ອາຣ໌ແລັຕ ລາກີເຢ (Arlette Laguiller) (LO) - ຄະແນນ
(1.34%)

10. ໂຢເຊ ໂບເວ (José Bové) (Altermond.) - ຄະແນນ
(1.32%)

11.ເຟຣເດຣິກ ນີອູ (Frédéric Nihous) (CPNT) - ຄະແນນ
(1.16%)

 12. ເຊຣາຣ໌ດ ຊີວາກດີ (Gérard Schivardi) (PT) - ຄະແນນ
(0.35%)

ສະຖິຕິສ່ວນຫຼາຍໄດ້ອອກມາກ່ອນການປ່ອນບັດວ່າ ມີປະຊາຊົນຫຼວງຫຼາຍເຖິງ
18% ຍັງພາກັນຫຼັ່ງເລໃຈ ບໍ່ຮູ້ວ່າຊິເອົາໃຜໃ່າຊັ້ນ ແຕ່ແລ້ວໃນທີ່ສຸດ ຊາວຝລັ່ງກໍ
ໄດ້ອອກ ສຽງເຖິງ 85% ຈາກປະຊາຊົນທີ່ມີສິດທິປ່ອນບັດຈຳນວນ 44 ລ້ານ 5
ແສນຄົນ ຕໍ່ ພົລເມືອງກວ່າ 63 ລ້ານຄົນ ໝາຍຄວາມວ່າພວກມີສິດທິນັ້ນໄດ້ຮັບ
ບັດສິດທິເລືອກຕັ້ງ ຫຼັງຈາກໄປຈົດທະບຽນຊື່ຢູ່ສຳນັກງານພໍ່ບ້ານໃນຄຸ້ມຫຼືບ້ານ ເມືອງບ່ອນຄົນອາສັຍຢູ່ ການຈົດທະບຽນນັ້ນ ກໍບໍ່ມີຂໍ໊ກົດໝາຍບັງຄັບແ່ຕຢ່າງໃດ ຜູ້ໃດທີ່ຮູ້ສຶກຢາກປະກອບສ່ວນ ໃນໜ້າທີ່ພົລເມືອງດີກໍໄປຈົດໄດ້ ເມື່ອອາຍຸເຖິງ
ສິບແປດປີ

ເມື່ອມາເວົ້າເຖິງຣອບສອງຈະມາໃນວັນທີ່ 6/5/07 ນີ້ ກໍແຮງຈະເປັນການປ່ອນບັດ ຢ່າງຄຶກຄັກແນ່ນອນ ເພາະຮອບທີ່ນຶ່ງຜ່ານມາ ກໍມີຜູ້ສົນໃຈຫຼາຍຢູ່ແລ້ວ ສ່ວນຍັນດາ ພັກການເມືອງກໍພາກັນແລ່ນຫາກັນເປັນສົນລະວັນເອິກເທິກ ເພື່ອຊອກຄູ່ຮ່ວມແນວ ທາງແນວຄິດ ສ່ວນທີ່ໃກ້ກັນ ຈະເຂົ້າກັນໄດ້ ເພື່ອຍາດເອົາໄຊຊນະຂັ້ນສຸດທ້າຍ ດືບ ໃສ່ອຳນາດລະດັບສູງຂອງປະເທດ

ຝ່າຍທີ່ສາມາດເຂົ້າກັນໄດ້ກໍມີຢູ່ຫຼາຍຄືກັນຖ້າຈະນັບຝ່າຍຊ້າຍທີ່ເສັຽຊັຍໄປ(ນອກ ຈາກສັງຄົມນິຍົມທີ່ໄດ້ເຂົ້າຮອບສອງ) ກໍມີ ພັກກອມມຸນິດທັມມະດາ ພັກກອມມຸນິດ
ປະ ຕິວັດ (Lcr) ພັກກັມມະກອນຕໍ່ສູ້ (Lo) ພັກແຮງງານ (PT) ພັກປ້ອງກັນການລ່າ
ສັດ ການປະມົງ ທັມມະຊາດ ປະເພນີ (cpnt) ພັກຕໍ່ຕ້ານໂລກາວິວັດ ແລະຍັງມີພວກ ນຳນະໂຍບາຍເປັນເອກລາດບໍ່ຂຶ້ນກັບຝ່າຍໃດ ຝ່າຍຊ້າຍດັ່ງກ່າວນີ້ ບາງພັກກໍບໍ່ລັ່ນ
ສັນຍານຮຽກຮ້ອງຜູ້ໄດ້ປ່ອນເອົາຕົນໃນຮອບທີ່ນຶ່ງນັ້ນໄປປ່ອນເອົານາງເສໂກແລນ
ໂຣຢານ (Ségolène Royal) 

ເພື່ອຂັດຂວາງບໍ່ໃຫ້ທ່ານນິໂກລາໄດ້ເປັນປະທານາທິບໍດີ ຝ່າຍຊ້າຍສ່ວນນຶ່ງກໍ
ອາດລະດົມກັນໄປໃຫ້ທົ່ວເຖິງ ຖ້າຈະລວມເອົາຝ່າຍນີ້ ກໍມີເຖິງຂີດ 12.78%
ແລ້ວລວມເອົາພັກສັງຄົມນິຍົມອີກທີ່ໄດ້ 25.2%  ບັດນີ້ ຍັງອີກພັກຢືນກາງຂອງ
ທ່ານບາຍຣູ UDF ກໍອາດຕຽມພ້ອມສນັບສນູນນາງໂຣຢານ ແລະທ່ານບາຍຣູກໍ
ໄດ້ຮັບ  18.22%

ສ່ວນທ່ານສາກໂກຊີນັ້ນ ກໍອາດມີພັກຂວາອື່ນເຂົ້າໄປສນັບສນູນເຊັ່ນ ພັກຂອງ
ທ່ານເລີເປນ (FN) ທ່ານເລີເປນເອງໄດ້ຮັບພຽງ 11.51% ໃນຮອບທີ່ນຶ່ງ ນອກ
ນັ້ນກໍຍັງມີຂວາຈັດນຶ່ງອີກຄື ພັກ MPF ຂອງທ່ານຟິລິບເດີວິນລີເອທີ່ໄດ້ຮັບ 2.64
ໃນຮອບອັນນີ້ແມ່ນຄິດໄລ່ທັມມະດາ ບໍ່ແມ່ນໄລ່ແບບນັກຊຽວຊານແຕ່ຢ່າງໃດ  ແຕ່
ວ່າ ທ່ານສາກໂກຊີ ກໍເຄີຍໄດ້ປະກາດອອກໄປແລ້ວວ່າ ບໍ່ມີໂຄງການຮ່ວມພັກອື່ນ
ຖ້າຄົນຈາກພັກອື່ນເລືອກເອົາທ່ານກໍຖືວ່າ ເປັນປະຊາຊົນຝລັ່ງ ເພາະທ່ານວ່າ ຕົນ
ຮັບໃຊ້ຊາວຝລັ່ງທຸກຖ້ວນໜ້າໂດບບໍ່ໄຈ້ແຍກແນວຄິດການເມືອງ

ຖ້າວ່າພັກຕ່າງໆຫາກສັນຍາຮ່ວມກັນ ກໍເປັນອີກບັນຫານຶ່ງເພາະຕ້ອງແບ່ງປັນອຳ
ນາດໃນຄນະຣັຖບານເຊັ່ນໜ້າທີ່ຣັຖມຸນຕີ ດັ່ງນີ້ເປັນຕົ້ນ ເມື່ອນັ້ນກໍເປັນຣັຖບານປະສົມ
ພັກໃນການນຳພາຂອງພັກໃຫຍ່ ຄືພັກທີ່ໄດ້ເຂົ້າຮອບສອງ ພັກທີ່ສນັບສນູນຜູ້ໄດ້ເຂົ້າ
ຮອບສອງນັ້ນ ກໍຈະໄດ້ຮັບຕຳແໜ່ງບໍ່ຫຼາຍທໍ່ພັກໃຫຍ່ ເພິ່ນຕົກລົງກັນວ່າຈະແບ່ງ
ກະຊວງໃດໃຫ້ຝ່າຍສນັບສນູນ

ເມື່ອມາເບິ່ງແລ້ວ ກຸນແຈໄຂເຂົ້າສູ່ໄຊຊນະ ສຳລັບນາງເສໂກແລນໂຣຢານນັ້ນ
ຢູ່ນຳທ່ານຟຣັງຊົວບາຍຣູ ຫົວໜ້າພັກຢືນກາງ  ນາງໂຣຢານຕ້ອງຮຽກຮ້ອງທຸກໆ
ຄົນອີກ ໂດບບໍ່ສັງກັດພັກ ເພື່ອປາບທ່ານສາກໂກຊີໃຫ້ໄດ້ ເມື່ອເປັນແນວນັ້ນໂຣຢານ
ຕ້ອງແກ້ໄຂນະໂຍບາຍຂອງຕົນຕື່ມອີກ ກ່ຽວກັບການໂຮມແນວຄິດທິດທາງເພື່ອໃຫ້
ທຸກແລວແນວຄິດຫັນໜ້າເຂົ້າໄປເລືອກເອົາຕົນ ເພາະ ພວກທີ່ຈະເລືອກເອົາເພິ່ນ
ນັ້ນກໍມີຫຼາຍພໍສົມຄວນ ເຊັ່ນມີຢູ່ໃນພັກຊ້າຍຕ່າງໆດັ່ງກ່າວແລ້ວ ແລະພວກທີ່ບໍ່ອອກ
ສຽງໃນຮອບທີ່ນຶ່ງນັ້ນ ກໍອາດຫັນມາປ່ອນເອົາຄືກັນ ຫຼັງຈາກຫຼັ່ງເລໃຈມາແລ້ວ

ສຳລັບທ່ານສາກໂກຊີນັ້ນ ປາກົດວ່າ ບໍ່ມີຂະບວນສຽງໃດແຮໄວ້ຄືກັບໂຣຢານ ທ່ານ
ສາກໂກຊີບໍ່ສາມາດເອົາສຽງຈາກພັກຢືນກາງ ບໍ່ມີຢູ່ພັກເລີເປນໃນເວລານີ້ຍ້ອນ
ທ່ານເລີເປນບໍ່ຮຽກຮ້ອງສະມາຊິກຂອງຕົນໃຫ້ສນັບສນູນທ່ານ ສ່ວນທ່ານຟີລິບ
ເດີວິນລີເອ ກໍວ່າ ເພິ່ນບໍ່ໄດ້ເປັນເຈົ້າຂອງ ຂອງສຽງໃດໆ ສຽງຂອງສະມາຊິກບໍ່
ເປັນກັມມະສິດຂອງເພິ່ນແຕ່ຢ່າງໃດ ອີງຕາມຄຳຖແລງເພິ່ນເອງສ່ວນທ່ານເລີ
ເປນ ກໍໄດ້ຖແລງຄືນວັນທີ່ 22/4/07 ວ່າ ຍັງບໍ່ທັນຮູ້ເທື່ອວ່າ ຊິມີໂຄງການແນວ
ໃດ ໝາຍຄວາມວ່າ ຊິສນັບສນູນສາກໂກຊີ ຫຼືບໍ່ ໂດຍສັງຄົມນິຍົມໄດ້ກ່າວຫາທ່ານ
ສາກໂກຊີວ່າ ປຸ້ນສະດົມພັກແນວໂຮມແຫ່ງຊາດ (FN) ຂອງທ່ານເລີເປນ ຈິ່ງໄດ້
ໄປຮອບສອງ ຖ້າບໍ່ດັ່ງນັ້ນກໍຕົກຮອບໄປແລ້ວ

ທ່ານສາກໂກຊີປຸ້ນສະດົມພັກຂອງທ່ານເລີເປນແນວໃດ  ໝາຍເຖິງວ່າ ມີສະມາ
ຊິກສ່ວນນຶ່ງໃນພັກຂອງທ່ານເລີເປນໄປປ່ອນເອົາເພິ່ນໃນຮອບທີ່ນຶ່ງ ອັນເຮັດໃຫ້
ຄະແນນຂອງເລີເປນຫຼຸດລົງຕໍ່າກວ່າສະຖິຕິທີ່ໄດ້ຄາດໄວ້ກ່ອນປ່ອນບັດ ຄື 14% ເມື່ອປ່ອນບັດແລ້ວ ຈິ່ງໄດ້ພຽງ 11.51% ນອກນັ້ນ ທ່ານສາກໂກຊີກໍຍັງຖືກກ່າວ
ຫາຈາກເລີເປນອີກວ່າ ລັກເອົານະໂຍບາຍຂອງເພິ່ນໄປໃຊ້

ສະນັ້ນ ເພື່ອຍາດເອົາໄຊຊນະ ທ່ານສາກໂກຊີຈຳເປັນຕ້ອງຫຍັບອອກຈາກຂວາ
ທັມມະດາອີກນ້ອຍນຶ່ງ ຕູ້ດອອກຈາກຂ້າງເກົ່າອີກບາດສອງ ຫຼັງຈາກຕູ້ດມາແລ້ວ
ໃນຮອບທີ່ນຶ່ງໝາຍຄວາມວ່າ ອ່ຽງຂວາ~ຂວາ ເພື່ອຫຼອກ ຫຼື ອ່ອຍເອົາສຽງຈາກ
ພັກຂວາຈັດ ກໍຕ້ອງສະແດງຕົນເປັນຄົນເຂົ້າຂ້າງຂວາຈັດ ເພື່ອຊິໄດ້ຂະບວນສຽງ
ນັ້ນມາ ແລະບໍ່ມີທາງທີ່ຈະໄດ້ສຽງຈາກຝ່າຍຊ້າຍ ພວກທີ່ມີແນວຄິດກາງໆ ກໍແນ່
ນອນແລ້ວບໍ່ເລືອກເອົາເພິ່ນ ເພາະເປັນກາງອ່ຽງຊ້າຍ ແລະ ບາງສ່ວນກໍວ່າ
ນະໂຍບາຍຂອງສາກໂກຊີນີ້ເປັນຕາຢ້ານ ໂດຍສະເພາະຊາວຝລັ່ງເຊື້ອຊາດຕ່າງ
ດ້າວ ແຕ່ທ່ານເອງກໍເປັນຝລັ່ງເຊື້ອຊາດຕ່າງດ້າວຄືກັນ

ໃນປວັດການເລືອກຕັ້ງປະທານາທິບໍດີ ບໍ່ເຄີຍມີເພດຍິງເຂົ້າຮອບສອງຈັກເທື່ອ
ນາງເສໂກແລນຍັງອີກສິຫ້າມື້ທໍ່ນັ້ນ ເພື່ອສະແດງດ້ວຍຄວາມຈິງໃຈວ່າ ນະໂຍ
ບາຍຕົນ ເປັນນະໂຍບາຍທີ່ຈະເຮັດໃຫ້ສັງຄົມຝລັ່ງປ່ຽນແປງແທ້ດັ່ງທີ່ຊາວຝລັ່ງ
ຕ້ອງການນັ້ນ ເຊັ່ນສັງຄົມນິຍົມເນື້ອໃນໃໝ່ ໂດຍສະເພາະກໍແມ່ນດ້ານເສຖກິດ ປະເທດຝລັ່ງຕ້ອງການບາດກ້າວໃໝ່ ຕ້ອງການປະທານາທິບໍດີລັກສນະໃໝ່ ຮຸ່ນ
ຊົນໃໝ່ຫຼັງຈາກສົງຄາມໂລກ ບໍ່ເອົາຮຸ່ນຊົນເກົ່າອີກ ຢ່າງນຶ່ງທີ່ຊາວຝລັ່ງໜີອອກບໍ່
ໄດ້ກໍແມ່ນ ເລືອກເອົາຜູ້ນຳຈາກຊ້າຍ ຫຼືຂວາທໍ່ນັ້ນຫຼາຍທົສວັດຜ່ານມາແລ້ວ
ປະຊາຊົນສ່ວນນຶ່ງກໍຄາດຄະເນວ່າ ຈະມີການປ່ຽນແປງໃນການເລືອກເສັ້ນທາງ
ແນວຄິດ ແຕ່ກໍຕ້ອງຄອງຖ້າອີກຫ້າປີຂ້າງໜ້າພັກຢືນກາງອາດໂປໂລອອກມາກໍ
ເປັນໄດ້