ເລືອກຕັ້ງປະທານາທິບໍດີຝຣັ່ງ ຮອບ 1

ສາກໂກຊີ -ໂຣຍຢ່ານ : ເຂົ້າຮອບສອງ

ໂດຍ ບັນດານ ສີສຸນທອນ B. Sisounthone

ບົດຄວາມນີ້ເຜີຍແຜ່ເມື່ອວັນທີ 23/04/2007 ແກ້ໄຂໃຫມ່ຫລ້າສຸດເມື່ອວັນທີ 23/04/2007 à 14:33 TU

ໂຣຍຢ່ານ - ສາກໂກຊີ

ທ່ານ ນິໂກລາ ສ໊າກໂກຊີ ພັກ UMP

ໄດ້  31,11%;     ສ່ວນ ຍານາງ

ເສ່ໂກແລ່ນ ໂຣຍຢ່ານ ພັກ ສັງຄົມ

ນິຍົມ ໄດ້ 25,84%. ຮອບ ທີ່ສອງ ຈະ ມີຂື້ນ ມື້  ວັນອາທິດ ທີ 6 ພຶກສະພາ 2007.

ການ ເລືອກຕັ້ງປະທານາທິບໍດີ ຝຣັ່ງ ຮອບທີ ນຶ່ງໄດ້ ສີ້ນສຸດລົງແລ້ວ. 

ທ່ານ ນິໂກລາ ສ໊າກໂກຊີ Nicolas Sarkozy ຈາກພັກ UMP ໄດ້ 31,11%; ສ່ວນ ຍານາງ ເສ່ໂກແລ່ນ ໂຣຍຢ່ານ Ségolène Royal ຈາກພັກ ສັງຄົມນິຍົມ ໄດ້ 25,84%.

 

ເປັນອັນວ່າ ສອງທ່ານນີ້ ໄດ້ຖືກຂັດ ເຂົ້າໄປ ປະຊັນ ກັນຕໍ່ ຢູ່ໃນຮອບ

ທີ່ສອງ ຊຶ່ງຈະມີຂື້ນ ມື້ ວັນອາທິດ ທີ 6 ພຶກສະພາ ຄື ຍັງອີກ ສອງ ອາທິດ ຂ້າງໜ້ານີ້.  ສ່ວນ ຜູ່ ສມັກອື່ນຯ ນັ້ນ ຕົກຮອບ.

ເຊັ່ນ ທ່ານ ຝຣັ່ງຊວາ ໄບ່ຣູ François Beyroux ພັກ ອູຍເດແອຟ UDF ໄດ້ 18,55%   ຄະແນນ ຂອງ ທ່ານ ໄບ່ຣູ ນີ້ ສູງຂື້ນ ສາມ ເທົ້າຕົວ ຈາກຄະແນນ ປີ 2002.    

ສ່ວນ ທ່ານ ເລີເປັ່ນ Le Pen ພັກຂວາຈັດ Front National ເສັຍ

ຫາຍໜັກ ໄດ້ 10,51%  ລຸດຈາກປີ 2002 ໄດ້ 16% ນັ້ນ ສະເລັຍ ແລ້ວ ເສັຍປະມານ ນຶ່ງລ້ານສຽງ.

ສຳຫລັບ ທ່ານ ເບີສັງເຊີໂນ  Besnacenot, ທ່ານ ເດີວິນລີເອ່ De Villiers,  ຍານາງ ບຸບເຟ່  Buffet,  ຍານາງ ວ່ວຍເນ່  Voynet,  ຍານາງ ລາກີເຢ່ Laguiller,  ທ່ານ ໂບເວ່ Bové,   ທ່ານ ນີ່ຮູ່ Nihous, ແລະ ທ່ານ ຊີວາກດີ Schivardi ໄດ້ລຸດ 5% ໝົດທຸກຄົນ.

 

ທັງໝົດ ມີຜູ່ ມາອອກສຽງຫລາຍເປັນປະວັດການ 84,60%, ແລະ ພວກ ບໍ່ ອອກສຽງ ນັ້ນ ມີ ເຖິງ 15,40%.

 

ຜົນການເລືອກຕັ້ງ ມີດັ່ງນີ້ :

 

ຝ່າຍຂວາ		ຝ່າຍຊ້າຍ		ອື່ນຯ
ທ. ສາກໂກຊີ	31,11%	ຍນ. ໂຣຍຢ່ານ	25,84%	ທ. ນີ່ຮູ່	1,15%
ທ. ໄບ່ຣູ	18,55%	ທ. ເບີສັງເຊີໂນ	4,11%	ທ. ຊີວາກດີ	0,34%
ທ. ເລີເປັ່ນ	10,51%	ຍນ. ບຸບເຟ່	1,94%
ທ. ເດີວິນລີເອ່	2,24%	ຍນ. ວ່ວຍເນ່	1,57%
		ຍນ. ລາກີເຢ່	1,34%
		ທ. ໂບເວ່	1,32%
	62,41%		36,12%		1,49%

 

 

ໃນຕອນຕົ້ນ ຂອງ ຮອບທີສອງນີ້ ສະຖາບັນ ການຍັ່ງສຽງ  ໄດ້ເປີດເຜີຍ ຜົນການຍັ່ງຄະແນນສຽງ ຄັ້ງທຳອິດ ວ່າ  ທ່ານ ນິໂກລາ ສ໊າກໂກຊີ Nicalas Sarkozy ຍັງເປັນຕົວເດັ່ນ ຕໍ່ໜ້າ ຍານາງ ເສ່ໂກແລ່ນ ໂຣຍຢານ Ségolène Royal  ອີກ ຢ່າງຂາດຮອຍ  54% ຕໍ່ 46%.

 

ເປັນອັນວ່າ ສຽງຂອງ ທ່ານ ຝຣັ່ງຊວາ ໄບ່ຣູ François Beyroux ແລະ ທ່ານ ເລີເປັ່ນ Le Pen ຈະເປັນ ກັມມະການຕັດສິນ ວ່າ ຈະໄປ ສະນັບສະນູນ ທ່ານໃດ. ແຕ່ໃນ ປັຈຸບັນນີ້ ພັກຂວາຈັດ Front National ຍັງບໍ່ທັນປະກາດ ສະນັບສະນູນ ໃຜເທື່ອ, ອິງຕາມປະວັດ ແລ້ວ ພັກຂວາ ຈັດ ນີ້ ບໍ່ເຄີຍ ສະນັບສະນູນ ຝ່າຍໃດເລີຍ ໃນຮອບທີ ສອງນີ້ , ສ່ວນ ສຽງຂອງ ຝ່າຍກາງ ພັກ ອູຍເດແອຟ UDF ນັ້ນ ກໍຍັງ ບໍ່ທັນເປີດເຜີຍ ວ່າຈະ ສະນັບສະນູນ ໃຜ ແຕ່ອິງຕາມປະວັດແລ້ວ ແມ່ນ ອູ້ມຊູ ຝ່າຍ ຂວາ. 

ແນ່ນອນ ທ່ານ ຝຣັ່ງຊວາ ໄບ່ຣູ François Beyroux ການເປັນເກງ ແລະ ເປັນ ໄມ້ຈັດ ສຳຄັນ ໃນການຕັດສິນ ຮອບທີສອງ,   ການຕໍ່ລອງ ແບ່ງປັນອຳນາດ  ລະວ່າງ ພັກ ກາງ-ຂວາ ຫຼື ພັກ ກາງ-ຊ້າຍ ແມ່ນລີກ ລຽງບໍ່ໄດ້, ແຕ່ ການຕັດສິນໃຈ ຂອງທ່ານ ຝຣັ່ງຊວາ ໄບ່ຣູ ວ່າຈະຫັນ ໜ້າ ໄປຮ່ວມ ກັບຝ່າຍໃດ ຝ່າຍ ນຶ່ງນັ້ນ ຄົງຈະຖືກເຜີຍອອກ ໃນບໍ່ຊ້ານີ້.