ຝຣັ່ງ ເລືອກຕັ້ງ ປະທານາທິບໍດີ ຮອບທີສອງ

ຣົ່ວຢ້າລ-ສ໊າກໂກຊີ່ ຫາສຽງ, ເບ່ຣູ໊ ກຳມະການ

ໂດຍ ສຸກວິໄລ ຊ. Soukvilay S.

ບົດຄວາມນີ້ເຜີຍແຜ່ເມື່ອວັນທີ 24/04/2007 ແກ້ໄຂໃຫມ່ຫລ້າສຸດເມື່ອວັນທີ 24/04/2007 à 15:36 TU

ເສ່ໂກແລນ ຣົ່ວຢ້າລ ແລະ ນິໂກລ້າ ສ໊າກໂກຊີ່ ຫາສຽງ ໃສ່ຮອບ ທີສອງ (Photos : AFP)

ມື້ນີ້ ທັງສອງ ຄນະ ຕ່າງກໍພົບພໍ້
ກັນ ເພື່ອວາງ ຕາຕະລາງ ຍຸດທະ
ສາດ ຍານາງ ເສ່ໂກແລນ
ຣົ່ວຢ້າລ ແລະ ທ່ານ ນິໂກລ້າ
ສ໊າກໂກຊີ່ ກໍເຄື່ອນໄຫວຄືກຄັກ.
ໃນຂນະທີ່ ທ່ານ ເບ່ຣູ໊ ຍັງສງວນ
ທ່າທີ.

       ການຫາສຽງ ທີ່ເລີ່ມຕັ້ງແຕ່ມື້ວານນີ້ ເພື່ອການ ເລືອກຕັ້ງ ປະທາ
ນາທິບໍດີ ຮອບທີສອງ ໃນມື້ນີ້ ຕາຕະລາງ ພົບພໍ້ ເພື່ອວາງຍຸດທະສາດ
ແລະຮວມທັງ ການເຄື່ອນໄຫວ ຂອງຜູ່ ສມັກເອງ ແມ່ນ ຄືກຄັກ ເປັນ
ພິເສດ.

       ສຳລັບ ຜູ່ສມັກແລ້ວ ອັນໄດ້ແກ່ ຍານາງ ເສ່ໂກແລນ ຣົ່ວຢ້າລ
(Ségolène Royal) ພັກ ສັງຄົມນິຍົມ ແລະ ທ່ານ ນິໂກລ້າ ສ໊າກໂກຊີ່
(Nicolas Sarkozy) ພັກ ຂວາ ອູ່ຍແອມເປ້ (UMP) ນັ້ນ ແມ່ນ ເຄື່ອນ
ໄຫວ ໄປທາງໃຜ໋ ທາງລາວ ຫາກແຕ່ກໍ ເລືອກໄປໃນ ເຂດ ຂອງ ຄູ່ແຂ່ງ
ຫຼື ໃນເຂດ ທີ່ເຄີຍ ເກີດບັນຫາ ກ່ຽວຂ້ອງ.
       ທ່ານ ນິໂກລ້າ ສ໊າກໂກຊີ່ ທີ່ ພາຍຫຼັງໄດ້ ປະຊຸມ ຍຸດທະສາດ
ກັບ ບັນດາຜູ່ແທນ ຣາສດອນຂອງພັກ ແລະ ທັງໄດ້ ພົບພໍ້ຮ່ວມ ຮັປທານ
ອາຫານທ່ຽງ ກັບ ນາຍົກ ໂດ່ມີນິກ ເດິ ວີ່ລແປ໋ງ (Dominique de
Villepin) ແລ້ວ ໃນຂະນະນີ້ ທ່ານກໍ ກຳລັງຮ່ວມ ຊຸມນຸມ ມິດຕິ້ງ
(Meeting) ຢູ່ເມືອງ ກຣັ້ງດ໌ ເກີວີນຢີ້ (Grand Quevilly) ໄກ້ ກັບ
ເມືອງ ຣູ່ອັ້ງ (Rouen) ພາກ ຕາເວັນຕົກສຽງເໜືອ ຊຶ່ງ ແມ່ນຖີ່ນຂອງ
ອະດີດ ນາຍົກ ໂລ່ຣັ້ງ ຟາບີ່ອຸສ (Laurent Fabius) ຄ້າຍ ສັງຄົມນິຍົມ.
       ຍານາງ ເສ່ໂກແລນ ຣົ່ວຢ້າລ ນັ້ນ ໄດ້ລ່ວງໜ້າ ຄູ່ແຂ່ງລົງໄປ
ເມືອງ ມົ່ງເປີ່ນລີ່ເອ້ (Montpellier) ພຸ້ນ ເພື່ອໄປກູ້ສຽງ ຂອງພັກຄືນ.
ເມືອງ ມົ່ງເປີ່ນລີ່ເອ້ ນີ້ເປັນຖີ່ນ ຂອງຜູ່ນຳ ສັງຄົມ ນິຍົມ ທ້ອງຖີ່ນ ກໍຄື
ທ່ານ ຊ໊ອກເຊີ ແຟຣດເຊີ (Georges Frêche) ທີ່ໄດ້ ຖືກໄລ່ອອກຈາກ
ພັກ ຫຼັງຈາກ ທີ່ໄດ້ ຖືກ ທາງການ ຍຸດຕິທັມ ຕັດສີນ ມີ ຄວາມຜິດ
ຖານທີ່ໄດ້ ຫຍາມມິ່ນ ຊົນຊາວ ຫັ໊ກກີ້ (Harkis) ວ່າ ເປັນ ຈຳພວກ
"ໄຕ້ມະນຸດ".

       ສ່ວນ ບັນດາ ຄນະ ສະມາຊິກ ຂອງແຕ່ລະພັກຝ່າຍຄູ່ແຂ່ງ ກໍ
ຂມັກຂເມັ້ນ ປະຊຸມພົບພໍ້ກັນ ເພື່ອວາງ ມາຕຣາການ ຍຸດທະສາດ. ຝ່າຍ
ຂວາ ຊອກຍຸດທະສາດ ເອົາຄະແນນ ສຽງຂວາທົ່ວໄປ ໂດຍສເພາະ
ສຽງຂວາກາງ ຂອງ ທ່ານ ຝຣັ່ງຊົ້ວ ເບ່ຣູ້ (François Bayrou) ພັກ
ອູ່ຍເດ່ແອັຟ (UDF) ນັ້ນ. ສ່ວນ ຝ່າຍຊ້າຍ ຊອກ ວິທີການ ເອົາສຽງ
ຂອງ ທ່ານ ຝຣັ່ງຊົ້ວ ເບ່ຣູ້ ພ້ອມດຽວກັນ ກໍຊອກ ຊ່ອງ ທາງ ສ້າງ
ຄວາມເປັນເອກະສັນກັນ ພາຍໃນ ກຸ່ມຊ້າຍ ນຳກັນ ທັງໝົດ. ພ້ອມດຽວ
ກັນ ບັນດາ ຄນະ ສະມາຊິກ ຂອງແຕ່ລະພັກຝ່າຍຄູ່ແຂ່ງ ກໍ ສຶກສາ
ຫ້າງຕຽມການ ໂຕ້ວາທີ ແບບ ໜ້າຕໍ່ໜ້າ ລະຫວ່າງ ຜູ່ນຳຂອງພວກຕົນ.

       ດ້ານ ຄນະ ຂອງທ່ານ ຝຣັ່ງຊົ້ວ ເບ່ຣູ້ ກໍປະຊຸມພົບພໍ້ກັນ ເພື່ອ
ວາງມາຕຣາການ ຍຸດທະສາດ ເໝືອນກັນ ແຕ່ໃນຖານະ ຝ່າຍຖືກງໍ້ງອນ.
ເພາະ ນັບວ່າ ທ່ານ ຝຣັ່ງຊົ້ວ ເບ່ຣູ້ ໄດ້ກາຍເປັນ ກຳມະການກາງ ຂອງ
ບັນດາ ຜູ່ເຂົ້າຮອບ ຊີງຊນະເລີດ ໄປໃນໂຕ ແລ້ວ ຍ້ອນ ນ້ຳໜັກ ຄະ
ແນນສຽງ ຂອງເພີ່ນ ທີ່ມາໃນອັນດັບສາມ ເຖີງ ໑໘.໕໗ % ນັ້ນ.
       ທ່ານມີກຳນົດຈະປະກາດ ທ່າທີຂອງເພີ່ນໃນ ມື້ອື່ນພຸ້ນ ຊຶ່ງ ອາດ
ຈະ ເປັນການແນະນຳຫຼື ຊັກຊວນ ໃຫ້ ຜູ່ສນັບສນູນ ຂອງທ່ານ ມອບ
ຄະແນນສຽງໃຫ້ ຝ່າຍໃດ໋ຝ່າຍນຶ່ງ ແລະ ດ້ວຍເງື່ອນໄຂໃດ໋ ລະຫວ່າງ
ທ່ານ ນິໂກລ້າສ໊າກໂກຊີ່ແລະ ຍານາງ ເສ່ໂກແລນ ຣົ່ວຢ້າລ ຫຼືບໍ່ ກໍອາດ
ເປັນ ໃນ ທຳນອງວ່າທ່ານ ບໍ່ໄດ້ເປັນ ເຈົ້າຂອງ ຄະແນນສຽງ ປະຊາຊົນ
ຢາກເລືອກເອົາໃຜ໋ຕາມໃຈຊອບ ກໍອາດເປັນໄດ້.

       ສັງເກດໄດ້ວ່າ ໃນຂນະ ທີ່ ຍານາງ ເສ່ໂກແລນ ຣົ່ວຢ້າລ ໄດ້
ສແດງການ ຍື່ນມືເປັນ ພັທະມິດ ກັບທ່ານ ຝຣັ່ງຊົ້ວ ເບ່ຣູ້ ນັ້ນ ທ່ານ
ນິໂກລ້າ ສ໊າກໂກຊີ່ ຊ້ຳພັດໄດ້ ປະກາດສຽງແຂງ ແບບບໍ່ງືດງໍ້ເລີຍ ວ່າ
ຈະບໍ່ມີ ການຂໍ ຫຼືການສ້າງ ພັທະມິດການເມືອງ ໃດ໋ໆ ລະຫວ່າງ ທ່ານ
ເອງ ກັບ ທ່ານ ຝຣັ່ງຊົ້ວ ເບ່ຣູ້.