ຝລັ່ງ/ເລືອກຕັ້ງໂຕ້ວາທີ

ໂຕ້ວາທີ/ສາກໂກຊີ~ໂຣຢານ

ໂດຍ  ໂສວົງ

ບົດຄວາມນີ້ເຜີຍແຜ່ເມື່ອວັນທີ 27/04/2007 ແກ້ໄຂໃຫມ່ຫລ້າສຸດເມື່ອວັນທີ 27/04/2007 à 07:58 TU

ການໂຕ້ວາທີແບບປະຊາທິປະ ໄຕລົງເລິກ ຫຼືໄຂເອິກຕໍ່ປະຊາ ຊົນແນວນີ້ ກໍເຄີບມີມາແລ້ວ ຫຼາຍຊຸດການເລືອກຕັ້ງຮອບສອງ ຄືໃນປີ 1974 1981 19088 1995 2002

ໃນວັນທີ່ 2/5/07 ເປັນມື້ສຳຄັນໄຂສາກປະຊາທິປະໄຕລົງເລິກເພື່ອໃຫ້ປະຊາຊົນສາ ມາດຕີລາຄາຄຸນຄ່າຂອງຄູ່ແຂ່ງແລະຄຸນຄ່າຂອງນະໂຍບາຍການເມືອງຂອງມາດາມ ໂຣຢານຈາກພັກສັງຄົມນິຍົມແລະທ່ານສາກໂກຊີ ຈາກພັກຂວາກຳອຳນາດປັດຈຸບັນ UMP (ແນວໂຮມຂະບວນປະຊາຊົນ)

ການໂຕ້ວາທີ ແມ່ນແນໃສ່ປະຊາທິປະໄຕໂດຍກົງເພື່ອເຜີຍແບນະໂຍລາຍຫຼາຍດ້ານ ຕໍ່ພວກມີສິດທິປ່ອນບັດ 44 ລ້ານ 5 ແສນຄົນ ໃນນີ້ກໍຍັງມີ 15.40% ທີ່ບໍ່ທັນອອກ ສຽງໃນຮອບທີ່ນຶ່ງ ເມື່ອວັນທີ່ 22/4/07 ຜ່ານມາ ອາດເນື່ອງມາຈາກການລັ່ງເລໃຈບໍ່ ຮູ້ວ່າຊິປ່ອນເອົາໃຜ ຫຼືວ່າ ຍັງຖ້າເບິ່ງການໂຄສະນາຮອບສອງ ຫຼືວ່າຕິດຂັດກໍເປັນໄດ້

ນອກນັ້ນ ມາດາມໂຣຢານກໍຍັງສເນີໂຕ້ວາທີກັບທ່ານບາຍຣູອີກດ້ວຍ ເພາະຕ້ອງການ ສຽງຈາກພວກທີ່ໄດ້ປ່ອນເອົາທ່ານໃນຮອບທີ່ສອງນັ້ນເຊິ່ງມີເກືອບເຈັດລ້ານຄົນ ຕາມ ສະຖິຕິຢັ່ງສຽງແລ້ວ ຈາກຖັນແຖວທີ່ອາດເລືອກເອົາມາດາມໂຣຢານກໍມີຢູ່ 38% ຜູ້ຈະ ເອົາທ່ານສາກໂກກໍມີຢູ່ 26% ແຕ່ວ່າກໍຍັງບໍ່ຮັບປະກັນໄຊຊນະໄດ້ ທາງມາດາມໂຣ ຢານຍັງມີສຽງແຮໄວ້ ຢູ່ສາງສຽງຂອງຝ່າຍຊ້າຍສ່ວນຫຼາຍ ເປັນຕົ້ນພັກທັມມະຊາດຂຽວ ສ່ວນທ່ານສາກໂກຊີນັ້ນ ກໍຕ້ອງການສຽງຄືກັນຈາກຝ່າຍຢືນກາງຂອງທ່ານບາຍຣູແລະ ຜູ້ນີ້ກໍໄດ້ປະກາດຕັ້ງພັກໃໝ່ຊື່ວ່າ ພັກປະຊາທິປະໄຕ ບໍ່ກ່ຽວຂ້ອງກັບພັກຢືນກາງເກົ່າທີ່ ມີຊື່ວ່າ ພັກຢືນກາງ UDF ນັ້ນ (ແນວໂຮມເພື່ອປະຊາທິປະໄຕຝລັ່ງ) ພັກນີ້ຕັ້ງຂຶ້ນ ໂດຍທ່ານຊິສກ້າໃນປີ 1974 ມາໃນແນວທາງຂວາ ເພື່ອສູ້ໜ້າກັບພັກ RPR ຂອງ ທ່ານຊີຣັກ (ແນວທ້ອນໂຮມເພື່ອສາທາຣະນະຣນັດ ອັນເປັນການສືບຕໍ່ແນວທາງຂອງ ນາຍພົນເດີໂກນ ຜູ້ນຳພາກູ້ຊາດຝລັ່ງອອກຈາກລະບອບນາຊີເຍລະມັນສມັຍສົງຄາມ ໂລກຄັ້ງທີ່ສອງ) ສ່ວນພັກ UDF ນັ້ນກໍຕາຍໄປໃນໂຕເລີຍ

ທ່ານສາກໂກຊີທີ່ວ່າຕ້ອງການສຽງຈາກພັກຂອງທ່ານບາຍຣູນັ້ນ ບໍ່ຍອມໂຕ້ວາທີ່ກັບ ທ່ານບາຍຣູ ເພາະເຫັນວ່າບໍ່ຖືກຕ້ອງຕາມຫຼັກການເລືອກຕັ້ງ ເພາະບາຍຣູພຽງເປັນເປັນ ບຸກຄົນອັນດັບສາມຂອງຮອບທີ່ນຶ່ງ ເປັນຄົນທີ່ຕົກຮອບໄປແລ້ວ ທ່ານວ່າ ເຫດຜົນໃດ ຈະໄປໂຕ້ວາທີກັບຜູ້ກ່ຽວ ແຕ່ເຖິງຢ່າງໃດກໍຕາມ ຖ້າວ່າ ບາຍຣູປະກາດສນັບສູນຂ້າງ ໃດຂ້າງນຶ່ງ ຂ້າງທີ່ໄດ້ຮັບໄຊຊນະຮອບສອງກໍຈະຮັບເອົາຄົນຈາກຖັນແຖວບາຍຣູເຂົ້າ ຮ່ວມໃນຄນະຣັຖບານ

ທ່ານບາຍຣູວ່າ ຍັງບໍ່ຮູ້ຈະສນັບສນູນຂ້າງໃດ ຂໍໃຫ້ເບິ່ງການໂຄສະນາຫາສຽງຂອງທັງ ສອງຝ່າຍເສັຽກ່ອນ ອາດໃຫ້ການສນັບສນູນຝ່າຍໂຣຢານກໍເປັນໄດ້ ແຕ່ທ່ານກໍຕິຕຽນ ທັງສອງຝ່າຍ ຕິຕຽນໂຣຢານດ້ານເສຖກິດ ແລະຕິຕຽນສາກໂກຊີດ້ານການເໝົາອຳ ນາດ ເພາະທ່ານກ່າວວ່າ ສາກໂກຊີໄປແຮງ ແລະມີລັກສນະເໝົາອຳນາດ

ສ່ວນທ່ານແບກນ້າຕີໂບ ເລຂາທິການກັມມະບານ CGT ທີ່ເປັນອົງການຈັດຕັ້ງແຮງ ງານສຳຄັນສາຍນຶ່ງກໍວ່າ ບໍ່ໃຫ້ການສນັບສນູນຝ່າຍໃດ ໂດຍສະເພາະບໍ່ສນັບສນູນ ຝ່າຍສາກໂກຊີ ຍ້ອນບໍ່ເຫັນພ້ອມກັບນະໂຍບາຍແຮງງານກ່ຽວກັບວ່າ ເຮັດວຽກຫຼາຍ ໄດ້ເງິນຫຼາຍ...

ສ່ວນທີ່ກຽວກັບການໂຕວາທີນັ້ນ ກໍເຄີຍມີມາຫຼາຍຊຸດແລ້ວ ນັບແຕ່ປີ 1974 ເປັນຕົ້ນ ມາ ມີເຖິງສີ່ເທື່ອດ້ວຍກັນຫຼັງຈາກຮອບທີ່ນຶ່ງດັ່ງນີ້ :
-1974 ມິດຕຣັງ (ສັງຄົມນິຍົມ : 49.1%) ~ ຊິສກ້າ (UDF: 50.9) ທ່ານຊິສກ້າ ເປັນປະທານາທິບໍດີ

-1981 ມິດຕຣັງ (ສັງຄົມນິຍົມ : 51.7%) ~ ຊິສກ້າ (UDF : 48.3%) ມິດຕຣັງ ເປັນປະທານາທິບໍດີ

-1988 ມິດຕຣັງ (ສັງຄົມນິຍົມ : ) ~ ຊີຣັກ (RPR : 53.9) ຊີຣັກ ປະທານາທິບໍດີ

-1995 ຊີຣັກ (RPR : 52.0%) ~ ຊົສແປັງ (ສັງຄົມ. 48.0%) ຊີຣັກ ປະທານາ

-2002 ບໍ່ມີການໂຕ້ວາທີ ເພາະຊີຣັກປະຕິເສດເລີເປັນຈາກພັກຂວາຈັດ ເພື່ອຫຼີກເວັ້ນ ການປະທະກັນຮ້າຍແຮງ ເພາະສອງຄົນບໍ່ເຂົ້າກັນແຕ່ເຫິງນານ ເລີເປັນມັກທ້າທາຍ ຊີຣັກຕລອດເວລາ ບໍ່ວ່າໃນໂອກາດໃດໆກໍແລ້ວແຕ່ ແລະໂຈມຕີບໍ່ແລ້ວບໍ່ເຊົາ...