ຝລັ່ງ/ຜົນການໂຕ້ວາທີ

ພາຍຫຼັງໂຕ້ວາທີ

ໂດຍ  ໂສວົງ

ບົດຄວາມນີ້ເຜີຍແຜ່ເມື່ອວັນທີ 29/04/2007 ແກ້ໄຂໃຫມ່ຫລ້າສຸດເມື່ອວັນທີ 29/04/2007 à 11:56 TU

ບາຍຣູ~ໂຣຍານຈັບມືກັນ ວັນທີ່ 28/4/07 (AFP)

ບາງສ່ວນເຫັນວ່າເປັນການດີເພື່ອຄວາມ ແຈ້ງຂາວ ລຳລັບພັກຂວາ UMP ພັດ ວ່າ ເປັນການລັດໜ້າສາກໂກຊີທີ່ຈະໂຕ້ ກັບໂຣຢານໃນວັນທີ່ 6/5/07 ແລະວ່າ ຂັດຕໍ່ນະໂຍບາຍເລືອກຕັ້ງແບບປະຊາທິ ປະໄຕ ໂດຍບໍ່ເຄີຍມີຈັກເທື່ອທີ່ຜູ້ສມັກຕົກ ຮອບ ເຂົ້າໂຕ້ວາທີກັບຜູ້ໄດ້ເຂົ້າຮອບ

ຫຼັງຈາກການໂຕ້ວາທີແລ້ວ ທັງສອງຄູ່ໂຕ້ກໍປະກາດດ້ວຍສຽງຊົມຊື່ນວ່າ ບໍ່ມີການຕໍ່ ລອງກັນແນວໃດລະຫວ່າງສອງພັກການເມືອງ ບໍ່ວ່າ ໃນໄລຍະນີ້ ກໍຄືກັນກັບໃນຂ້າງ ໜ້າ ເປັນການໂອ້ລົມ ເພື່ອໃຫ້ປະຊາຊົນທີ່ໄດ້ປ່ອນເອົາທ່ານບາຍຣູເກືອບເຈັດລ້ານ ນັ້ນ ໄດ້ສຶກສາພິຈາຣະນາວ່າ ຊິປ່ອນເອົາໃຜໃນຮອບສອງ ເພື່ອໃຫ້ຮູ້ເຖິງຄວາມແຕກ ຕ່າງ ແລະ ຄວາມຖືກກັນດ້ານນະໂຍບາຍຂອງສອງຝ່າຍ ແລ້ວປະຊາຊົນກໍແຈ້ງຂາວ ໃນການຈະເລືອກເອົາໃຜເປັນປະທານາທິບໍດີ ເພາະມັນກ່ຽວພັນເຖິງຄວາມເປັນຢູ່ກິນ ແຕ່ລະມື້

ເມື່ອມີການຊັກຖາມປວງຊົນຈາກເຂດຕ່າງໆໃນປະເທດຝລັ່ງແລ້ວ ສຳລັບພວດທີ່ໄດ້ ປ່ອນເອົາທ່ານບານຣູໃນຮອບທີ່ນຶ່ງ ບາງສ່ວນກໍບອກແຈ້ງໂລດວ່າ ຈະປ່ອນເອົາ ມາດາມໂຣຢານ ເພາະນະໂຍບາຍຄືກັນກັບສ່ວນຫຼາຍທີ່ມີໃນພັກປະຊາທິປະໄຕຂອງ ທ່ານບາຍຣູ ແຕ່ບາງສ່ວນກໍວ່າ ບໍ່ປ່ອນເອົາໂຣຢານ ເພາະນະໂຍບາຍບໍ່ແຈ້ງຂາວ ດ້ານເສຖກິດ ຈະເລືອກເອົາທ່ານສາກໂກຊີ

ຄຳຕອບກົງໂລດທີ່ວ່າ ຈະເລືອກເອົາຜູ້ນັ້ນຜູ້ນີ້ ກໍບໍ່ເປັນຂອງລັບແຕ່ຢ່າງໃດ ຕອຍ ດ້ວຍຄວາມຈິງໃຈແທ້ ອັນສະແດງວ່າ ປະຊາຊົນຝລັ່ງຕິດຕາໃການໂຄສະນາຫາສຽງ ຢ່າງໃກ້ສິດຕິດແທບ ຮູ້ນະໂຍບາຍຂອງແຕ່ລະຜູ້ສມັກຢ່າງລະອຽດ ບໍ່ມີຫຍັງອຳບັງ ເຂົາເຈົ້າເອົາໃສ່ນຳຄວາມເປັນພົລເມືອງດີ ເພື່ອຢາກໄດ້ຜູ້ນຳທີ່ດີ ເໝາະກັບຄວາມ ຕ້ອງການຂອງຕົນ

ນະໂຍບາຍທີ່ແຕກຕ່າງກັນ ກໍຢູ່ບ່ອນເສຖກິດ ວິຖີທາງພັທນາເສຖກິດໃຫ້ຂຍາຍໂຕ

ການຂຶ້ນເງິນເດືອນໂດບທຽບໃສ່ເອີໂຣບຕາເວັນອອກກັບຕາເວັນຕົກ ແລະອື່ນໆ ເຊັ່ນວ່າ ເງິນເດືອນຫຼຸດກັນຫຼາຍດັ່ງນີ້ເປັນຕົ້ນ ສອງເຂດມີຄວາມເຂີນກັນຫຼາຍ ຈະ ແກ້ໄຂແນວໃດໃນປະເທດຝລັ່ງ...

ສ່ວນຈຸດທີ່ເຂົ້າກັນໄດ້ ກໍຢູ່ບ່ອນໂຄງການປະຕິຮູບກົດໝາຍຕ່າງໆ ປະຕິຮູບດ້ານ ການປົກຄອງເປັນຕົ້ນໃຫ້ອຳນາດແກ່ສະພາຫຼາຍຂຶ້ນ ມາດາມໂຣຢານຕິຕຽນການ ເໝົາອຳນາດໂດຍພັກດຽວໃນສະພາ ແບບບໍ່ມີການປະກອບສ່ວນຈາກພັກຝ່າຍຄ້ານ ບາງເທື່ອກໍມີຈຳນວນຜູ້ແທນບໍ່ຄົບຈຳນວນເໝາະສົມໃນການລົງທະຕິຮັບເອົາກົດໝາຍ ສຳຄັນບາງດ້ານ ເຊິ່ງເຫັນວ່າ ບໍ່ແມ່ນປະຊາທິປະໄຕສົມບູນ ເພິ່ນຕ້ອງການໃຫ້ມີ ການປະກອບສ່ວນກັບທຸກໆພັກການເມືອງທີ່ມີຜູ້ແທນເຂົ້ານັ່ງໃນສະພາກ່ຽວກັບບັນ ຫາຂອງຊາດ...

ສ່ວນທີ່ກ່ຽວກັບບັນຫາເອີໂຣບນັ້ນ ກໍຄືກັນ ມີຈຸດຄືກັນຢູ່ບ່ອນລົງປະຊາມະຕິຕໍ່ ຣັຖທັມມະນູນເອີໂຣບໃນປີ 2009 ໃນໂອກາດດຽວກັບການເລືອກຕັ້ງສຳລັບເອີໂຣບ
ເອງ

ສ່ວນທ່ານສາກໂກຊີນັ້ນ ກໍເວີ່ນຢູ່ນອກກັບຄນະຂອງເພິ່ນ ໃນເວລາສອງທ່ານໂຕ້ວາທີ ກັນຜ່ານໂທລະພາບວັນທີ່ 28/4/07 ແຕ່ 11 ໂມງ ເປັນເວລານຶ່ງຊົ່ວໂມງເຄິ່ງ ທ່ານ ສາກໂກຊີໄປຢ້ຽມຢາມໂຮງງານຕົ້ມເຫຼັກແຫ່ງນຶ່ງໃນຕ່າງແຂວງ ເພິ່ນໃຫ້ທັສນະວ່າ ສອງຄົນຕີຄໍກັນ ຊອກວິທີປັນສ່ວນອຳນາດແນວໃດແນວນຶ່ງ ສ່ວນຂ້າພະເຈົ້າກໍອອກ ຫາສັມຜົດປະຊາຊົນໂລດ ທ່ານສາກໂກຊີວ່າ ການໂຕ້ວາທີລະຫວ່າງຜູ້ສມັກຮອບສອງ ກັບຜູ້ຕົກຮອບ ແມ່ນຂັດຕໍ່ກົດໝາຍເລືອກຕັ້ງ ບໍ່ເປັນການດີແຕປະການໃດ

ສ້ວນທ່ານບາຍຣູພັດແຮງປະກາດສຽງດັງວ່າ ຕຽມພ້ອມໂຕ້ວາທີກັບທ່ານສາກໂກຊີ ລັກສນະດຽວກັບມາດາມໂຣຢານ ປແຕ່ທ່ານສາກໂກຊີກໍຢູ່ໃນທ່າທີບໍ່ໄດ້ຍິນສຽງດັ່ງ
ກ່າວ

ນອກນັ້ນ ກ່ອນໂຕ້ວາທິ ທັງສອງຍັງປະກາດວ່າທ່ານສາກໂກຊີມີການພົວພັນກັບວົງ
ການທຸລະກິດໃຫຍ່ ຢູ່ເບື້ອງຫຼັງ ເຊິ່ງທ່ານບາຍຣູວ່າ ເປັນອັນຕະລາຍແກ່ປະເທດ

ສລູບແລ້ວ ທັງສອງຄູ່ໂຕ້ວາທີອອກຜົນສອງຢ່າງສຳຄັນ ມີການນັບຖືຜູ້ມີສິດທິປ່ອນ ບັດເອົາຕົນ ແລະ ເບິ່ງຜົນປໂຍດຍາວນານໃນການຮ່ວມງານກັນໃນອານາຄົດຂ້າງ ໜ້າ ເພື່ອທັບມ້າງກົນໄກໂຈມຕີເຊິ່ງກັນແລະກັນລະຫວ່າງພັກການເມືອງຕ່າງໆໃນ ເວທີການເມືອງຝລັ່ງທີ່ກາຍເປັນປະເພນີຜ່ານມາຫຼາຍທົສວັດ ຕ້ອງປະສານງານກັນ ເພື່ອແກ້ໄຂບັນຫາສັງຄົມທີ່ປະເທດພົບພໍ້ຢູ່ເຫິງນານ