ຝລັ່ງ/ສາກໂກຊີ~ໂຣຢານ

ໂຕ້ວາທີ 2/5/07 21 ມ.

ໂດຍ  ໂສວົງ

ບົດຄວາມນີ້ເຜີຍແຜ່ເມື່ອວັນທີ 01/05/2007 ແກ້ໄຂໃຫມ່ຫລ້າສຸດເມື່ອວັນທີ 01/05/2007 à 12:36 TU

ໂຣຢານ~ສາກໂກຊີ ຕຽມໂຕ້ ວາທີວັນທີ່ 2/5/07 21:00
ຮູບ:AFP ປະກອບຕື່ມໂດບ SD

ການໂຕ້ວາທີກັນ ລະຫວ່າງທ່ານ ສາກໂກຊີ ກັບ ມາດາມໂຣຢານ ຄົງ ເຜັດຮ້ອນແນ່ນອນໃນແລງວັນທີ່ສອງ ພຶສພາ 2007 ເຊິ່ງປວງຊົນຄອງຖ້າ ຢ່າງເອົໃຈໃສ່ເປັນພິເສດ ເພາະເປັນ ຄູ່ແຂ່ງໃນການເລືອກຕັ້ງຮອບສອງທີ່ ຈະມີຂຶ້ນໃນວັນອາທິດທີ່ 6/5/07

ໃນປະຊາຊົນ 44 ກວ່າລ້ານທີ່ມີສິດທິປ່ອນບັດ ຄິດວ່າ ຄົງມີຜູ້ເບິ່ງໂທລະພາບຢ່າງ ຫຼວງຫຼາຍ ເພາະເປັນສມັຍທີ່ທັງສອງນຳນະໂຍບາຍປ່ຽນແປງການເມືອງຝລັ່ງ
ແລະ ປະຊາຊົນກໍຕ້ອງການໃຫ້ປ່ຽນແປງຄືກັນ ອອກຈາກສະພາບເກົ່າເຂົ້າສູ່
ສະພາບໃໝ່ ຈະແມ່ນຕາມແນວທາງຂອງຝ່າຍສັງຄົມນິຍົມ ຫຼືວ່າຕາມແບບຂອງ
ຝ່າຍຂວາ ກໍຈິ່ງ ເບິ່ງກັນຕໍ່ໄປ

ນັບແຕ່ປີ 1974 ເປັນຕົ້ນມາ ແມ່ນເປັນໄປຕາມກົດການເລືອກຕັ້ງ ໃນຊຸດນີ້ ແຕ່ລະ ຄົນກໍຄົງສຶກສາເບິ່ງລະອຽດລົງເລິກ ຄຳເວົ້າ ປໂຍກເວົ້າ ແນວຈະເວົ້າຈະໂຕ້ ເພື່ອ ເອົາຊນະຄູ່ໂຕ້ຂອງຕົນ

ທ່ານສາກໂກຊີທີ່ທາງອົງການສະຖິຕິຢັ່ງສຽງວ່າ ຈະເປັນຜູ້ໄດ້ຊນະນັ້ນ ກໍຍັງມີຈຸດ ອ່ອນຢູ່ເຊິ່ງຜູ້ກ່ຽວສະແດງອອກມາເລີຍໆໃຫ້ຄູ່ແຂ່ງສາມາດຈັບພິລຸດໄດ້ ກໍຄື
ມາດາມ ໂຣຢານເຫັນວ່າ ທ່ານສາກໂກຊີມາໃນທ່າທາງຮຸນແຮງພ້ອມກັບຄຳປາ
ສັຍກໍຮຸນແຮງ ແຕ່ຜູ້ຊຽວຊານຮັບຮູ້ວ່າ ທ່ານເປັນນັກປາຖົກເກັ່ງ ບໍ່ຂ້ອງບໍ່ຄາ ບໍ່ອັ້ນ
ບໍ່ຢ່ອນ

ແຕ່ວ່າ ຄູ່ໂຕ້ວາທີພັດແມ່ນເພດຍິງ ທ່ານສາກໂກຊີຈະອອກທ່າທາງຈຽມເພດຍິງ
ຫຼື ແນວໃດ ເພິ່ນກໍເຄີຍໃຫ້ຄວາມເຫັນຜ່ານມາວ່າ ເພິ່ນຈະໂຕ້ວາທີກັບຂູ່ແຂ່ງ ທີ່ເປັນ ນັກການເມືອງເດັ່ນຄົນນຶ່ງ ບໍ່ແມ່ນມາລັກສນະເພດຍິງ ມາດາມໂຣຢານມາລັກສນະ ນັກໂຕ້ວາທີການເມືອງ ສະນັ້ນທ່ານສາກໂກຊີກໍອອກປາກວ່າ ແມ່ນໂຕ້ກັບຄູ່ແຂ່ງ ບໍ່ ແມ່ນໂຕ້ກັບແມ່ຍິງ ດັ່ງຜູ້ຄົນທັງຫຼາຍເຂົ້າໃຈນັ້ນ ແມ່ນໂຕ້ກ່ຽວກັບໂຄງການການ ເມືອງຕ່າງຫາກ ບໍ່ແມ່ນໃນລັກສນະວ່າ ກົດດັນເພດຍິງ ຫຼືບໍ່ນັບຖືເພດຍິງ

ສ່ວນມາດາມໂຣຢານນັ້ນ ກໍເຄີຍຄິດແລ້ວວ່າ ຢ້ານແຕ່ທ່ານສາກໂກຊີເວົ້າເຖິງວ່າ
ຕົນ ເປັນຝ່າຍຮັບກັມຖືກໂຈມຕີສຽດສີ ດັ່ງທີ່ທ່ານເຄີຍອ້າງຂຶ້ນມາເລື້ອຍໆ ມາດາມ
ໂຣຢານ ອາດເອີ່ຍເຖິງຜົນງານຂອງຣັຖບານ ໃນນັ້ນທ່ານສາກໂກຊີເຄີຍສັງກັດຢູ່ກໍຄື
ເຄີຍເປັນ ຣັຖມຸນຕີພາຍໃນແລະເສຖກິດການເງິນ ນອກນັ້ນ ໂຣຢານອາດຕິຕຽນການ
ເມືອງ ພາຍນອກຂອງຣັຖບານກໍເປັນໄດ້

ມາດາມໂຣຢານວ່າ ບໍ່ເຄີຍຫວັ່ນວິຕົກຕໍ່ໜ້າການໂຕ້ວາທີ ຫຼືການໂອ້ລົມໃດໆກໍຕາມ ຜ່ານມາໃນຊີວິດ ເພິ່ນກ່າວວ່າ ໃນຊີວິດການເມືອງນີ້ ມີແຕ່ການໂອ້ລົມລະຫວ່າງຄູ່ ຮ່ວມງານຕລອດມາ ເພື່ອແກ້ບັນຫາຕ່າງໆ

ສ່ວນທ່ານສາກໂກຊີກໍວ່າ ຕຽມພ້ອມສເມີຢ່າງເອົາໃຈໃສ່ເປັນພິເສດ ທ່ານວ່າ ຂໍໂຕ້ ກັນດ້ວຍຄວາມນັບຖື ແລະດ້ວຍຄວາມເດັດດ່ຽວ ບໍ່ເຄີຍຖອຍຕໍ່ໜ້າການໂຕ້ລັກສນະ
ນີ້ ເພື່ອແກ້ຂໍ້ຂ້ອງໃຈຂອງປະຊາຊົນ

ເມື່ອກ່າວເຖິງທ່ານເອຣິກແບັດຊົງ (Eric Besson) ອະດີດທີ່ເປິກສາຂອງ
ມາດາມ ໂຣຢານທີ່ໄດ້ໂຕນໄປຫາຝ່າຍສາກໂກຊີກໍຄົງເປັນຜູ້ແນະນຳທ່ານ
ສາກໂກຊີໃຫ້ຮູ້ຈັກຈຸດ ອ່ອນຂອງມາດາມໂຣຢານ

ມາດາມໂຣຢານອາດຕິຕຽນສາກໂກຊີ ຫຼື ພັກ UMP ວ່າ ພຍາຍາມສ້າງຄວາມ ແຕກແຍກພາຍໃນສັງຄົມຝລັ່ງ ໂຣຢານບຸກໂຈມຕີສາກໂກຊີສອງໜ້າກະດານ ຄື ສາກໂກຊີໃຊ້ຄວາມຮຸນແຮງ ບໍ່ວ່າ ພາກປະຕິບັດ ກໍຄືກັນກັບທາງປາສັຍປາກເວົ້າ ແລະໜ້ານຶ່ງອີກ ກໍແມ່ນສາກໂກຊີສ້າງຄວາມແຕກແຍກພາຍໃນປະຊາຊົນ

ສ່ວນສະຖານທີ່ໂຕ້ວາທີ ກໍຄົງເປັນບ່ອນທີ່ຕ້ອງເອ້ກັນແບບທັນສມັຍ ເພື່ອຫັນຫຼັງໃສ່ ສະພາບຫຼ້າຫຼັງຂອງການເມືອງຝລັ່ງ ເພາະທັງສອງທ່ານກໍເປັນນັກການເມືອງ
ຮຸ່ນໃໝ່

ໃນວັນທີ່ 10/5/1974 ມີການໂຕ້ວາທີຄັ້ງຕຳອິດໃນປວັດສາດການເລືອກຕັ້ງ ທີ່ມີຂຶ້ນ ລະຫວ່າງທ່ານຊິສກ້າ ຈາກພັກກາງ ກັບທ່ານມິດຕຣັງ ຈາກພັກສັງຄົມນິຍົມ ໃນ
ສມັຍນັ້ນ ອົງການໂທລະພາບຍັງບໍ່ທັນມີອຳນາດເຕັມ ພວກເບິ່ງໂທລະພາບມີຢູ່ 25 ລ້ານຄົນ ສ່ວນປະຊາຊົນທີ່ມີສິດທິປ່ອນບັດກໍມີ 29 ລ້ານຄົນ ແຕ່ສຳລັບປີນີ້ 2007 ກໍມີ
44 ລ້ານ 5 ແສນ ແລ້ວກໍຍັງມີຜູ້ສົນໃນການເລືອກຕັ້ງເຖິງ 85% ຄົງມີຫຼາຍທີ່ສຸດ
ທີ່ຈະເບິ່ງການໂຕ້ວາທີດັ່ງກ່າວ