ຝລັ່ງ/ໜີ້ສິນຕໍ່ໜ້າລາຍຮັບຊາດ

ໜີ້ສີນ 1151.8 ຕື້ເອີໂຣ

ໂດຍ  ໂສວົງ

ບົດຄວາມນີ້ເຜີຍແຜ່ເມື່ອວັນທີ 03/05/2007 ແກ້ໄຂໃຫມ່ຫລ້າສຸດເມື່ອວັນທີ 03/05/2007 à 12:00 TU

ສະພາບເສຖກິດບໍ່ກ້າວໜ້າ ກໍເຮັດໃຫ້ໜີ້ສີນທີ່ມີຢູ່ຢ່າງ ຫຼວງຫຼາຍນັ້ນທະວີຄູນຂຶ້ນ ກຣາຟິກ ໂດຍ ຊູລີ ບີຣູນ RFI ພາສາຝລັ່ງ (Insee)

ໜີ້ສິນຝລັ່ງ ນັບແຕ່ປີ 2002 ເຖິງວັນ ທີ່ 30/9/06 ມີເຖິງ 1151.8 ຕື້ເອີໂຣ (1151 ຕື້ ເອີໂຣ ກັບ 800 ລ້ານ ) ເຊິ່ງກາຍມາເປັນແນວເດີມພັນການ ເມືອງລະຫວ່າງຜູ້ສມັກປະທານາທິບໍດີ ເພາະຝ່າຍໃດກໍວ່າ ສາມາດແກ້ໄຂໜີ້ ສີນດັ່ງກ່າວນີ້ດ້ວຍວິທີຕ່າງໆກັນໄປ

ເສຖກິດຝລັ່ງບໍ່ກ້າວໜ້າໄດ້ໃນໄຕມາດທີ່ສາມຂອງປີ 2006 ສ່ວນໜີ້ສີນກໍດືບຂຶ້ນຢູ່ບໍ່
ເຊົາ ທ່ານສາກໂກຊີຈາກພັກຂວາກຳອຳນາດປັດຈຸບັນມີນະໂຍບາຍວ່າ ຕ້ອງສ້າງ
ວຽກງານໃຫ້ຫຼາຍ ຕ້ອງເຮັດໃຫ້ວຽກງານນັ້ນເສຣີ ຄື ປ່ອຍໃຫ້ມີການເຮັດວຽກຫຼາຍ
ກໍຈະໄດ້ເງິນຫຼາຍ ໂດຍບໍ່ມີການເສັຽພາສີລາຍໄດ້ສຳລັບຊົ່ວໂມງພິເສດນັ້ນ..

ສ່ວນມາດາມໂຣຢານຈາກພັກສັງຄົມນິຍົມກໍວ່າ ຕ້ອງຮັກສາ 35 ຊົ່ວໂມງໄວ້ພ້ອມ
ທັງສຶກສາເບິ່ງຕື່ມອີກວ່າ ກຳນົດເວລາເຮັດວຽກດັ່ງກ່າວນີ້ສອດຄ່ອງກັບທຸກໆບໍ
ລິສັດ ຕ້ອງເຈລະຈາກັບສັງຄົມແຮງງານກ່ຽວຂ້ອງຕ້ອງຫຼຸດຜ່ອນການເກັບພາສີ
ລາຍໄດ້...ທັງສອງຄົນກໍວ່າ ເມື່ອເສຖກິດກ້າວໜ້າ ກຊຈະສາມາດສະສາງໜີສີນໄດ້

ຕໍ່ໄປນີ້ ຈະໃຫ້ໂຕເລກເປັນຈຳນວນຕື້ເອີໂຣ ກ່ຽວກັບໜີ້ສີນ ອີງຕາມແຫຼ່ງຂໍ້ມູນທີ່ໄດ້ ຈາກ ເອີໂຣສະຕາ (Eurostat) ເທິງພື້ນຖານລາຍຮັບຊາດ (PIB) ດັ່ງນີ້ :
(E = ເອີໂຣ/ຢູໂຣ)

*2002 :         58.2% (90.1837 ຕື້ E)
*2003 :         62.4% (994.627 ຕື້ E)
*2004 :         64.4% (1069.165 ຕື້ E)
*2005-2006 : 66.6% (1151.800 ຕື້ E) ຮອດວັນທີ່ 30/9/06

              ຮູບກຣາຟິກ ແຕ້ມໂດຍ ໂສວົງ/Graph.-SD