ຝລັ່ງ/ປ່ອນບັດຮອບສອງ 6/5/07

ສາກໂກຊີ~ໂຣຢານ ມື້ສຸດທ້າຍ

ໂດຍ  ໂສວົງ

ບົດຄວາມນີ້ເຜີຍແຜ່ເມື່ອວັນທີ 06/05/2007 ແກ້ໄຂໃຫມ່ຫລ້າສຸດເມື່ອວັນທີ 06/05/2007 à 07:31 TU

ຮູບ: AFP/ໂສວົງປະກອບໃໝ່

ຫຼາຍປະເທດໃນໂລກຈ້ອງເບິ່ງປະເທດ ຝລັ່ງໃນແລງວັນອາທິດນີ້ວ່າ ປະທານາ ທິບໍດີ 2007-2012 ຈະເປັນຊາຍຫຼືຍິງ ເພາະເປັນຄັ້ງແຮກທີ່ມີຜູ້ຍິງເຂົ້າຮອບ ສອງໃນປວັດສາດການເລືອກຕັ້ງປະທາ ນາທິບໍດີຝລັ່ງ ເຫດການດັ່ງກ່າວຍັງເປັນ ການມ້ວນທ້າຍສະພາບການເມືອງເກົ່າ

ການໂຕ້ວາທີຜ່ານມາແລງວັນທີ່ 2/5/078 ລະຫວ່າງຜູ້ບິງ ກັບ ຜູ້ຊາຍທີ່ເຂົ້າແຂ່ງ ຮອບສອງໃນການສມັກເປັນປະທານາທິບໍດີ ແມ່ນເປັນການອັດການໂຄສະນາຫາສຽງ ລະດັບສຳຄັນສຳລັບຮອບສອງຊຸດປີ 2007

ການໂຕ້ວາທີດັ່ງກ່າວຍັງໃຫ້ການສຶກສາຢ່າງກວ້າງຂວາງ ການວິເຄາະຕ່າງໆນາໆ ອັນເຮັດໃຫ້ວົງການການເມືອງ ການສັງຄົມ ສື່ມວນຊົນ ແລະອື່ນໆອີກບໍ່ວ່າງເວລາ

ການໂຕ້ວາທີຈະມາລັກສນະເຜັດຮ້ອນ ໃຈຮ້ອນ ຫຼືໃຈເຢັນກໍຕາມ ກໍຍັງເປັນບາດ ກ້າວສຳຄັນໄຂສູ່ສາກການເມືອງສັກລາດໃໝ່ຍ້ອນສອງທ່ານນີ້ລະ ສອງທ່ານເປັນ ປໂຍດທັງສອງແກ່ສັງຄົມການເມືອງ ແລະ ອື່ນໆ ເພາະຖືເປັນບົດຮຽນຄັ້ງເດັດຂາດ ເຂົ້າສູ່ການຕັດຂາດກັບແນວທາງເດີມ ບໍ່ວ່າ ຈະເປັນຝ່າຍຊ້າຍຫຼືຝ່າຍຂວາ 

ວົງການຜູ້ຊຽວຊານອອກເປັນສຽງສ່ວນຫຼາຍວ່າ ການທີ່ມີຜູ້ຍິງເຂົ້າໂຕ້ວາທີໃນ
ລະດັບສູງຂອງການເມືອງແນວນີ້ ແມ່ນສະແດງເຖິງຄວາມກ້າວໜ້າຂອງການ
ເມືອງຝລັ່ງນິດສັຍຊາວຝລັ່ງສ່ວນນຶ່ງກໍຍັງຮັບຍາກທີ່ຈະເຫັນແມ່ຍິງຂຶ້ນເປັນຜູ້ນຳ
ສູງສຸດແນວນີ້ອາດເກີດຈາກແນວຄິດສາທາລະນະລັດທີ່ສອງ (1848-1852)
ກໍເປັນໄດ້ທີ່ບັນຍັດໄວ້ວ່າ ປະທານາທິບໍດີນັ້ນ ຕ້ອງໃຫ້ມີແຕ່ເພດຊາຍທໍ່ ກໍດ້ວຍວ່າ
ຫຼັງຈາກມີການຫຼົ້ມລະບອບກະສັດໃນປີ  1848 ກໍມີບຸກຄົນຈາກວົງການສັກດິດາມາ
ເປັນປະທານາທິບໍດີໃນສາທາລະນະລັດທີ່ສອງດັ່ງກ່າວ

ຕຳອິດກ່ອນການແຕ່ງຕັ້ງຈາກພັກ ທັງສອງຄົນນີ້ກໍບໍ່ໄດ້ຮັບຄວາມນິຍົມໂລດ ເພາະ

ຢູ່ໃນພັກນັ້ນກໍຍັງມີຄົນອື່ນປາຖນາສມັກກໍມີ ຈົນໄດ້ມີການເລືອກເອົາພາຍໃນພັກ
ຕ່າງຫາກ ສອງຄົນດັ່ງກ່າວຈິ່ງຖືກພັກຮັບຣູ້ເອົາໃນເວລາຕໍ່ມາ

ເຖິງວ່າທັງສອງຫາກອອກນະໂຍບາຍປ່ຽນແປງລັກສນະຕ່າງກັນກໍຕາມ ແຕ່ທັງ
ສອງຫາກການເປັນສັນຍະລັກແຫ່ງການໄຂສາກສັກລາດໃໝ່ໄປສູ່ການເມືອງແນວ
ໃໝ່