ການເລືອກຕັ້ງປະທານາທິບໍດີຝຣັ່ງ

ການເລືອກຕັ້ງຂອງຊົນຝຣັ່ງ ໃນເຂດອຶ່ນໆ

ໂດຍ  ສິຣິ

ບົດຄວາມນີ້ເຜີຍແຜ່ເມື່ອວັນທີ 06/05/2007 ແກ້ໄຂໃຫມ່ຫລ້າສຸດເມື່ອວັນທີ 06/05/2007 à 13:37 TU

ການປະກອບສ່ວນ ຂອງປະຊາຊົນຝຣັ່ງ ທີ່ ເຂດ  Antilles ແລະ  Guyane ໃນການ
ເລືອກຕັ້ງຮອບສອງນີ້ ມີຫລາຍກວ່າ ຮອບທຳອິດ ອິງຕາມການເຜີຍຂອງ ທາງການ
ໃນ ເຂດທີ່ແຈ້ງ ເຖິງເຣື່ອງນີ້ກໍແມ່ນ
ທີ່ Guyane ນັ້ນ ມີ ການປະກອບສ່ວນ 56% ຊຶ່ງ ຮອບທຳອິດ ມີພຽງ 53,3% ເປັນ
ສຖິຕິ ຕອນ 16 ມ 30 ວານນີ້
ທີ່ Guadeloupe ມີ 43,2% ສ່ວນຮອບ ທີ່ນຶ່ງມີ 37,9%
ທີ່ Martinique ແມ່ນ 41,2% ສ່ວນຮອບ ທີ່ນຶ່ງມີ 41,5%
ປະຊາຊົນຝຣັ່ງ ໃນ 3 ເຂດນີ້ ມີທັງມວນ 653 000 ຄົນ ແລະຜົນ ຂອງການລົງຄແນນ
ຈະຮູ້ໄດ້ ກໍອາດ ຈະແມ່ນໃນຕອນແລງ ມື້ນີ້ໃນ ເວລາປະມານ  20 ມ 00

ທີ່ເຂດອະເມຣິກາເໜືອ ການໄປໃຊ້ສິດ ອອກສຽງຂອງປະຊາຊົນທີ່ໄດ້ຈົດລົງທະບຽນ
ກໍ ມີ 74 000 ຄົນ ສ່ວນ ທີ່ ການາດາ ມີ 46 000 ຄົນ    
ຫ້ອງການ ປ່ອນບັດຖືກໄຂໃນເວລາດຽວກັນບໍ່ວ່າ ທີ່ Montréal  NewYork  ຫລື Washington ຄື 8 ມ ເຊົ້າ ວານນີ້ຕາມເວລາທ້ອງຖິ່ນ ກົງກັບ  ເວລາມາຕຖານ
ສາກົນ ກໍແມ່ນ ຕອນທ່ຽງ

ທັສນະ ຂອງຄົນຝຣັ່ງຜູ່ນຶ່ງ ທີ່ ມີທຸຣະກິດຢູ່ ນິວຢ໋ອກ ນານເຖິງ 20 ປີ ໄດ້ ບອກວ່າ
“ ໃນ ປັດຈຸບັນນີ້  ບັນຫາ ຂອງໂລກສຳຄັນກວ່າ ແລະ ຜູ່ລົງສມັກ ທັງສອງຄົນໃນ
ຮອບສອງ ກໍ ເປັນຄົນຮຸ່ນໃໝ່ ແລະກໍຕ້ອງຮູ້ຈັກເລືອກເອົາຜູ່ທີ່ເໝາະສົມ"
ທີ່ ການາດາ ຂ່າວນີ້ແມ່ນ ຢູ່ໃນໜ້ານຶ່ງ ຂອງ ລາຍວັນ Le Devoir ທີ່ຂຽນພາດໜ້າ
ປົກ ວ່າ ການວາງເດີມພັນຂອງການ ເລືອກຕັ້ງຄັ້ງນີ້ ແມ່ນ  ການປັບຕົວຂອງປະ
ເທດຝຣັ່ງ ໃຫ້ເຂົ້າກັບ ສັຕວັດ ທີ່ 21

ທີ່ ສປປລາວ ອິງຕາມ ເມລ ທີ່ຖືກສົ່ງມາເຖິງພວກເຮົາ ຈາກ ນະຄອນ ວຽງຈັນນັ້ນ ກໍ ແມ່ນມີ ຈຳນວນຄົນຈົດຊື່ລົງທະບຽນ 798 ຄົນ ແຕ່ໄປອອກສຽງ 390ຄົນ ບໍ່ອອກສຽງ
ຫລືຖືກລົບລ້າງ 9 ສຽງ ນີ້ກໍເປັນການໃຊ້ສິດອອກ ສຽງກັນໃນຮອບນຶ່ງ ຄັ້ງວັນທີ່ 22
ເມສາ ຜ່ານມາ